ሻብያን በፅኑ የሚቃወሙት የኤርትራ ሶስት ድርጅቶች የአፍሪካን ቀንድ ወቅታዊ ሁኔታ አስመልክተው ያወጡት መግለጫ። Joint Press Statement by Eritrean Coalition for Democratic Change, Eritrean National Council for Democratic Change and Eritrean United National Forces on Regional stability of the Horn

የመስቀል ደመራ በዓል በንግስት ዕሌኒ ሀገር በግሪክ ቅዳሜ መስከረም 16፣2019 ዓም በከፍተኛ ድምቀት ተከብሮ ዋለ።በግሪክ የምትገንኘው የአቴንስ ኪዳነምሕረት ቤተክርስቲያን ምእመናን ለቅዱስ ሲኖዶስ አቤቱታቸውን ደግመው አቀረቡ።

========
ልዩ ሪፖርታዥ
========

በእዚህ ርዕስ ስር የሚከተሉትን ንዑስ ርዕሶች ያገኛሉ።እነርሱም ፡ 

• የመስቀል ደመራ ለምን ይከበራል?
  
• ግማደ መስቀሉ  ወደ  ኢትዮጵያ እንዴት መጣ?
• የዘንድሮው የመስቀል ደመራ በዓል በአቴንስ፣ግሪክ የነበረው ገፅታ(ቪድዮ) እና ደመራውን ለማስተጓጎል የተደረገው ጥረት ክሽፈት።
• በደመራው ላይ ከምእመናን የተጠየቀው እና ለቅዱስ ሲኖዶስ በተለይ የሀገረ ስብከቱ ሊቀጳጳስ በተመለከተ የቀረበ ቅሬታ (ቪድዮ)

=========

የመስቀል ደመራ ለምን ይከበራል?

ታላቁ ቆስጠንጢኖስ የሮም ንጉሠ ነገሥት ከሆነ በኋላ በ300 ዓመታት ውስጥ ለመጀመርያ ጊዜ ለክርስቲያኖች የነጻነት ዐዋጅ ዐወጀ፡፡ ክርስትናም ብሔራዊ ሃይማኖት ተባለች፡፡ ንግሥት ዕሌኒም በተፈጠረላት አመች ሁኔታ በመጠቀም የጌታችን መስቀል ከተቀበረበት ለማውጣት በ327ዓ.ም ወደኢየሩሳሌም ሔደች፡፡ ዕሌኒ ልጅዋ ቆስጠንጢኖስ ክርስቲያን ከሆነላት ወደ ኢየሩሳሌም ሔዳ መስቀሉን ለመፈለግ እንዲሁም በኢየሩሳሌም ያሉ ቅዱሳት መካናትንና አብያተ ክርስቲያናትን ለማሳነጽ ለእግዚአብሔር ተሳለች፡፡ ከዚህ በኋላ ቆስጠንጢኖስ አምኖ በ337ዓ.ም ተጠመቀ፡፡ቅድስት ዕሌኒ ወደ ኢየሩሳሌም ሔደች ከእርሷም ጋር ብዙ ሠራዊት ነበር፡፡ እንደደረሰችም ስለከብረ መስቀል መረመረች ጠየቀች፡፡ ቦታውን የሚያስረዳት አላገኘችም፡፡ የአይሁድ ወገን እንቢ ቢሉም በኋላ ግን ባደረገችው ጥረት አረጋዊው ኪራኮስ የጎልጎታን ኮረብታ አመለከታት አስቆፍሪው ብሎ ነገራት ኪራኮስም ዘመኑ ከመርዘሙ ጋር ተያይዞ እውነተኛው ተራራ ይህ ነው ብሎ ማሳየት ባለመቻሉ ከሦስቱ ተራሮች አንዱ ነው ስላላት አይሁድ ተራሮቹን ይቆፍሩ ዘንድ አዘዘቻቸው፡፡የጌታችን ቅዱስ መስቀል ከጌታ ሞት እያመነ በተቸገሩ ግዜ ማንም እንዳያገኘው የኢየሩሳሌም ነዋሪ ሁሉ የእቤቱን ቆሻሻ የከበረ መስቀል ባለበት ቦታ እንዲጥል አይሁድ አዝዘው ስለነበር ከሁለት መቶዓመት በላይ ጥራጊ ስለጣሉበት ታላቅ ተራራ ሆነ፡፡

ዕሌኒ ተራሮቹን ለማስቆፈር ከሦስቱ ተራሮች የቱ እንደሆነ ለመለየት ደመራ አስደምራ ብዙ ዕጣንም በመጨመርና በማቃጠል ከአኢየሩሳሌም ወጣ ብለው ያሉትን ኮረብቶች  አሳያት፡፡ የእጣኑ ጢስ ወደ ሰማይ በመውጣት በቀጥታ ተመልሶ መስቀሉ ባለበት ተራራ ላይ በማረፍና በመስገድ መስቀሉ ያለበትን ትክክለኛ ስፍራ አመለከታት፡፡ ቅዱስ ያሬድም "ሰገደ ጢስ" ጢሱሰገደ ብሎታል፡፡ ከዚያም መስከረም 16 ቀን ቁፋሮው እንዲጀመር አዘዘች፡፡ ሰባት ወር ያህል ከተቆፈረ በኋላ መጋቢት 10 ቀን ሦስት መስቀሎች በአንድነት ተገኙ፡፡ የክብር ባለቤት ጌታችን የተሰቀለበት የትኛው እንደሆነ ለማወቅ ተቸገሩ፡፡  የሞተ ሰው አምጥተው በሁለቱ መስቀሎች ላይ በተራ ቢያስቀምጡት አልተነሣም፡፡ በመጨረሻ  በአንዱ መስቀል ላይ ቢያስቀምጡት ያን ጊዜየሞተው ሰው ተነሣ፡፡ በዚህም የጌታን መስቀል ለዩት፡፡ ዕሌኒም የጌታ መስቀል እንደሆነ አወቃ ሰገደችለት፡፡ ክርስቲያኖች ሁሉ ሰገዱለት፡፡ በየሀገሩ ያሉ ክርስትያኖች ሁሉ የመስቀሉን መገኘት በሰሙ ግዜ መብራት አብርተው ደስታቸውን በመግለጥ ለዓለም እንዲታወቅ አደረጉ፡፡ በዚህምምክንያት ይህ ታላቅ የድኅነት ምልክት የሆነው መስቀል የኢትዮጵያ ቤተክርስትያን ደመራ በመደመር በታላቅ መንፈሳዊ ሥነ ሥርዓት ታከብረዋለች፡፡

ግማደ መስቀሉ  ወደ  ኢትዮጵያ እንዴት መጣ?

ግማደ መስቀሉ ለብዙ ዘመን በእስክንድርያ ሲኖሩ በግብጽ ያሉ ሙስሊሞች እየበዙ ኃይላቸው እየጠነከረ ሲሔድ በእስክንድርያ የሚኖሩ ክርስትያኖች ላይ ሥቃይ ያጸኑባቸው ጀመር፡፡ክርስቲያኖቹም አንድ ሆነው መክረው ለኢትዮጵያዊው ዓጼ ዳዊት እንዲህ የሚል መልእክት ላኩ"ንጉሥ ሆይ! በዚህ በግብጽ ያሉ እስላሞች መከራ አጽንተውብናልና  ኃይልህን አንሥተህአስታግስልን'' ብለው ጠየቁት። ዳግማዊ ዓጼ ዳዊትም ለመንፈሳዊ ኃይማኖት ቀንተው የክርስቶስ ፍቅርአስገድዷቸው 20,000 ሠራዊት አስከትለው ወደ ግብጽ ዘመቱ በዚህ ጊዜ በግብጽ ያሉ ኃያላን ፈሩ፣ተሸበሩ ንጉሡ ዳግማዊ ዳዊትም እንዲህ የሚል መልዕክት ለእስላሞቹ ላከ በተፈጥሮ ወንድሞቻችሁከሆኑት ክርስቲያኖች ካልታረቃችሁ ሀገራችሁን መጥቼ አጠፋለሁ" የሚል ማስጠንቀቂያ ላከ፡፡የንጉሡ መልዕክትም ለእስላሞቹ እንደደረሳቸው ፈርተው እንደ ጥንቱ በየሃይማታቸው ጸንተው በሰላም እንዲኖሩ ከክርስቲያን ወንድሞቻቸው ጋር ታረቁ፡፡ መታረቃቸውን ዓጼ ዳዊት ሰሙ።በዚህም ጉዳይ ንጉሡ ደስ አላቸው፡፡ 

እግዚአብሔርንም አመሰገኑ በግብጽ የሚኖሩ ክርስቲያኖችም ከ12,000 ወቄት ወርቅ ጋር ደስታቸውን ለኢትዮጵያዊው ንጉሥ ለዳግማዊ ዳዊት በደብዳቤአድርገው ላኩላቸው፡፡ ንጉሡም የደስታውን ደብዳቤ ተመልክተው ደስ አላቸው ወርቁን ግን መልሰው በመላክ እንዲህ የሚል ደብዳቤ ጻፉ፡፡ ''በግብጽ የምትኖሩ የክርስቶስ ተከታዮች ሁሉ እንኳን ደስ አላችሁ የላካችሁልኝ 12,000 ወቄት ወርቅ መልሼ ልኬላችኋለሁ፡፡ የእኔ ዓላማ ወርቅ ፍለጋ አይደለም። የክርስቶስ ፍቅር አስገድዶኝ በተቻለኝ ችግራችሁን ሁሉ አስወገድኩላችሁ አሁንም የምለምናችሁ በሀገሬ ኢትዮጵያ ረሀብና ቸነፈር ድርቅ ስለወረደብኝ መድኃኒታችን ኢየሱስ ክርስቶስ የተሰቀለበት ቅዱስ መስቀልና የቅዱሳን አጽም ከሌሎች ክቡራን ዕቃዎች ጋር እንድትልኩልኝ ነው የሚል ነበር፡፡

በእስክንድርያም ያሉ ምዕመናን ይህ መልዕክት እንደደረሳቸው ከሊቃነ ጳጳሳትና ከኤጲስ ቆጶሳቱጋር ውይይት በማድረግ ይህ ንጉሥ ታላቅ ክርስቲያን ነው፡፡ ስለዚህ ልቡን ደስ እንዲለውየፈለገውን የጌታችንን ግማደ መስቀል ከቅዱሳን አጽምና ንዋየ ቅዱሳት ጋር አሁን በመለሰው ወቄትወርቅ የብርና የነሐስ የመዳብና የወርቅ ሣጥን አዘጋጅተን እንላክለት ብለው ተስማምተው በክብርበሥነ ሥርዓት በሠረገላና በግመል አስጭነው ስናር ድረስ አምጥተው ባስረከቧቸው ጊዜ በእጃቸውእያጨበጨቡ በእግራቸው እያሸበሸቡ በግንባራቸው እየሰገዱ በክብር በደስታ ተቀበሏቸው፡፡

የዘንድሮው የመስቀል ደመራ በዓል በአቴንስ፣ግሪክ የነበረው ገፅታ እና ደመራውን ለማስተጓጎል የተደረገው ጥረት ክሽፈት።

በአቴንስ ግሪክ የምትገኘው የኪዳነምሕረት ቤተክርስቲያን ለብዙ አስርተ ዓመታት የመስቀል ደመራን በዓል የምታከብረው በአቴንስ ከተማ ዛፕዮ አደባባይ ላይ ነው። በአደባባዩ በሺህ የሚቆጠር ምእመን በፍቅር እና በአንድነት የሚያከብርበት አደባባይ ሲሆን በዘንድሮው ዓመትም በተመሳሳይ በዓሉን ለማክበር የፈቃድ ወረቀት ቤተክርስቲያኒቱ ስትጠይቅ የሀገረ ስብከቱ ሊቀጳጳስ አቡነ ኤልያስ የቤተክርስቲያኒቱ ጥያቄ እንዳይሰማ ከእዚህ በፊት በቤተክርስቲያኒቱ ውስጥ ደም በማፍሰስ፣ቅዳሴ እንዳይቀደስ እና ኪዳን እንዳይደርስ ፊሽካ በመንፋት እና የቤተክርስቲያኒቱን ንብረት በመዝረፍ የሚታወቁ ግለሰቦች ጋር ባላቸው ቅርበት እነርሱ ለተደራጁበት ኪኖቲታ በሚል ለተመዘገቡ አደባባይ እንዲፈቀድ የግሪክ የሃይማኖት ሚኒስቴርን በተሳሳተ መረጃ በመጠየቃቸው ቤተክርስቲያኒቱ የመስቀል ደመራ በዓልን እንዳታከብር እንቅፋት መፍጠራቸው በሺህ የሚቆጠሩ ምእመናንን አሳዝኖ ሰንብቷል። ሊቀ ጳጳሱ ከእዚህ በፊትም ክረምቱን እነኝሁ ግለሰቦች በሆቴል እየሰበሰቡ ''የእኔ'' የሚሉት ስብስብ ለመፍጠር መሞከራቸውን እና ይህም ከአንድ ጳጳስ የማይጠበቅ መሆኑን ከሕዝቡ የተውጣጡ ግለሰቦች ጭምር በወቀሳ ካሉበት ሆቴል ድረስ ሄደው ቢነግሯቸውም፣ አሁንም ይህንኑ ምእመኑን የሚለያይ ተግባር ቀጥለውበት የዘንድሮውን የመስቀል ደመራ በዓል የአቴንስ ኪዳነምሕረት ቤተክርስቲያን ምእመናን እንዳያከብሩ እጅግ አሳዛኝ ተግባር ፈጽመዋል።

ይህ ብቻ አይደለም። የዛፕዮ አደባባይ ለመያዝ የሄዱበት ሂደት ሕገወጥ እንደሆነ በግሪክ መንግስት ቢሮዎች ከተገለጠ በኋላ የአቴንስ ኪዳነምሕረት ቤተክርስቲያን በከተማው ማዕከላዊ ቦታ በኮሮዶር አደባባይ በዓል ለማክበር ስትዘጋጅ አሁንም ጸረ የኢትዮጵያ ቤተክርስቲያን እና ኢትዮጵያ ጠል ከሆነ ግለሰብ ጋር በመመሳጠር በዓሉ እንዳይከበር ለ15 ቢሮዎች ግልባጭ የተደረገበት የዕግድ ሙከራ ቢያደርጉም የግሪክ መንግስት ጉዳዩን በአንክሮ መርምሮ እና በአቴንስ ኪዳነ ምሕረት ቤተክርስቲያን ስር ባሉ ምእመናን ላይ የተፈጸመው የቡድን ወንጀልም ምርመራ እንደሚያስፈልገው ካመነበት በኋላ ምእመናን በኮሮዶር አደባባይ በዓሉ እንዲከበር በድጋሚ ፈቅዷል።በእዚህ የማደናቀፍ ሒደት ላይ በዓሉ ሲከበር የግሪክን የጸጥታ ቢሮ ለማሳሳት የተሳሳተ ስልክ ይደውሉ የነበሩት ግለሰቦች ጭምር ላይ በሃሰት ፖሊስን እና የደሕንነት ቢሮን ለማሳሳት በተደረገ ሙከራ ጥብቅ ምርመራ እየተደረገ እንደሆነ ለማወቅ ተችሏል።

ቪድዮ፡ የመስከረም 16፣2019 ዓም የመስቀል ደመራ በዓል አከባበር በአቴንስ፣ኮሮዶር አደባባይ

ይህ በእንዲህ እያለ በእዚሁ በቅዳሜ መስከረም 16፣2019 ዓም በአቴንስ በተከበረው የመስቀል ደመራ በዓል ላይ በግሪክ የምትገኘው የኢትዮጵያ ኦርቶዶክስ ተዋሕዶ ቤተክርስቲያን ችግሮች እንዳይፈቱ እና በቅዱስ ሲኖዶስ ወደ ግሪክ መጥተው እንዲያገለግሉ የተመደቡት ሊቀ ስልጣናት አባ ኪሮስ ጸጋዬ ተገቢውን የመግቢያና የመስራይ ቪዛ አግኝተው እንዳይመጡ አሁንም የሀገረ ስብከቱ ሊቀጳጳስ አቡነ ኤልያስ ችግር መፍጠራቸውን እና የኢትዮጵያ ኦርቶዶክስ ተዋሕዶ ቤተክርስቲያን ቅዱስ ሲኖዶስ እና ቅዱስ ፓትርያሪካችን አቡነ ማትያስ በግሪክ ለምትገኘው የኢትዮጵያ ኦርቶዶክስ ተዋሕዶ ቤተክርቲያን በአድልዎ እና ከጥፋት ቡድኖች ጋር እያበረ ቤተክርስቲያንን የማይጎዳ እንዲሁም የተሰጠውን ጴጥሮሳዊ አገልግሎት በአግባቡ የመወጣት አቅም ያለው ሊቀ ጳጳስ እንዲመደብ በመስቀል ደመራው የተሰበሰበው በብዙ ሺህ የሚቆጠር ምእመን በአንድ ድምጽ ከእዚህ በፊት በተደጋጋሚ ካሰማው ድምጽ በተጨማሪ በዘንድሮው የመስቀል ደመራ በዓል ላይም በአንድ ድምፅ ጮሆ አሰምቷል።

ቪድዮ ፡ መስከረም 16፣2019 ዓም በአቴንስ ኮሮዶር አደባባይ ለቅዱስ ሲኖዶስ ከምእመናን የተላከው መልዕክት

በመጨረሻም ይህንን ሁሉ ስሞታ ቸል ያሉት አቡነ ኤልያስ በሕገወጥ መንገድ የአቴንስ ኪዳነምሕረት ቤተክርስቲያን እንዳታከብርበት ባደረጉበት በዛፕዮ አደባባይ የራሳቸውን ደመራ ለመደመር መስከረም 17፣2019 ዓም ሙከራ ያደረጉ ሲሆን፣ አሁንም በግሪክ የሚኖሮ ኢትዮጵያውያን እና ግሪካውያን ጭምር በወንጀል ተግባራቸው ከታወቁ ግለሰቦች ጋር ለማድረግ የሞከሩት የመስቀል ደመራ በምእመናን ድርቅ ከመመታት አልፎ፣አንድ ግሪካዊ የቪድዮ እና የፎቶግራፍ አንሺ በአደባባዩ በሺህ የሚቆጠሩ ኢትዮጵያውያን ሲያከብሩበት የሚያውቀው አደበባይ፣አደባባዩ በሰው ድርቅ መመታቱን ለእዚህ ጽሑፍ አቅራቢ የገለጸበት ዓረፍተ ነገር እጅግ አስገራሚ ነው። ባለሙያው ባጭሩ ያለው የሚከተለውን ነበር።'' በዛፕዮ ታሪክ የእዚህን ያህል የሰው ድርቅ አይቼ አላውቅም።በአዘቦት ቀን ቢያንስ እርግቦች አደባባዩን ይሞሉታል።የዛሬው የሚያስፈራ ድባብ ያለው መንፈስ መስሎ አመሽ።'' በማለት ገልጦታል። ሁሉንም ለታሪክ እና ለመጪው ትውልድ ከትበን አስቀምጠነዋል።

================////=============

The Ethiopian Orthodox Tewahedo Church is in turmoil in Athens, Greece.

His Holiness Abune Mathias I, Patriarch of the Ethiopian Orthodox Tewahedo Church, met with Greece's Ambassador to Ethiopia, Antonios Sgouropoulos, in August 2026. The discussion was on the delay of the Embassy and the Greek religious department in processing the Holy Synod's assigned father to Greece, Kiros Tsegaye (Likesiltanat)

================

The main reasons for putting the Ethiopian Orthodox Tewahedo church in Greece in turmoil are: 

• The Greek Department of Religious Affairs under the Greek Ministry of Education has not responded adequately to the clear and protocol-based letters of the Ethiopian Orthodox Tewahedo Church's Holy Synod and the Holy Patriarch, which were sent a year ago. 
• The department has been giving undue weight to the letters of the temporary Archbishop of the Diocese, Abune Elias, who is currently in conflict with Ethiopian Orthodox Church followers in Greece and is acting against the EOTC's Holy Synod decisions. 

=============

Special Report

=============

The Ethiopian Orthodox Tewahedo Church and the Greek Orthodox churches are among the oldest churches in the world. The first Ethiopian Orthodox Tewahedo Church patriarch, ''Aba Fremnatos or Selama'', of Greek origin, visited Ethiopia in the 4th century. In our modern world, the Ethiopian Orthodox Tewahedo Church, founded in Hellenica, goes back about half a century.

In accordance with the 1996 (1989) proclamation and directives on the legal recognition and registration of Greek religious institutions, the “Ethiopian Orthodox Tewahedo Church of Athens” was registered as a religious institution in the country, and legal experts prepared an internal regulation that the government approved. The Church of the Holy Virgin of Athens, the Holy Covenant of Mercy, was registered as a religious institution in the country; this is now called (Somatio); the members of the Synod at that time informed His Holiness Abune Paulos (Dr.), the Fifth Patriarch of Ethiopia, about this matter. The recognition gave the church additional legal personality and also solved the problem of receiving documents that had been processed since 1994, according to a letter sent by the Synod. This association has a tax number (Tax No) of 997874156 and was established under the name “AΙΘΙΟΠΙΚΗΣ ΟΡΘΟΔΟΞΗΣ ΕΚΛΛΗΣΙΑΣ ΤΗΣ ΑΘΗΝΑΣ” to raise funds, raise funds, and resolve problems related to religious issues. Later on, the spiritual service continued under the name of the committees approved by His Holiness the Patriarch of the Ethiopian Orthodox Tewahedo Church, Abune Gerima (Dr.).

In March 2025, the Holy Synod of the Ethiopian Orthodox Tewahedo Church sent two bishops, Archbishop Timotiwos and Archbishop Petros, to Athens to visit the Ethiopian Orthodox Church in Greece based on the report of the previously appointed Special Study Committee on the Ethiopian Orthodox Tewahedo Church in Greece. The bishops, Abune Timothy and Abune Petros, were tasked with investigating the church’s affairs and presenting a recommendation to the Holy Synod.

During their stay in Athens, the bishops announced the reinstatement of Abba Woldemichhael's priesthood, which had been suspended nine years ago. The bishops then announced that a new administrator would be appointed for the Ethiopian Orthodox Tewahedo Kidane Mihret Church in Athens and returned to Ethiopia to report the situation to the concerned Holy Synod of the Ethiopian Orthodox Tewahedo Church.

One of the main causes that affected the Ethiopian Orthodox Tewahedo Church in Greece is the communication lines that provided information which is contrary to the facts on the ground. Archbishop Elias, the temporary Archbishop of the Diocese of Greece, provided incorrect information to the Religious Affairs office under Greece Ministry of Education about the Ethiopian Orthodox Tewahedo Church in Greece. Among the erroneous letters that he wrote to Greece religion department includes to asign Priest Ayele without any knowledge of the Ethiopian Orthodox Holly synod and submitted to the Greek Ministry of Religion causes a major uproar in the Ethiopian Orthodox Tewahedo Church in Athens.

Archbishop Elias has never taken any action to resolve the problems of the believers in Greece. That was why, in May,2026, when he came to the church in Atanas, Bohali 12 hundreds of Ethiopian Orthodox Tewahedo Church believers protested against him by writing slogans and crying loudly in front of dozens of Athens police officers.

That was why, during his recent travel to Athens, he was obliged to spend consecutive Sundays in a hotel with individuals who were not only hated by the community in general, but also known for insulting and beating believers in the church. These individuals have been charged in Greek courts for committing illegal acts and terrorizing more than seventy female believers, and their case is currently in progress, including one who beat and bled a person in a church. However, surprisingly,  these people are friends of Archbishop Elias. 

Thousands of Ethiopian Orthodox Tewahedo Church believers are deeply saddened by the actions of the temporary Archbishop of EOTC in Greece, Elias. Last month, Archbishop Elias's trip to Athens caused a stir among followers of the Ethiopian Orthodox Tewahedo Church in Greece. Although the Archbishop said he was in Athens to preach the Gospel, he spent weeks in a hotel and was said to have given a sermon in a hotel, which is completely contrary to Orthodox tradition, and this action of his has become a topic of talk of the town in Athens among Ethiopian Orthodox Tewahedo Church followers. 

It is understood that Archbishop Elias visited various Greek offices last month and presented various misleading pieces of information to the Greek government, both in writing and orally, regarding the Athens Kidanemireth Church, which has been in Greece for over half a century, and the approximately 6,000 square meter prayer area in Athens, which the Ethiopian Orthodox Church Association purchased in the name of the Churche's full legal name. 

Not only this, but the Archbishop also accused the Orthodox community in Greece, the ''Somatio'' Organization, of improper opening of the prayer house in Spata; and the Archbishop accused the head of the Greek police in Spata of being involved in assisting  Ethiopian Orthodox Christians. 

The main purpose of this special report is to provide the following key points, which can provide vital information even to the Greek Religious Department under the Ministry of Education.
That is why thousands of Ethiopian Orthodox Tewahedo Church believers in Greece are deeply saddened by the actions of the Archbishop, Elias.

Having said that, the main reasons for putting the Ethiopian Orthodox Tewahedo church in Greece in turmoil are: 

• The Greek Department of Religious Affairs under the Greek Ministry of Education has not responded adequately to the clear and protocol-based letters of the Ethiopian Orthodox Tewahedo Church's Holy Synod and the Holy Patriarch, which were sent a year ago. 
• The department has been giving undue weight to the letters of the temporary Archbishop of the Diocese, Abune Elias, who is currently in conflict with Ethiopian Orthodox Church followers in Greece and is going against the EOTC's Holy Synod decisions. 

Recently, His Holiness Abune Mathias I, Patriarch of the Ethiopian Orthodox Tewahedo Church, met with Greece's Ambassador to Ethiopia, Antonios Sgouropoulos, in August 2026. The discussion was on the delay by the Embassy and the Greek religious department in processing the Holy Synod's assigned church administrator to Greece, Kiros Tsegaye (Likesiltanat). The discussion was also extended to the issue of the church building, which has been suspended by the religious department where the church has been serving for more than 40 years. 

According to a source from Addis Ababa, the discussion between the Patriarch and the Ambassador has been concluded, with the ambassador promising to grant a visa to the assigned father. However, many still criticize the embassy for not addressing the Ethiopian Church’s request quickly, considering the long-standing historical relations between Ethiopia and Greece. For this reason, the Ministry of Religion has been sending endless questions to the Greek Embassy in Addis Ababa. As a result of all these current situations, the Ethiopian Orthodox Tewahedo Church in Greece (Athens Kidanemihret church)  is in a serious turmoil 

What are the necessary solutions to come out of this paradox?

As has been tried to explain in the introduction of this report, it was attempted to explain that the Ethiopian Orthodox Tewahedo Church and the Greek Church have plenty of similar histories. Not only do both churches have a history spanning thousands of years, but the future of the world also requires many areas where both churches and countries can work together. 

Therefore, according to Gudayachn's analysis, to solve the problem of EOTC in Greece, the following measures should be taken with all concerned parties. These are:

1/ The Greek Religious Affairs Office in Athens, Greece and the Greek Embassy in Addis Ababa should provide the necessary positive response for the Holy Synod, the highest and final executive body of the Ethiopian Orthodox Tewahedo Church, which has more than 80 million followers in Ethiopia and around the world, for its request of Abba Kiros Tsegaye, the high-ranking official who was appointed to Greece to consolidate the Ethiopian Orthodox faith, to complete the necessary visa and work formalities and enable him to come to Greece. The fact that this matter has been dragging on for more than a year is not only a big mistake by itself, but also a matter that deeply saddens Ethiopians both at home and in Greece.

2/ The Ethiopian Orthodox Tewahedo Church followers in Greece are currently in a difficult situation, deprived of a church to pray in. The Orthodox in Spata, who bought the prayer house with their own money, have been locked up by the Greek Ministry of Religion and are being subjected to psychological warfare, with the police coming regularly on Sundays. Who would believe that this is happening in Europe, especially in Greece, the birthplace of Orthodoxy? But it is happening.

Hundreds of Greek citizens living in Ethiopia have been using a church in Addis Ababa that has been preserved for more than half a century. However, in Athens, Greece, the believers of the Ethiopian Orthodox Tewahedo Church have been facing problems and have not even been able to celebrate the Easter holiday this year. Therefore, the Ministry of Religion should meet with the Holy Synod of the Ethiopian Orthodox Tewahedo Church to respect the right of Ethiopians to have a church, at least by lifting the ban on their own property in Spata.

Greek Orthodox Church in the Ethiopian capital, Addis Ababa.

3/ The Holy Synod of the Ethiopian Orthodox Tewahedo Church should appoint a suitable diocesan bishop for Greece. It is easy to understand that Archbishop Elias, who is over ninety years old, is not only incapable of properly governing or leading the believers in Greece, but also has been accused of deliberately complicating matters in the Swedish court where he lives, and that he cannot lead the church in Greece. Therefore, appointing a new bishop for Greece is a task of the Holy Synod of the Ethiopian Orthodox Tewahedo Church and is one of the key issues in the solution. In addition to that, Archbishop Elias should also stop his relations with individuals who have corrupted the church and whose cases are still pending in Greek courts. 

In summary, the Ethiopian Orthodox Tewahedo Church is in a serious crisis in Greece. The church’s appointed Archbishop Elias has also used his authority as a pontiff to hand over the site of celebrating Meskel Demera, which is a UNESCO Intangible Cultural Heritage site that thousands of believers celebrate every year, for over thirty years in Athens, Greece. This holiday is a world-famous event in which Queen Elena of Greece went to Jerusalem and found the True Cross of Christ thousands of years ago. This holiday is a historical event in the history of the world when she went to Jerusalem and dug it up to find the True Cross of Jisus christ. This year, this holiday will not be celebrated in the Ethiopian Orthodox Tewahedo Church in Athens, but the Archbishop allowed no more than 20 people who claim to be his own people to celebrate it, which has caused great frustration among the Ethiopian Orthodox Tewahedo Church believers living in Athens. Normally the holiday will be celebrated by Ethiopian Orthodox Tewahedo believers in Ethiopia and around the world on September 26. Solution for Ethiopian Orthodox Tewahedo believers in Greece!

=================////===========

የኢትዮጵያ ወዳጅ ንጉስ ልጅ ዛሬ ከእዚህ ዓለም አረፉ። ለኖርዌይ ትልቅ የሃዘን ቀን ሆኗል።Norway's King Harald V has died at the age of 89

በዚህ አጭር ዘገባ ውስጥ የሚከተሉትን ያገኛሉ።

• ስለ ንጉስ ሃራልድ በጥቂቱ
• የንጉስ ሃራልድ አባት ንጉስ ኦላቭ እና ቀዳማዊ አፄ ኃይለሥላሴ የት ተዋወቁ?

ንጉስ ሃራልድ አምስተኛ የኖርዌይ ንጉስ

=====================

ጉዳያችን ልዩ ሪፖርት

Gudayachn Special Report

=====================

የኖርዌይ ንጉሥ ሃራልድ አምስተኛ ባለፈው ሳምንት ልዩ የደም ሕመም ሕክምና ከተደረገላቸው በኋላ እንደሚያገግሙ ተስፋ ተጥሎ ከቆየ በኋላ በ89 ዓመታቸው ዛሬ ማረፋቸው ታውቋል።በኦስሎ የሚገኘው ብሔራዊ ቤተ መንግሥት ዛሬ ዓርብ ነሐሴ 22፣2018 ዓም ( ነሐሴ 28/2026 ዓም እኤአ) በኦስሎ ዩንቨርስቲ ስር በሚገኘው ብሔራዊ ሆስፒታል (ሪስክ ሆስፒታል) የኖርዌይን ንጉስ ሃራልድ 5ኛ ማረፍ ከማለዳው በ06:35 የኦስሎ ሰዓት አቆጣጠር ከተገለጸ በኋላ በቤተ መንግሥቱ ጣሪያ ላይ ያለው የንጉሣዊ ባንዲራ ዝቅ ብሎ እንዲውለበለብ ሆኗል። የንጉሱ የቀብር ስነ ስርዓት እስኪከናወን ድረስም በኖርዌይ የሐዘን ቀን የታወጀ ሲሆን፣የንጉሱን ማረፍ የሰሙት ኖርዌጃውያን ከማለዳ ጀምሮ ወደ ቤተ መንግስት በመጉረፍ  አበባና የኖርዌይን ሰንደቅ ዓላማ በማስቀመጥ ላይ ይገኛሉ።

ሃራልድ ከ14ኛው ክፍለ ዘመን ወዲህ በኖርዌይ የተወለዱ የመጀመሪያው ንጉሥ ሲሆኑ። ልጃቸው ሃኮን በ53 ዓመታቸው ንግስናውን መተካታቸውን ከኖርዌይ የመጣው ዘገባ ያመለክታል።

ንጉስ ሄራልድ 5ኛ በስልጣን ዘመናቸው የኖርዌይ ንጉሣዊ አገዛዝ ስለ ንጉሣዊው ቤተሰብ የፋይናንስና የጤና ጉዳዮች የበለጠ እኩልነትና ግልጽነት እንዲያሳይ ያደረጉ ንጉስ ናቸው ሲሉ የኖርዌይ ታሪክ ምሁርና የቲቪ2 ንጉሣዊ ዘጋቢ ኦሌ-ጆርገን ሹልስሩድ-ሃንሰን ይናገራሉ።

ንጉስ ሃራልድ የተወለዱት የካቲት 21 ቀን 1937 ዓም እኤአ በኦስሎ አቅራቢያ በሚገኘው የስካጉም እስቴት ውስጥ ነው። አምባገነኑ አዶልፍ ሂትለር በሁለተኛው የዓለም ጦርነት መጀመሪያ ላይ የናዚ ጀርመን ኖርዌይን ወረራ ባዘዘበት ጊዜ የሦስት ዓመቱ ልጅ ነበሩ።

የሃራልድ እናት ከልጆቻቸው ጋር ወደ ስዊድን ድንበር አቋርጠው ሸሽታ በፕሬዝዳንት ፍራንክሊን ዲ ሩዝቬልት ግብዣ ወደ አሜሪካ ተጉዘዋል።

ልዑል ሃራልድ በጦርነቱ መጨረሻ ከቤተሰባቸው ጋር ወደ ኖርዌይ ተመልሰው እና ትምህርት እና የግዴታ ወታደራዊ አገልግሎታቸውን አጠናቀዋል። በ1957 እኤአ ሃራልድ የዘውድ ልዑል ሆኑ፣ ከ1960 እስከ 1962 ዓም እኤእ በኦክስፎርድ በሚገኘው ባሊዮል ኮሌጅ ማህበራዊ ሳይንስ፣ ታሪክ እና ኢኮኖሚክስ ተምየተማሩት ንጉስ ሃራልድ 5ኛ ወደ ትዳር ሕይወታቸው የገቡበት አጋጣሚም አስገራሚ ነበር። 

ነገሩ እንዲህ ነው፡ በአንድ ግብዣ ላይ የአንድ ነጋዴ ልጅ ሶንጃ ሃራልድሰንን የተዋወቁት የዛንጊዜው ልዑል ሃራልድ፣ እሷን ለማግባት እስኪፈቀድላቸው ዘጠኝ ዓመታት መጠበቅ ነበረባቸው። በመጨረሻም ሶንጃን ማግባት ካልቻሉ ላጤ ሆኖነው እንደሚቆዩ ለአባታቸው እንደነገሯቸው፣ ንጉሥ ሃራልድ በአንድ ወቅት ለኖርዌይ የህዝብ ብሮድካስተር (ኤንአርኮ) ተናግረው ነበር።ሆኖም አባታቸው በመጨረሻ ፈቃዳቸውን ስለ ሰጡ ጥንዶቹ በኦስሎ ካቴድራል ነሐሴ 29 ቀን 1968 ዓም እኤአ ተጋቡ።

በሐምሌ 2011 እኤአ ንጉስ ሃራልድ ኖርዌይ ከባድ ፈተና በገጠማት ጊዜ ማለትም በጽንፈኛው ብሬቪክ በኦስሎ ውስጥ በመኪና ቦምብ ስምንት ሰዎችን ሲገድልና፣ በኡቶያ ደሴት ወደሚገኝ የወጣቶች ካምፕ በመሔድ  69 ወጣቶች (ባብዛኛው የአርባይድስ ፓርቲ ወጣት ክንፍ አባላት ያሉበት ብዙዎቹ በአስራዎቹ ውስጥ የነበሩቱን) ከገደለ በኋላ በኖርዌይ በደረሰው ሃዘን ንጉስ ሃራልድ ሕዝቡን ያጽናኑበት መንገድ ዛሬም ድረስ በብዙ ኖርዌጅያውያኖች ዘንድ ሲታወስ ይኖራል። ንጉሱ በእዚሁ ለሕዝብ ባደረጉት ንግግር የእንባ ሳግ ለቅሶ እየተናነቃቸው በቴሌቭዥን ባሰሙት ንግግር እንደ አባት፣ አያት፣ ባል እና ንጉሥ ለተጎጂዎቹ እና ለቤተሰቦቻቸው በቀጥታ በተላለፈ የቴሌቭዥን መልዕክታቸው ሁኔታውን ሲገልጹ ፡ "የህመማችሁን ጥልቀት መገመት እችላለሁ። የዚህች ሀገር ንጉሥ እንደመሆኔ መጠን ለእያንዳንዳችሁም እጨነቃለሁ" ብለዋል።

እኤአ በ2016 ዓም ደግሞ ንጉሱ ሃራልድ የሰው ልጅ ዘር አንድ መሆኑን እና በኃይማኖትም ላይ ልዩነት መደረግ እንደሌለበት በገለጹበት ንግግር ላይ እንዲህ ብለው ነበር፡ ''ኖርዌጂያውያን "ከአፍጋኒስታን፣ ፓኪስታን እና ፖላንድ፣ ከስዊድን፣ ከሶማሊያ እና ከሶሪያ የመጡ መሆናቸውን ማወቅ አለብን '' ብለዋል።

ንጉስ ኦላቭ እና ቀዳማዊ አፄ ኃይለሥላሴ

በኢትዮጵያ እና በኖርዌይ መካከል ረዘም ያለ ታሪካዊ ግንኙነት አለ።ቀዳማዊ አፄ ኃይለ ስላሴ እና  የኖርዌይ ንጉሳዊ ቤተሰብ በቅርብ የተዋወቁት በሁለተኛው ዓለም ጦርነት መጀመርያ አካባቢ ለንደን ላይ ነበር።በወቅቱ ቀዳማዊ አፄ ኃይለ ስላሴ የጣያንን ኢትዮጵያ መውረር በወቅቱ የዓለም ማኅበር ተብሎ ለሚጠራው የዛሬው የተባበሩት መንግሥታት ለማቅረብ ለአቤቱታ እንግሊዝ ነበሩ።በወቅቱ የንጉስ ሃራልድ 5ኛ አባት ንጉስ ኦላቭ ከቀዳማዊ አፄ ኃይለሥላሴ ጋር የተዋወቁበት ጊዜ ነበር።የሁለቱ ንጉሶች ግንኙነት ሀገሮቻቸው ከፋሺሽት እና ናዚ ነፃ ከወጡ በኋላም ተጠናክሮ ቀጥሏል።

የቀዳማዊ አፄ ኃይለሥላሴ ጉብኝት በኦስሎ ኖርዌይ እኤአ 1954 ዓም

ቀዳማዊ አፄ ኃይለ ስላሴ ኖርዌይን የጎበኙት በ1954 ዓም እንደ ኤውሮፓውያን አቆጣጠር ነበር ።በመቀጠል የኖርዌይ ንጉስ ኦላቭ ኢትዮጵያን በ1959 ዓም እንደ ኢትዮጵያ አቆጣጠር ይፋዊ ጉብኝት አደረጉ።ኖርዌይ ኢትዮጵያ የባህር ኃይሏን ምፅዋ እና አሰብ ላይ ስትመሰርት በስልጠና የረዳች የመጀመርያ ሀገር ነች።

ዛሬ ለኖርዌይ ሕዝብ ታላቅ የሃዘን ቀን ነው።ለአዲስ ዓመት በልዩ የማጽናኛና የማበረታቻ ቃላት ለሕዝቡ መልዕክት የሚያስተላልፉት፣በግንቦት 17 ቀን ለኖርዌይ ብሔራዊ የሕገመንግስት ቀን ላይ በቤተመንግስታቸው ሰገነት ላይ ሆነው በዓሉን ለመታደም በሰገነቱ ሥር የሚያልፉትን ከሕጻናት እስከ አዋቂ የሆኑ በሺህ የሚቆጠሩ ኖርዌጅያውያንን ከቤተሰቦቻቸው ጋር ሆነው ሰላምታ እየሰጡ በልዩ ፈገግታ የሚቀበሉት ንጉስ ሃራልድ አርፈዋል።ይህ ለብዙዎች የእርሳቸውን ሚዛናዊ አስተሳሰብ እና ለሰውልጆች ሁሉ ያላቸውን ፍቅር ለሚያውቁ ሁሉ ታላቅ የሐዘን ቀን ሆኗል።ለንጉሱ ዕረፍተ ነፍስን ለቤተሰቦቻቸውና ለኖርዌይ ሕዝብ መጽናናትን እንመኛለን።

====================////==============

የኢትዮጵያ ወቅታዊ ፖለቲካ፣ የአፈጀው የአዛውንቶች ክበብ፣ ''ፅንዶ'' እና ቅምጥሎቹ ''ባንዳ'' ዩቱበሮች በአውሮፓና አሜሪካ።

+++++++++++++

ጉዳያችን ወቅታዊ ምጥን

+++++++++++++

መንደርደርያ

ኢትዮጵያ በዘመን አቆጣጠሯ ስንሔድ የሐያ አንደኛውን ክ/ዘመን የመዠመርያ ሩብ ክፍለዘመን ለማጠናቀቅ ሰባት ዓመታት ብቻ ቀርተዋታል። ያለፈው ሐያኛውን ክፍለዘመን በአጭሩ ለማስቀመጥ የነፃነት እና የሉዓላዊነት ክብሯን ለማስጠበቅ ከጣልያን ሁለተኛ ወረራ ጋር በተያያዘ ከፍተኛ መስዋዕትነት የተከፈለበት። የነፃነት ድሉን ተከትሎ የዓለምን ወቅታዊ ሁኔታ ተንተርሶ እራሷን ነጥራ ለማውጣት የታገለችበት ጊዜ ሲሆን በእዚህ ትግል ውስጥ ንጉሱ በሐገር ውስጥ ከጎጃም እስከ ትግራይ በሽፍትነት፣ከባሌ እስከ አዲስ አበባ ዩንቨርስቲ በተቃውሞ፣ከቤተመንግስት እስከ የመንግስት ፍንቀላ ሙከራ ተደርጎባቸዋል። በእዚህ ሁሉ መሃል ግን የቀዳማዊ ኃይለስላሴ መንግስት ለኢትዮጵያ የዘመናዊ ስልጣኔ እና ትምሕርት በር ለመክፈት ዕድሉን ያገኘ መንግስት ነበር። ከንጉሱ ቀጥሎ ኢትዮጵያ በርዕዮተ ዓለም ንትርክ ውስጥ ገብታ ብትቸገርም ለሀገሪቱ ታሪካዊ ጠላቶች ያልተመቸች ሀገር ሆና ኖራለች።

ኢትዮጵያ ለታሪካዊ ጠላቶቿ አመቺ የሆነችው በኢሕአዴግ ሕወሓት ዘመን ነው። ይሄውም በቀዳሚነት የባሕር በሯን ትታ መሪዋ አቶ መለስ የባሕር በር '' የገበያ ጉዳይ ነው '' በሚል ትርክት እየተነገራት፣ሀገሪቱ የአስተዳደር ክልሏን በብሔር ከፋፍላና ''እስከመገንጠል '' የሚለውን ሕግ በአንቀፅ 39 ላይ ሰንቅራ የምትሔድ አሳዛኝ ሀገር ሆና ኖራለች። በእዚህ ዘመን የኢትዮጵያ ተቋማት የግለሰብ ብቻ ሳይሆን የሆነ አካባቢ የግል ቤት እስኪመስል ድረስ ከመቀረጹ በላይ የመከላከያ ሰራዊቷ በዕውቀት ላይ ያልተመሰረተ ዘመኑን ያልዋጀ እና እጅግ አደገኛ ደረጃ ላይ የነበረበት ጊዜ ነበር። በእዚህ ሁሉ ሂደት ውስጥ ነው የጠቅላይ ሚኒስትር ዐቢይ መንግስት ወደ ስልጣን የመጣው።

ወቅታዊው የኢትዮጵያ ፖለቲካ

አሁን ያለንበት የኢትዮጵያ የፖለቲካ ሂደት ከምንግዜውም በላይ ከኢትዮጵያ ታሪካዊ ጠላቶች መዘውር በእጅጉ ከመራቁም በላይ የማይገመት አካሄዱ እና የግቡ እርቀት እና ምጥቀት ኢትዮጵያን ለማጥፋት የተለያየ ተልዕኮ የያዙ ጠላቶቿን ግራ ያጋባ ሆኗል።

ፖለቲካው በመጀመርያ ደረጃ የጠራ አቋሙን በግልጽ አስቀምጧል ይሄውም በሀገር ውስጥ የኢትዮጵያን ሕብረብሔራዊ አንድነት ማረጋገጥ ሲሆን በውጭ የኢትዮጵያን ጥቅም በማንኛውም መንገድ አሳልፎ በማይሰጥ መልኩ ማስከበር ነው። በሀገር ውስጥ ያለው ፖለቲካ ክኢሕአዴግ የቀድሞው ሕወሃት ሰራሽ የጎሳ ፖለቲካ ጋር እየተማታ አልፎ አልፎ መንገራገጭ ቢገጥመው ከቅርብ ዓመታት ወዲህ ግን ሐዲዱን በትክክል እንደያዘ ለመረዳት ብዙ ምርምር አይጠይቅም። ለእዚህ ደግሞ ዋና መሰረቱ የአብዛኛው ሕዝብ በተለይ በለየለት ጎሳዊ ፖለቲካ የተንገላታው ወጣት ሕብረብሔራዊ አንድነትን አጥብቆ መፈለጉ እና ይህ ብቻ ኢትዮጵያን ሊያሻግር መቻሉን የማመኑ ዕውነታ ነው። 

እዚህ ላይ መሰመር ያለበት ጉዳይ የአክራሪ ብሔርተኞች የፖለቲካውን መዘውር ለመቆጣጠር ጥረት አያደርጉም ወይንም ለማድረግ አልሞከሩም ማለት አይደለም።ነገር ግን ይህ ሙከራ ባብዛኛው ከሽፏል። የቀረው የያዘው የጎጥ በሽታ እስኪለቀው በትንንሽ ማባበያ ''ሕክምና'' እየተደረገለት ነው።ይህ ሂደት ቀጥሎ ተተኪው ትውልድ በሕብረ ብሔራዊ አስተሳሰብ ተቃኝቶ የኢትዮጵያን ተቋማት በሚገባ በኢትዮጵያዊነት ማረስረስ ሲጀምር የጃጀው ኢትዮጵያን የማመስ ፖለቲካ በራሱ ተሽመድምዶ ይንኮታኮታል። አሁን በምናየው መልኩም ከኢትዮጵያ ቴሌቭዥን እስከ የኢትዮጵያ ሙዜሞች፣ከትምሕርት ፖሊሲ እስከ ውጪ ፖሊሲ በዘመነ ኢህአዴግ እና የቀድሞው ሕወሃት የተጎሳቆለው ኢትዮጵያዊነት በሚገባ እየተቀነቀነ ነው። ይህ ሂደት ሃገር ይሰራል፣የተሳሳተ ትርክት ያርማል፣ ትውልድ ያጋምዳል።

ባፈጀ አስተሳሰብ የሚዳክረው የአዛውንቶች ክበብ  ''ፅንዶ'' ተልዕኮው ኢትዮጵያን ማፍረስ እንጂ መንግስት መቀየር አይደለም።

ከስሙ ስያሜ ገና ''ፅምዶ'' ይባል ''ፅንዶ'' ገና የሚጨቃጨቀው የኢትዮጵያ ታሪካዊ ጠላቶች የዳቦ ስም እንደ 1969 ዓም የኢሕአፓ እና መኢሶን ''እናሸንፋለን '' ይባል '' እናቸንፋለን'' የሚለው ጭቅጭቅ ያልተላቀቀ ነገር ግን ከባዕዳን የሚገኝ ድርጎ በአንድ ጣሳ ውስጥ እንዲገኝ ያደረገው የዘመናችን ግራ የተጋቡ የአዛውንቶች ክበብ ሆኖ ብቅ ብሏል። ስካር እና ምኞት፣ ማለም እና ዕውነታ የተደባለቁበት ስብስብ ነው። ስብስቡ ''የጨነቀ ዕለት'' የሚሉት ነው። መሰረተ ሀሳቡን ከማኅበራዊ ትስስር እና ከቋንቋ ጋር ሊይስተሳስረው የሚሞክርበት ዐውድ በራሱ የዕውር ድንብር አካሄድ ነው። ፅንዶ የድፍረቱ ድፍረት ከአማራ እና ሌሎች ክልሎችንም ስነ ልቦና ሰልቦ በእርሱ ኢትዮጵያን የማፍረስ አጀንዳ ስር ለማሰለፍ ሲታትር ሰዎቹ የት ነው የነበሩት ያስብላል።

ቅምጥሎቹ ባንዳ ዩቱበሮች በአውሮፓና አሜሪካ የኢትዮጵያ የስፖርት ፌስቲቫል ላይ ሽርሽር 

ይህ የአዛውንቶች ያፈጀ የጎጥ ጥምረት ወላጅ አባቱ ኢትዮጵያን ማተራመስ የምፈልጉቱ ታሪካዊ ጠላቶች ቢሆኑም በትግራይ እና በኤርትራ ሕዝብ እንዲሁም በዐማራው እና ኦሮሞው ደም እየነገዱ ኑሯቸውን በውጭ ሀገር ያደረጉት ቅምጥሎች ተግባር ግን በቀላሉ የሚታይ አይደለም። ቅምጥሎቹ ከሚኖሩበት ሀገር ሶፋ ላይ ሳይወርዱ በዩቱብ የኢትዮጵያን ወጣቶች ተዋጉ እያሉ ሲለፍፉ ያመሻሉ። በቀጣይ ቀን ቅምጥሎቹ ዩቱበሮች በአሜሪካና አውሮፓ የኢትዮጵያውያን የእግርኳስ ውድድር ላይ ከልጆቻቸው ጋር ሲምነሸነሹ ማምሸታቸውን፣ ወይን እና ውስኪ መጠጣታቸውን እና ለልጆቻቸው የገዙትን መጫወቻ ከራሳቸው ጋር ካደረጉት የቴክሳስ ኮፍያ ጋር ብቅ እያሉ በአራዳ ቋንቋ በኢትዮጵያ ሕዝብ ላይ '' ይላጡበታል '''። 

ለመሆኑ ሕሊና በእዚህ ደረጃ ተሸጦ ተቀርጥፎ ይበላል እንዴ? የአማራ ክልል ወጣት ተነሳ ሙት እያልክ ጦርነት ቀስቅሰህ እና በሚልዮን የሚቆጠር በተለይ የጎጃም ወጣት ከሦስት ዓመታት በላይ ከትምሕርት ገበታ እርቆ እና ትምሕርት እንደ ውሃ ጠምቶት እያለቀሰ፣እናት አባቱ በጥጋበኛ አጋች እየታገተ እና ገንዘብ አምጣ እየተባለ መከራውን እያየ፣ቅምጥሎቹ ባንዳ ዩቱበሮች በአውሮፓና አሜሪካ የስፖርት ፌስቲቫል ላይ ልጆቻቸው ከትምሕርት ዕረፍት ጋር ይዘው ወዝ ወዝ ሲሉ ማየት የእዚህ ዓይነት የባንዳነት እና ባሳደገች ሀገር ላይ የመጨከን ዓይን ያወጣ አውሬነት ለገንዘብ ሲሉ እንዴት ተዘፈዘፉበት ያስብላል። እነኝህ ባንዳ ዩቱበሮች የድፍረታቸው ድፍረት ትናንት የኢትዮጵያ አንድነት እያሉ ሲያወሩን በሰማንበት አንደበት ዛሬ ላይ የጎጥ ፖለቲካ እያቀነቀኑ ብቻ ሳይሆን ከጠላት ሀገር ጋር መሞዳሞድ እና ኢትዮጵያን በአደባባይ መሸጥ ከፍ ሲልም የባሕር በሯ መዘጋትን እና የመጣባትን መከራ በተድበሰበሰ የስልጣን ጥያቄ እና አዲስ አበባ ላይ ጎርፍ አየን በሚል የቱቦ መደፈን እና መዘጋት ጉዳይ እያነሱ ሊያጃጅሉን ይሞክራሉ። ለራሳችሁ የመጃጃል መብታችሁን ብናከብርም ኢትዮጵያን ለማሻሻጥ የምታደርጉትን የባንዳነት ተግባር ግን አይደለም ይህ ትውልድ መጪው ትውልድም በይቅርታ የሚዘለው ጉዳይ አይደለም። ሌላው ቀርቶ ለገዛ ልጆቻችሁም ''የባንዳ ልጆች '' ከመባል አያስጥላቸውም።

ኢትዮጵያ እና የኢትዮጵያ ሕዝብ የተኙ ለመሰሏችሁ።

የኢትዮጵያ ሕዝብ ከግማሽ ክፍለዘመን በላይ ልጆቹን በጦርነት የማገዱትን የአዛውንት ክበቡን ፅንዶ፣ ያሳደገቻቸው እናታቸው ኢትዮጵያ እና ሕዝቧ የባሕር በር ተዘግቶበት እያዩ ዛሬም ለእናታቸው መውጫ በር ለመዝጋት የሚራወጡቱ እና ባንዳ ዩቱበሮችን ተግባሮቻቸውን ሁሉ በአንክሮ እየተከታተለ፣ ትዕግስቱን ከመፈታተን በላይ ከደሙ አልፎ አጥንቱን እያጋሉት መሆኑ አልገባቸውም። ይህ እንቆቅልሽ የሆነ ምድር ነው  ኢትዮጵያ፣ ይህ የተኛ ሲመስልህ እንደ አንበሳ አጓርቶ፣እንደ ግስላ የሚነሳ ሕዝብ ያለበት ሀገር ነው። ኢትዮጵያ ና የኢትዮጵያ ሕዝብ በአማራ፣በትግራይ እና በኦሮሞ ስም እያላችሁ በስሙ የነገዳችሁ ብቻ ሳትሆኑ ለባዕዳን ለመሸጥ እና ኢትዮጵያን ለማፍረስ የምታደርጉትን የአዛውንቶች ክበብ ስብስብም ሆነ በዩቱብ የባንዳነታችሁን ላንቃ የምትለቁበት ሁሉ ዕወቁት። የኢትዮጵያ ሕዝብ አልተኛም።ኢትዮጵያም አልተኛችም።እንዴት ተነስቶ ባንዳነትን እና ኢትዮጵያን ለማፍረስ የተውተረተሩትን ሁሉ እንደሚቀጣ ያውቅበታል።ከእዚህ በፊትም ሲነሳ ታውቁታላችሁ።ሀገሩ ተገማች አይደለም። ሕዝቡም እንዲሁ።

++++++++++++++/////++++++++++++++

የኢትዮጵያ የባሕር ኃይል አዛዥ ኮሞዶር ጌታቸው ስዩም በምፅዋ የኢትዮጵያ የባሕር በር ላይ እጅ አልሰጥም ብለው ያፈሰሱት ደም ዛሬም በባሕሩ ዳር ላይ ይጣራል።

በአስመራ የተወለዱት የኮሞዶር ጌታቸው ባለቤት፣በአዲስ አበባ የተወለዱት ልጆቻቸው ዛሬ ላይ ሆነው የሚነግሩን አለ 

ሙሉ ቪድዮውን ይከታተሉ።

በግሪክ የምትገኘው የኢትዮጵያ ኦርቶዶክስ ተዋሕዶ ቤተክርስቲያን ጉዳይ ዛሬም ከምንጊዜውም በላይ የቅዱስ ሲኖዶስን የአፈጻጸም ጥብቅ ክትትል ትፈልጋለች።በሺህ የሚቆጠሩ ምእመናን ችግር ላይ ናቸው።

በጥንታውቷ ግሪክ ዋና ከተማ ከአቴንስ ወጣ ብሎ  ከስድስት ሺህ ካሬ በላይ ስፋት ያለው በኢትዮጵያ ኦርቶዶክስ ተዋሕዶ ቤተክርስቲያን ስም የተገዛው ገዳም

=============

ጉዳያችን ልዩ ሪፖርት
=============

ኢትዮጵያና ግሪክ

ኢትዮጵያና ግሪክ ወደኋላ ከአምስት ሺህ ዓመታት በላይ ታሪክ ያላቸው ጥንታውያን አገሮች ውስጥ በቀዳሚነት ከሚቀመጡት ውስጥ ናቸው።800 ዓዓ አካባቢ የኖረው የግሪክ ባለቅኔ ሆሜር ኢትዮጵያን በጽሑፉ ከትቧታል። በግሪክ አይቲዮፕያ የጠይም ሰው መገለጫ ነው። ኢትዮጵያ እና ግሪክ የጥንቱ የኦርቶዶክስ ቤተክርስቲያን  ከፍተኛ ቁጥር ያለው ህዝብ ስላላቸው ብቻ ሳይሆን በቀላሉ የማይቦረቦር ክፍለ ዘመናትን በኩራት የተሻገረ ባሕል ባለቤቶች ናቸው።ከእዚህ በዘለለ ወደ የጥንቱ የዓለም ታሪክ ስንሄድ ኢትዮጵያ በቀይባህር ላይ ባላት የበላይነት፣ግሪክ ደግሞ በሜዴትራንያን ባህር ላይ ባላት ስልታዊ ወሳኝ አቀማመጥ አንጻር ከንግድ ግንኙነት በላይ ተጽዕኖ ፈጣሪነታቸው ጉልህ ነበር።

በዘመናዊዋ ኢትዮጵያ በቀዳማዊ  አጼ ኃይለሥላሴ ዘመን ኢትዮጵያ እና ግሪክ ግንኙነት ወደ ከፍተኛ ደረጃ የተሸጋገረበት ነበር።ንጉሱ በ1947 ዓም ግሪክ ዋና ከተማ አቴንስ ሲገቡ የአቴንስ ሕዝብ በከፍተኛ ቁጥር በአደባባይ ወጥቶ ተቀብሏቸዋል። በሁለተኛው የዓለም ጦርነት በጸረ ፋሽሽት ትግል አኩሪ ገድል የፈጸመው የግሪክ ህዝብ በአውሮፓ ደርሶ እንደነበረው ጦርነቱ እንደ አውሮፓውያን አቆጣጠር 1945 ዓም እንደተጠናቀቀ ረሃብ ገብቶ ነበር። በእዚህ ጊዜ ታድያ አፄ ኃይለሥላሴ አቴንስ ከተማ ተገኝተው ቁጥሩ ብዙ የሆነ የቁም ከብት ገዝተው ህዝቡን በአደባባይ ስጋ አብልተዋል። ይህ ሥጋ ህዝቡን ያበሉበት ቦታ አሁን ድረስ አቢሲኒያ አደባባይ ይባላል።የእዚህ ጽሑፍ አዘጋጅም ቦታው ድረስ ሄዶ በአደባባዩ ዙርያ ያሉ ባለሱቆችን ለምን የአቢሲንያ አደባባይ ተባለ ብሎ ሲጠይቃቸው ይህንኑ ንጉሱ የሰሩት የቸርነት ሥራ አስታውሰው ነግረውታል። 

ግሪኮች በቀድማዊ ኃይለሥላሴ ዘመነ መንግስት ጊዜ በተለይ ወደ ኢትዮጵያ እየመጡ በመኖር በንግድ፣በመምህርነት፣በግንባታ እና በተለያዩ ሙያዎች ተሰማርተው ለኢትዮጵያ ከፍተኛ አስተዋጽኦ አድርገዋል።በምሕንድስናው ዘርፍ መሃል አዲስ አበባ የሚገኘው የአራዳ ቅዱስ ጊዮርጊስ ሕንጻ ዲዛይን እስከ የንግድ ባንክ ህንጻዎች ግሪካውያን አሻራቸውን አስቀምጠዋል። እዚህ ላይ የሱፐርማርኬት ባለቤቱ እና ከቤቴ የኢትዮጵያ ሰንደቅ ዓላማ ተለይቶኝ አያውቅም ያሉት አቶ ባምቢስን ማስታወስ ይቻላል።ይህ ሁሉ ሆኖ በአሁኑ ጊዜ ግን ኢትዮጵያውያን እና ግሪካውያን ግንኙነት ላይ በጣም የጠለቀ ግንኙነት አይታይም።አዳዲሶቹ የሁለቱ አገሮች ትውልዶች በሚገባ መተዋወቅ እንዲችሉ የባሕል ልውውጥ እና የንግድ ግንኙነታቸውን ማሳደግ አለባቸው። እዚህ ላይ በኢትዮጵያ ይኖሮ የነበሩ ግሪካውያን የመሰረቱት የግሪክ ኢትዮጵያውያን ማኅበርን መጥቀስ ይቻላል። ማኅበሩ በየጊዜው የኢትዮጵያውያንን ባሕል እና ታሪክ በማስተዋወቅ የተጋ ማኅበር ሲሆን በአቴንስ የሚገኘውን የአቢሲንያ አደባባይ ሕጋዊ ይዞታ እንዲጠበቅ እና የቀዳማዊ አጼ ኃይለስላሴን ሃውልት ለማሳነጽ እንቅስቃሴ ላይ ያለ ማኅበር ነው። 

የኢትዮጵያ ኦርቶዶክስ ተዋሕዶ ቤተክርስቲያን በግሪክ ሕጋዊ ዕውቅና እንዴት አገኘች?

በአቴንስ የምትገኘው የኪዳነ ምሕረት ቤተክርስቲያን በተለይ ከ1994 ዓ/ም ጀምሮ  የሰነድ ተቀባይት ችግሯን መፍትሔ ለመስጠት ሰበካ ጉባኤው በላከው ደብዳቤ በብፁዕ አቡነ ጳውሎስ በሚመራው ቅዱስ ሲኖዶስ ዕውቅና የተሰጣት ሲሆን ይኽውም የሶማቲዎ (ማኅበር) የግብር መለያ ቁጥር (Tax No) 997874156  “AΙΘΙΟΠΙΚΗΣΟΡΘΟΔΟΞΗΣ ΕΚΚΛΗΣΙΑΣ ΤΗΣ ΑΘΗΝΑΣ” በሚል ንብረት ለማፍራት፣ ገንዘብ ለማንቀሳቀስ፣ በግብርና ተያያዥ ክፍያዎች አፈጻጸም ዙሪያ ያሉ ችግሮችንም ለመፍታት በሚያስችል መልኩ ቤተክርስቲያኒቱ እውቅና አግኝታለች። ይህንን እውቅና የዛሬ አስር ዓመት ቅዱስ ሲኖዶስ በሦስት ሰዎች አሳሳች ደብዳቤ ቀድመው በመጡት አባ ወልደሚካዔል ጣውዬ ላይ ተደርበው በመጡት አባ ገብረየሱስ ጊዜ የቤተክርስቲያኒቱ ፍቃድ በክስ ምክንያት ለማወዛገብ ተሞክሮ ነበር።

ይህም ሆኖ ግን በግሪክ የኢትዮጵያ ኦርቶዶክስ ተዋህዶ ስም የተመዘገበው እና በሶማትዮ ማኅበርነት የሚታወቀው አደረጃጀች ዛሬም በግሪክ መንግስት እውቅና ያለው ብቻ ሳይሆን በመተዳደርያ ደንቡም ውስጥ ኦርቶዶክሳዊ ትምሕርቶችን ከግሪክ አልፎ እስከ መካከለኛው ምስራቅ ድረስ ማስፋፋት እንደሚችል በጸደቀለት ደንብ ተገልጿል። ከእዚህ በተለየ በኢትዮጵያ ኦርቶዶክስ ተዋህዶ ቤተክርስቲያን ደንብ እና ስርዓት መሰረት ያለው አደረጃጀች በውስጥ ደንቡ መሰረት የሚነሱ ማናቸውም የሃይማኖት ክርክሮች እና ጥያቄዎች የሚፈታው በኢትዮጵያ ኦርቶዶክስ ተዋህዶ ቤተክርስቲያን ዶግማና ቀኖና መሰረት ብቻ እና ብቻ እንደሆነ ደንቡ ያዛል።ይህም በቤተርክስቲያኒቱ ላይ ለሚነሱ የሃይማኖት ቅሰጣዎች ሁሉ ዕድል የማይሰጥ ሆኖ የተደራጀ ጠንካራ አደረጃጀት ያለው ነው።

በግሪክ የምትገኘው የኢትዮጵያ ኦርቶዶክስ ተዋሕዶ ቤተክርስቲያን ጉዳይ ዛሬም ከምንጊዜውም በላይ የቅዱስ ሲኖዶስን የአፈጻጸም ጥብቅ ክትትል ትፈልጋለች።

ቅዱስ ሲኖዶስ በመጋቢት/2017 ዓም አቡነ ጢሞቲዎስ እና አቡነ ጴጥሮስ ያሉበት ልዩ ልዑክ ግሪክ ድረስ ልኮ የግሪክ የኢትዮጵያ ኦርቶዶክስ ተዋሕዶ ቤተክርስቲያንን ጉዳይ ለማየት ተሞክሯል። ከብፁአን ሊቃነ ጳጳሳት የአቴንስ ጉዞ ተከትሎ ቅዱስ ሲኖዶስ ክሕነታቸው ተይዞ የነበረው የአባ ወልደሚካኤልን ስልጣነ ክሕነት የመለሰ ሲሆን ለአቴንስ ኪዳነ ምሕረት ቤተክርስቲያን በሕገ ቤተክርስቲያን መሰረት አዲስ አስተዳዳሪ ሊቀስልጣናት አባ ኪሮስ ጸጋዬን መድቦ፣በአሁኑ ጊዜ ምእመናን የአዲሱን አስተዳዳሪ መምጣት በመጠባበቅ ላይ ይገኛሉ።ይህ በአሁኑ ጊዜ ቤተክርስቲያኒቱ የምትገኝበት ተጨባጭ እውነት ነው።

ይህ በእንዲህ እያለ ከቅዱስ ሲኖዶስ ውሳኔ በኋላ በግሪክ የምትገኘው የኢትዮጵያ ኦርቶዶክስ ተዋሕዶ ቤተክርስቲያን ዙርያ የሚከተሉት ሁኔታዎች ተከስተዋል እነርሱም ፡

• አቴንስ ፖሊጎኖ የምትገኘው ለአራት አስርተ ዓመታት ምእመናን ሲገለገሉባት የነበረችው የኪዳነ ምሕረት ቤተክርስቲያን በአጽራረ ቤተክርስቲያን በሆኑ በቤተክርስቲያን ውስጥ ፊሽካ ከመንፋት እስከ ደም ማፍሰስ ወንጀል በፈጸሙ እና አሁንም ጉዳያቸው በሕግ የተያዘ ግልሰቦች እና እራሱን ኪኖቲታ በማለት በሚጠራ የዕድር አደረጃጀት በፈጠሩት ሁከት አማካይነት ቤተክርስቲያኒቱ በግሪክ መንግስት እንድትዘጋ ሆነ።
• ቤተክርስቲያኒቱ ከተዘጋች ወዲህ በአቴንስ የሚኖሩ የኢትዮጵያ ኦርቶዶክስ ተዋሕዶ ቤተክርስቲያን የሚያስቀድሱበት ቦታ በተለይ በአቴንስ ከተማ ውስጥ አለመኖሩና ቤተክርስቲያኒቱን በግሪክ በሕጋዊነት እንዲያገለግሉ የተመደቡት ሊቀስልጣናት አባ ኪሮስ ጸጋዬ ወደ ግሪክ በቶሎ አለመምጣት መጪው የፍልሰታ የፆም ወቅት ሳይቀር ምእመናን ተቸግረው እንደሚያሳልፉ ቅዱስ ሲኖዶስም የሚያውቀው ጉዳይ ነው።
• ይህ በእንዲህ እያለ የሀገረ ስብከቱ ሊቀ ጳጳስ በአቡነ ኤልያስ ቤተክርስቲያኒቱን ያወከውን የዕድር አደረጃጀት (ኪኖቲታን) ማዕከል ያደረገ  በሆቴል ያደረጉት ''ጉባዔ'' አይደለም ሌላ የራሱ የኪኖቲታ ስር ናችሁ የተባሉ ምእመናንን ሳይቀር ማሰባሰብ ያልቻለ ብቻ ሳይሆን በቅዱስ ሲኖዶስም ምንም እውቅና የሌለው የጉባዔው ምንነት እና ሆቴል የተመረጠበትም ምክንያት ሳይታወቅ ተድበስብሶ ይሄው ሳምንታት ነጎዱ። 
• ቤተክርስቲያኒቱ በስሟ የተገዛውን ከስድስት ሺህ ካሬ በላይ ስፋት ያለው በአውሮፓ የመጀመርያዋ የሆነውን ገዳም በተመለከተ ምን ደረሰ፣ይህ የኢትዮጵያ ቤተክርስቲያን ንብረት ነው ብሎ የሚከታተለው ሊቀጳጳስም ሆነ ሀገረስብከት ሳይኖረው ስምንት ዓመታትን ያሳለፈበት እውነታ ዛሬም መሬት ላይ ያለ ዕውነታ ነው።
• አቡነ ኤልያስ በግሪክ የሃይማኖት ሚኒስቴር በኩል በኢትዮጵያ ኦርቶዶክስ ተዋሕዶ ቤተክርስቲያን በግሪክ ያላቸው የኃላፊነት ደረጃ በግልጽ እንዲነገረው በአዲስ አበባ የሚገኘውን የግሪክ ኤምባሲ ቤተክሕነት ድረስ ሄዶ እና የሚመለከተውን መምርያ ተገናኝቶ እንዲገለጽለት ጠየቀ።
• የግሪክ የሃይማኖት ሚኒስቴር ይህንን ጥያቄ ያቀረበበት ምክንያት አቡነ ኤልያስ ተደጋጋሚ ደብዳቤ በተለይ ወደ የግሪክ የሃይማኖት ሚኒስቴር በመላክ በግሪክ ያለውን ጉዳይ እኔ የምቆጣጠረው ነው በሚል ከጊዜያዊ አስተዳዳሪ ምደባ ጀምሮ በሚልኳቸው ደብዳቤዎች የሚኒስቴር መስርያቤቱ ግራ ስለተጋባ ነበር።
• በእዚህ መሰረትም መስመር ኤምባሲው ወደ ቤተክሕነት ልዑክ ልኮ የአቡነ ኤልያስ የኃላፊነት መጠን በቤተክርስቲያን ሲጋበዙ መባረክ ብቻ መሆኑ ተገለጸለት።ይህ የማጣራት ሂደት በግሪክ የሃይማኖት ሚኒስቴር ከደረሰው በኋላ አቡነ ኤልያስ በግሪክ በተጋበዙበት ቦታዎች የመባረክ ተግባራትን እንጂ በግሪክ የምትገኘው የኢትዮጵያ ኦርቶዶክስ ተዋሕዶ ቤተክርስቲያን በተመለከተ ማናቸውም ጉዳዮች የሚከወኑት እና የተፈጻሚነት ደብዳቤዎች የሚመጡት ከቅዱስ ሲኖዶስ ብቻ መሆኑን የሃይማኖት ሚኒስቴር አረጋገጠ።
• በእዚህም መሰረት ምንም እንኳን እንደ ኢትዮጵያ ኦርቶዶክስ ተዋሕዶ ቤተክርስቲያን ስርዓት እና ደንብ መሰረት የሃገረስብከቱ ሊቀጳጳስ ሚና ከፍተኛ ቢሆንም ከግሪክ አንጻር ግን የሃይማኖት ሚኒስቴር ባረጋገጠው የሕግ ተቃርኖ ትንተና መሰረት አቡነ ኤልያስ በአሁኑ ጊዜ በግሪክ ቤተክርስቲያን የመመስረትም ሆነ የማስቀጠል እንዲሁም በሃይማኖት ሚኒስቴር በኩል አስተዳዳሪ የመሾም መብት እንደሌላቸው በግሪክ የሃይማኖት ሚኒስቴር በኩል የታወቀ ነው።
• ለእዚህም ነው አንዳንድ በኪኖቲታ በኩል ያሉ ምእመናን ወንድሞች እና እህቶች ቤተክርስቲያን ልንገዛ ነው፣ገንዘብ አዋጡ ስትባሉ ሁለቴ አስቡ። አሰራሩ እንደዛ አይፈቅድም ገንዘቡን ለመዝረፍ ያሰፈሰፉ ዙርያችሁን አሉ እያልን ደጋግመን የምንመክረው።
• በግሪክ ለምትገኘው የኢትዮጵያ ኦርቶዶክስ ተዋሕዶ ቤተክርስቲያን አስተዳዳሪ የሚመደበው በቅዱስ ሲኖዶስ ብቻ መሆኑ ለግሪክ የኃይማኖት ሚኒስቴር በድጋሚ ግልጽ ስለሆነ አሁንም ቅዱስ ሲኖዶስ የመደባቸው ሊቀ ስልጣናት አባ ኪሮስ ጸጋዬ ሲመጡ ብቻ ነው ቤተክርስቲያኒቱ በግሪክ ያላት የማስፈጸም አቅም የሚከፈተው።ይህ በግሪክ ያለው ተጨባጭ ሁኔታ ነው።

አሁን ቅዱስ ሲኖዶስ በግሪክ የምትገኘው የኢትዮጵያ ኦርቶዶክስ ተዋሕዶ ቤተክርስቲያን አንጻር ምን ማድረግ አለበት?

ቅዱስ ሲኖዶስ አሁንም በግሪክ የምትገኘው የኢትዮጵያ ኦርቶዶክስ ተዋሕዶ ቤተክርስቲያን አንጻር የሚከተሉትን አፋጣኝ ተግባራት ቢያከናውን የኢትዮጵያን ቤተክርስቲያን በግሪክ እንድታብብ ወሳኝነት ይኖረዋል። እነርሱም፡

1. የሊቀስልጣናት አባ ኪሮስ ጸጋዬ የግሪክ ጉዞ በተመለከተ ቅዱስ ሲኖዶስ ልዩ ክትትል በሚከተሉት ሁለት መንገዶች መከታተል እና ማስፈጸም ይችላል።
• በአዲስ አበባ የሚገኘው የግሪክ አምባሳደርን ቅዱስ ፓትርያሪካችን ጠርተው ቤተክርስቲያኒቱ የመደበቻቸው አባት ወደ ግሪክ ተጉዘው በፍጥነት አገልግሎት እንዲጀምሩ እንዲያደርጉ ውይይት ማድረግ እና ለግሪክ የኦርቶዶክስ ቤተክርስቲያንም ደብዳቤ በመጻፍ ቤተክርስቲያኒቱ ቅሬታዋን ማቅረብ አለባት።
• የግሪክ ሀገረ ስብከት አንዱ የገጠማት ችግር ሀገረስብከቱን አስተባብሮ የቤተክርስቲያንን ችግር ከመፍታት ይልቅ በግል እና የሀገረስብከቱን መዋቅራዊ አቅም ባገለለ መልክ ከግለሰቦች ጋር በሚደረግ  ግንኙነት ብቻ ለመምራት የሚሞክሩት የሀገረ ስብከቱ ሊቀጳጳስ አካሄድ መሆኑ ፀሐይ የሞቀው እና ሊቀጳጳሱን የሚቀርቡ ሁሉ እጅግ ያዘኑበት ጉዳይ ነው። በመሆኑም ሀገሩን እና ዘመኑን የዋጀ የሀገረ ስብከት ሊቀጳጳስ ምደባ አሁንም በግሪክ የምትገኘው የኢትዮጵያ ቤተክርስቲያን ከቅዱስ ሲኖዶስ የምትጠብቀው አሁንም አንገብጋቢው ጉዳይ እና ቅዱስ ሲኖዶስም ከእዚህ አንጻር የጉዳዩን አንገብጋቢነት ለመረዳት መዘግየቱ አሁንም ድረስ በቅርብም ሆነ በሩቅ ያሉ የቤተክርስቲያኒቱን አባቶችም ሆነ ምእመናንን ግራ ያጋባ ጉዳይ ነው።
2. በግሪክ የኢትዮጵያ ኦርቶዶክስ ተዋሕዶ ቤተክርስቲያን አስተዳዳሪ ምደባ ጉዳይ ከቤተክርስቲያን ጉዳይነት በዘለለ የሀገር ገጽታ፣ ከእዚያም ሲያልፍ የኢትዮጵያና የግሪክ የረጅም ጊዜ ትስስር ነጸብራቅም ስለሆነ የኢትዮጵያ ውጪ ጉዳይ ሚኒስቴር የአውሮፓ ዴስክ እና በጣልያን የሚገኘው የኢትዮጵያ ኤምባሲም በጥብቅ ተከታትሎ ሊያስፈጽመው የሚገባ ጉዳይ ነው።በውጪ የሚኖረው ማኅበረሰብ የራሱን ኃይማኖት በተገቢ መንገድ ማከናወን አለመቻሉ ከቤተክሕነትም አልፎ የኢትዮጵያውያን ጉዳይ ያገባኛል የሚል ማናቸውም ቢሮ ይመለከተዋል። ስለሆነም የተጠያቂነቱ አድማስ በቀላሉ የሚወሰን አይደለም።

ባጠቃላይ በግሪክ የምትገኘው የኢትዮጵያ ኦርቶዶክስ ተዋሕዶ ቤተክርስቲያን ጉዳይ በተመለከተ ቅዱስ ሲኖዶስ በመላው ዓለም ከሚገኙ የቤተክርስቲያኒቱ ችግሮች በቀዳሚነት እና አንገብጋቢነት የሚገኝ መሆኑን ተመልክቶ ጥብቅ ክትትል አለማድረጉ ቤተክርስቲያንን በእጅጉ የሚጎዳ ብቻ ሳይሆን በእግዚአብሔርም ሆነ በሰው ፊት የሚያስጠይቅ የጊዜያችን እጅግ አንገብጋቢ ጉዳይ መሆኑን ደግመን አሁንም እንደልጅነት ለብፁዓን አባቶቻችን ለማሳሰብ እንወዳለን።

=======================///=============

የክፍለዘመናችን የኢትዮጵያ የስልጣኔ ማማ መለኪያ የሆነው ታላቁ የኢትዮጵያ ጉባዔ ነገ በአዲስ አበባ ይከፈታል። ህልውናችን፣መጪው ስልጣኔያችን፣ሰላማችን እና ዕድገታችን በእዚህ ጉባዔ ውጤትና ሒደት ይወሰናል።

Foto : Fana digital

•  የቻልን በሀሳብ እና በጸሎት፣ ያልገባን እና የተምታታብን ደግሞ እኪገባን በዝምታ በመቆየት ኢትዮጵያን እናግዛት።

=========

ጉዳያችን ልዩ

=========

ኢትዮጵያ ሐምሌ 8፣2018 ዓም ከ4 ሺህ በላይ ከመላ ሀገሪቱ የተውጣጡ ተሳታፊዎች እንደሚሳተፉና 93% የኢትዮጵያን ክፍል እንደሸፈነ የተነገረለት የሀገራዊ ምክክር ጉባዔ በአዲስ አበባ ይከፈታል።የሀገራዊ ምክክር ኮሚሽን አመሰራረትና አደረጃጀት ኢትዮጵያ በቅርብ ዓመታት እየገነባቻቸው ያሉት የተቋሞቿ የጥራት ደረጃ አንዱ ማሳያ ሊሆን ይችላል። ተቋም የሚለካው ከተቋማዊ መዋቅሩ አንጻር ብቻ ሳይሆን ከአመሰራረቱ ግልጽነት እና ሒደት ጭምር ነው። ከእዚህ አንጻር የሀገራዊ ምክክር ኮሚሽን የአመሰራረት ሂደትና የያዘው የሰለጠነ የሰው ኃይል ኢትዮጵያን በሚመጥን መልኩ የተቀናጀ ነው። 

ኮሚሽኑ ሰሞኑን በሸራተን አዲስ ሆቴል ለሚዲያዎች መግለጫ መስጠቱ ይታወሳል። በዚህም የኮሚሽኑ ዋና ኮሚሽነር መስፍን ዓርዓያ (ፕ/ር)፣ "ዋናው ሀገራዊ ጉባዔ ሐምሌ 8 ቀን 2018 ዓ/ም ጀምር ይካሄዳል" ሲሉ ተናግረዋል።

ይህ የመጨረሻው ዋና ጉባዔ በአዲስ አበባ ከተማ ከሦስት ሳምንታት ባልበለጠ ጊዜ እንደሚካሄድም አስታውቀዋል።

በትግራይ ክልል በሚስተዋለው የፖለቲካ አለመረጋጋት መግባት ባለመቻሉ የክልሉን አጀንዳ በአዲስ አበባ ከተማ መቀበሉን፣ በሌሎች ሁሉም ክልሎች በአካል በመንቀሳቀስ መቀበሉን ሲያስታውቅ ቆይቷል። በተያያዘ የቀረቡለት አጀንዳዎቹን ለባለድርሻ አካላት በማቅረብ ሀሳብ እየተቀበለ መሆኑን መሆኑን ከሰሞኑ ጭምር ገልጿል።

በውጭ ሀገራት ከሚገኙ ዳያስፖራዎችም አጀንዳ መቀበሉን ኮሚሽኑ ገልጿል።

ኮሚሽኑ መጀመሪያ በተሰጠው ሦስት አመታት ስራው ባለመጠናቀቁ ፓርላማው ለአንድ ዓመት ተጨማሪ ጊዜ ከሰጠው በኋላ፣ ያም ባለመብቃቱ ለሁለተኛ ጊዜ የስምንት ወራት ጊዜ ተጨምሮለት እየሰራ ይገኛል።

ኮሚሽኑ ከመላው ሀገሪቱ እና ከራሱ ከመንግስትም ጭምር አጀንዳዎችን ከተቀበለ በኋላ አጀንዳዎቹን በሚከተሉት ዋና ዋና ሃሳቦች ጠቅልሏቸዋል።

እነርሱም ፡-

👉 የሀገር ግንባታ

👉 የመንግሥት አደረጃጀትና ቅርጽ፣ የፖለቲካ ሥርዓት፣ የፖለቲካ ውክልና እና የምርጫ ሥርዓት፣ 👉 የፌዴራል ከተሞች አዲስ አበባና ድሬዳዋ ጉዳይ፣ 👉 የሃይማኖት ጉዳዮች፣ታሪካዊ ቅሬታዎች እና እርቅ 👉 የተቋማት ግንባታ፣ የሕግ የበላይነትና ሰብዓዊ መብቶች፣ 👉 ማህበራዊና ኢኮኖሚያዊ እንዲሁም የአርሶ አደሮች እና አርብቶ አደሮች ጉዳዮች

👉 ሙስና እና መልካም አስተዳደር እና የሰላም ግንባታ ናቸው፡፡

ይህ ጉባዔ የኢትዮጵያ የኢትዮጵያ የስልጣኔ ማማ መለኪያ የሆነው ታላቁ የኢትዮጵያ ጉባዔ ነው።

ህልውናችን፣መጪው ስልጣኔያችን፣ሰላማችን እና ዕድገታችን በእዚህ ጉባዔ ውጤትና ሒደት ይወሰናል። በእዚህ ጉባዔ ከባሕር ማዶ ተቀምጠው አቃቂር የሚያወጡ እና በገዛ እናታቸው ኢትዮጵያ የወደፊት ዕጣ ላይ የሚሳለቁ ወደ ሕሊናቸው እንዲመለሱ ይመከራሉ። በራስ ላይ መቀለድ ለጊዜው እንደ ቀላል ሕመም ሊታይ ይችላል።በአሁኑ እና በመጪው ትውልድ ላይ ለመቆመር መሞከርና በመዘባበት እንዲሁም ትውልዱ እያደረገ ያለውን ምክክር ለማጣጣል መሞከር ግን እንዲሁ በቀላል መታየት ያለበት ጉዳይ አይደለም። ትውልዱ እራሱ ተዉን! ተመካክረን ችግራችንን እንፍታበት! ብሎ ሊገስጻቸውና ከእዚያም ሲያልፍ መቅጣት መቻል አለበት።

አሁን ኢትዮጵያ እየመከረች ነው። መንግስትም የራሱን አጀንዳ እንደማንኛውም የሕብረተሰብ ክፍል አቅርቦ እኩል የሚወያይበት እና በኢትዮጵያ መጪው የፖለቲካ፣ማኅበራዊ እና ምጣኔ ሀብታዊ ጎዳና ላይ ጉልህ አስተዋጽዖ የሚኖረው ሀገራዊ ውይይት እንዲሳካ እና ለሀገራችን ጥቃቅኖቹም ሆነ ግዙፍ የልዩነት ጉዳዮች መፍትሔ እንዲሰጥ የቻልን በሀሳብ እና በጸሎት፣ ያልገባን እና የተምታታብን ደግሞ እኪገባን በዝምታ በመቆየት ኢትዮጵያን እናግዛት።

============///////==========

ክቡር ጠቅላይ ሚንስትር ዐቢይ አሕመድ ወቅታዊውን የኢትዮጵያን ፖለቲካዊ፣ወታደራዊ፣ምጣኔሐብታዊ እና ማኅበራዊ ጉዳዮች በተመለከተ ሰኔ 30/2018 ዓም ለፓርላማ ማብራርያ የሰጡባቸው ሁለት ክፍል ቪድዮዎች።

ክፍል አንድ 

ክፍል ሁለት

7ኛው የኢትዮጵያ ብሔራዊ ምርጫ ግንቦት 24፣2018 ዓም በከፍተኛ የሕዝብ ተሳትፎ ተጠናቋል።

ጠቅላይ ሚንስትር ዐቢይ አሕመድ በሰባተኛው ብሔራዊ ምርጫ ድምፅ ሲሰጡ።

• ስለምርጫው ዝርዝር ጉዳይ ምን ያውቃሉ?

✓ ሰባተኛው የኢትዮጵያ ብሔራዊ ምርጫ 42 ፓርቲዎች እና 73 የግል ተወዳዳሪዎች ለተለያዩ ምክር ቤቶች ዕጩዎች የቀረቡበት ነው።

✓ በዚህ ምርጫ በአጠቃላይ 2,198 ለሕዝብ ተወካዮች ምክር ቤት እንዲሁም 8,736 ለክልል ምክር ቤቶች መቀመጫዎች በዕጩነት ቀርበው ተወዳድረዋል።

✓ በዚህም በምርጫው የተወዳደሩት አጠቃላይ ዕጩዎች ቁጥር 10,934 ዕጩዎች መሆናቸውን የብሔራዊ ምርጫ ቦርድ መረጃ ያመለክታል።

✓ ለሕዝብ ተወካዮች ምክር ቤት እና ለክልል ምክር ቤቶች ከፍተኛውን ዕጩዎች ያቀረቡት ሦስት ፓርቲዎች ናቸው።

✓  በዚህም ገዢው ብልጽግና 2,950 ዕጩዎችን በማቅረብ ቀዳሚ ሲሆን፣ የኢትዮጵያ ዜጎች ለማኅበራዊ ፍትህ (ኢዜማ) 1,256 እና ሦስተኛው ትብብር ለኢትዮጵያ አንድነት 1,032 አቅርበዋል

✓ ሌሎች ፓርቲዎች እና የግል ተወዳዳሪዎችም በተለያየ ቁጥር ለተለያዩ ምክር ቤቶች መቀመጫ ለማግኘት ዕጩዎችን በምርጫው ላይ እንዲወዳደሩ አቅርበዋል።

 ✓ በአማራ ክልል ከሚገኙ 138 የምርጫ ክልሎች መካከል በስምንቱ ምርጫ እንደማይደረግ የኢትዮጵያ ብሔራዊ ምርጫ ቦርድ ቀደም ብሎ ማስታወቁ ይታወሳል።

✓ በአማራ ክልል ድምጽ የማይሰጥባቸው 8ቱ የምርጫ ክልሎች በደቡብ እና ምዕራብ ጎንደር፣ በአምባሰል እንዲሁም በደጋ ዳሞት የሚገኙ መሆናቸው ተገልጿል።

✓ በትግራይ ክልል ከሌሎች የአገሪቱ ክልሎች ጋር በአንድ ላይ ምርጫ አልተካሄደም።

 ✓ የምርጫ ቦርድ ሰብሳቢዋ ወ/ሮ ሜላተወርቅ ሰኞ ዕለት ድምጽ በማይሰጥባቸው ስምንት የምርጫ ክልሎች ወደፊት እንዲመርጡ እንደሚደረግ ገልጸዋል።

✓ በትግራይም 38 ወንበሮች ክልሉ በምርጫ ቦርድ በተቀመጠው የምርጫ ሒደትና ሕግ መሰረት የሚካሔድና ወንበሮቹ ክፍት ሆነው ይጠብቃሉ።

✓ ትናንት ግንቦት 24፣2018 ዓም የተደረገው ብሔራዊ ምርጫ 501 ዕጩዎችን ወደ የሕግ መወሰኛው ወይንም የተወካዮች ምክርቤት የሚያስገባና ምስክርም 25፣2019 ዓም በሚከፈተው የኢትዮጵያ ምክርቤት አዲሱ መንግስት ሥራ ይጀምራል።

✓ በእዚህ ምርጫ የኢትዮጵያን የመንግስት ስሪት ምርጫውን በማደናቀፍ ዕቅድ ተግባር የሸረቡ የቅርብና የሩቅ ቡድኖች በኢትዮጵያ ሕዝብ ጥንቁቅና የቆረጠ የምርጫ ተሳትፎ በእጅጉ ተበሳጭተዋል።

በሰባተኛው የኢትዮጵያ ምርጫ የተሳተፉ ብሔራዊና የክልል ፓርቲዎች ዝርዝር:-

ምንጭ:- የኢትዮጵያ ብሔራዊ ምርጫ ቦርድ

ምንጭ:- የኢትዮጵያ ብሔራዊ ምርጫ ቦርድ

ከሰባተኛው የኢትዮጵያ ምርጫ በቀጣይ የሚታዩ የሚታዩት ሦስት እውነታዎች

ኢትዮጵያ 7 ኛው የሕዝብ ተውወካዮች ምክርቤት ምርጫ ሰኞ ግንቦት 24፣2018 ዓም ታካሂዳለች።ይህንን ምርጫ አንዳንዶች ሊያቃልሉት እና በለሆሳስ ሊያልፉት ይሞክራሉ።ሌሎች ደግሞ ምርጫው ይልቅ ነው ብቅ ፉክክር አልታየበትም ይላሉ።የቀሩት ሞቅ ሞቅ አላለልንም ይላሉ።እነኝህኞቹ ተፎካካሪዎች የሆኑ የድራፍት ቤት መነጋገርያ የሆኑ ቃላት ሲቀያየሩ ካላዩ ደስ የማይላቸው ናቸው።

ይህ ምርጫ ግን የኢትዮጵያን መጻኢ መንገድ የሚያቀና ነው።ምርጫው ከ ሀምሣ ሚልዮን በላይ ሕዝብ የሚሳተፍበት ሲሆን ለመጀመርያ ጊዜ በዲጂታልም ጭምር የሚከናወን ምርጥ ነው።

በእኔ ዕይታ ይህ 7ኛው የኢትዮጵያ ምርጫ ተከትሎ ሦስት እውነታዎች ለኢትዮጵያ ያመጣሉ።

እነርሱም:-

፩) ኢትዮጵያ ከጎሳ ፖለቲካ ማዕበል ቀዝፋ ወጥታ ወደ ሕብረብሔራዊ አንድነት የምትሸጋገርበት ነው።

፪) በጎሳ ፖለቲካ የቆሰለችው ኢትዮጵያ ቁስሏ መጥገግ የሚጀምርበት ነው።

፫) በሁለት እግሯ ለመቆም የምትጥረው ኢትዮጵያ ከባሕር በር የተገለለችበትን የክህደት ካባ አውልቃ በሁለት እግሮቿ ቆማ ተጽዕኖ ፈጣሪነቷ ዳግም የሚታይበት ጅማሮ ነው።

ሃተታ አላበዛም እነኝህ ሦስት እውነታዎች ዛሬ ያልገባን የዛሬ አምስት ዓመት ይገባናል።

ባሳለፍነው ሳምንት ኢትዮጵያውያን በስልጣን ላይ ያለውን መንግስት ደግፈው ተሰልፈዋል።ለሀገራችን በጎ የሚታየንን ከመውቀስ ኢትዮጵያ ያለፈችበትን፣አሁን የቆመችበትንና ለነገ ያቀደችውን መረዳቱ ጥቅም አለው።

ፎቶ ይናገራል።

በአቴንስ፣ግሪክ የምትገኘው የኢትዮጵያ ኦርቶዶክስ ተዋሕዶ የኪዳነምሕረት ቤተክርስቲያን ላለፉት 40 ዓመታት በላይ ስትጠቀምበት የነበረውን ፖሊጎኖ የሚገኘው ቤተክርስቲያን በፖሊስ ታሸገ።የቅዱስ ሲኖዶስ አፋጣኝ ምላሽ እየተጠበቀ ነው።

የአቴንስ ኪዳነምሕረት ቤተክርስቲያን የታሸገችበት የጉግል የእንግሊዝኛ ትርጉም እና የግሪክኛ ዋናው ኮፒ።

በግሪክ አቴንስ የምትገኘው እና ወደ ግማሽ ክ/ዘመን አገልግሎት ስትሰጥ የነበረችው እና በአቴንስ ፖሊጎኖ የምትገኘው የኪዳነምሕረት ቤተክርስቲያንን ሐሙስ ሚያዝያ 22፣2018 ዓም በግሪክ የሃይማኖት ሚኒስቴር መታዘዛቸውን በገለጹ የአቴንስ ኪፕሴሊ ወረዳ ፖሊሶች መታሸጉ ታውቋል።

መንደርደርያ

በአቴንስ የምትገኘው የኪዳነ ምሕረት ቤተክርስቲያን በተለይ ከ1994 ዓ/ም ጀምሮ  የሰነድ ተቀባይት ችግሯን መፍትሔ ለመስጠት ሰበካ ጉባኤው በላከው ደብዳቤ በብፁዕ አቡነ ጳውሎስ በሚመራው ቅዱስ ሲኖዶስ ዕውቅና የተሰጣት ሲሆን ይኽውም የሶማቲዎ (ማኅበር) የግብር መለያ ቁጥር (Tax No) 997874156  “AΙΘΙΟΠΙΚΗΣΟΡΘΟΔΟΞΗΣ ΕΚΚΛΗΣΙΑΣ ΤΗΣ ΑΘΗΝΑΣ” በሚል ንብረት ለማፍራት፣ ገንዘብ ለማንቀሳቀስ፣ በግብርና ተያያዥ ክፍያዎች አፈጻጸም ዙሪያ ያሉ ችግሮችንም ለመፍታት በሚያስችል መልኩ ቤተክርስቲያኒቱ እውቅና አግኝታለች። ይህንን እውቅና የዛሬ አስር ዓመት ቅዱስ ሲኖዶስ በሦስት ሰዎች አሳሳች ደብዳቤ ቀድመው በመጡት አባ ወልደሚካዔል ጣውዬ ላይ ተደርበው በመጡት አባ ገብረየሱስ ጊዜ የቤተክርስቲያኒቱ ፍቃድ በክስ ምክንያት ለማወዛገብ ተሞክሮ ነበር።

ይህም ሆኖ ግን በግሪክ የኢትዮጵያ ኦርቶዶክስ ተዋህዶ ስም የተመዘገበው እና በሶማትዮ ማኅበርነት የሚታወቀው አደረጃጀች ዛሬም በግሪክ መንግስት እውቅና ያለው ብቻ ሳይሆን በመተዳደርያ ደንቡም ውስጥ ኦርቶዶክሳዊ ትምሕርቶችን ከግሪክ አልፎ እስከ መካከለኛው ምስራቅ ድረስ ማስፋፋት እንደሚችል በጸደቀለት ደንብ ተገልጿል። ከእዚህ በተለየ በኢትዮጵያ ኦርቶዶክስ ተዋህዶ ቤተክርስቲያን ደንብ እና ስርዓት መሰረት ያለው አደረጃጀች በውስጥ ደንቡ መሰረት የሚነሱ ማናቸውም የሃይማኖት ክርክሮች እና ጥያቄዎች የሚፈታው በኢትዮጵያ ኦርቶዶክስ ተዋህዶ ቤተክርስቲያን ዶግማና ቀኖና መሰረት ብቻ እና ብቻ እንደሆነ ደንቡ ያዛል።ይህም በቤተርክስቲያኒቱ ላይ ለሚነሱ የሃይማኖት ቅሰጣዎች ሁሉ ዕድል የማይሰጥ ሆኖ የተደራጀ ጠንካራ አደረጃጀት ያለው ነው።

የአቴንስ ኪዳነ ምሕረት ቤተክርስቲያን ለምን ታሸገች?

የአቴንስ ኪዳነምሕረት ቤተክርስቲያን የፌስቡክ ገጽ በዛሬው ዕለት በግሪክ ፖሊስ ስለታሸገችው የኪዳነ ምሕረት ቤተክርስቲያን አስመልክቶ በለጠፈው ጽሑፍ ላይ እንደሚከተለው ገልጾታል፡ 

''በቅድምያ የከበረ መንፈሳዊ ሰላምታ እያቀረብን ላለፉት ከአራት አስርተ ዓመታት በላይ ኢትዮጵያውያን ሲገለገሉበት የነበረው በአቴንስ ፖሊጎኖ የምትገኘው የአቴንስ ኪዳነምሕረት ቤተክርስቲያን ስትገለገልበት የነበረው ቤተክርስቲያን በግሪክ የሃይማኖት ሚኒስቴር መታዘዙን በመግለጽ ፖሊስ ዛሬ ሚያዝያ 22፣2018 ዓም ማሸጉ ታውቋል። ጉዳዩን በቤተክርስቲያኒቱ ጠበቃ በኩል የፖሊስ ጣቢያው የተጠየቀ ሲሆን ፖሊስ ከግሪክ የሃይማኖት ሚኒስቴር መታዘዙን እንደገለጠለት ለማወቅ ተችሏል።

ቤተክርስቲያኒቱ ከየካቲት 16/2018 ዓም ጀምሮ ቅዳሴ እንዳይቀደስ በቤተክርስቲያኒቱ ውስጥ ፊሽካ በማጮህ፣ተአምረ ማርያም እንዳይነበብ፣ኪዳን እንዳይደርስ የመረበሽ ተግባር ሲፈጸም የነበረ ሲሆን፣ቅዱስ ሲኖዶስ በየትኛውም የቤተክርስቲያን አገልግሎት እንዳይገቡ ማስጠንቀቂያ የተሰጣቸው ቀሲስ አየለ እና በሀገረስብከቱ ሊቀጳጳስ አቡነ ኤልያስ ድጋፍ የሚደረግላቸው በቤተክርስቲያናችን አገልግሎት ላይ ተደጋጋሚ የመረበሽ ስራ የሰሩት ግለሰቦች የአካባቢውን ማኅበረሰብ እንዲረበሽ ማድረጋቸውና የሀገረ ስብከታችን ሊቀ ጳጳስ አቡነ ኤልያስ ከሃይማኖት ሚኒስቴር ጋር የሚያደርጉት ምእመናንን የሚከስ እና የኢትዮጵያን ቤተክርስቲያን ከግሪክ ለመንቀል ከሚሰሩ ግለሰቦች ጋር ያደረጉት ያልተገባ ግንኙነት እንዲሁም በቅዱስ ሲኖዶስ የተመደቡት አባት ሊቀስልጣናት አባ ኪሮስ ጸጋዬ በቶሎ እንዲዘገዩ የተደረጉ አሻጥሮች ሁሉ ተደምሮ ቤተክርስቲያኒቱ እንድትታሸግ አስተዋጽኦ እንዳደረጉ ቤተክርስቲያናችን በከፍተኛ ሃዘን ትገነዘባለች።

በመሆኑም ምእመናን በኢትዮጵያ ኦርቶዶክስ ተዋሕዶ ቤተርክስቲያን ላይ የሆነው ሁሉ አሳዛኝ ቢሆንም፣ ወደ ቤተክርስቲያን ላይ የተወረወረውን ድንጋይ መልሰን ለቤተክርስቲያን የሚጠቅም ግንብ የምንሰራበት እንጂ የምንተክዝበት ስላልሆነ እና ችግሮችን ወደ መልካም እድል በመጠቀም ምእመናን ከእዚህ በፊት ከነበራችሁ ትጋት በበለጠ ለቤተክርስቲያናችን  ማበብ በአዲስ መንፈስ የምንነሳበት መሆኑን አውቀን በእግዚአብሔር ቸርነት፣በእመቤታችን ኪዳነምሕረት አማላጅነት ለቤተክርስቲያናችን በአዲስ መንፈስ እና በጸና ልቦና እንድንነሳ ቅድስት ቤተክርስቲያን መልዕክቷን ታስተላልፋለች።''

ከላይ ከቤተክርስቲያኒቱ ፌስ ቡክ ገጽ ላይ ለመረዳት እንደሚቻለው ለቤተክርስቲያኒቱ መዘጋት ቀዳሚ ሚናውን የሚጫወቱት ጉዳያችን ከእዚህ በፊት ''የኢትዮጵያ ኦርቶዶክስ ተዋሕዶ አቴንስ ኪዳነምሕረት ቤተክርስቲያን የሰሞኑ ከራሞት ልዩ ሪፖርታዥ'' ላይ እንደተብራራው የአማሳኙ ቡድን ከሀገረ ስብከቱ ሊቀጳጳስ ባገኘው አረንጓዴ መብራት አማካይነት የኢትዮጵያ ኦርቶዶክስ ተዋሕዶ ቤተክርስቲያን እንድትታሸግ ሆኗል።

የምእመናኑን እና የቤተክርስቲያኒቱን ችግር የሚፈታ የሀገረ ስብከት ሊቀ ጳጳስ ያለህ!

በግሪክ የኢትዮጵያ ኦርቶዶክስ ተዋሕዶ ቤተክርስቲያን ምእመናን ላይ የደረሰው እንግልት በቃላት ተነግሮ የሚያልቅ አይደለም። ሀገረስብከቱ በቂ ክትትል አድርጎ ችግሩን የሚፈታለት ሊቀ ጳጳስ አላገኘም። እስካሁን ከተመደቡለት ሊቀጳጳሳት ውስጥ የመፍትሄ ሃሳብ በማመንጨት በቆዩበት አጭር ጊዜ የሞከሩት የጣልያን እና ፈረንሳይ እና አካባቢው ሊቀ ጳጳስ ብፁዕ አቡነ ሕርያቆስ ሲሆኑ። አሁን መቀመጫቸውን በስዊድን ያደረጉት እና የግሪክም ሊቀጳጳስ የሆኑት አቡነ ኤልያስ ላለፉት አስር ዓመታት ውስጥ ዛሬ የታሸገችውን የኪዳነ ምሕረት ቤተክርስቲያን የጎበኙት ባለፈው ዓመት አስታራቂ አባቶች ወደ አቴንስ ሲመጡ እና በቅርቡ በብፁዕ ወቅዱስ አቡነ ማትያስ ትዕዛዝ እና ደብዳቤ ምክንያት በማድረግ ወደ አቴንስ ካደረጉት ያልተሳካ ጉዞ ውጪ ቤተክርስቲያኒቱን ከአስር ዓመታት በላይ ቀድሰውባት አያውቁም።

ጉዳያችን ከወር በፊት ይህንኑ አስመልክታ በጻፈችው ላይ እንዲህ ብላ ነበር፡

"እናንተን ጳጳሳት አድርጎ ለሾመባት ለመንጋው ሁሉና ለራሳችሁ ተጠንቀቁ።" (የሐዋርያት ሥራ 20:28) የሚለው ቃል ዛሬ በግሪክ በሚኖሩ ምእመናን ጆሮ ላይ የሚጮህ ድምፅ ነው። በግሪክ ምእመናን ለዓመታት አልቅሰዋል፣ገንዘባቸውን አውጥተው የገዙትን ገዳም ገዳም አድርጎ የሚባርክላቸው አባት አጥተው ተንከራተዋል፣ ለቤተክርስቲያን ያወጡት ገንዘብ በሌቦች ተወስዶ ከሌባ ጋር ሲተናነቁ ከሀገረ ስብከቱ ሊቀ ጳጳስ በተጻፈ ደብዳቤ ለሰረቁት የእውቅና ደብዳቤ እየተሰጠ ባለፈው ዓመት ምእመኑን ሲያገለግሉ የኖሩት ካሕናት ስልጣነ ክሕነታቸው ''ከምእመን ያለፈ ስልጣን የሌለው ግለሰብ በጻፈልኝ ደብዳቤ መሰረት'' በሚል ለመያዝ ማስፈራርያ ተጽፏል። ቤተክርስቲያኒቱ ከግሪክ የሃይማኖት ሚኒስቴር ጋር የሚኖራት ግንኙነት በድብቅ እና የአማሹ ቡድን በሚሰሩት ደባ የታጀለ በመሆኑ በአሁኑ ጊዜ የቤተክርስቲያኒቱ ክብር በግሪክ ቢሮዎች ውስጥ ዝቅ ያለ እንዲሆን የራሱን አስተዋጽኦ አድርጓል። ሌላው ቀርቶ አሁን በፖሊጎኖ የምትገኘው የኪዳነ ምሕረት ቤተክርስቲያን ከባለቤቷ የግሪክ ቤተክርስቲያን ጋር ያለው ግንኙነት ቤተክርስቲያኒቱን ለአማሹ ቡድን ለመስጠት በሚደረገው አድሏዊ ሕገወጥ ግንኙነት ምክንያት የኢትዮጵያን ቤተክርስቲያን ክብር ዝቅ የሚያደርግ ግንኙነት በመደረጉ ከፍተኛ ቅሬታ እንዲፈጠር ሆኗል።በእዚህም ሳብያ የግሪክ ቤተክርስቲያን አስተዳዳሪም በጉዳዩ ተማረው ቅሬታ አቅርበዋል።''

መፍትሔው 

በግሪክ የምትገኘው የኢትዮጵያ ኦርቶዶክስ ተዋህዶ ቤተክርስቲያን ችግር ለመፍታት ከቡድናዊ ስሜት የራቀ፣ለሌቦች እና ለዘራፊዎች ምንም ዓይነት መለሳለስ የማያሳይ፣ምእመናንን በፍቅር እና በትኅትና የሚያይ እና ከፍተኛ የቤተክርስቲያን አስተዳደር አቅምና ልምድ ያለው ሊቀጳጳስ በፍጥነት ለግሪክ ቅዱስ ሲኖዶስ ሊመድብ ይገባል። አሁን ያሉት ሊቀጳጳስ አቡነ ኤልያስ ከ90 ዓመታት በላይ የሆኑ እና በቤተክርስቲያን ዝርፍያ በሚታወቁ አማሾች ጋር በመወገናቸው የቤተክርስቲያኒቱን ችግር የማይፈቱበት ደረጃ ደርሰዋል። ላለፉት አምስት ዓመታት ያልፈቱት ችግር ከአሁን በኋላ ይፈቱታል ተብሎ አይታሰብም። አቡነ ኤልያስ የቤተክርስቲያን አጥፊዎች ጋር የገጠሙበት እና ሕጋዊ የሚመስል ሽፋን ለመስጠት አንዴ ''የቅዱስ ሲኖዶስ አስፈጻሚ ኮሚቴ'' ሌላ ጊዜ ሦስተኛ ወገን ቅሬታ ያላቸው እያሉ የሄዱበት ሂደት ሁሉ የኢትዮጵያን ቤተክርስቲያን ክብር በግሪክ ዝቅ ያደረገ ብቻ ሳይሆን የሀገራቱን ዲፕሎማሲያዊ ግንኙነት ሁሉ የሚያውክ ተግባር ከግሪክ የሃይማኖት ሚኒስቴር ቢሮ ጋር የነበራቸው የቅዱስ ሲኖዶስን ትዕዛዝ ያልጠበቀ የአስተዳዳሪ ምደባ ሁሉ የታየ እጅግ አሳዛኝ ጉዳይ ነው።

በመሆኑም ለግሪክ የኢትዮጵያ ኦርቶዶክስ ተዋሕዶ ቤተክርስቲያን ችግር ለመፍታት ቅዱስ ሲኖዶስ መፍትሄ ሰጪ ሊቀጳጳስ መመደብ እና በቅዱስ ሲኖዶስ የተመደቡት ሊቀስልጣናት አባ ኪሮስ ጸጋዬ ወደ ግሪክ እንዲመጡ በቅዱስ ሲኖዶስ ከፍተኛ ግፊት ማድረግ የሚሉት ቀዳሚ ናቸው።ይህ ውሳኔ የርክበ ካሕናት ጉባዔ በፊት በአስቸኳይ እና በጊዜያዊነት መወሰን የቅዱስ ሲኖዶስ አፋጣኝ ተግባር መሆን አለበት። ምእመኑም የጠየቀው ይሄው ነው።

=============////========