Tuesday, June 19, 2018

ግዙፍ የድጋፍ ሰልፍ ቅዳሜ ሰኔ 16/2010 ዓም በአዲስ አበባ መስቀል አደባባይ ይደረጋል።የሰልፉ አዘጋጅ ኮሚቴ ጋዜጣዊ መግለጫ ይከታተሉ።

  • ሰልፉ በዘጠና ቀናት ውስጥ ክቡር ጠቅላይ ሚኒስትር ዶ/ር ዓብይ ላከናወኑት እና ለርዕያቸው ያለውን ድጋፍ ሕዝብ ይገልጣል፣
  • ዲሞክራሲያዊ ለውጥ ይሞገሳል፣ ይህንን የለውጥ ሂደት ለማደናቀፍ የሚሞክሩ እንዳያስቡት ሕዝብ ማስጠንቀቅያ ይሰጣል፣
  • ኢትዮጵያዊነት፣ፍቅር እና መደመር ይሞገሳል።

ኮሚቴው ዛሬ ሰኔ 12/2010 ዓም የሰጠው መግለጫ 




ጉዳያችን GUDAYACHN
 www.gudayachn.com

Monday, June 18, 2018

ክቡር ጠቅላይ ሚኒስትር ዶ/ር ዓብይ በምክርቤት ቀርበው የተናገሩት (ቪድዮ)

=======================
ጉዳያችን/Gudayachn
ሰኔ 11/2010 ዓም (ጁን 19/2018 ዓም) ዛሬ  
===============
ክቡር ጠቅላይ ሚኒስትር ዶ/ር ዓብይ ሰኔ 11/2010 ዓም ፓርላማ ቀርበው የተናገሩት እና ያቀረቡት ሪፖርት።
ከስር የሚገኙት ቪድዮዎች  ጠቅላይ ሚኒስትሩ በተናገሯቸው ርዕሶች በሶስት የተለያዩ ቪድዮዎች የተከፈሉ ናቸው። እነርሱም : -
  • ቪድዮ 1 ስለ ባድማ፣ስለ ኤርትራ የተናገሩት (20 ደቂቃ) 
  • ቪድዮ 2 ስለ ሙስና፣ የፍትህ ስርዓቱ እና የአፍሪካ ቀንድ ዙርያ ስለሰፈሩ የባዕዳን ጦር ጉዳይ (13 ደቂቃ)
  • ቪድዮ 3 የጠቅላይ ሚኒስትሩ ለምክር ቤቱ ያቀረቡት ሪፖርት እና ሙሉ በምክር ቤቱ የተነሱ ጥያቄዎች የመለሱበት ሙሉ ቪድዮ  
==============================
ቪድዮ 1 ስለ ባድማ፣ስለ ኤርትራ የተናገሩት (20 ደቂቃ)

ቪድዮ 2 ስለ ሙስና፣ የፍትህ ስርዓቱ እና የአፍሪካ ቀንድ ዙርያ ስለሰፈሩ የባዕዳን ጦር ጉዳይ (13 ደቂቃ)

ቪድዮ 3 የጠቅላይ ሚኒስትሩ ለምክር ቤቱ ያቀረቡት ሪፖርት እና ሙሉ በምክር ቤቱ የተነሱ ጥያቄዎች የመለሱበት ሙሉ ቪድዮ



ጉዳያችን GUDAYACHN
 www.gudayachn.com

Friday, June 15, 2018

ላለፉት 27 ዓመታት የሄድንበት የክልል ወሰን አቀማመጥ ጉዳይ ያስገኘውን ጥቅምና ጉዳት የሚመረምር ከሁሉም ወገን የተውጣጣ ጠንካራ ኮሚሽን ለመመስረት መታቀዱን ጠቅላይ ሚኒስትር ዶ/ር ዓብይ አስታወቁ (ቪድዮ)

ክቡር ጠቅላይ ሚኒስትር ዶ/ር ዓብይ ዛሬ ምሽት ሰኔ 8/2010 ዓም ለመላው የኢትዮጵያ ሕዝብ ባስተላለፉት መልዕክት በኢትዮጵያ ውስጥ አንዱን ከአንዱ የሚለይ ድንበር ሳይሆን ለአስተዳደራዊ ሥራ ብቻ ሲባል የተቀመጠ የአስተዳደር አከላለል መኖሩን አስታውቀው ላለፉት 27 ዓመታት የሄድንበት የክልል ወሰን አቀማመጥ ጉዳይ ያስገኘውን ጥቅምና ጉዳት የሚመረምር ከሁሉም ወገን የተውጣጣ ጠንካራ ኮሚሽን ለምመስረት መታቀዱን አስታውቀዋል። ሙሉ መልዕክቱን ከስር ከሚገኘው ቪድዮ ይመልከቱ።


ጉዳያችን GUDAYACHN
 www.gudayachn.com

Wednesday, June 13, 2018

የኢትዮጵያ ሕዝብ በመጪው ዕሁድ የህወሓትን መግለጫ ተቃውሞ በመላው የኢትዮጵያ ከተሞች ሰልፍ በመውጣት ህወሓትን ማስጠንቀቅ አለበት። መቶ ሚልዮን ሕዝብ ዲሞክራሲ ወይንም ሞት! ብሎ ለመፋለም መነሳት አለበት።(የጉዳያችን መልዕክት)


ጉዳያችን/ Gudayachn
ሰኔ 7/2010 ዓም (ጁን 14/2018)
  • የኢትዮጵያ ሕዝብ ሰኔ 9/2010 ዓም ቅዳሜ የመቀሌ ሰልፍ በተደረገ ማግስት ሰኔ 10/2010 ዓም ዕሁድ በአዲስ አበባ፣ሐዋሳ፣አዳማ፣ባህርዳር፣ጎንደር፣ደሴ፣ሐረር፣ነቀምት፣ወዘተ ዲሞክራሲ ወይንም ሞት! የሚል አስገራሚ ሰልፍ በማድረግ ለሕወሐትም ሆነ ለዓለም አቀፉ ማኅበረሰብ ከዶ/ር ዓብይ የለውጥ ሂደት ጋር አብሮ መቆሙን ማሳየት አለበት።
  • ህወሓት ወጣቱ የዓለም ዋንጫ በሚመለከጥበት ሰሞን ተቃውሞው ይቀንሳል የሚል የተሳሳተ እሳቤ ይዟል።
  • ለእዚህ አይነቱ የህወሓት  ትዕቢት የኢትዮጵያ ሕዝብ የትዕግሥቱ ልክ እንዳበቃ ማሳየት ያለበት ጊዜ አሁን ነው።

ኢትዮጵያውያን አሁን ያለንበት የእስረኞች መፈታት፣ስለ ኢትዮጵያዊነታችን በነፃነት ለመናገር፣ኢትዮጵያውያንን የሚያከብር ጠቅላይ ሚኒስትር ለማግኘት መስዋዕትነት ከፍለውበታል።እናት እልጇ አስከሬን ላይ ተቀምጣ የግፍ ፅዋ ጠጥታበታለች፣ በአንድ ቀን ከሃምሳ ያላነሱ ወጣቶች በጥይት አረር በባህር ዳር እረግፈውበታል፣ ከአምስት መቶ በላይ ወጣቶች በቢሸፍቱ በአንድ ጀንበር ብቻ በእረቻ በዓል እረግፏል፣ ድምፃችንን ስሙን ብለው የደቡብ ሕዝብ ኢትዮጵያውያን ጥይት ተርከፍክፎባቸዋል። ይህ ለውጥ በዕቃ ዕቃ ጫወታ የመጣ ለውጥ አይደለም።ይህ ለውጥ ይቅርታ፣ፍቅር እና ሕብረትን እየዘመረ የመጣው ከሰባ ሚልዮን ብር በላይ ለፕሮጀክት ሥራ ብለው እነ  ዓባይ  ፀሐዬ በተራራ ፀሐይ እንደዘረፉት ሳያውቅ ቀርቶ አይደለም።ይህ ሕዝብ እህቶቹን በአደባባይ በጉዞ ወኪል ስም  የሸጡበት በእየኤምባሲው የተሰገሰጉ የህወሓት ባለስልጣናትን ሳያውቃቸው ቀርቶ አይደለም። ይህ ሕዝብ ኢትዮጵያን በቢልዮን የሚቆጠር ዶላር በስሟ ተበድረው በውጭ ሀገር ባንኮች በልጆቻቸው ስም ያስቀመጡ የቡድን መሪ የህወሓት ሰዎች እንዳሉ ሳያውቅ ቀርቶ አይደለም።ህዝቡ ስጋውን ውጫ ለመብላት እንጂ አጥንቱን ለመብላት የተዘጋጁ ግን አልመሰለውም ነበር።

ዛሬ ግንቦት 6/2010 ዓም ህወሓት እኩይ ተግባሩን ተቃውመው የወጡትን የኢሕአዴግ ምክርቤት ውሳኔዎች የሚኮንን መግለጫ አውጥቶ ዳግም ልርገጣችሁ የሚል የተለመደ ዲስኩሩን በኢትዮጵያ ቴሌቭዥን ሲያሰማ አምሽቷል።የእስረኞች መፈታት፣የፍቅር መሰበክ እና ጠቅላይ ሚኒስትር ዶ/ር ዓብይ እያደረጉ ያሉትን የለውጥ ነፋስ ምክንያት ስያጉረመርሙ የነበሩ ህወሓቶች ከአሁን በኃላ የኢትዮጵያን ሕዝብ  በምንም አይነት ለመረገጥ እንዳልተዘጋጀ ሊያውቁት ይገባል።በአሁኑ ሰዓት ህወሓት የኢትዮጵያ ብቻ ሳይሆን የምስራቅ አፍሪካ  ቀዳሚ የፀጥታ ስጋት ሆኗል።There is no an immediate danger, other than TPLF for the peace and stability of the horn of Africa. ስለሆነም ከኢትዮጵያ ዲሞክራሲያዊ ለውጥ ጎን የቆመው የዓለም አቀፍ ማኅበረሰብ ይህንን የሰላም ስጋት የሆነ ህወሓት ካልተወገደ በምንም አይነት በኢትዮጵያ ሰላም እንደማይሰፍን ለመጨረሻ መጨረሻ ጊዜ ተረጋግጧል። ስለሆነም  
ለእዚህ አይነቱ የህወሓት  ትዕቢት የኢትዮጵያ ሕዝብ የትዕግሥቱ ልክ እንዳበቃ ማሳየት ያለበት ጊዜ አሁን ነው።የመጀመርያ እርምጃው መሆን ያለበት እርስ በርሱ ለማጋጨት ከሀገር ውስጥ እስከ ውጭ ሀገር የሚርመሰመሱትን የወያኔ ወኪሎች  በቀጥታ በማጋለጥ እና ለሕግ በማቅረብ አደብ ማስያዝ አለበት።የትግራይ ሕዝብ ህወሓት ይህንን ያህል ለበለጠ ወንጀል የሚዘጋጀው በቡድን ዝርፍያ ውስጥ ስለገባ በወንጀል ስለሚጠየቅ ትግራይ ሕዝብ ውስጥ ገብቶ ለመደበቅ እንደሆነ ማወቅ አለበት። ከቡድን ዘራፊ ጋር ለመቆም የሚፈልግ መብቱ ነው።ፅዋውንም ለመጠጣት አብሮ መዘጋጀት አለበት። 

በመጪው ቅዳሜ ይደረጋል የተባለው የመቀሌ ሰልፍን በራሱ የመቀሌ ነዋሪዎችም ደግመው ሊያስቡት የሚገባ ህወሓት በበርካታ የዝርፍያ እና የግድያ ወንጀል ውስጥ የገባ ቡድን ነው።በ21ኛው ክ/ዘመን የእንደዚህ አይነት ቡድንን ደግፎ በመሰለፍ የሚገኝ ትርፍ ሳይሆን አደገኛ ኪሳራ ነው።


የኢትዮጵያ ሕዝብ ሰኔ 9/2010 ዓም ቅዳሜ የመቀሌ ሰልፍ በተደረገ ማግስት ሰኔ 10/2010 ዓም ዕሁድ በአዲስ አበባ፣ሐዋሳ፣አዳማ፣ባህርዳር፣ጎንደር፣ደሴ፣ሐረር፣ነቀምት፣ወዘተ ዲሞክራሲ ወይንም ሞት! የሚል አስገራሚ ሰልፍ በማድረግ ለሕወሐትም ሆነ ለዓለም አቀፉ ማኅበረሰብ ከዶ/ር ዓብይ የለውጥ ሂደት ጋር አብሮ መቆሙን ማሳየት አለበት።በተመሳሳይ መልኩ በውጭ የሚኖሩ ኢትዮጵያውያን በመጪው ሳምንት ህወሓትን የሚያስጠነቅቅ ዓለም አቀፍ ሰልፍ ማዘጋጀት አለባቸው።ዓለሙ ከኢትዮጵያ ጋር ነው።ህወሓት በትክክል እኩይ ስራው የበለጠ ይጋለጣል። አሁንም ዲሞክራሲ ወይንም ሞት! ሞት ለዲሞክራሲ ፀሮች እና ዘረኞች! መሪ መፈክራችን ነው።



ያመናል በለው።

  
ጉዳያችን GUDAYACHN
 www.gudayachn.com

Tuesday, June 12, 2018

ክቡር ጠቅላይ ሚኒስትር ዶ/ር ዓብይ ቋንቋን መሰረት ያደረገ ፌድራሊዝም አደጋ ዙርያ የሚያወያይ እና ምክር ቤቱ ውሳኔ እንዲያሳልፍ የሚረዳ ሀገራዊ ጉባኤ የመጥርያ ጊዜያቸው አሁን ነው።(የጉዳያችን ማሳሰብያ)

ጉዳያችን /Gudayachn
ሰኔ 5/2010 ዓም (ጁን 12/2018 ዓም)
በእዚህ ፅሁፍ ስር : - 
     1ኛ)/ር ጃን ኤርክ ከሊደን ዩንቨርስቲ በፈድራሊዝም እና ያላማከለ አስተዳደር ከኢትዮጵያ በሚል      
           የሰጡት ማብራርያ ቪድዮ እና 

    2ኛ) የሐረርወርቅ ጋሻው ለአውስትራሊያው ሲቢኤስ ራድዮ የጎሳ ፈድራልዝምን አስመልክተው    
          የተናገሩት ቪድዮ ያገኛሉ።

በኢትዮጵያ ቋንቋን መሰረት ያደረገ ፌድራሊዝም ላለፉት ሃያ ሰባት ዓመታት ኢትዮጵያ ልትደርስበት ከሚገባት የእድገት ደረጃ በምን ያህል ወደ ኃላ እንዳስቀራት ቢጠና በሩብ ክፍለዘመን ውስጥ መድረስ ከሚገባን የዕድገት ደረጃ በእጅጉ እንደተጎተትን ለመረዳት ይቻል ነበር። ቋንቋን መሰረት ያደረገ ፌድራሊዝም በመቶ ሺዎች የሚቆጠር ሕዝብ ከቀዬው አሰድዷል፣ሺዎች ተገድለዋል፣ቤተሰብ ተበትኗል። ፈድራሊዝም በራሱ የእድገት ፀር አይደለም።ፈድራሊዝም ሕዝብ የእራሱን ባህል፣ማኅበራዊ፣ፖለቲካዊ እና ምጣኔ ሀብታዊ ግንኙነቱን የሚያዳብርበት እና እንዲሁም በፌድራል መንግስት ውስጥ ያለውን ኃላፊነት የሚወጣበት መንገድ ነው።ፈድራሊዝም ጎሳ እና ቋንቋን መሰረት ካላደረገ ምንን መሰረት ማድረግ አለበት? የሚል ጥያቄ ሊነሳ ይችላል። 


ፈድራሊዝም መሰረት ማድረግ የሚገባው እና አሁን ባለንበት ዓለም ሁሉ የሚጠቀምበት  ታሪክን÷ባህልን እና መልክአምድራዊ አቀማመጥን ባማከለ መልኩ ነው።አሁን ወቅቱ የፌድራል አስተዳደር መሰረታዊ ችግሩን መፈተሽ፣መወያየት እና አስፈላጊ እስከሆነ ድረስ ደግሞ ህገመንግስቱ ላይም መቀየር ያለበትን እስከመቀየር መድረስ የማይቻልበት ምክንያት የለም።ይህንን ጉዳይ ለመጪ መንግስት ተብሎ የሚተው አይደለም::

ዶ/ር ጃን ኤርክ በኢትዮጵያ የጎሳ ፈድራሊዝም ታስቦበት እና ተጠንቶ የመጣ ሳይሆን በ1983 ዓም ድንገት ሽምቅ ተዋጊዎች ሲያሸንፉ የመሰረቱት መሆኑን ያብራራል።አዎን! በኢትዮጵያ ፈድራሊዝም ከሀገሪቱ ታሪክ፣ባህል፣ምጣኔ ሃብታዊ ትስስር እና መልካምድራዊ አቀማመጥ ላይ ባለሙያዎች ሳያጠኑት ሕዝብ ሳይመክርበት በድንገት የተጫነ ድንገቴ ነው። ዶ/ር ጃን የኢትዮጵያ የጎሳ ፖለቲካ ሕግን መሰረት ከማድረግ ይልቅ ከሚገባው በላይ ፖለቲካዊ ስለሆነ ድህጣን ጎሳዎች መብታቸው ሊከበር እንደማይችል ያብራራል።


የሐረርወርቅ ጋሻው፣በሌላ በኩል አሁን ያለው የጎሳ ፖለቲካ ፌዴራሊዝም የኢትዮጵያን ሕዝብ ለመለያየት የመጣ አደጋ ነው።ለኢትዮጵያ ማዕከላዊ መንግስት እንጂ የጎሳ ፖለቲካ ፌድራሊዝም አያስፈልጋትም ትላለች።በእዚህ ፅሁፍ ላይ ፈድራልዝም ወይንም ማዕከላዊነት ለኢትዮጵያ ይበጃል አይበጅም ለማለት ሕዝብ መምከር፣መንግስት የመመካከርያ መንገዱን ማመቻቸት እና ህገ መንግስቱን እስከመቀየርም ድረስ የሚደርስ ውሳኔ ሕዝብ እንዲወስን ማድረግ ኢትዮጵያ ወደፊት የማደግ እና አለማደግ ሁኔታ ላይ ወሳኝ ሚና አለው። ውይይቱ ግን በፍጥነት መጀመር አለበት።ብሔራዊ ጉባኤ መጠራት አለበት።ይህ ለመጪ መንግስት ተብሎ የሚቀመጥ ጉዳይ ሊሆን አይገባውም።ሕዝብ እያለቀ ነው።የበለጠ ጥፋት ደግሞ ሊከሰት ይችላል።


ከእዚህ በታች ዶ/ር ጃን ኤርክ ከሊደን ዩንቨርስቲ በፈድራሊዝም እና ያላማከለ አስተዳደር ከኢትዮጵያ አንፃር ያቀረቡትን እና ወ/ሮ የሐረርወርቅ ጋሻው ለአውስትራሊያው ሲቢኤስ ራድዮ ከጎሳ ፖለቲካ ይልቅ ማዕከላዊ አስተዳደር ይሻለናል በማለት ያቀረቡት ሃሳብ ቪድዮ በተከታታይ ከስር ያዳምጡ።ሁለቱም ቪድዮዎች እያንዳንዳቸው ከአስር ደቂቃዎች የበለጡ አይደሉም።



ዶ/ር ጃን ኤርክ ከሊደን ዩንቨርስቲ በፈድራሊዝም እና ያላማከለ አስተዳደር ከኢትዮጵያ አንፃር
Video Source ; -Centre for Innovation - Leiden University You Tube

የሐረርወርቅ ጋሻው ለአውስትራሊያው ሲቢኤስ ራድዮ የጎሳ ፈድራልዝምን አስመልክተው የተናገሩት 



ጉዳያችን GUDAYACHN 
 www.gudayachn.com

Monday, June 11, 2018

የአማራ ብሔራዊ ንቅናቄ የተሰኘ አዲስ ንቅናቄ ባህርዳር ላይ ተመስርቷል።የንቅናቄው እድሎች እና ፈተናዎች ምንድናቸው?


የንቅናቄው ምስረታ ላይ የተገኘው ሕዝብ 

ጉዳያችን/ Gudayachn 
ሰኔ 3/2010 ዓም (ጁን 10/2018 ዓም)

የአማራ ብሔራዊ ንቅናቄ መስራች ጉባኤውን ለሁለት ቀናት ያህል ሰኔ 2 እና 3/2010 ዓም በባህር ዳር ከተማ  አካሂዷል።በጉባኤው ላይ ንግግር ያደረጉት ጀነራር ተፈራ ማሞን ጨምሮ በርካታ ወጣቶች የተገኙ ሲሆን የንቅናቄውን አመራሮችም ይፋ ሆነዋል።በእዚህም መሰረት አመራሮቹ የሚከተሉት መሆናቸውን ለማወቅ ተችሏል። እነርሱም : -
1-ዶር ደሳለኝ ጫኔ-ሊቀመንበር
2-አቶ በለጠ ሞላ-ምክትል ሊቀመንበር
3-አቶ ጋሻው መርሻ-የድርጅት ጉዳይ 
4-አቶ መልካሙ ሹምየ-የፖለቲካ ጉዳይ ሀላፊ
5-አቶ ተመስገን ተሰማ-የማኅበራዊ ጉዳይ ሀላፊ
6-አቶ ዳምጠው ተሰማ -የውጭ ጉዳይ ሀላፊ
7-አቶ ካሱ ኃይሉ -የኢኮኖሚ ጉዳይ ሀላፊ
8-አቶ ክርሥቲያን ታደለ-የህዝብ ግንኙነት ሀላፊ
9-ወ/ሪት መሰረት አስማማው-ሴቶች ጉዳይ ሀላፊ
10-አቶ የሱፍ ኢብራሄም-የጥናትና ስትራቴጂ ጉዳይ ሀላፊ
11-አቶ ጥበበ ሰይፈ-የህግ ጉዳይ ሀላፊ
12-አቶ ተሰማ ካሳሁን-የወጣቶች ጉዳይ ሀላፊ
13-አቶ ዳንኤል አበባው -የፋይናንስ ጉዳይ ሀላፊ
14-አቶ በለጠ ካሳ-የፓርቲ ፅ/ቤት ሀላፊ

የጉባኤው መርህ '' ሁሉም አማራ ለአንድ አማራ፣አንድ አማራ ለሁሉም አማራ'' የሚል መሆኑ በመርሐግብሩ መክፈቻ ላይ ተነግሯል።በመክፈቻው ላይ ንግግር ያደረጉት ዶ/ር ደሳለኝ ጫኔ በንግግራቸው ላይ  እስካሁን አማራው ያልተደራጀበት ምክንያት ውስጥ ችግሩ ይሻሻላል ከሚል ተስፋ እና በብሔር መደራጀት ለሀገር አንድነት አደጋ አለው ከሚል መሆኑን ጠቅሰው ሆኖም ግን ሁሉ ነገር ከልክ በማለፉ ለመደራጀት መወሰኑን አፅንኦት ሰጥተው ተናግረዋል። ዶ/ር ደሳለኝ ንግግራቸውን በመቀጠል  በቀጣይ የስራ ዕቅዳቸው ውስጥ የሚከተሉት ተግባራት እንዲከናወኑ እንደሚሰሩ አብራርተዋል።እነርሱም: -
  • አማራውን የሚጎዳ አከላለሎች እንዲስተካከል መስራት፣ 
  • በሕገ መንግስቱ ውስጥ የአማራ ሕዝብ የሚጎዱ አንቀፆች እንዲከለሱ መታገል፣ 
  • በሌላ ክልል የሚኖረው የአማራ ተወላጅ መብት እንዲከበር ማድረግ፣ 
  • ከወንድም የኦሮሞ እና ሌሎች ብሔሮች ጋር በህበረት መስራት፣
  • ብአዴን በትክክል እንዲሰራ መታገል እና በውስጡ ያሉት የንቅናቄው ደጋፊ እንዲሆኑ ማድረግ፣
  • በተለያዩ ቦታዎች ለታሰሩት እና ንብረታቸው ለተነጠቁ ሁሉ ካሳ እንዲሰጥ መታገል እና 
  • በኢትዮጵያ የሚኖሩ ማናቸው የፖለቲካ ሂደት  አማራው የሚሳተፍበት መንገድ ማመቻቸት እና ከሌላው ዜጋ እኩል ለስልጣን ማብቃት የሚሉት በንግግራቸው ውስጥ ከጠቀሷቸው ውስጥ ናቸው።

የንቅናቄው እድሎች እና ፈተናዎች

የአማራ ብሔራዊ ንቅናቄ በተለይ በአሁኗ ኢትዮጵያ ወቅታዊ የፖለቲካ ሁኔታ አንፃር መመስረቱን ይዞ ለንቅናቄውም ሆነ ለኢትዮጵያ ፖለቲካ የሚያመጣው ዕድል እና ፈተናዎች አሉት።ከሁሉ በፊት ግን ንቅናቄው የተመሰረተበት ምክንያትን ከዳር ሆኖ የኢትዮጵያን ፖለቲካ ለሚመለከት ተመልካች ሶስት ምክንያቶች ለመመስረቱ ማስቀመጥ ይችላል።የመጀመርያው ምክንያት የህወሓት ፅንፈኛ እና ዘረኝነት ላይ የተመሰረተ ፖለቲካ በአማራው ላይ ላለፉት ሃያ ሰባት አመታት የተሰራው የጭቆና ተግባር አንዱ ሲሆን፣በሁለተኛ ደረጃ ብአዴን-ኢህአዴግ ላለፉት ሃያ ሰባት ዓመታት በአማራው ስም እየነገደ የሰራው ሸፍጥ እና ሶስተኛው ምክንያት ከደቡብ እስከ ምስራቅ፣ከምዕራብ እስከ መሃል ኢትዮጵያ የሚኖሩ ዜጎች አማራ እየተባሉ መፈናቀላቸው እና ለሚፈናቀሉትም በቂ እርዳታ የሚያደርግም ሆነ በአፈናቃዮቹም ላይ ምንም አይነት እርምጃ አለመወሰዱ የእዚህ አይነት ንቅናቄ እንዲመሰረት ምክንያት እንደሆነ ለማወቅ ይቻላል።
ዶ/ር ደሳለኝ ጫኔ የንቅናቄው ሊቀመንበር 

የአማራ ብሔራዊ ንቅናቄ በኢትዮጵያ የፖለቲካ ሕይወት ውስጥ የሚናቅ ጉልበት ይኖረዋል ብሎ መገመት አይቻልም።ለእዚህም ሁለት ምክንያቶች አሉ።እነርሱም ህወሓት የትግራይ ብሔርተኝነትን እያስኬደበት ያለው ጉልበት ላይ የተመሰረተ ግንኙነት ብዙዎችን ወደ መረረ ትግል ስሜት ውስጥ ማስገባቱ አንዱ ሲሆን በሁለተኛ ደረጃ ደግሞ በሌሎች ክልሎች የሚኖሩ አማራ እየተባሉ ለአመታት ከኖሩበት ቦታ እየተፈናቀሉ ሲሰደዱ እና ለልመና ሲዳረጉ ተገቢው ወቅታዊ ምላሽ አለመሰጠቱ ነው።በተለይ በማፈናቀሉ ሂደት ውስጥ ከኦሮምኛ በስተቀር  አማርኛ ፈፅመው የማይችሉ በቷልዳችሁ አማራ ናችሁ ተብለው የተሰደዱ በርካቶች አሁንም በመጠለያ ቦታ ወይንም በከተሞች ውስጥ እየተንከራተቱ ይገኛሉ።እነኝህ ሁለት ሁኔታዎች የአማራ ብሔርተኝነትን እያፋፋሙት ይምጡ እንጂ ትልቁ እና ዋናው ጉዳይ ግን ህወሓት ሰራሹ የጎሳ ፈድራሊዝም አደረጃጀት እና ህገ መንግስቱ የአማራውን ሕዝብ በሚያጠቃው መልኩ የተሰሩ ናቸው የሚለው መሪ ሃሳብ ነው።በሽግግር መንግስቱ ወቅትም ሆነ ህገ መንግስቱ ሲፀድቅ ሌላው ተወክሎ አማራው ግን አልተወከለም የሚለው አባባል አሁንም ድረስ ጎልቶ እየተነገረ ነው።የህወሓት ውጤት ብአዴን ስሙን የቀየረው ቆይቶ መሆኑ ይታወቃል።ስለሆነም ጉዳዩ በኢትዮጵያ ፖለቲካ ውስጥ መፍትሄ ከሚሹት ጉዳዮች ውስጥ አንዱ የአማራው ጉዳይ መሆኑን መካድ አይቻልም።እዚህ ላይ የአማራ ጉዳይ ሆኖ እንዲወጣ ያደረገው ህወሓት እራሱ የአማራ ጉዳይ የሚል አጀንዳ በማነፈስቶውም ሆነ በተግባሩ ግፍ በመስራት ጉዳዩ እራሱን ወደ አጀንዳነት እንዲቀየር ስላስገደደ ነው።

ይህ ንቅናቄ መልካም እድሎች አሉት።ከእነኝህ እድሎች ውስጥ የሚከተሉትን መጥቀስ ይቻላል። እነርሱም:  -
  • ብአዴን ውስጥ ያሉ በደሉን ለሚረዱ ወገኖች አዲስ ጉልበት ይዘው የመውጣት ዕድል አላቸው፣
  • የፈድራል አደረጃጀቱን ለማዋቀር ተፅኖ የመፍጠር አቅም አለው፣
  • በእየቦታው አማራ በሚል ስም ለሚፈናቀሉ ኢትዮጵያውያን አፋጣኝ የሕግም ሆነ የማቴርያል ድጋፍ እንዲደርስ የማስተባበር አቅም ይኖረዋል፣
  • በፌድራል ደረጃ የሚደርሱ በደሎችን በጥናት በማስደገፍ ለፌድራል መንግስት በማሳሰብ እንዲስተካከል ተፅኖ ለመፍጠር ይችላል፣
  • የክልሉ ተወላጆች በውጭም ሆነ በውስጥ ያሉ ገንዘባቸውን፣እውቀታቸውን እና ጊዜያቸውን በመሰዋት ለሀገር እድገት ከፍተኛ አስተዋፅኦ የማድረግ ዕድል ይኖራል።

የሚሉት ለንቅናቄው የወደፊት እድሎች ውስጥ የሚጠቀሱ ናቸው።ከእዚህ በተለየ ግን ንቅናቄው ከእድሎች በተለየ ፈተናዎችም ይኖሩበታል።

የንቅናቄው ፈተናዎች

የአማራ ብሔራዊ ንቅናቄ ከሚኖሩበት ፈተናዎች ውስጥ ዋና ዋናዎቹ የሚከተሉት ተጠቃሾች ናቸው። እነርሱም -
  • የከረረ ብሔርተኝነት ያላቸው ወደ አመራሩ ከመጡ ከኢትዮጵያዊነት ጋር አጣጥሞ ለመሄድ የመቸገር ሁኔታ ሊፈጠር ይችላል፣
  • በህወሓት ሰርገው እንዲገቡ የሚደረጉ ግለሰቦች የሚፈጥሩት አሉታዊ ስዕል በንቅናቄው ላይ የሚሰጠው መልካም ያልሆነ ስዕል እና ከሌሎች ብሔሮች ጋር ለማጋጨት የሚደረጉ ሙከራዎች፣
  • እራሱን በቶሎ ወደ ኢትዮጵያዊ ንቅናቄ ካልቀየረ በከረረ ብሔርተኝነት ስሜት የተመሰጡ አባላቱን ወደ ሃገራዊ አጀንዳ ባለቤትነት ለመቀየር የመቸገር ሁኔታ መፈጠር።የእዚህ አይነቱ ችግር አሁን ህወሓት እራሱ ገጥሞት የሚገኘው ችግር ነው።መግብያ ሲዘጋጅ መውጫው አብሮ መታየት አለበት።
  • በተሰሩ ግፎች እና ጥፋቶች ላይ ከሚገባው በላይ በመዘከር የይቅርታ እና የአንድነት መንገዶች እንዲከፈቱ ማድረግ ካልቻለ አማራን ብቻ ሳይሆን በብሔራዊ ደረጃ ወደ አደገኛ መንገድ የመሄድ አዝማምያ እንዳይኖር ጥንቃቄ ያስፈልጋል።

ባጠቃላይ የአማራ ብሔራዊ ንቅናቄ ብአደንን ልገዳደር ወይንም ሊጠቀልል ባህርዳር ላይ ተመስርቷል።በሂደቱ የብአዴን አመራርም ሆነ ለውጥ ፈላጊው ክፍል ይህንን ንቅናቄ እንደስጋት እንደማያየው መገመት ይቻላል።ብአዴን ብዙ ጊዜ በውስጡ ባሉ ስውር እጆች በህወሓት ፍላጎት ሲነዱ ተመልክቷል።ስለሆነም ንቅናቄው ከብአዴን በኩል የጎላ ተግዳሮት ሊገጥመው ይችላል ብሎ ቢያንስ ለጊዜው ይኖራል ተብሎ አይገመትም።በሌላ በኩል ንቅናቄ እንጂ ፓርቲ ስላልሆነ የሚያቅፈው መልከአ ምድራዊም ሆነ የህዝብ ብዛት ቀላል የሚባል ስላልሆነ በኢትዮጵያ ፖለቲካዊም ሆነ ምጣኔ ሃብታዊ ሂደት ላይ የእራሱ አሻራ ይዞ ሊመጣ ይችላል።ከእዚህ ሁሉ ጋር ግን መጪው የኢትዮጵያ ፖለቲካ በሕበረ ብሔር ፖለቲካ ፓርቲዎች ወይንስ በብሔር የፖለቲካ ፓርቲዎች ይመራል? ወይንስ ሁለቱም በእየፊናቸው ተደራጅተው ለውድድር ይቀርባሉ? እዚህ ላይ ግን ኦፌኮን ኦህዴድን፣አብን ደግሞ ብአደንን ለመገዳደር ከቆሙ ሌላ የፖለቲካ መሰነጣጠቅ እንዳይፈጠር ያሰጋል።ከእዚህ ያልቅ ግን ድርጅቶች ውሕደት ፈጥረው የሁሉም መብት የሚከበርባት ኢትዮጵያን እንዲያሳዩን የምድሪቱ ፍጥረታት በሙሉ የምንመኘው ቀዳሚ ምኞታችን ነው።


ጉዳያችን GUDAYACHN
 www.gudayachn.com

Wednesday, June 6, 2018

ለኢትዮጵያውያን በሙሉ! የማኅበራዊ ሚድያ ጥሪ በመምህር እንደስራቸው አጉማሴ እስር ጉዳይ

በያዝነው ሳምንት መጀመርያ ጀምሮ ለሃያ አራት ዓመታት በእስር እየተሰቃዩ ለሚገኙት አባት መምህር እንደስራቸው አግማሴ ከእስር እንዲፈቱ እና ወደ ቤተሰባቸው እንዲቀላቀሉ የማኅበራዊ ሚድያ ጥሪ ለማዘጋጀት እና በሀገር ቤት እና በመላው ዓለም ለሚኖሩ ኢትዮጵያውያን ጥሪ ቀርቧል።ሙሉ መልእክቱን ይመልከቱት።

ለኢትዮጵያውያን በሙሉ!
============
የማኅበራዊ ሚድያ ጥሪ በመምህር እንደስራቸው አግማሴ እስር ጉዳይ ይመለከታል  
===================================================================
ይህ የሰብዓዊነት ጉዳይ ነው።ይህ የሰባት ልጆች አባት ሆኖ 24 ዓመታት ያህል በእስር ቤት የቆየ አባት ጉዳይ እንዲሁም የኢትዮጵያ ቤተ ክርስቲያን ካላት የተክሌ ዝማሜ መምህር እና ሊቅ የ24 ዓመታት በእስር ቤት ተዘግቶባቸው ዝም እንዲሉ የተደረጉበት ጉዳይ ነው። መምህር እንደሥራቸው አጉማሴ ለ24 ዓመታት ከተዘጋባቸው እስር ቤት ተለቀው ከቤተሰባቸው ጋር እንዲቀላቀሉ ድምጽዎን ያሰሙ።

ቅዳሜ ሰኔ 2/2010 ዓ.ም (June 9 /2018) በኢትዮጵያ ሰዓት አቆጣጠር ከምሽቱ 12 ሰዓት እስከ 2 ሰዓት እኝህ የሀገር ሀብት ዕንቊ አባት ከእስር እንዲፈቱ በትዊተር እና ፌስቡክ ዓለም አቀፍ ጥሪ ይቀርባል። ተሳታፊ ይሁኑ።

የጥሪው ዋና ዓላማ 
============
የዚህ የማኅበራዊ ሚድያ ጥሪ ዋና ዓላማ መንግሥት፣ ሕዝብ እና ዓለም አቀፍ ማኅበረሰብ በመምህር እንደሥራቸው ላይ የተፈፀመውን ግፍ እንዲረዳ ማድረግ እና ትኩረት መሳብና በመጨረሻም መምህሩ እንዲፈቱ ግፊት ማድረግ ነው።
እርስዎ በበጎ ኅሊና በጥሪው ላይ ለመሳተፍ ይዘጋጁ እንጂ መንገዶቹን እንጠቁምዎታለን። በጥሪው ላይ የሚሳተፉባቸው መንገዶች የሚከተሉትን ይጨምራል።

ሀ) ከቅዳሜ በፊት 

1ኛ/ እስከ ቅዳሜ ባሉት ቀኖች ውስጥ 

** ቅዳሜ በተባለው ሰዓት ጥሪው እንደሚደረግ ፖስተሩን በመለጠፍ፣ የማኅበራዊ ሚድያውን ማንቃት፣ ** በፌስ ቡክ፣ በትዊተር የሚሰራጩ ፖስተሮችን፣ ቃላትን እና ዐረፍተ ነገሮችን ከአሁኑ ማዘጋጀት እና ፈጠራን መጨመር፣ 

** የሚዘጋጁት ፅሁፎች እና ፖስተሮች በአማርኛ እና በእንግሊዝኛ ሊዘጋጁ ይችላሉ።
2ኛ) ቅዳሜ ጥሪ እንደሚደረግ የሚገልጥ መልዕክት  ለምናውቀው ሰው በኢሜል፣ በውስጥ መስመር፣ በቫይበር/ዋትስአፕ/ቴሌግራም እና በግላችን ገጾች ላይ በመለጠፍ ከቅዳሜ በፊት ባሉት ቀናት ማስታወቂያውን ማሰራጨት ፣

ለ) በዕለተ ቅዳሜ 
    =========
1ኛ) ቅዳሜ 
** በኢትዮጵያ ሰዓት አቆጣጠር ከምሽቱ 12 ሰዓት እስከ ምሽቱ 2 ሰዓት ድረስ ካለምንም እረፍት በተከታታይ የ“ይፈቱልን” ማስታወቂያውን መልቀቅ።
** መልዕክቶቹ ቀደም ብለው ያዘጋጇቸው ወይንም ሌሎች የለቀቁትን "ሼር" በማድረግ በፌስ ቡክ እና ትዊተር ገጽዎ ላይ መለጠፍ ነው።
ማሳሰቢያ መምህር እንደስራቸውን ማንነት ለማወቅ ይህንን ተጭነው ያንብቡ ።
የመምህር እንደስራቸው የመንፈስ እና የስጋ ልጆች የአባታቸውን መፈታት እየጠበቁ ነው።
አንተ አቡነ (ያሬዳዊ ዜማ ቪድዮ)

ጉዳያችን GUDAYACHN
 www.gudayachn.com

Tuesday, June 5, 2018

የኢህአዴግ ሥራ አስፈፃሚ ኮሚቴ ያሳለፈውን ውሳኔ በተመለከተ የጉዳያችን ማስታወሻ

የኢህአዴግ ማዕከላዊ ኮሚቴ 
በእዚህ ፅሁፍ ስር የሚከተሉትን ነጥቦች ያገኛሉ 

  •   የመንግስት ድርጅቶችን ወደ ግል ባለ ሀብትነት የማዞሩ ሂደት በተመለከተ፣
  • የመንግስት ድርጅቶች ወደ ግል በከፊል እና በሙሉ የማዞር ጉዳይ የሚያመጣው አዎንታዊ እና አሉታዊ ተፅኖዎች፣
  • የዛሬው የኢህአዴግ ውሳኔ በርካታ ጥያቂዎች ይዟል፣
  • የውጭ ባለ ሀብት ሁሉ ጠላት ነው የሚል የተሳሳተ አስተሳሰብ፣
  • የባድሜ ጉዳይ እና የኢትዮ- ኤርትራ ግንኙነት፣
  • በኢትዮጵያ እና በኤርትራ መካከል እአአ ታህሳስ 12/2000 ዓም የተደረገው ስምምነት አንቀፆች (Agreement Between Eritrea and Ethiopia signed in Algiers, 12 Dec. 2000)


ጉዳያችን/Gudayachn
ግንቦት 29/2010 ዓም (ጁን 6/2018 ዓም)

የኢህአዴግ ሥራ አስፈፃሚ ኮሚቴ ግንቦት 28/2010 ዓም በጠራው ስብሰባ ላይ በሁለት ወሳኝ ፖለቲካዊ እና ምጣኔ ሃብታዊ ጉዳዮች ላይ ውሳኔ አሳልፏል።ውሳኔዎቹ ሁለት ሲሆኑ የመጀመርያው ከእዚህ በፊት ሙሉ በሙሉ በመንግስት እጅ የነበሩ ዋና ዋና ድርጅቶች ማለትም የኢትዮጵያ አየር መንገድ፣መብራት ኃይል እና ቴሌን ጨምሮ በብዛኛው በመንግስት ይዞታ ስር ሆነው ቀሪው ድርሻ ለሀገር ውስጥ እና ለውጭ ባለሀብቶች በአክስዮንነት እና ሌሎች ደግሞ ሙሉ በሙሉ እንዲሰጡ የሚል እና ሁለተኛው ከኤርትራ ጋር የነበረው ግንኙነት ለማሻሻል የአልጀርሱን ስምምነት ሙሉ በሙሉ ተቀብሎ ወደ ተግባር መቀየር የሚሉ ውሳኔዎች ናቸው።የአልጀርሱን ውሳኔ በተመለከተ የባድመን ለኤርትራ መሰጠት ያጠቃልላል።

የመንግስት ድርጅቶችን ወደ ግል ባለ ሀብትነት የማዞሩ ሂደት በተመለከተ

የመንግስት ድርጅቶችን ወደ ግል (የግል የሚለው እራሱ ብዙ መብራራት ይፈልጋል) የማዞር ጉዳይ በሁለት አካላት ሲቀነቀን ዓመታት አሳልፏል።የመጀመርያው ዓለም አቀፉ የገንዘብ ድርጅት እና የምዕራቡ ዓለም ሲሆን በሌላ በኩል በሀገር በቀሉ ባለሀብቶች ነው።የምዕራቡ ዓለም ኢትዮጵያ ላለፉት አርባ ዓመታት በመንግሥትነት የተያዙ ትልልቅ ድርጅቶች በተለይ የስልክ፣አየርመንገድ እና መብራት መያዛቸው ለሌላ የአፍሪካ ሀገሮች ምሳሌ እንዳይሆን ትልቅ ስጋት አለባቸው።ለምሳሌ የባንክ ሴክተሩን ብንመለከት የውጭ ሀገር ባንክ ፈፅሞ ያልገባባት ሀገር ኢትዮጵያ ነች።ይህ ደግሞ በእራሱ ይዞ የሚመጣው በጎ እና በጎ ያልሆኑ እድሎች አሉ።የአፍሪካ የአሁኑ ምጣኔ ሀብት ባብዛኛው የተያያዘው ከቀድሞ ቅኝ ገዢዎቻቸው ጋር የተጣመረ ነው።ይህም በመሆኑ ፖለቲካውም በእነኝህ አካላት በቀላሉ እንዲዘወር አድርጎታል።ይህ ሁኔታም ለብዙ የአፍሪካ ሀገሮች የምጣኔ ሀብት እና የፖለቲካ ፖሊሲያቸውን በሚፈልጉት መልክ እንዳይቀርፁ እንቅፋት ሆኖባቸዋል።

የመንግስት ድርጅቶች ወደ ግል በከፊል እና በሙሉ የማዞር ጉዳይ የሚያመጣው አዎንታዊ እና አሉታዊ ተፅኖዎች 

ቁልፍ የምጣኔ ሀብት አውታሮች ለምሳሌ የመብራት፣አየር መንገድ፣ባህር ትራንዚት፣ቴሌ የመሳሰሉት ድርጅቶች በመንግስት ቁጥጥር ስር በዋናነት መያዛቸው አስፈላጊ የሚሆንበት ምክንያት እነኝህ አውታሮች ለሁሉም ባለ ሀብት እና ለሕዝብ እኩል ካለምንም አድልዎ ማዳረስን የመንግስት ያህል የለም ከሚል እሳቤ ነው። ይህ ማለት በፖሊሲ ደረጃ ለምሳሌ ቴሌ አገልግሎቱን የሚሰጠው ትርፍ በሚያገኝበት በአዲስ አበባ ብቻ ሳይሆን ትርፍ በማያገኝበት እንደ ማጂ ዞን ያሉ የጠረፍ ቦታዎች ሁሉ ከአዲስ አበባ የሚያገኘውን ትርፍ በማካፈል አገልግሎቱን ያዳርሳል።ሆኖም ግን ሙሉ በሙሉ በግል ድርጅቶች እጅ ከወደቀ ግን ትርፍ የሚገኝበት ቦታ ላይ ብቻ እንጂ ገጠራማ ቦታዎች አገልግሎቱን ለማግኘት አይችሉም።የብዙ የአፍሪካ ሀገሮች ያልተመጣጠነ የአካባቢ እድገት የሚያጋጥመው አንዱ የግል ዘርፉ በቁልፍ የምጣኔ ሀብቶች ላይ የወሳኝ ሚና ሲኖረው እና ትርፍ ብቻ ያለመ ፖሊሲ ምስኪኑን ያገለለ ይሆናል። ይህ ብቻ አይደለም የግል ባለሀብቱ የውጭ ባለ ሀብት ከሆነ የመጣበት ሃገርን ፖለቲካዊ ተፅኖ አስፈፃሚ የመሆኑ አጋጣሚ ቀላል አይደለም።ለእዚህም ነው በርካታ የዓለም አቀፍ የንግድ ድርጅቶች በታዳጊ ሀገሮች ውስጥ ገብተው የሚያደርጉት የፖለቲካ ጣልቃ ገብነት ለመንግሥታት መቀያየር ምክንያት የሚሆኑበት ሁኔታ ቀላል አይደለም።

ከላይ ከተጠቀሰው የግል ባለ ሃብቱ አሉታዊ ገፅታ በተለይ በሌሎች አፍሪካ ሀገሮች በምሳሌነት ናይጀርያ እና ኮንጎን መጥቀስ ይቻላል፣በኢትዮጵያ እንዳይደገም የግሉን ዘርፍ በተለየ አቀራረብ ማሳተፍ ይቻላል።የናይጀርያ እና የዛየር ሀብት ለድሃው ለምን አልደረሰም? ለምንድነው የተረጋጋ መንግስት እንዳይኖራቸው የሆነው? የውጭ ባንኮች እና ባለመዋለ ንዋይ አፍሳሾች በመንግሥታት አለመረጋጋት ዙርያ ሚናቸው ምንድነው? የሚሉት ሁሉ በሚገባ ቢፈተሹ በርካታ ጉዳጉድ የያዘ ታሪክ አፍሪካ ተሸክማለች።

በሌላ በኩል ግን የግል ባለ ሃብቱ በቁልፍ የምጣኔ ሀብት ድርጅቶች ላይ መሳተፍ ይዞ የሚመጣው ሶስት መልካም ነገሮች አሉ።እነርሱም የቴክኖሎጂ ሽግግር፣የሰለጠነ የሰው ኃይል ማፍራት እና የመዋለ ንዋይ መሳብ ነው። እነኝህ መልካም ዕድሎች ግን ዕድል ሊሆኑ የሚችሉት ከሙስና የፀዳ፣የሀገሩን ርዕይ የሚያስቀድም እና ትክክለኛ ፖሊሲ የቀረፀ መንግስት ወደ ስልጣን ላይ ሲመጣ ብቻ ነው።እዚህ ላይ ሲንጋፖር፣ቦትስዋና እና ደቡብ ኮርያን በምሳሌነት መመልከት ይቻላል።እነኝህ ሀገሮች የግል ባለ ሃብትን ከምዕራቡ ዓለም ቢስቡም ትክክለኛ የቀረጥ ገቢ ለመንግሥታቸው በማስገባት እና የገባውን ገንዘብ ከሙስና በፀዳ መልክ በትክክል ለሕዝብ ልማት በማዋል የግል ባለሀብቱን ሚና ተጠቅመውበታል።በተቃራኒው ዋልጌ እና በሙስና የተነከሩ መንግሥታት ያላቸው እንደ ናይጄርያ እና ኮንጎ ያሉ መንግሥታት ከውጭ ባለሀብቶች ጋር የማይገባ ግንኙነት እያደረጉ ሀገራቸውን ለበለጠ ድህነት እየዳረጉ ይገኛሉ።

የዛሬው የኢህአዴግ ውሳኔ በርካታ ጥያቂዎች ይዟል

ከላይ ከተጠቀሰው  የግል ዘርፍ እና የመንግስት ግንኙነት አንፃር የዛሬው የኢህአዴግ ውሳኔ በብዙ ጥያቄዎች የታጀበ ነው።ከጥያቀዎቹ ውስጥ
- የእዚህ አይነቱ አቅጣጫ ቀያሪ ውሳኔ ሲደረግ ሕዝብ ቀድሞ እንዲወያይበት ለአደባባይ ማቅረብ አይገባም ነበር ወይ?
- በጉዳዩ ዙርያ የባለሙያ ጥናት በተለይ ከትርፍ እና ኪሳራ አንፃር ብቻ ሳይሆን ከኢትዮጵያ ታሪካዊ እና ባህላዊ እሴት አንፃር መታየት ያሉባቸው ጉዳዮች ታይተዋል ወይ?
- የእዚህ አይነት ውሳኔ ከሁለት ዓመት በኃላ በሚኖር ምርጫ ፓርቲዎች የሚያቀርቡት የውድድር አጀንዳ መሆን አይገባውም ነበር?
- እንደ ኢትዮጵያ አየር መንገድ ያሉ የሀገር ምልክት የሆኑ ድርጅቶችን በቀላሉ በውጭ ሀገር ባለሀብቶች እጅ ማስገባት የሚያመጣው ጉዳት ተጠንቷል?
- የመገናኛ ብዙሃን በታፈኑበት ሀገር የውጭ ባለ ሀብት ምን ያህል የሀገር ሕግ አክብሮ እየሰራ እንደሆነ እና እንዳልሆነ ለሕዝብ የሚነግር በሌለበት ሀገር የውጭ ባለ ሀብቶች ከባለስልጣናት ጋር የሚሰሩትን ህገ ወጥ ተግባር ለሕዝብ ማን ይነግረዋል?
- የፓርላማ አባላት እና ፓርላማው እራሱ የሀገሪቱን ፖለቲካዊ እና ምጣኔ ሃብታዊ እንቅስቃሴዎች የመረዳት፣የመተንተን እና ተከራክረው ሕግ የማስቀየር አቅም አላቸው ወይ?
- ከሀገር ውስጥ የሚመጣው ባለ ሀብት ምንጩ የተዘረፈ ገንዘብ ከሆነ በትክክለኛ መዋለ ንዋይነት ይታያል? የሚሉት እና በርካታ ጥያቄዎች ማንሳት ይቻላል።

የውጭ ባለ ሀብት ሁሉ ጠላት ነው የሚል የተሳሳተ አስተሳሰብ

የውጭ ባለ ሀብት በኢትዮጵያ የኢኮኖሚ አውታር ላይ የሚገባበት በጎ እና በጎ ያልሆኑ ሁኔታዎችን በምናነሳበት ጊዜ ግን ያማንክደው የእኛ የኢትዮጵያውያን ማስተካከል የሚገባን የውጭ ባለ ሀብት ሁሉ ጠላት ነው የሚል የተሳሳተ አስተሳሰብ አለ።ኢትዮጵያ የምጣኔ ሀብቷን ለውጭው ዓለም በሚገባ እንዳልከፈተች በጣም ግልጥ ነው።እዚህ ላይ የሀገር ውስጥ ተወላጆች በሚገባ በሥራ ሳይሰማሩ የውጭ ባለ ሀብት ሊመጣ አይገባም ከሚለው እስከ አንድ የውጭ ሀገር ዜጋ ሱቅ ከፍቶ ስመለከት ሃገሩን ተቆጣጠሩት እስከሚለው አስተሳሰብ ብዙ መታረም ያለባቸው አስተሳሰቦች አሉን።ይህንኑ ሃሳብ ወደ ውጭ ሀገር የሚኖሩ ኢትዮጵያውያን በምን ያህል ጥልቀት በንግድ ዘርፍ ተሰማርተው የሀገራቱን ሕጎች ተገን አድርገው እየኖሩ ነው ? ብለን ብንጠይቅ በርካቶች በእየሃገራቱ ውስጥ ተከብረው እና ታፍረው እንደሚኖሩ እንገነዘባለን።ይህ ሁኔታ ምናልባት እንደ ደቡብ አፍሪካ ባሉ ሀገሮች ችግሮች ቢገጥሙትም ባብዛኛው ለምሳሌ በኬንያ፣ዑጋንዳ፣ እና ሌሎች ሀገሮች በጥቃቅን ንግድ ዘርፎች ሳይቀር ተሰማርተው ይኖራሉ።በአሜሪካ እና አውሮፓም እንዲሁ በርካቶች በግል ዘርፉ ተሰማርተው ይኖራሉ።ይህንኑ ጉዳይ የውጭ ሀገር ዜጎች መርካቶ ውስጥ በምን ያህል ደረጃ አሉ? ብለን ብናስብ ግን አሁንም የሚሰማን ትክክል ያልሆነ ስሜት መኖሩን መካድ አይቻልም። ይህ ማለት የውጭ ባለ ሀብት ወደ ኢትዮጵያ ስንጋብዝ የእንግዳ ተቀባይ  የመሆናችንን ያህል  የሀገራችን ሕጎች በተቻለ መጠን የውጭ ሀገር ዜጋንም እንደሚመለከት ልክ የእኛ ዜጎች በውጭ ሀገር እንደሚገጥማቸው ተግዳሮት ተገብቶ የማሰብ ባህል ሊኖረን ይገባል።ይህ ሁኔታ በእራሱ ይዞ የሚመጣው በጎ የሆነም ያልሆነም ጉዳይ ቢያስከትልም የመንግስት ስርዓቱን የመቆጣጠር ሂደት ግን ሁሉንም ሊያስተካክል ይችላል።ይህ ግን አሁንም ከሙስና የፀዳ እና አቅም ያለው የመንግስት መዋቅር ያስፈልጋል።

የባድሜ ጉዳይ እና የኢትዮ- ኤርትራ ግንኙነት 

የኢህአዴግ ሥራ አስፈፃሚ ዛሬ ያሳለፈው ውሳኔ ውስጥ አንዱ የአልጀርሱን ውሳኔ መቀበል እና ባድመን ለኤርትራ መስጠት ላይ መስማማት የሚል ነጥብ ይዟል።የዛሬው ውሳኔ በሰጥቶ መቀበል ደረጃ ስንመለከተው ኢትዮጵያ ከኤርትራ ጋር በሚኖራት ግንኙነት ምን ታገኛለች የሚለው አሁን ይሄ ነው ብሎ ለመገመት ያስቸግራል።አሳዛኙ ጉዳይ ግን በእርባና ቢስ ጦርነት ያለቀው ከ80ሺህ በላይ የሚሆን የሰው ሕይወት ነው።የዩጋንዳው ፕሬዝዳንት በአንድ በኢትዮ ኤርትራ ጦርነት ሰሞን የጦርነቱን ምክንያት ሲገልጡ  '' ብታዩ የሚጣሉበት ቦታ እዚህ ግባ የማይባል ትንሽ ኮረብታ ቦታ ነች" በማለት ገልጠው ነበር።ጦርነቱ በሁለቱም በኩል የቆየ የቂም እና እብሪት መገለጫ እንጂ ሌላ ትርጉም አልነበረውም።

አንድ ምሁር ከሁለት ሳምንት በፊት  ለሸገር ራድዮ የኢትዮጵያ እና የኤርትራ ጉዳይ አስመልክተው ሲናገሩ  እንዲህ ብለዋል " ኢትዮጵያ እና ኤርትራ ሲነጋገሩ የሚያተኩሩት ታክቲካዊ ጉዳይ እና ስነ ልቦናዊ የበላይነት ለማግኘት እንጂ ዘለቄታዊ በሆነው ስልታዊ ጉዳይ ላይ ማተኮር አለባቸው'' ብለዋል።ይህ አገላለጥ እኔ ሃሳቤን በሚገባ የምገልጥልኝ አድርጌ አየዋለሁ። የኤርትራ መንግስት ባድሜ ማግኘት ላይ ብቻ ሲያተኩር ህወሓት መራሹ መንግስትም ባድማ የእኔ ነች የሚል ስነ ልቦናዊ የበላይነት ለማግኘት ብቻ ሕዝብ ከህዝብ አለያይተው የኖሩት መንግሥታት ትልቅ ወንጀል ሰርተዋል።ህወሓት ባድመን ለመስጠት ከወሰነ ቆይቷል ሆኖም ግን  የትግራይ ህዝብንም ሆነ የኢትዮጵያን ሕዝብ ሲፈራ ኖሯል።አሁን በዶ/ር ዓብይ የጠቅላይ ሚኒስትርነት ዘመን ህወሓት ለትግራይ ሕዝብ እኔ አላደረኩትም ለማለት ዶ/ር ደብረ ፅዮን ዛሬ የባድመን መሰጠት ተስማምተው ተመልሰዋል።የኤርትራ እና የኢትዮጵያ ግጭት ጉዳይ የባድሜ ጉዳይ አለመሆኑን ለመረዳት የአልጀርሱን ስምምነት መቀበል ብቻ ሰላም ላያመጣ በመቻሉ መረዳት ይቻላል።

ለማጠቃለል የኢህአዴግ ሥራ አስፈፃሚ ኮሚቴ ስብስባ ቁልፍ የምጣኔ ሀብት አውታሮች ወደ ግል መዘዋወር ከሙስና የፀዳ፣ጠንካራ እና አቅም ያለው የሰው ኃይል ያለው መንግስት መኖር ወሳኝ ነው።በደካማ እና በሙስና የተዘፈቀ  መንግስት ውስጥ የውጭ ባለ ሀብት አስፈላጊ ቀረጥ ካለመክፈሉ በላይ የተከፈለውም ቀረጥ በትክክል ለሕዝብ ልማት አይውልም።ስለሆነም ሁሉም ዜጋ ሃገሩን ከባዕድ ወታደር ከመጠበቅ እኩል የምጣኔ ሀብት ቅርምቱን መቆጣጠር አለበት።የኢትዮጵያ ኤርትራ ጉዳይ በሌላ በኩል በአፍሪካ ቀንድ ከሚያንዣብበው የአካባቢ አረብ ሃገራት እና የውጭ ኃይሎች አንፃር ሁለቱ ሀገሮች ከመስማማት ውጭ አንዳችም አማራጭ የላቸውም። ይህ የባድሜ ስምምነት ግን የትግራይ ሕዝብ በህወሓት አዛውንት መሪዎቹ ላይ የሚነሳበት አዲስ የትግል ግንባር ሊሆን የማይችልበት ምክንያት አይታይም።

በኢትዮጵያ እና በኤርትራ መካከል እአአ ታህሳስ 12/2000 ዓም የተደረገው ስምምነት አንቀፆች 
Agreement Between Eritrea and Ethiopia signed in Algiers, 12 Dec. 2000.

Article 1

  1. The parties shall permanently terminate hostilities between themselves. Each party shall refrain from the threat or use of force against the other.
  2. The parties shall respect and fully implement the provisions of the Agreement on Cessation of Hostilities.

Article 2

  1. In fulfilling their obligations under international humanitarian law, including the 1949 Geneva Conventions relative to the protection of victims of armed conflict ("1949 Geneva Conventions"), and in cooperation with the International Committee of the Red Cross, the parties shall without delay, release and repatriate all prisoners of war.
  2. In fulfilling their obligations under international humanitarian law, including the 1949 Geneva Conventions, and in cooperation with the International Committee of the Red Cross, the parties shall without delay, release and repatriate or return to their last place of residence all other persons detained as a result of the armed conflict.
  3. The parties shall afford humane treatment to each other's nationals and persons of each other's national origin within their respective territories.

Article 3

  1. In order to determine the origins of the conflict, an investigation will be carried out on the incidents of 6 May 1998 and on any other incident prior to that date which could have contributed to a misunderstanding between the parties regarding their common border, including the incidents of July and August 1997.
  2. The investigation will be carried out by an independent, impartial body appointed by the Secretary General of the OAU, in consultation with the Secretary General of the United Nations and the two parties.
  3. The independent body will endeavor to submit its report to the Secretary General of the OAU in a timely fashion.
  4. The parties shall cooperate fully with the independent body.
  5. The Secretary General of the OAU will communicate a copy of the report to each of the two parties, which shall consider it in accordance with the letter and spirit of the Framework Agreement and the Modalities.

Article 4

  1. Consistent with the provisions of the Framework Agreement and the Agreement on Cessation of Hostilities, the parties reaffirm the principle of respect for the borders existing at independence as stated in resolution AHG/Res. 16(1) adopted by the OAU Summit in Cairo in 1964, and, in this regard, that they shall be determined on the basis of pertinent colonial treaties and applicable international law.
  2. The parties agree that a neutral Boundary Commission composed of five members shall be established with a mandate to delimit and demarcate the colonial treaty border based on pertinent colonial treaties (1900, 1902 and 1908) and applicable international law. The Commission shall not have the power to make decisions ex aequo et bono.
  3. The Commission shall be located in the Hague.
  4. Each party shall, by written notice to the United Nations Secretary General, appoint two commissioners within 45 days from the effective date of this agreement, neither of whom shall be nationals or permanent residents of the party making the appointment. In the event that a party fails to name one or both of its party-appointed commissioners within the specified time, the Secretary-General of the United Nations shall make the appointment.
  5. The president of the Commission shall be selected by the party-appointed commissioners or, failing their agreement within 30 days of the date of appointment of the latest party-appointed commissioner, by the Secretary-General of the United Nations after consultation with the parties. The president shall be neither a national nor permanent resident of either party.
  6. In the event of the death or resignation of a commissioner in the course of the proceedings, a substitute commissioner shall be appointed or chosen pursuant to the procedure set forth in this paragraph that was applicable to the appointment or choice of the commissioner being replaced.
  7. The UN Cartographer shall serve as Secretary to the Commission and undertake such tasks as assigned to him by the Commission, making use of the technical expertise of the UN Cartographic Unit. The Commission may also engage the services of additional experts as it deems necessary.
  8. Within 45 days after the effective date of this Agreement, each party shall provide to the Secretary its claims and evidence relevant to the mandate of the Commission. These shall be provided to the other party by the Secretary.
  9. After reviewing such evidence and within 45 days of its receipt, the Secretary shall subsequently transmit to the Commission and the parties any materials relevant to the mandate of the Commission as well as his findings identifying those portions of the border as to which there appears to be no dispute between the parties. The Secretary shall also transmit to the Commission all the evidence presented by the parties.
  10. With regard to those portions of the border about which there appears to be controversy, as well as any portions of the border identified pursuant to paragraph 9 with respect to which either party believes there to be controversy, the parties shall present their written and oral submissions and any additional evidence directly to the Commission, in accordance with its procedures.
  11. The Commission shall adopt its own rules of procedure based upon the 1992 Permanent Court of Arbitration Option Rules for Arbitrating Disputes Between Two States. Filing deadlines for the parties' written submissions shall be simultaneous rather than consecutive. All decisions of the Commission shall be made by a majority of the commissioners.
  12. The Commission shall commence its work not more than 15 days after it is constituted and shall endeavor to make its decision concerning delimitation of the border within six months of its first meeting. The Commission shall take this objective into consideration when establishing its schedule. At its discretion, the Commission may extend this deadline.
  13. Upon reaching a final decision regarding delimitation of the borders, the Commission shall transmit its decision to the parties and Secretaries General of the OAU and the United Nations for publication, and the Commission shall arrange for expeditious demarcation.
  14. The parties agree to cooperate with the Commission, its experts and other staff in all respects during the process of delimitation and demarcation, including the facilitation of access to territory they control. Each party shall accord to the Commission and its employees the same privileges and immunities as are accorded to diplomatic agents under the Vienna Convention on Diplomatic Relations.
  15. The parties agree that the delimitation and demarcation determinations of the Commission shall be final and binding. Each party shall respect the border so determined, as well as the territorial integrity and sovereignty of the other party.
  16. Recognizing that the results of the delimitation and demarcation process are not yet known, the parties request the United Nations to facilitate resolution of problems which may arise due to the transfer of territorial control, including the consequences for individuals residing in previously disputed territory.
  17. The expenses of the Commission shall be borne equally by the two parties. To defray its expenses, the Commission may accept donations from the United Nations Trust Fund established under paragraph 8 of Security Council Resolution 1177 of 26 June 1998.

Article 5

  1. Consistent with the Framework Agreement, in which the parties commit themselves to addressing the negative socio-economic impact of the crisis on the civilian population, including the impact on those persons who have been deported, a neutral Claims Commission shall be established. The mandate of the Commission is to decide through binding arbitration all claims for loss, damage or injury by one Government against the other, and by nationals (including both natural and juridical persons) of one party against the Government of the other party or entities owned or controlled by the other party that are (a) related to the conflict that was the subject of the Framework Agreement, the Modalities for its Implementation and the Cessation of Hostilities Agreement, and (b) result from violations of international humanitarian law, including the 1949 Geneva Conventions, or other violations of international law. The Commission shall not hear claims arising from the cost of military operations, preparing for military operations, or the use of force, except to the extent that such claims involve violations of international humanitarian law.
  2. The Commission shall consist of five arbitrators. Each party shall, by written notice to the United Nations Secretary General, appoint two members within 45 days from the effective date of this agreement, neither of whom shall be nationals or permanent residents of the party making the appointment. In the event that a party fails to name one or both of its party-appointed arbitrators within the specified time, the Secretary-General of the United Nations shall make the appointment.
  3. The president of the Commission shall be selected by the party-appointed arbitrators or, failing their agreement within 30 days of the date of appointment of the latest party-appointed arbitrator, by the Secretary-General of the United Nations after consultation with the parties. The president shall be neither a national nor permanent resident of either party.
  4. In the event of the death or resignation of a member of the Commission in the course of the proceedings, a substitute member shall be appointed or chosen pursuant to the procedure set forth in this paragraph that was applicable to the appointment or choice of the arbitrator being replaced.
  5. The Commission shall be located in The Hague. At its discretion it may hold hearings and conduct investigations in the territory of either party, or at such other location as it deems expedient.
  6. The Commission shall be empowered to employ such professional, administrative and clerical staff as it deems necessary to accomplish its work, including establishment of a Registry. The Commission may also retain consultants and experts to facilitate the expeditious completion of its work.
  7. The Commission shall adopt its own rules of procedure based upon the 1992 Permanent Court of Arbitration Option Rules for Arbitrating Disputes Between Two States. All decisions of the Commission shall be made by a majority of the commissioners.
  8. Claims shall be submitted to the Commission by each of the parties on its own behalf and on behalf of its nationals, including both natural and juridical persons. All claims submitted to the Commission must be filed no later than one year from the effective date of this agreement. Except for claims submitted to another mutually agreed settlement mechanism in accordance with paragraph 17 or filed in another forum prior to the effective date of this agreement, the Commission shall be the sole forum for adjudicating claims described in paragraph 1 or filed under paragraph 9 of this Article, and any such claims which could have been and not submitted by that deadline shall be extinguished, in accordance with international law.
  9. In appropriate cases, each party may file claims on behalf of persons of Eritreans or Ethiopian origin who may not be its nationals. Such claims shall be considered by the Commission on the same basis as claims submitted on behalf of that party's nationals.
  10. In order to facilitate the expeditious resolution of these disputes, the Commission shall be authorized to adopt such methods of efficient case management and mass claims processing as it deems appropriate, such as expedited procedures for processing claims and checking claims on a sample basis for further verification only if circumstances warrant.
  11. Upon application of either of the parties, the Commission may decide to consider specific claims, or categories of claims, on a priority basis.
  12. The Commission shall commence its work not more than 15 days after it is constituted and shall endeavor to complete its work within three years of the date when the period for filing claims closes pursuant to paragraph 8.
  13. In considering claims, the Commission shall apply relevant rules of international law. The Commission shall not have the power to make decisions ex aequo et bono.
  14. Interest, costs and fees may be awarded.
  15. The expenses of the Commission shall be borne equally by the parties. Each party shall pay any invoice from the Commission within 30 days of its receipt.
  16. The parties may agree at any time to settle outstanding claims, individually or by categories, through direct negotiation or by reference to another mutually agreed settlement mechanism.
  17. Decisions and awards of the Commission shall be final and binding. The parties agree to honor all decisions and to pay any monetary awards rendered against them promptly.
  18. Each party shall accord to members of the Commission and its employees the privileges and immunities that are accorded to diplomatic agents under the Vienna Convention on Diplomatic Relations.

Article 6

  1. This agreement shall enter into force on the date of signature.
  2. The parties authorize the Secretary General of the OAU to register this agreement with the Secretariat of the United Nations in accordance with article 102(1) of the Charter of the United Nations.

ጉዳያችን GUDAYACHN
 www.gudayachn.com

መፅሐፌ ለገበያ ውሏል።My book is on sale.


===================
ጉዳያችን/ Gudayachn
ግንቦት 28/2010 ዓም (ጁን 5/2018 ዓም)

(Please read in English below after Amharic)
መንግስታዊ ያልሆኑ ድርጅቶች ፖሊሲ በመልካም የመንግስት አስተዳደር ላይ ያላቸውን ተፅኖ ዙርያ የተሰራው የጥናት ስራዬ በአውሮፓ ታዋቂ የሆነ አሳታሚ ድርጅት በመፅሐፍ መልክ ለማውጣት መርጦታል።በመሆኑም መፅሐፉን አማዞንን ጨምሮ በአውሮፓ እና አሜሪካ ባሉ የመፅሐፍ መሸጫዎች በኦንላይንም ማዘዝ ይችላሉ።በተለይ እርስዎ ቢገዙትም ሆነ  ለሚሰሩበት ድርጅት እንዲያዝ መረጃውን ቢሰጡ አይቆጩም።መፅሐፉን በእዚህ ማስፈንጠርያ ከፍተው ማዘዝ ይችላሉ።ከሞር ቦክስ ሱቅ ለመግዛት ይህንን ይጫኑ https://www.morebooks.shop/store/gb/book/policy-of-ngos-on-democratic-governance-case-study-of-dgf/isbn/978-613-9-84101-1

አማዞን ላይ ለማዘዝ ይህንን ማስፈንጠርያ ይጫኑ https://www.amazon.com/gp/offer-listing/6139841011/ref=sr_1_1_olp?ie=UTF8&qid=1528208707&sr=8-1&keywords=policy+of+ngos+on+democratic+governance+case+study+of+dgf 

My book is now available on international books market (including Amazon book sale) all over the world. Do not miss also to buy and share the information to others to make it their own property. Here is the link that you can order online from Morebooks click https://www.morebooks.shop/store/gb/book/policy-of-ngos-on-democratic-governance-case-study-of-dgf/isbn/978-613-9-84101-1

 To order from Amazon click on https://www.amazon.com/gp/offer-listing/6139841011/ref=sr_1_1_olp?ie=UTF8&qid=1528208707&sr=8-1&keywords=policy+of+ngos+on+democratic+governance+case+study+of+dgf

ጌታቸው በቀለ
Getachew Bekele Damtew 

Saturday, June 2, 2018

ወደፊት ለመራመድ በአካል ብቻ ሳይሆን በመንፈስም ዝግጅት ማድረግ ይገባናል።ፕሮፌሰር ብርሃኑ ነጋ ኦስሎ፣ኖርዌይ ያደረጉት ንግግር (የጉዳያችን ልዩ ሪፖርታዥ)


ፕሮፌሰር ብርሃኑ ነጋ የአርበኞች ግንቦት 7 ሊቀመንበር ኦስሎ ግንቦት 25፣2010 ዓም (ፎቶ ጉዳያችን)


ጉዳያችን/ Gudayachn
ግንቦት 25/2010 ዓም (ጁን 2/2018 ዓም)

በእዚህ ሪፖርት ውስጥ የሚከተሉት ነጥቦች ተካተዋል። እነርሱም : - 

  • በኢትዮጵያ ፖለቲካ ያሉብን ችግሮች ምንድናቸው?
  • የብሔር ፖለቲካ በኢትዮጵያ እንዴት መጣ?
  • የ1983 ዓም የብሔር ፖለቲካ ዋነኛ ስህተት ምንድነው?
  • የለማ ቡድን (ዶ/ር ዓብይ) የለውጥ ዕድል በተመለከተ እንዴት እንሂድ?
  • የእነ ለማ ቡድን (ዶ/ር ዓብይ) የለውጥ ኃይል ከሌሎች ሀገሮች ምን መማር አለበት?
  • ሀገር ክትፎ አይደለም 


የአርበኞች ግንቦት ሰባት ንቅናቄ ሊቀመንበር ፕሮፌሰር ብርሃኑ ነጋ  እና አቶ ኦኬሎ በአካል እና  የአርበኞች ግንቦት 7 ንቅናቄ ዋና ፀሐፊ አቶ አንዳርጋቸው ፅጌ በስካይፕ የተገኙበት በርካታ ኢትዮጵያዊ ከኖርዌይ ልዩ ልዩ ከተሞች (ኦስሎን ጨምሮ)፣ከስዊድን፣እንግሊዝ እና ሌሎች የአውሮፓ ከተሞች የታደሙበት ስብሰባ ዛሬ ግንቦት 25/2010 ዓም ኦስሎ ከተማ ተደርጎ ነበር።በስብሰባው መክፈቻ ላይ አቶ አንዳርጋቸው ፅጌ አጭር የምስጋና ንግግር ካደረጉ በኃላ የዝግጅቱ አስተባባሪ የዲሞክራሲያዊ ለውጥ በኢትዮጵያ አቶ ይበልጣል የመክፈቻ ንግግር፣ በኖርዋይ የአርበኞች ግንቦት 7 ወክለው አቶ ደባሱ ንግግር ካሰሙ በኃላ ግጥም በአማርኛ ወ/ሮ አፎምያ፣ እንዲሁም ግጥም በእንግሊዝኛ አቶ ልዑል አቅርበዋል።በመቀጠል የዕለቱ ዋና ተናጋሪ የነበሩት ፕሮፌሰር ብርሃኑ ነጋ ንግግር አሰምተዋል።

ፕሮፌሰር ብርሃኑ በዛሬው የኦስሎ ንግግራቸው መግብያ ላይ ባለፈው ዋሽንግተን ላይ ያደረጉትን ንግግር እንደማይደግሙ ነገር ግን እዛ ላይ ያልተነሱ ሌሎች ጉዳዮች ላይ እንደሚያተኩሩ በቀልድ አዋዝተው ከገለጡ በኃላ ንግግራቸውን ጀምረዋል።በንግግራቸው ላይ የተነሱትን ነጥቦች ከእዚህ በታች በርእስ ከፍዬ አቀርባለሁ።እዚህ ላይ ርዕሶቹ ለአንባቢ የትኩረት ነጥቦች እንዲረዳ ርዕሶቹን የሰጠሁት እኔ ነኝ።ንግግራቸው በርእስ ሳይከፈል በወጥነት የቀረበ ነው።

በኢትዮጵያ ፖለቲካ ያሉብን ችግሮች ምንድናቸው?

ፕሮፌሰር ብርሃኑ ነጋ የንግግራቸው መግብያ ያደርጉት በፖለቲካው መድረክ ለዘመናት የኖሩ ችግሮቻችንን ሲገልጡ በሶስት ዋና ዋና ነጥቦች አስቀምጠዋቸዋል።እነርሱም የመንፈስ ችግር፣ ለኢትዮጵያ ከእኔ ሌላ የሚያውቅ የለም ማለት እና የሌላውን አለመስማት ችግሮች ዋና ዋና እንደሆኑ አብራርተዋል።የመንፈስ ችግር ያሉት ላለፉት አርባ አመታት የኖረው ከፍተኛ የመጠራጠር እና ሁሉንም በበጎ አለማየት መሆኑን አብራርተው ይህ አሁን ኢትዮጵያ ውስጥ ያለውን ሁኔታ ሳይቀር ዝም ብሎ የመጠርጠር መንፈስ መኖሩን ነገር ግን በእዚህ መንፈስ መያዝ እራሱ ወደ አደገኛ ሁኔታ እንዳይመራ ያላቸውን ስጋት ገልጠዋል።ይህንን ሲገልጡት ቃል በቃል  " መጠርጠርን አርት አድርገነዋል" ስለሆነም ከእዚህ የመንፈስ ችግር መውጣት አስፈላጊ ነው።ይህንን ስል ሁሉ ነገር አበቃ ተስተካከለ እያልኩ አይደለም።ሆኖም ግን በጥንቃቄ እያየን የምንሄደው መሆን እንዳለበት ከገለጡ በኃላ በአሁኑ ጊዜ አነጋገራችንም መቀየር አለበት ህወሓት እና ኢህአዴግ እያልን ነው የምናወራው ምክንያቱም ለለውጥ የተነሳ ከመካከላቸውም ስላለ ብለዋል።

ሁለተኛው እና ሶስተኛው ችግር  እኔ ያልኩት ብቻ ነው ትክክል የሚለው እና የሌላውን አለመስማት ፖለቲካችን መነሻው ከ1966 ዓም የለውጥ እንቅስቃሴ ጋር የተያያዘ እንደሆነ አብራርተው በዛን ጊዜ ወጣት በነበርንበት ወቅት ኢትዮጵያ የእራሷን ተጨባጭ ሁኔታ ያላገናዘበ ግን ከውጭ የመጣ ርዕዮት የተጫነባት አንዱ ምክንያት እኔ ያሰብኩት ብቻ ለኢትዮጵያ ይበጃል የሚል ስሜት ነበር።በእዚህም በርካታ ለሀገር የሚጠቅሙ ዜጎቻችንን አጥተናል።ይህ አደገኛ ስሜት ክፋቱ የተለየ ሃሳብ የሚያስበውን በሙሉ በጠላትነት መፈረጁ ነው። ይህ በ1983 ዓም የነበረው ለውጥም በተመሳሳይ መልኩ ደግሞታል ብለዋል። እነኝህ ሶስቱ ችግሮች ለመጀመርያው አብዮት መክሸፍ ምክንያት መሆናቸውን ያብራሩት ፕሮፌሰር ብርሃኑ የብሔር ፖለቲካ አነሳስ ታሪካዊ ዳራ ላይ ፍንጭ ሰጥተዋል።

የብሔር ፖለቲካ በኢትዮጵያ እንዴት መጣ?

የመጀመርያው ለውጥ ወቅት የውጭ ርዕዮት ዓለምን እንደ አመለካከት ወስዶ በሁሉም ኢትዮጵያዊ ላይ የመጫን ስህተት አንዱ እና ዋናው የክሽፈት ፖለቲካችን መሆኑን ከገለጡ በኃላ የብሔር ፖለቲካ እንዴት እንደ ርዕዮት ዓለም ራሱን ችሎ ብቅ እንዳለ ሲያብራሩ እንዲህ ብለዋል።
    " የብሔር ፖለቲካ በኢትዮጵያ በመጀመርያ በርዮት ዓለምነት የወጣ አስተሳሰብ አልነበረም።
       ያኔ የብሔር ፖለቲካ የታሰበው በታክቲክ ደረጃ ነበር።በታክቲክ ደረጃ የታሰበው የብሔር 
       ፖለቲካ እራሱን ችሎ ከምር አደረጉት እና በርዮት ዓለምነት ብቅ ያለው በ1983 ዓም ነው።"

የ1983 ዓም የብሔር ፖለቲካ ዋነኛ ስህተት ምንድነው?

ፕሮፌሰር ብርሃኑ በታክቲክነት ይነሳ የነበረው የብሔር ፖለቲካ ከምር ሆኖ በ1983 ዓም ራሱን ችሎ በርዮት ዓለምነት ሲቀርብ የአንድ የተለየ ኅብረተሰብን ጥቅም ለይቶ መቆም ያለውን አደገኛነት ከግንዛቤ አላስገባም ብለዋል።አንድን ኅብረተሰብ በብሔርም ሆነ በሌላ ለይቶ ለመብቱ መቆም በእራሱ የሚያመጣው ጉድለት ሲያብራሩ ግለሰብ፣ቤተሰብ እና የወል ስብስቦች የእየራሳቸው ፍላጎቶች ኖሯቸው ሳለ የብሔር ፖለቲካ ግን የሁሉንም የተለያየ ፍላጎት ጨፍልቆ እኔ የማውቅላችሁን ፍላጎት ውሰዱ የሚል ነው ብለዋል። ይህንንም በምሳሌነት ሲያስረዱ በወል ስብስብ ውስጥ ለምሳሌ የክርስትና እና የሙስሊም ወገኖቻችን የእየራሳቸው ፍላጎት አላቸው፣ሙስሊሙ ክርስቲያኑ አምልኮ ውስጥ አይገባም፣ክርስቲያኑም ሙስሊሙ ውስጥ እንዲሁ አይገባም።የወል ስብስብን ፍላጎት ጨፍልቆ እኔ በማውቅልህ መንገድ ሂድ ማለት አይቻልም።ምክንያቱም ሀገር እና ፖለቲካን ስታስብ ሁል ጊዜ ሁሉንም የወል ስብስቦች የሚያረካ መሆን አለበት።አንዱን በብሄር ወይንም በሌላ መልክ ነጥሎ ለመጥቀም የሚያስበው የብሔር ፖለቲካ አንዱ እና ዋናው ስህተቱ አሁን ድረስ ሀገራችን ችግር ላይ የጣላት ምክንያትም ፖለቲካ (መንግስት) ለወል ስብስቦች መብት ብቻ ለመቆም የመሞከሩ አባዜ መሆኑን ፕሮፌሰር ብርሃኑ በንግግራቸው አስረግጠው አብራርተዋል።

ከእዚሁ የብሔር ፖለቲካ ለአንድ የወል ማኅበረሰብ ጥቅም ከመቆሙ አንፃር በመጨረሻ ውድቀቱ ላይ ቆምኩለት የሚለውን የወል ማኅበረሰብ ብቻ ሳይሆን ቆሜለታለሁ የሚለውን የራሱን ማኅበረሰብ መጨረሻ ላይ መብላቱ ነው አስከፊው ሁኔታ ብለዋል።

የለማ ቡድን (ዶ/ር ዓብይ) የለውጥ ዕድል በተመለከተ እንዴት እንሂድ?

ፕሮፌሰር ብርሃኑ ነጋ ከላይ የተሰጠውን የለማ ቡድን ወይንም የዶ/ር ዓብይ የለውጥ ዕድል በሚል በቀጥታ ርዕስ አይስጡት እንጂ የአሁኑን የሀገር ቤት ለውጥ አስመልክተው ሲናገሩ ሶስተኛው ዕድል በሚል ገልጠውታል።ማንም ሀገር ለለውጥ ሶስት ጊዜ ዕድል ያገኘ ሀገር የለም ካሉ በኃላ "የአሁኑን ዕድል ኢትዮጵያ ካበላሸች እና ካበላሸን እንደ ሀገር ልንቀጥል የምንችልበት ሁኔታ ያሰጋል" ብለዋል። ዓቢይ ከሰማይ የመጣ አድርጋችሁ አትዩ በትግሉ ሂደት የመጣ ነው።አንዳንድ ወገኖች ሲያታልሉን ነው ምናምን እያሉ ያወራሉ።ቀደም ብዬ እንዳልኩት መጠርጠር አርት አድርገን ይዘነዋል።እነ ዓብይ የመጡበትን ሂደት እናስታውስ ከመመረጣቸው በፊት ማን ይመረጣል እያልን እንደነበር አስታውሰው በሂደቱ ግን እነዓብይ እንዳሸነፉ በግልጥ እንደታየ አስታውሰዋል።ስለሆነም አሉ ፕሮፌሰር ብርሃኑ " የለውጥ ኃይሎችን (እነዶ/ር ዓብይን ኢትዮጵያን ዲሞክራሲያዊ ለማድረግ እስከ ሄዱ ድረስ እንደግፋቸዋለን።የምያደናቅፉትንም መታገል አለብን" ብለዋል።

የእነ ለማ ቡድን (ዶ/ር ዓብይ) የለውጥ ኃይል ከሌሎች ሀገሮች ምን መማር አለበት?

ፕሮፌሰር ብርሃኑ እነዶ/ር ዓብይ በፖለቲካ አሸንፈዋል።ህወሓትም በፖለቲካ ተሸንፏል ካሉ በኃላ ሆኖም ግን ህወሓት በወታደሩ ዙርያ እና በዝርፍያ የደለበ ሀብት በመያዝ አሁንም አሉ ብለዋል።ስለሆነም የለውጥ ኃይሉ ይህንን ማወቅ እንዳለበት እና ከእዚህ አንፃር አካሄዱን መቃኘት እንዳለበት አሳስበው ለአብነት የግብፅን እና የደቡብ አፍሪካን የቅርብ ታሪክ ጠቁመዋል።የግብፅ አብዮት ሲነሳ እና ሙርሲ የሙባረክን ኃይል ከጣለ በኃላ የሀገሪቱን ሀብት 50% የያዘው የግብፅ ጦር ኃይል ህዝቡ የዕለት ዳቦ እንዳያገኝ በማድረግ ሕዝብ ሙርሲ ላይ እንዲነሳ እና የሙባረክ ሰዎች ተመልሰው እንዲመጡ ማድረጉን ገልጠዋል።በተመሳሳይ መልኩ ከነጭ የአፓርታይድ ወገን ሁኔታው እንደማያስኬድ የተመለከተው ዲክለርክ ለለውጥ ሲነሳ የተፈጠረውን የመቀልበስ ሂደት በምሳሌነት አሳይተዋል።ስለሆነም አሁን በኢትዮጵያ ያለው የለውጥ ኃይል (የለማ ቡድን) ይህንን ከግንዛቤ ውስጥ ባስገባ መልክ መንቀሳቀስ አስፈላጊ መሆኑን ጠቁመዋል።

ሀገር ክትፎ አይደለም 

በንግግራቸው መጨረሻ ላይ ፕሮፌሰር ብርሃኑ ኢትዮጵያን ዲሞክራሲያዊ ከማድረግ ውጭ ሌላ አማራጭ እንደሌለ ገልጠው ለውጡን እኛ ካላመጣነው የሚል የስልጣን ጥማት የለንም።እኛ መድረስ አለብን የምንለው ዜጎች አሽከር ሳይሆን የእኔ የሚሉት ሀገር ባለቤት እንዲሆኑ ነው ካሉ በኃላ ንግግራቸውን ሲደመድሙ እንዲህ ብለዋል : -
      " ሀገር ክትፎ አይደለም።ሀገር ሁላችን ባለቤት የምንሆንባት ደረጃ መድረሷን ማረጋገጥ አንዱ ግባችን ነው ከአሁን በኃላ ተመልሶ የወያኔ ኃይል ስልጣን ላይ እንዳይመጣ ማድረግ ዋና ስራችን መሆን አለበት።ለእዚህም በአካሄድ ብቻ ሳይሆን ቀደም ብዬ እንደተቀስኩላችሁ በመንፈስ ዝግጅትም ሊኖረን ይገባል።በ1966 እንደነበረው የእኔ ብቻ ሃሳብ ትክክል ነው የሚል ፖለቲካ ውስጥ መግባት የለብንም።ስለኢትዮጵያ መጨነቅ የእኛ ብቻ ሥራ ነው ብለን አናምንም የዓብይም የሁሉም እኩል ኃላፊነት ነው።ከእነ ዓብይም ሆነ ከሌሎች ሀገር ለመገንባት ከሚቆሙት ጋር ሁሉ መቆም አለብን ከትጥቅ ትግል ጋር እና ከተቃዋሚነት ጋር አልቆረብንም" ብለዋል።




ጉዳያችን GUDAYACHN
 www.gudayachn.com

Wednesday, May 30, 2018

የትግራይ ሕዝብ ብቸኛ ጠላት የህወሓት አዛውንት መሪዎች ናቸው

በእዚህ ፅሁፍ ውስጥ : -

  • አዛውንቶቹ የሴራ ፖለቲካ ባለቤቶች የትግራይን ሕዝብ ከቀሪው የኢትዮጵያ ሕዝብ የሚለዩባቸው ሁለት መንገዶች እና 
  • የጀብሃ ዘፋኝ በኃላ ሻብያን ሸሽታ በስደት ባለፈው ሳምንት ያረፈችው ፀሐይ ባራኪ (ፀሐይቱ) በጆሲ ኢን ዘ ሃውስ የተቀናበረው ዜማ (ኦድዮ) ያገኛሉ።

ጉዳያችን / Gudayachn 
ግንቦት 23/2010 ዓም (ሜይ 31/2018 ዓም)

ነሐሴ 18፣2004 ዓም ፍኖተ ነፃነት በተሰኘው ጋዜጣ በዳሰሳ ዓምድ ስር በዞን ዘጠኝ ፀሐፊዎች የቀረበው ፅሁፍ ላይ የህወሓት አነሳስን ስገልጥ የሕወሓት ወላጅ ከሆነው  መስራች አባላት አንዱ ከሆኑት አረጋዊ በርኸ The Origin of The Tigray People’s Liberation Front በሚለው ጥናታቸው ላይ ያሰፈሩትን መነሻ ያደርጋል።አቶ አረጋዊ በእዚሁ ፅሁፋቸው ህወሓት አፈጣጠሩ ሲጀምር መጀመሪያ ትግራዋይ የዩንቨርሲቲ ተማሪዎች ሕብረት ተብሎ እንደተፈጠረ ይነግሩናል፡፡ የህብረቱ አባላት ከሆኑት ውስጥ መለስ፣ ተክሌ እና አባይ ፀሃዬ የዩንቨርስቲ ተማሪዎቹን ማኅበር  አርታኤ ቡድን ይመሩ ነበር፡፡ የኅብረቱ ዋነኛ ዓላማ ለትግራይ ሕዝቦች ፖለቲካዊ ንቃት ማጎናፀፍ ብቻ ስለነበር፣ ከዚያ የተሻለ ተግባራዊ እንቅስቃሴ ማድረግ እንዲችል በሚል “ማህበር ገስገስቲ ብሔረ ትግራይ” (ማገብት) ተወለደ፡፡ ማገብት  የህወሓት ወላጅ አባት እንደሆነ ያብራራሉ፡፡

ማገብት ህወሓት ከመመስረቱ በፊት ከኅግሓኤ (ሕዝባዊ ግምባር ሓርነት ኤርትራ) ጋር የሥራ ግንኙነት መስርቶ ነበር፡፡ (ስሙም ከዚያው የተገኘ ይመስላል፡፡) መለስ ከህወሓት፣ ጥቂት ቀደምት አባላት አንዱ ናቸው፡፡ ይሁን እንጂ አንዳንድ መጽሐፍት እንደሚተርኩት መለስ ዜናዊ እና አቦይ ስብሓት የህወሓት መስራቾች ሳይሆኑ፣ ከተመሰረተ ጥቂት ወራት በኋላ ትግሉን የተቀላቀሉ መሆናቸውን A Political History of the Tigray People’s Liberation Front (1975- 1991): Revolt, Ideology and Mobilisation in Ethiopia በተሰኘው መጽሐፋቸው ላይ አረጋዊ በርኸ ጽፈዋል፡፡

አዛውንቶቹ የሴራ ፖለቲካ ባለቤቶች የትግራይን ሕዝብ ከቀሪው የኢትዮጵያ ሕዝብ የሚለዩባቸው ሁለት መንገዶች 

ህወሓት ከተመሰረተ በኃላ የመጀመርያ የጅራፍ በትሩን ያሳረፈው የኢድዩ እና የፊውዳል ርዝራዦች ናችሁ እያለ የትግራይ አዛውንቶችን እና እናቶችን ወደ ማጎርያ ከመላክ እስከ ግድያ እና ለስደት የዳረገ ድርጅት ነው።በእዚህም ሳብያ ላለፉት አርባ ዓመታት ሙሉ የትግራይ አንድ ትውልድ ጨርሶ በህወሓት ቅኝት ብቻ የተቃኘ አንድ ትውልድ ፈጥሯል። ይህ በህወሓት ቅኝት የተፈጠረው ትውልድ የተቀረፀበት አንዱ እና ዋነኛው ባሕሪ ሌላው የኢትዮጵያ ክፍል ትግራይን እና የትግራይ ተወላጆችን በጠላትነት እንደሚመለከት አድርጎ መሳል እና የዐማራ ተወላጅ ዋነኛ ጠላት ነው የሚል ትርክት በማስቀመጥ (በ1967 ዓም ባወጣው ማነፈስቶ ላይ እንዳስቀመጠው) ባለፉት አርባ ዓመታት ውስጥ አባቶቹ ተፈጅተው የተረፈው ትውልድ ሌላውን ኢትዮጵያዊ የሚፈራ አድርጎ ቀርፆታል።

ይህ ሌላውን ኢትዮጵያዊ እንዲፈራ ተደርጎ የተቀረፀው ትውልድ የፍራቻ እና የማራራቅ ስራው የሚሰራው እና የሚቀመመው በአዛውንቶቹ የህወሓት አመራር ነው። ላለፉት አርባ ዓመታት በተንኮል እና የሴራ ፖለቲካ የተካኑት አዛውንት የህወሓት አመራሮች ላለፉት አርባ አመታት ውስጥ የመጣውን ትውልድ ስሜቱን ከወጣትነቱ ጀምሮ የመጠቀሙባቸው ሁለት መንገዶች በማስደንበር እና በማጋጨት ነው።የማስደንበር ስራው የሚከናወነው ተከታታይ የፕሮፓጋንዳ ሥራ በስብሰባዎች፣በፅሁፎቻቸው እና በመገናኛ ብዙሃን ሲሆን።ተደጋግሞ በመናገር ብዛት ይህንን ትውልድ ሌላው የኅብረተሰብ ክፍል የትግራይ ጠላት እንደሆነ ይህንን ጠላት ካሉት ለመታደግ ደግሞ የህወሓት አዛውንቶቹ አመራር ብቸኛ ጠባቂዎቻቸው እንደሆኑ እንዲሰማቸው አእምሯቸውን የመቆጣጠር ሥራ ለአመታት ሲሰሩ ኖረዋል።


ከማስደንበር ስራው በተጨማሪ የህወሓት አዛውንት አመራሮች የትግራይ ሕዝብ የመጨረሻ ምሽጋቸው እና ምሰሷቸው መሆኑን በማመን የትግራይ ሕዝብ ከሌላው ሕዝብ ጋር ግልጥ የሆነ ግጭት ውስጥ እንዲገባ ያደርጉታል።  እነኝህ ግጭቶች ለአዛውንቱ አመራር ሆን ተብለው የሚፈጠሩ እና የትግራይ ሕዝብ ሁል ጊዜ ሰግቶ እንዲኖር የሚያደርግበት አይነተኛ መሳርያ ሆነው አገልግለውታል። ለእዚህ አብነት የሚሆኑትን ምሳሌዎች ማንሳት ይቻላል።በ1997 ዓም ምርጫ ቅስቀሳ ላይ ህወሓት ''ኢንተርሃምዌ'' የምትለዋን ቃል የተጠቀመበት በመጀመርያ ደረጃ የትግራይን ሕዝብ ለማስደንበርያነት ነው።በቀጣይ ቀናትም የኢትዮጵያ ቴሌቭዥን የጎረቤት ፀብ ሳይቀር ስም እየጠቀሰ በመገናኛ ብዙሃን መጠቀስ የማይገባው ፀያፍ ዜናዎችን ሲሰራ ሰንብቷል። በቅርቡ ደግሞ በወልዲያ ከተማ እና በአዲስ አበባ ከተሞች የተደረጉ በእግር ኳስ ጫወታ ሳብያ የተፈጠሩ ግጭቶች ብዙ ሰው የሚያስበው በጫወታው መሃል የተነሱ ግጭቶች አድርጎ እንጂ ከጀርባ የትግራይን ሕዝብ ለማስደንበር የሴራ ፖለቲከኞች አዛውንት የህወሓት አመራሮችን ፈፅሞ አላሰባቸውም።ሆኖም ግን በወልዲያ በፒክ አፕ መኪና ተጭነው ጫወታው ከመደረጉ በፊት ከተማዋን እየዞሩ ጠብ የሚጭር ቃላት የሚያወጡ ወጣቶችን ከትግራይ ይዞ መጥቶ ከዋዜማ ጀምሮ ሕዝቡን ለፀብ ያዘጋጁ እነማን ናቸው? በአዲስ አበባው የወልዋሎ የአዲግራት ዩንቨርስቲ ቡድን ጋር የተፈጠሩ ፀቦች ተራ ግጭቶች ናቸው? እስከ ዳኛውን መልበሻ ክፍል ድረስ እየመጡ ከጫወታው በፊት የተደረጉ ነገር የመቆስቆስ ስራዎች በኃላም አሰልጣኙ በቀዳሚነት የተሳተፈበት ግጭት ሜዳ ላይ ብቻ በተፈጠረ የስሜት መጋል የተከሰተ ከሆነ ጥሩ ነው።ሆኖም ግን ቅንብሩ አይመስልም።ከእዚህ በተለየ ህወሓት የማስደንበር ሌላ ተግባሩን የሚፈፅመው እንደ የግል ንብረቱ የሚመለከተውን የትግራይ ሕዝብ በድንገት ከቦታችሁ ተነስታችሁ ለቃችሁ ወደ ትግራይ ኑ! እያለ ከጎንደር እስከ ደቡብ ያሉ የትግራይ ተወላጆችን በሚስጥር የሚያውቀው ሊከሰት የሚችል ግጭት አለ የሚል የተሳሳተ መልዕክት እየላከ የማስደንበር ተግባር መፈፀሙን ባለፉት ሁለት ዓመታት የታዘብነው ጉዳይ ነው።እዚህ ላይ በውጭ ሀገር የሚገኙ የትግራይ ልማት ማኅበራት አመራር የተቆጣጠሩ ግለሰቦች ተመሳሳይ የማስደንበር እና የማጋጨት ሥራ በትግራይ ተወላጆች ላይ እንደሚሰሩ የአደባባይ ምስጢር መሆኑን ሳንዘነጋ ነው።

ይህንን ሁሉ የግጭት እና የማስደነበር ሥራ ሲሰራ አስተሳሰቡን በአዛውንቶቹ የተንኮል መረብ ቁጥጥር ስር የወደቀው ሌላው የትግራይ ተወላጅ ነገሮችን አጢኖ ከሌላው ኢትዮጵያዊ ወገኑ ጋር ተባብሮ ከመስራት ይልቅ በትግራይ ልማት ማኅበር በኩል የመጣ ብጣሽ ወረቀት መልዕክት ማመኑ ምን ያህል በሚገባ እያገናዘበ እንዳልሆነ እና በአዛውንቶቹ የሚሰራበትን ተንኮል እንዳላየ ሲያልፈው ይታያል።ይህ ግብ ውሎ አድሮ ዋጋ የሚያስከፍል መሆኑን ማወቁ ነው ቁምነገሩ።አንዳንዶች ህወሓት ባይመጣ ኖሮ ትግራይ ከተሞቿ ፎቅ ሊኖራቸው እንደማይችል ያስባሉ።ሆኖም ግን ሃያ ሰባት ዓመት ማለት ቀላል ጊዜ አይደለም።እነ ሐዋሳ፣ሻሸመኔ እና አዳማ ከተሞች ያደጉት በጊዜ ሂደት መሆኑን መዘንጋት የለብንም።ህወሓት ባይመጣም አሁን ትግራይ ያለው ልማት እንደሌሎቹ የሀገሪቱ ክፍሎች ቢያንስ የመሰረተ ልማት እና የከተሞች መስፋት አይደርሳትም ብሎ ማሰብ አይቻልም።የህወሓት አዛውንቶች ኖሩም አልኖሩም ትግራይ እንደማንኛውም የኢትዮጵያ ክፍል የመልማት ሂደቷ አይቆምም።አንዳንዶች የትግራይ ተወላጆች ህወሓት ቤተ መንግስት ከሌለ ትግራይ ልማት የማታይ አድርገው የሚያስቡ አሉ።ሆኖም የሕግ የበላይነት እና እኩል ተጠቃሚነት ጋር ዲሞክራሲያዊ ሂደቱ ከተስተካከለ የትኛውም የሀገሪቱ ክፍል ይልቁንም ከታሰበው በላይ የማደግ እድሉ ትልቅ ነው።የህወሓት አዛውንት መሪዎች ግን አሁንም የትግራይን ሕዝብ ሊያሞኙ ይሞክራሉ።

የተንኮል ፖለቲካ ባለቤቶች አዛውንቶቹ ገለል ማለት አለባቸው

ህወሓት ከሁለት ዓመት በፊት መደበኛ ስብሰባውን ሲያደርግ አዛውንቶቹን አመራሮች ለማስወገድ እና ለውጥ ለማምጣት (ምን አይነት ለውጥ እንዳሰቡ አልታወቀም) ወጣቶቹ እና ጎልማሶቹ ከፍተኛ ርብርብ አድርገው ነበር።ሆኖም የአዛውንቱ ክፍል አሁንም በድንገት ደርሶ ወንበሩን ያዘው።በእዚህም አቶ አባይ ወልዱ የመጨረሻ ድምፅ የተሰጠባቸው በአስረኛ ደረጃ የተመረጡ ቢሆኑም ወደላይ መጥተው የትግራይ ክልል ፕሬዝዳንት በመሆን ከወልቃይት እስከ ወልድያ የትግራይን ሕዝብ ከቀረው ወንድሙ ጋር በድንበር አጋጭተው ገበያም እንዳይደራረስ እያደረጉት ነው።አንድ አመራር ለሕዝቡ የሚያስብ ከሆነ ዘለቄታ የህዝብ ግንኙነት ላይ እንጂ ጊዜያዊ  ግንኙነት ላይ ብቻ ሊያልም አይችልም። የህወሓት አዛውንት አመራሮች ግን የነበረውን የህዝብ ግንኙነት ሲያደበዝዙ ሲታይ የትግራይ ሕዝብ ዋና ጠላት ይሄ የአዛውንቶቹ አመራር መሆኑን በቀላሉ መረዳት ይቻላል።

ባጠቃላይ ለትግራይ ሕዝብ ቀዳሚ ጠላቱ የህወሓት አዛውንት አመራሮች መሆናቸውን ማወቅ አለበት።ሕዝቡን የሚወድ አመራር  ሕዝቡን ከህዝብ አያጋጭም።ይልቁንም ለዘለቄታ አብሮ የሚኖርበትን መንገድ ሲፈልግ ይታያል።በህወሓት አዛውንቶች እና አፈቀላጤዎቻቸው ዘንድ የሚታየው ግን ከእዚህ የተለየ ነው።በመድረክ ንግግሮቻቸው የሚያቃቅር እና ሁሉን ነገር በኃይል እንዲፈታ ሲነግሩት ይሰማሉ።በመጋጨት እንጀራ እንደሚገኝ ይመክሩታል።እነርሱ በመጡበት መንገድ ብቻ መፍትሄ እንዳለ በሃያ አንደኛው ክ/ዘመን ላይ ተቀምጠው ይመክሩታል።ስልጣን ላይ ከወጡ ሩብ ክፍለ ዘመን እንዳለፈ እና በእነኝህ ዘመናት ውስጥ በርካታ ነገሮች መቀየሩን እረስተውታል።በተጨማሪም ከእነርሱ ውጭ ህዝቡ አደጋ ላይ እንደሚወድቅ የሐሰት ፕሮፓጋንዳ ይነዙለታል። ይህ ሁሉ ግን ተራ ፈጠራ ነው።የኢትዮጵያ ሕዝብ አብሮ ሲኖር ያለፉት ሃይ ሰባት አመታት የመጀመርያው አይደለም።አሁን ያለው መፍትሄ አንድ ነው።ይሄውም ለዘመናት በላዩ ላይ ሆነው ያረጃ የማርክስ ርዕዮት የጫኑበትን  የአዛውንቶች አመራር ላይ መነሳት እና ከሁሉም ሕዝብ ጋር አብሮ የሚያኖር አመራር ማምጣት እና እራሱን ከሴራ ፖለቲካ ነፃ ማውጣት አለበት። ለእዚህም ትክክለኛ ጊዜው አሁን ነው።

 ባለፈው ሳምንት ከእዚህ ዓለም በ79 ዓመቷ በሞት የተለየችው  የፀሐይቱ (ፀሐይ ባራኪ) ዜማ (ኦድዮ)
(ፀሐይ ባራኪ ለጀብሃ  ዜማዎች ታዜም እንደነበር እና በኃላ ነገር አለሙን ትታ በተቀመጠችበት በ1983 ዓም ሻብያ አስመራን ሲቆጣጠር በሱዳን በኩል ወደ ኔዘርላንድ ተሰዳ ባለፈው ሳምንት ሕይወቷ እስካለፈ ድረስ በስደት ኖራለች። ፀሐይ ባራኪን የአሁኑ ትውልድ አናውቃትም።ምናልባት ባለፈው ሳምንት እረፍቷ ሲሰማ በተነገረው ታሪክ ለመጀመርያ ጊዜ ያወቅናት የአሁኑ ትውልድ አካሎች ብዙ ነን።ፀሐይ በ1960ዎቹ በአዲስ አበባ ከአንጋፋ ዘፋኞች ጋር ሙዚቃዎቿ ይሰሙ እንደነበር ይነገራል።)


ጉዳያችን GUDAYACHN
 www.gudayachn.com

Sunday, May 27, 2018

የሰሜን አሜሪካ የስፖርት ፈድሬሽን ደንብ በሕዝብ የማይስተካከልበት ምን ምክንያት አለ? (የጉዳያችን ማስታወሻ)


ጉዳያችን/Gudayacn
ግንቦት 20/2010 ዓም (ሜይ 28/2018 ዓም)


የሰሜን አሜሪካ ስፖርት ፈድሬሽን ሕግ በራሱ መከለስ እንዳለበት በእዚህ ሳምንት መጨረሻ የተነሳው ጉዳይ በእራሱ አመላካች ነው። የሰሜን አሜሪካ ስፖርት ፈድሬሽን የሚጋብዛቸውን እንግዶች የፖለቲካ ተሳትፎ የጎላ ከመሆኑ ጋር ተያይዞ ሕጉ ይከለክል ከነበረ (የሕጉን ትክክለኛ ቅጅ ስላላገኘሁት ሆኖም ከእዚህ በፊት በሚጋበዙ እንግዶች ዙርያ የተነሱ ሃሳቦችን መሰረት በማድረግ) ይህ ሕግ አሁን ላይ ይሰራል ወይ? ብሎ የመጠየቂያ ጌዜው አሁን ነው ማለት ነው።ሕግ ከወቅቱ ጋር እየታየ ይስተካከላል፣ ይከለሳል።ወሳኙ ጠቅላላ ጉባኤው ነው።ምናልባት ይህ ሕግ የውስጥ ንዑስ ሕግ እንጂ ፈድሬሽኑ በአሜሪካ ሕግ የሚመዘገብበት ዋናው ሕግ አንቀፅ ውስጥ ስለማይሆን የውስጥ ደንቡን ተከትሎ መስተካከል ይችላል ማለት ነው።


በሌላ በኩል ደግሞ ቀደም ብሎ የወጣው ሕግ የፖለቲካ ተሳትፎን እያጤነ ይለይ ከነበረ በወቅቱ አስፈላጊ ነበር ቢባልም ሃሳቡ ግን ትክክል ነው ማለት አይደለም።ስፖርት በፖለቲካ አመለካከትም ሆነ አስተሳሰብ ክብደት እና ቅለት እየታየ ተጋባዥ እንግዳ መጋበዝ በእራሱ የአዲሱን ወጣት የፖለቲካ ተሳትፎ የሚያቀጭጭ አስተሳሰብ ብቻ ሳይሆን የስፖርትን አምስቱን መሰረታዊ መርሆዎች ጋር  ላለመጣጣሙ  እማኝ ማቅረብ አይቻልም።የቀደሙ የኢትዮጵያ መሪዎች አፄ ኃይለስላሴም ሆኑ ኮለኔል መንግስቱ በስፖርት በዓላት ላይ እየተገኙ ወጣቶችን ያበረታቱ ነበር።ይህ ተፈጥሯዊ አሰራር ነው።አንድ ሰው በፖለቲካ መስመሩ ብቻ የኢትዮጵያን የጋራ ዕሴት በተቃረነ መልኩ እስካልቆመ ድረስ የስፖርት በዓሎች ላይ በክብር እንግድነት የመገኘት መብቱ ሊገሰስ አይገባም።

ስለሆነም የሰሜን አሜሪካ ስፖርት ፈድሬሽን አሁን ላይ ሆኖ እራሱን ሲመለከተው  ያለፈው ሕጉ ችግር ነበረበት  ማለት ነው። በእርግጥ በወቅቱ ለነበሩት የፖለቲካ ትኩሳቶች ላለመንገላታት  ጠቅመው ይሆናል።በአንድ ወቅት ከነበረ ነባራዊ ሁኔታ ጋር በተዛመደ መልክ የወጣ ሕግ ግን ሁል ጊዜ ትክክል ነው ማለት አይቻልም።አሁን አዲስ ትውልድ መጥቷል።ዘመን እየነጎደ ነው።ልዩነት ከማስፋት የማጥበብ አስፈላጊነት ላይ የሚያጠነጥኑ አስተሳሰቦች እና ኢትዮጵያዊነት  በልዩነት አንድነት የሚለው አስተሳሰብ ከመቼውም ጊዜ የጎሳ አስተሳሰብን መተካት እንዳለበት ከፍ ያለ እምነት በሕዝብ ዘንድ ይንፀባረቃል።ይሄው ሃሳብ ደግሞ በአዲሱ ጠቅላይ ሚኒስትር ዶ/ር ዓብይም እየተስተጋባ ነው።


እዚህ ላይ ልብ ማለት ያለብን ስለ ሕጉ እያወራን ያለው ዛሬ ዶክተር ዓብይ ዋሽንግተን በሚገኘው የኢትዮጵያ ኤምባሲ በኩል ለሰሜን አሜሪካ የስፖርት ፈድሬሽን ዳላስ ላይ በሚደረገው የዘንድሮ  በዓል ላይ እንድገኝ ፍቀዱልኝ ብለው የመጠየቃቸው  ምክንያት ስለሆነ  እና ይህንን ለመርዳት መውጫ የመፈለግ መላ አይደለም።ይልቁን ጥያቄው በእራሱ የሕጉን መከለስ አስፈላጊነት አመላከተ እንጂ።ሲሆን ክስተት ሳይፈጠር ቀድሞ መጪውን አስቦ ሕግ ማስተካከል ተገቢ ነበር።ሆኖም ሁል ጊዜ ይህ አይሳካም እና ክስተቱ የሕጉ መስተካከል አስፈላጊነትን አሳየ ማለቱ ይቀላል።


ጠቅላይ ሚንሰተር ዶ/ር ዐብይ ዘንድሮ በሚደረገው የሰሜን አሜሪካ እና አውሮፓ እግር ኳስ ውድድር ላይ መገኘት በሚለው ሀሳብ ሰዎች የተለያየ ሀሳብ ሊኖራቸው ይችላል::ይህ ማለት መከፋፈል ማለት አይደለም::የተለያዩ ሀሳቦች ከማንሸራሸር ያለፈ ስም አይሰጠውም::ሀገራዊ ለውጥ በግለሰቦች ልቦና ተመላልሶ በህብረተሰብ ውስጥ አድጎ የሚተገበር ድርጊት ነው::የስፖርት ፌድሬሽኖቹ ህግ በተመለከተ ዶ/ር ዐብይ መጋበዝ ላይ አሳሪ አይመስለኝም::አሳሪ ስላልሆነም ነው አንዳንድ ግለሰቦች ላይ አከራካሪ ሲሆን የነበረው:: አሳሪ ሕግ ሆኖ ቢሆን ኖሮ አንቀፅ ጠቅሶ ይቆም ነበር።ከእዚህ በፊት በነበሩ ሂደቶች ግን (የብርቱካን ሜደቅሳ ማስታወስ ይቻላል) የሕጉን ትርጉም ለማስረዳት የአሜሪካ ድምፅ ራድዮ ሳይቀር ሲያወያይ ነበር።ምክንያቱም አንዳንዶቹ ግለሰቦች የምከለከሉበት የፖለቲካ አስተሳሰባቸው መሰረት ማድረጉ ያልተዋጠላቸው በርካታ ወገኖች ስለነበሩ ነው። ይህ በእራሱ ክፉ ነገር አይደለም።ለንትርክም አይጋብዝም።ሆኖም ግን ሕግ በረጅም ጊዜም የሚያረጅ ከመሆኑ አንፃር ትናንት የነበረው አሰራር ዛሬ ላይ የትናንቱን አይነት ጥያቄ ይዞ መጥቷል።ባለቤቱ ሕዝብ ደግሞ እንዲስተካከል የምፈልገው ሕግ በሙሉ ሕግ ሆኖ ይኖራል።ይህ በዲሞክራሲያዊ አሰራሮች ላይ የተመሰረቱ አደረጃጀቶች ሁሉ የሚከተሉት ነው።


ዶ/ር ዐብይ ተጨማሪ እርምጃዎች መውሰድ የበለጠ አስፈላጊ መሆኑን ባምንም::ጠቅላይ ሚኒስትሩ ከተቃዋሚ እስከ ውጭ ነዋሪ ትውልደ ኢትዮጵያውያን ድረስ የጎላ ተቃውሞ ካለመኖሩ አንጻር እና የእርሱ በበዓሉ ላይ መገኘት ከሀገራዊ ፋይዳ አንጻር የአውሮፓም ሆነ የአሜሪካ ፌድሬሽኖቹ ቢፈቅዱ ትልቅ ጥቅም አለው:: ከእዚህ አትራፊ ደግሞ ኢትዮጵያ ብቻ ነች:: አንዳንዶች የአሜሪካ ምክር ቤት ወደ ሕግ መውሰኛው የመራውን የሰብዓዊ መብት ሕግ ለማስቀየር ነው እና ሌሎች መላ ምቶችን ይሰጣሉ። ይህ ግን ከእዚህ ጋር አይገናኝም።ሕጉ እንዲፀድቅ የሚጠይቅ ሕዝብ ነው እንጂ መንግስት አይደለም።ከእዚህ ይልቅ በርካታ ሕዝብ በስታድዮሙ መታደሙ የኢትዮጵያዊነት አመክንዮ በምን ያህል በሕዝብ ዘንድ ተቀባይነት እንዳለው ለአሜሪካኖችም ሆነ ለእራሳችን የምንገልጥበት መልካም አጋጣሚ ነው። ይህ ካልተፈቀደ ዶ/ር ዓብይ የጎሳ ፖለቲካ የሚያቀነቅኑ ጋር ሄደው ንግግር ያድርጉ? በነገራችን ላይ ቀላል የማይባል በብዙ አስር ሺዎች የሚቆጠር በውጭ የተወለደ እና በጉዲ ፈቻ የመጣ ትውልደ ኢትዮጵያዊ አለ:: ይህ ትውልድ ኢትዮጵያዊነት የጠማው የሌላ ሀገር ዜጎች በሀገራቸው የፖለቲካ ህይወት ውስጥ ሲሳተፉ÷የመሪዎቻቸው ርዕይ በአደባባይ ሲያዳምጡ በቅናት እና በቁጭት የሚኖሩ ናቸው::ስለሆነም የፖለቲካ ሜዳውንም ሆነ እንዲህ አንዳንዴ እንደ ዶ/ር ዐብይ አይነት ሰዎች ስለኢትዮጵያ ሲናገሩ ቢሰሙ በውስጣቸው የሚሰንቁት በጎ ነገር ቀላል አይደለም::ስለሆነም የእዚህ ዐይነት መድረክ ምን ማለት እንደሆነ ካልተረዳን ከባድ ነው::

ይህ ማለት ሕጉን ለማስተካከልም ሆነ ዶ/ር ዓብይን በአሜሪካም ሆነ አውሮፓ የሚደረጉት የስፖርት ፈድሬሽን ጫወታዎች  ላይ እንዲገኙ ፔትሽን ሕዝብ ማሰባሰብ ይችላል።በፔትሺኑ አማካይነት በልዩ ሁኔታ ኢትዮጵያዊነትን በማጉላት የጎሳ ፖለቲካን ሶስት መቶ ስልሳ ዲግሪ ያዞሩትን ጠቅላይ ሚኒስትር በክብር እንግድነት መጥራቱ ምንም የሚያመጣው ጉዳት የለውም።በብሔራዊ ደረጃ የተጎዳውን ኢትዮጵያዊነት በእዚህ ደረጃ በማንሳት በሁሉም የኢትዮጵያ ክፍል በአንድነት መኖር የበለጠ ነው ብሎ መስበኩ ብቻ ያመጣው ስነ ልቦናዊ ልዕልና በእራሱ በክብር እንግድነት ያስጋብዛል።

ለማጠቃለል  የስፖርት ፈድሬሽኑ ለውሳኔው ከተቸገረ በቀላሉ በኦንላይን ሕዝብ ድምፅ እንዲሰጥበት ፔቲሽን ክፍት አድርጎ ማስወሰን ይችላል።የእዚህ አይነት ሃሳቦች ሲነሱ የምንደናገጥ እና የምንሰጋ እንደምንኖር አስባለሁ።ምክንያቱም ለውጥ መኖር በእራሱ የሚያጠፋ መስሎ ማሰብ ተፈጥሯዊ ስጋት ነው።ሆኖም ግን የሚያስደነግጥ ጉዳይ የለውም።ለውጡ ያስፈለገበት ዋና ምክንያት ግን የስፖርት ፈድሬሽኑ የደረሰበትን የእድገት ደረጃ አመላካች ነው።የእዚህ አይነቱን የለውጥ ሂደት ዛሬ ባይደረግ ነገም የማይቀር ነው። ለማጠቃለል የሰላሳምስተኛውን የኢትዮጵያውያን ስፖርት ውድድር በዳላስ ማስታወቂያ  በድምፅ የሰራው ጋዜጠኛ አለምነህ ዋሴ በማኅበራዊ ድረ ገፁ ላይ የዶ/ር ዓብይ በበዓሉ ለመታደም መጠየቅን አስመልክቶ የፃፈውን በመጥቀስ ፅሁፌን እገታልሁ። ዓለምነህ እንዲህ ይላል ህዝባቸውን ለማግኘት ፍቀዱልኝ ልገኝ ብለው መጠየቃቸው  (ዶ/ር ዓብይን ነው) በዜግነታችን የሚያከብረን እኩል ተነጋግሮን ተደማምጦን መፍትሄ ለማበጀት የሚሻ መሪ አያደርገውምን "

የዘንድሮው በዓል ማስታወቂያ ቪድዮ 


ጉዳያችን GUDAYACHN 
 www.gudayachn.com

Sunday, May 20, 2018

'' ንቃት፣ትጋት እና ቅንነት ለቤተ ክርስቲያን አገልግሎት ወሳኝ ናቸው'' አቡነ ሕርያቆስ በኖርዌይ የመካነ ቅዱሳን ቅዱስ ገብርኤል ወአቡነ ተክለ ሐይማኖት ቤተ ክርስቲያን አስተዳዳሪ እና የአቡነ ኤልያስ ረዳት አገልጋዮችን ሲሸልሙ የተናገሩት (ቪድዮ)

ጉዳያችን/Gudayachn
ግንቦት 12/2010 ዓም (ሜይ 20/2018 ዓም)

  • የኖርዌይ መካነ ቅዱሳን ቅዱስ ገብርኤል ወአቡነ ተክለ ሐይማኖት ቤተ ክርስቲያን የህንፃ አሰሪ ኮሚቴ አሰራር ናሙና ለሌሎች አጥብያ አብያተ ክርስቲያናት መልካም ናሙና (model) አሰራሮች ስላሉት ከመዋቅር እስከ ስብሰባ አመራር እና ስራዎች ሂደት አንድ ወጥ የሆነ ባለ ጥቂት ገፆች ዝርዝር ማስታወሻ በአነስተኛ መፅሐፍ መልክ ለየትኛውም አጥብያ እንዲረዳ በታሰበ መልክ እንዲያዘጋጁ በእዚህ አጋጣሚ አደራ ማለት እንፈልጋለን።

በኖርዌይ የመካነ ቅዱሳን ቅዱስ ገብርኤል ወአቡነ ተክለ ሐይማኖት ቤተ ክርስቲያን አዲስ የገዛችውን ሕንፃ ቤተ ክርስቲያን አድሳ እና አስባርካ ግንቦት 11/2010 ዓም ታቦታቱን አስገብታለች።በኖርዌይ የኢትዮያ ኦርቶዶክስ ተዋሕዶ ቤተ ክርስቲያን  አገልግሎት ስትሰጥ ከ15 ዓመታት  በላይ ብታስቆጥርም የራሷ ህንፃ ቤተ ክርስቲያን አልነበራትም።ሆኖም ላለፉት ሶስት ዓመታት በተለየ መልክ  የምእመናንን ተሳትፎ ባጎለበተ መልኩ በተደረገው እንቅስቃሴ እና የአቡነ ሕርያቆስ ለአገልግሎት ወደ ኖርዌይ መምጣት፣የእርሳቸው መልካም አስተዳደር፣አመራር እና ጸሎት፣ከሁሉም ቀደም ብሎ ደግሞ የአቡነ ኤልያስ የረጅም ዓመታት ክትትል፣አባታዊ ምክር እና ጸሎት ሁሉ ታግዞ  መንፈሳዊ አገልግሎቱን የበለጠ የሰመረ ከማድረጉም በላይ ቤተ ክርስቲያኒቱ የራሷ ህንፃ እስከመግዛት እና ውስጡን በአዲስ መልካ አድሳ በሊቃነ ጳጳሳት አስባርካ ለመግባት ችላለች።


ይህ በእንዲህ እያለ ግንቦት 12/2010 ዓም ለቤተ ክርስቲያን ህንፃ ግዢ የበኩላቸውን ያገለገሉ ወንድሞች እና እህቶችንን እና ታዳጊ ወጣት ዲያቆናትን አቡነ ኤልያስ እና አቡነ ሚካኤል በተገኙበት በአቡነ ሕርያቆስ አቅራቢነት ከሰበካ መንፈሳዊ ጉባኤ ጋር መክረው እንዲሸለሙ አድርገዋል። የሽልማቱን ቪድዮዎች ከእዚህ በታች በክፍል አንድ እና ሁለት ይመልከቱ።የእዚህ አይነቱ አገልግሎት ለሌሎች አጥብያዎች ትምህርት እንደሚሆን አያጠራጥርም።የኖርዌይ መካነ ቅዱሳን ቅዱስ ገብርኤል ወአቡነ ተክለ ሐይማኖት ቤተ ክርስቲያን የህንፃ አሰሪ ኮሚቴ አሰራር ናሙና ለሌሎች አጥብያ አብያተ ክርስቲያናት መልካም ናሙና (model) አሰራሮች ስላሉት ከመዋቅር እስከ ስብሰባ አመራር እና ስራዎች ሂደት አንድ ወጥ የሆነ ባለ ጥቂት ገፆች ዝርዝር ማስታወሻ በአነስተኛ መፅሐፍ መልክ ለየትኛውም አጥብያ እንዲረዳ በታሰበ መልክ እንዲያዘጋጁ በእዚህ አጋጣሚ አደራ ማለት እንፈልጋለን።የእዚህ አይነቱ በፅሁፍ የሚቀመጡ አሰራሮች ወደፊት እየዳበሩ ሄደው ለቤተ ክርስቲያናችን አሰራር ማንዋል ደረጃ ሊጠቅሙ ይችላሉ።ምክንያቱም የችግሮች መፍትሄዎች የሚገኙት ከተጨባጭ የአሰራር ሂደት ውስጥ ከሚያጋጥሙ መሰናክሎች እና እነኛን መሰናክሎች እንዴት እንደተፈቱ ለሌሎች በጽሁፍ በማስቀመጥ ነው።  

ክፍል አንድ  
ቪድዮ በጉዳያችን
ቪድዮ በጉዳያችን

 ክፍል ሁለት  



ጉዳያችን GUDAYACHN
 www.gudayachn.com

Tuesday, May 15, 2018

በኢ/ኦ/ተ/ የኖርዌይ ቅዱስ ገብርኤል ወአቡነ ተክለሐይማኖት ቤተ ክርስቲያን አዲስ የገዛችውን ህንፃ ቤተ ክርስቲያን በእዚህ ሳምንት በሶስት ጳጳሳት ታስባርካለች።ዝርዝር የበዓሉ መርሐግብር ወጥቷል።



ጉዳያችን / Gudayachn
ግንቦት 8/2010 ዓም (ሜይ 16/2018 ዓም)

  • ዘማሪ ይልማን ጨምሮ ከልዩ ልዩ የዓለም ክፍል ሊቃውንተ ቤተ ክርስቲያን ይገኛሉ፣
  • ከኖርዌይ መንግስት ልዩ ልዩ ቢሮ ኃላፊዎች ይገኛሉ።
  • ከቤተ ክርስቲያን ቡራኬ በተጨማሪ በዓለ ንግስም አለ።
  • ሰማይ ተከፈተ (መዝሙር ከጽሁፉ መጨረሻ ያድምጡ) 

የኖርዌይ ቅዱስ ገብርኤል ወአቡነ ተክለሐይማኖት ቤተ ክርስቲያን አዲስ የተገዛው ህንፃ ቤተ ክርስቲያን በእዚህ ሳምንት በሶስት ጳጳሳት ማለትም በአቡነ ኤልያስ፣ አቡነ ሚካኤል እና አቡነ ሕርያቆስ ታስባርካለች።በቤተ ክርስቲያኒቱ ድረ ገፅ ላይ የወጣው መረጃ  እንደሚያሳየው ከግንቦት 10 እስከ 12/2010 ዓም የቤተ ክርስቲያን ቡራኬ አስታኮ ከሚኖረው ልዩ ጉባኤ  በተጨማሪ ግንቦት 12 የሚከበረው የአቡነ ተክለ ኃይማኖት ዓመታዊ በዓል (ፍልሰተ አፅም)  እሁድ ብፁዓን አባቶች በተገኙበት ታቦታት ከመንበራቸው ተነስተው ዑደት እንደሚያደርጉ እና በዓለ ንግሥ መኖሩ ተጠቅሷል።

በእዚሁ የሶስት ቀናት ጉባኤ እና አዲስ ቤተ ክርስቲያን ቡራኬ ከብፁዓን ጳጳሳት በተጨማሪ ዘማሪ ይልማ ኃይሉ ከአሜሪካ፣ መላከ ሕይወት ቀሲስ ጌጡ ከስዊድን፣መጋቢ ሐዲስ ቀሲስ አባተ ከእንግሊዝ፣ መላከ ኃይል ቀሲስ ታደሰ ከጉቶቦሪ ስዊድን እና ሌሎች ሊቃውንተ ቤተ ክርስቲያን የሚገኙ ሲሆን ጥሪ የተደረገላቸው ከኖርዌይ ቤተ ክርስቲያን እና ጉዳዩ ከሚመለከታቸው የኖርዌይ መንግስት ቢሮ ልዩ ልዩ ክፍል ኃላፊዎች  በእሁዱ መርሃ ግብር ላይ እንደሚገኙ እና በኖርዌይ ቋንቋ ስለ ኢትዮጵያ ኦርቶዶክስ ተዋህዶ ቤተ ክርስቲያን ታሪክ፣አገልግሎት እና ማኅበራዊ ሱታፌ ማብራርያ ይሰጣቸዋል።

በሌላ በኩል ከቤተክርስቲያኒቱ የአይቲ ክፍል ለመረዳት እንደተቻለው በሶስቱ ቀናት የሚኖረው መርሐ ግብር በቤተ ክርስቲያኒቱ የፌስ ቡክ ገፅ (የፌስ ቡክ ገፁን ለመክፈት ይህን ይጫኑ) በቀጥታ ስርጭት እንደሚሸፈን ለማወቅ ተችሏል። ከእዚህ በታች ከቤተ ክርስቲያኒቱ ድረ ገፅ (ድረ ገፁን ለመክፈት እዚህ  ይጫኑ) የተገኘው የሶስቱ ቀኖች መርሐ ግብሮች ማጠቃለያ  ይመልከቱ።

መዝሙር ሰማይ ተከፈተ (ያድምጡ)



ጉዳያችን GUDAYACHN
 www.gudayachn.com

Monday, May 14, 2018

ከ40 ዓመታት በላይ የዘለቀው የኢትዮጵያ የለውጥ እንቅስቃሴ ጥሩ ማሳረጊያ ያለማግኘቱ ለምን ይሆን? (ኦድዮ)

ሸገር ኤፍ ኤም ራድዮ ''መንግስት እና ዲሞክራሲ፣ዘመናዊነት፣ ዝመና እና ልማት'' በሚሉ ፅንሰ ሐሳቦች ዙርያ ሸገር ካፈ በተሰኘ ሳምንታዊ መርሐግብር ተወዳጇ ጋዜጠኛ መዓዛ ብሩ ምሁራንን የምታወያይበት ተከታታይ ዝግጅት ዘወትር ዕሁድ ረፋድ ላይ እየተላለፈ ነው።ከእዚህ በታች ባለፈው ዕሁድ ግንቦት 5፣2010 ዓም የተላለፈውን ያድምጡ።

ምንጭ :- ሸገር ኤፍ ኤም ራድዮ ዩቱብ



ጉዳያችን GUDAYACHN
www.gudayachn.com

GUDAYACHN BLOG started on August 28/2011 ኢሜይል አድራሻዎን በመሙላት ጽሁፎቹን መከታተል ይችላሉ/Follow by Email

በብዛት የተነበቡ/Popular Posts

ጉዳያችን በፌስ ቡክ ገፅ / GUDAYACHN ON FACE BOOK

https://www.facebook.com/gudayachn/?pnref=story