ወደ የሚፈልጉት ቋንቋ ይቀይሩ Translate to different Languages

Wednesday, August 29, 2018

Ethiopia -TPLF sponsored regional president accused for Torturing Prisoners with Lions and Tigers (Gudayachn special report).

ጉዳያችን/ Gudayachn August 30/2018 
By Getachew Bekele Damtew 
      Gudayachn editor  
      e-mail= getachewb221@gmail.com 

Leftist and Ethnocentric TPLF

Ethiopia, for the last two decades, suffered a lot with brutal, absolute dictatorial and ethnocentric regime led by Tigray People's Liberation Front (TPLF). TPLF is basically leftist but ethnocentric group. Some analysts thought the TPLF fight against the pro-former USSR regime of 'Durg' (military rule of Ethiopia from 1974 to 1991) could put it as if it is liberal. This is contrary to fact. TPLF dominant EPRDF (Ethiopian Peoples Revolutionary Democratic Front) program of Revolutionary democracy is fully inclined towards dictatorial socialist form of Government. However the most bad thing incase of TPLF is that it has ignored citizens right. Ethnicity plus absolute dictatorial rule took the nation to the worst political, economical and social environment. 

''Ethiopian ideologists have maintained revolutionary democracy (abyotawi democracy in Amharic) as their core doctrine.The notion inherited from the struggle (1970s–1980s) aims at legitimizing a political and economic structure which de facto implies the resilience of authoritarianism. Abyotawi democracy has been presented by EPRDF as the exact opposite of liberalism and neoliberalism.''  Journal of Eastern African Studies, volume 5,2011- Issue 4.

Thanks to visionary new Prime Minister Abiy Ahmed (Dr.)

Last March/2018 was a unique month for Ethiopian politics. The new PM Abiy Ahmed could break out from EPRDF internal change team assisted by both Oromia president Lema Megersa and Amhara regional state president Gedu. The new power emerged from EPRDF could unite itself with the popular uprising in Oromia, Amhara and other part of the country and nill down the dictatorial regime dominant Ethiopians political, economical and military power for twenty-seven years.. TPLF was not alone, when it run the most hated ethnocentric rule of law in Ethiopia. There were some pilote regions which were above the law. That is just by attaching themselves with the TPLF key military and political leaders. The Ethiopian Somali region president, Abdi Mohamed Omar (Abdi Ilei) was a typical person with blindly standing with TPLF. His human right records with in his own region,Ethiopia Somali region, was one of the miserable and probably unique since the end of second world war.

For your easy reference, it is preferable to visit last July,2018 Human Rights Watch's the 88 pages report only on Abdi Mohamed Omer's non-humanistic action on the region's residences. (Please see the report by opening this page).

TPLF sponsored regional president accused for Torturing Prisoners with Lions and Tigers

The new PM Dr. Abiy first domestic travel after he has elected for the highest political position in the country was to Ethiopian Somali region. I think this visit was an open eye visit to his excellency PM Abiy. Because this was the time that the people living in Jijiga town get a chance to reflect their deep rooted feeling to their citizen ship right. Thousands came out on the street from Jijiga Airport till the president office chanting and shouting " Abiy! Abiy!". The message was clear and short. TPLF was the back bone to Abdi that ignored the region passed in miserable human right life.  

Today things are changed. Thanks to Almighty God and Abiy's new administration Abdi is arrested and stands in front of justice in Addis Ababa. According to Ethiopian Broadcasting Corporation (EBC), Abdi was “arrested for allegedly being behind the human rights violations as well as the ethnic and religious clashes that have happened in the Ethiopian Somali region,” after the country’s attorney general began examining possible charges.

On the other hand, since Abdi was arrested and under house arrest, TPLF is opposing the bright path of the nation towards law and rules. One of the TPLF mouth web site "Tigrai Online" report, on the Ethiopia Somalia region humanitarian crises, was so unethical and non-responsible. On August 4,2018 there was distractive, mass killing and burning of over six churches, only on one day, in Jijiga town. All these genocide was led by Abdi and his top officials. How ever, the TPLF Tigray Online report on the same day was propagating under its news head ''Fighting breaks out between Ethiopian army and Somali state government security forces'' it put its fake news as if it was coordinated by Ethiopian PM Abiy, Egypt and UAE.  

On August 25,2018 Ethiopian PM Abiy was on his first press release for domestic mass medias. Here was the time that he explained the degree of miserable humanitarian condition in Ethiopian Somali region. Abiy revealed that Abdi had used extreme methods of torture, which included the use of “hyenas, lions, and tigers.” he added in his speech that 

“What happened in the Somali region compares to a scene out of a movie or a fiction book,” he told reporters. “As such, prisoners were held inside prison cells along with animals like hyenas, lions, and tigers for intimidation purposes. People were raped, looting was rampant and people were killed. What happened there was shameful.”

To Conclude 

This was the person still supported by TPLF leaders even now when I am writing this article. International community must and must understand the situation in Ethiopia. If TPLF get chance to destabilize Ethiopian democratic process going on now, not only the horn of Africa but also both Africa and the middle east will fail on dangerous situation. No need of analysis for this statement. It is extremely clear. I need to give chance to deep analyst of the region to say more. Currently, the Ethiopia Somalia region peace and stability is in a very tremendous level. The region has appointed its own new president in fully democratic way. The region residents are coming from abroad. The churches are about to be built again. Life is coming to normal. The only thing not yet back to normal is the TPLF central committee. They are looking for new clashes and instability in Ethiopia. Such move of TPLF is so dangerous for the horn of Africa in all aspects. International community and regional states including IGAD must act on TPLF actions against democratic process of Ethiopia and the regional peace and stability. The Tigray region residents have also more responsible to brought real reform with in TPLF which will lead the region to prosperity and development.



Saturday, August 25, 2018

ስድስተኛው የበጎ ሰው ሽልማት ነሐሴ 27 ቀን 2010 ዓ.ም በኢንተር ኮንትነንታል ሆቴል ይከናወናል።እጩዎቹ ይፋ ሆነዋል።

ፎቶ በ2009 ዓም  በአምስተኛው የበጎ ሰው ሽልማት አሸናፊዎች በከፊል 

በእዚህ ፅሁፍ ስር : - 
- የበጎ ሰው ሽልማት የሚሰጥባቸው አስር ዘርፎች ያገኛሉ፣
- ነሐሴ 27፣2010 ዓም በኢንተርኮንትነንታል ሆቴል የሚደረገው ስድስተኛው የሽልማት ስነ ስርዓት ለመካፈል የሚመዘገቡበትን ኦን ላይን ሊንክ ያገኛሉ፣
- የዘንድሮውን ሽልማት አስመልክቶ ኮሚቴው የሰጠው መግለጫ ቪድዮ ያገኛሉ፣
- በመጨረሻም የአለፈው ዓመት የበጎ ሰው ሽልማት ስነ ስርዓት ቪድዮ ያገኛሉ።
ነሐሴ 19/2010 ዓም (ኦገስት 25/2018 ዓም)

ኢትዮጵያ ላለፉት አርባ ዓመታት ያህል ከጠፉባት ድርጅቶች ውስጥ ሸላሚ ድርጅቶች ተጠቃሽ ናቸው።በንጉሡ ዘመን የቀዳማዊ አፄ ኃይለ ስላሴ ሽልማት ድርጅት፣ቲያትር ቤቶች፣የጦር ሰራዊቱ ሁሉ ዓመታዊ የሽልማት መርሐግብር እንደነበሯቸው  በወቅቱ የነበሩ ማስረጃዎች ይነግሩናል።ኢትዮጵያ የሽልማት ድርጅት ማጣቷ መጪውን ትውልድ እንደሚጎዳ ደጋግሞ ባገኘው አጋጣሚ ሲወተውት የነበረው ሙሀዘ ጥበባት ዲያቆን ዳንኤል ክብረት ለኢትዮጵያ ከሰራቸው በርካታ በጎ ተግባራቱ ውስጥ ይህ በጎ ሰው የተሰኘው የሽልማት ድርጅት ከምስረታው እዚህ ደረጃ እንዲደርስ ከፍተኛ ጥረት ማድረጉ  አንዱና ተጠቃሽ በጎ ስራው ነው። 

አሁን የሽልማት ድርጅቱን ወደ ከፍተኛ ደረጃ የማሳደግ፣በገንዘብም ሆነ በሰው ኃይል የማጠናከር ሥራ የሕዝብ እና የመንግስትም ጭምር ኃላፊነት ነው።ሀገራዊ የሽልማት ድርጅት መኖር ፋይዳው ብዙ ነው።ሀገራዊ ያልሆነ የሽልማት ድርጅት መኖር ደግሞ ዕዳው ብዙ ነው። ሀገራዊ ያልሆነ የሽልማት ድርጅት ኢትዮጵያን ስላጠፋህ ለመሸለም ሞራላዊ ችግር የለበትም።ሀገራዊ የሽልማት ድርጅት ግን ኢትዮጵያን ቀና ያደረጉትን ያበረታታል።በጎ ሰው የሽልማት ድርጅት የሀገር ሀብት ነው።

በጎ ሰው የዘንድሮ 2010 ዓም የሽልማት መርሐግብሩን በመጪው ሳምንት መጨረሻ ነሐሴ 27/2010 ዓም በኢንተርኮንትነንታል ሆቴል ያካሂዳል። በእዚሁ ስድስተኛው የበጎ ሰው ሽልማት ላይ ለመገኘት የሚፈልጉ ሁሉ  ይህንን ሊንክ በመጫን ከፍተው መመዝገብ ይችላሉ።ሊንኩን ተጭነው ከተመዘገቡ በኃላ የሚሰጥዎን ቁጥርና መታወቂያዎን ይዘው ከሰኞ  ነሐሴ 21/2010 ዓም ጀምሮ  አራት ኪሎ ቱሪስት ሆቴል ፊት ለፊት ከሚገኘው ምርፋቅ ካፌና ሬስቶራንት በመገኘት ካርድ መውሰድ እንደሚቻሉ  ለማወቅ ተችሏል። 

በጎ ሰው የሽልማት መርሐግብር የሚሸልማቸው ግለሰቦች  በአሥር ዘርፎች ውጤት ያስመዘገቡ ናቸው።እነርሱም : - 

1. በመምህርነት ዘርፍ
2. ንግድና ሥራ ፈጠራ ዘርፍ
3. ማኅበራዊ ጥናት ዘርፍ
4. ሳይንስ ዘርፍ
5. ቅርስና ባሕል ዘርፍ
6. መንግሥታዊ የሥራ ኃላፊነትን በብቃት መወጣት ዘርፍ
7. ኪነ ጥበብ (በሙዚቃ ዜማ ድርሰት ዘርፍ)
8. ሚዲያና ጋዜጠኛነት ዘርፍ
9. ለኢትዮጵያ በጎ ሥራ የሠሩ የውጭ አገር ዜጎች ዘርፍ
10. በጎ አድራጎት ዘርፍ ናቸው።

የዘንድሮው የበጎ ሰው ሽልማት አስመልክቶ የሽልማት ድርጅቱ ኮሚቴ የሰጠው መግለጫ ቪድዮ እና የ2009 ዓም የተደረገው  የሽልማት ስነ ስርዓት  ከእዚህ በታች ባሉት ተከታታይ ቪድዮዎች ላይ ይመልከቱ።

1) የዘንድሮው የበጎ ሰው ሽልማት አስመልክቶ የሽልማት ድርጅቱ ኮሚቴ የሰጠው መግለጫ

የ2009 ዓም  አምስተኛው የበጎ ሰው ሽልማት ስነ ስርዓት


Tuesday, August 21, 2018

የአርበኞች ግንቦት ሰባት አመራሮች ሀገር ቤት የሚገቡበት ቀን ታወቀ።

ጉዳያችን / Gudayachn 
ነሐሴ 16/2010 ዓም (ኦገስት 22/2018 ዓም)

የአርበኞች ግንቦት ሰባት ለአንድነት እና ለዲሞክራሲ ንቅናቄ አመራሮች ወደ ሀገር ቤት የሚገቡበት ቀን ጳጉሜን 3/2010 እንደሆነ እና በሶስት ቡድን ሆኖ ወደ ሀገር ቤት እንደሚገባ ለማወቅ ተችሏል። ላለፉት አስር ዓመታት ለዲሞክራሲ እና ለአንድነት የሚደረገውን ትግል ከወደቀበት አንስቶ ሕይወት የዘራበት፣የትጥቅ ትግል እና ሕዝባዊ እምቢተኝነትን የትግል ስልት አድርጎ የተነሳው የአርበኞች ግንቦት ሰባት አመራሮች ብቻ ሳይሆኑ በኤርትራ የሚገኙ የንቅናቄው አባላትም ወደ ሀገር ቤት እንደሚገቡ መረጃው ይጠቁማል። 
የአርበኞች ግንቦት ሰባት በሀገር ቤትም ሆነ በውጭ ያለውን ኢትዮጵያዊ የትግል ስሜት ከማነሳሳት እስከ የተጠና የፕሮፓጋንዳ፣ እንዲሁም  የገዢው መንግስትን ድብቅ ተግባራት በማጋለጥ፣ እንዲሁም በሀገር ቤት በሕቡዕ ሕዝባዊ ንቅናቄዎችን በመፍጠር እና በዓለም አቀፍ ዲፕሎማሲ እንደ የአውሮፓ ሕብረት የመሳሰሉ አህጉራዊ ድርጅቶች ላይ ቀጥተኛ ተፅኖ በመፍጠር የኢትዮያን ጉዳይ ዓለም አቀፍ መልክ እንዲይዝ በማድረግ የአርበኞች ግንቦት ሰባት አሁን ኢትዮጵያ ለደረሰችበት የነፃነት ወቅት የእራሱን አስተዋፅኦ ማድረጉ የአደባባይ ምስጢር ነው።

ድርጅቱ በቀጣይ በሀገር ቤት በአዲስ መልክ ከንቅናቄ ወደ ፖለቲካ ፓርቲነት እንደሚሸጋገር እና በእዚሁም መሰረት ለመጪው የኢትዮጵያ ዲሞክራሲያዊ ሽግግር ኢትዮጵያን የሚመጥን የፖለቲካ ፓርቲ እንደሚሆን የብዙዎች ተስፋ ነው። የአርበኞች ግንቦት ሰባት ንቅናቄ በሀገር ውስጥም ሆነ በውጭ በከፍተኛ ደረጃ የትምህርት ዝግጅትም ሆነ ዓለም አቀፍ የስራ ልምድ ያላቸው አመራር እና አባላት ያሉት መሆኑ ይታወቃል።

የንቅናቄው አመራር በሶስት ዙር መግባት የሚጀምረው ጳጉሜን 3/2010 ዓም ሲሆን በእዚሁ ቀን ከፍተኛ አመራሩ ፕ/ር ብርሃኑ ነጋ ጋር ከሚመለሱት አመራሮች መካከል አቶ አንዳርጋቸው ፅጌ፣ ዶ/ር ታደሰ ብሩ፣ አቶ ኤፍሬም ማዴቦ፣ ዶ/ር አዚዝ መሐመድ፣ዶ/ር ሙሉዓለም አዳም  እና አቶ ነአምን ዘለቀን የሚጨምር መሆኑን ለማወቅ ተችሏል።በቀጣይ ዙር በኤርትራ የሚገኙ የሰራዊቱ አባላት እና በሶስተኛ ደረጃ ሌሎች አመራሮች በተመሳሳይ መንገድ የሚመለሱበት ሁኔታ እንደተመቻቸ ተሰምቷል።

በመጨረሻም በአዲስ አበባ ከፍተኛ አቀባበል ለማድረግ ዝግጅቱን በማጠናቀቅ ላይ የሚገኘው ኮሚቴ አመራሮቹ ወደሀገር ቤት ሲገቡ ከሕዝቡ ጋር ሆኖ  ከቦሌ ዓለም አቀፍ አየር መንገድ ጀምሮ  እንደሚቀበል ተሰምቷል።በቀጣይ ቀናትም አመራሮቹ በአዲስ አበባ እና ከአዲስ አበባ ውጭ የተለያዩ ከተሞች ከህዝብ ጋር የሚወያዩበት መድረክ የተዘጋጀ መሆኑ እና ሕዝብ በከፍተኛ ጉጉት እየጠበቀው የሚገኘው መርሐግብር እንደሆነ ከሀገር ቤት የሚወጡ ዘገባዎች ያመለክታሉ።

ቪድዮ = ኦስሎ፣ ኖርዌይ የአርበኞች ግንቦት ሰባት ከፍተኛ አመራሮች በተገኙበት ሰኔ/2008 ዓም የተደረገው መርሐግብር መዝጊያ 


ያለፈው የአርባ ዓመታት የመለያየት ፖለቲካን ለአዲሱ ትውልድ የማገናኘት ሥራ ሰጥቷል።ልብ የሚነካ ታሪክ (ቪድዮ)

ያለፈው ትውልድ የአቶ ኢሳያስ እና አቶ መለስ ትውልድ የዘራው የመለያየት ፖለቲካ ለአሁኑ ትውልድ አካላት ለክቡር ጠቅላይ ሚኒስትር ዶ/ር አብይ፣ጋዜጠኛ 'ጆሲ' እና ለሌሎችም የማገናኘት ሥራ ላይ እንዲጠመዱ አስገድዷል።ይህ ለአሁኑ ትውልድ አካላት የተሰጠ ዕድል ነው ማለት ነው።ያለፈው ሥራ ለአሁኑ ዕዳ የሚሆንበት ጊዜ አለ።የአሁኑ ትውልድ አካል ሆነን ያለፈው ትውልድን የማለያየት ፖለቲካ እንዳናራምድ እንጠንቀቅ።ያለፈው ይብቃ።ይህንን ቪድዮ ተመልከቱ እና የተሳሳተ ፖለቲካ ተራው ሕዝብ ላይ የሚፈጥረውን ቀውስ እንመልከት።
ልብ የሚነካ ታሪክ - አባት የቀድሞ ጦር ሰራዊት አባል፣ እናት የአስመራ ልጅ፣ ልጆች አዲስ አበባ እና አስመራ ተለያይተው አደጉ።እንዴት ተገናኙ? ሲገናኙ የነበረው ስሜትስ? (ቪድዮው ላይ ይመልከቱ)

ምንጭ : - ጄቲቪ  (ጄ ቴሌቭዥን)


የጉዳያችን ሰባተኛ ዓመት ምክንያት በማድረግ ከእዚህ በፊት ያመለጡዎት መረጃዎች ውስጥ በጥቂቱ ከእዚህ በታች ያገኛሉ።ቢመለከቷቸው ይጠቀማሉ። (ክፍል አንድ)

1/ ከእመቤቴ ሌላ የምጠራው ምስክር የለኝም ሁሉን የማማክራት ገመናዬን ሸፋኝ እርሷ ነች፣ አርቲስት መሰረት መብራቴ ከሰርግ ስነ ስርዓቷ በኃላ እያለቀሰች የተናገረችው (ሙሉ ቃለ ምልልሱን ያዳምጡ) https://www.gudayachn.com/2018/04/blog-post_18.html
2/ የዶ/ር ዓብይ አህመድ የኢትዮጵያ አዲሱ ጠቅላይ ሚንስትር የዛሬ የፓርላማ የመጀመርያ ንግግር መጋቢት 24/2010ዓ.ም. https://www.gudayachn.com/2018/04/242010.html
3/ ዛፍ መሆን ወንበር ከመሆን ይሻለናል።https://www.gudayachn.com/2012/
4/ ቀዳማዊ አፄ ኃይለ ስላሴን የተመለከቱ 7ቱ ልዩ ጥናታዊ ፊልሞች https://www.gudayachn.com/2012/12/blog-post_13.html
5/ “መለስ ከመቃብራቸው እየገዙ ነው። ግን ይህ እስከመቼ ይዘልቅ ይሆን?..''መለስ በሌለበት ህዋሃት አንጎሉን አጥቷል'' - ሬኔ ለፎንት (ቃለ ምልልሱን ያዳምጡ) https://www.gudayachn.com/2012/12/blog-post.html


Saturday, August 11, 2018

አርበኞች ግንቦት 7 ከፍተኛ አመራር እና በውጭ ያለው የአባላት ልዑክ በጥቂት ቀናት ውስጥ አዲስ አበባ ይገባል።ከፍተኛ ቁጥር ያለው ሕዝብ አቀባበል ለማድረግ እየተዘጋጀ ነው።

ፕሮፌስር ብርሃኑ ነጋ የአርበኞች ግንቦት 7 ሊቀመንበር 

ነሐሴ 6/2010 ዓም (ኦገስት 12/2018 ዓም)

በኢትዮጵያ የተቃውሞ ትግል ውስጥ ላለፉት አስር ዓመታት በሀገር ውስጥም ሆነ በውጭ ሀገሮች እንቅስቃሴ ሲያደርግ የነበረው የአርበኞች ግንቦት ሰባት ንቅናቄ ከፍተኛ አመራር እና በውጭ ያለው የአባላት ልዑክ  በጥቂት ቀናት ውስጥ አዲስ አበባ እንደሚገባ ለማወቅ ተችሏል።ንቅናቄው ባለፉት አስር ዓመታት ውስጥ ሁለት አይነት ስልቶችን በጥምረት በትግል ስልትነት የተጠቀመባቸው መንገዶች ሕዝባዊ እንቢተኝነት እና የትጥቅ ትግል የሚሉ ሲሆኑ በግብነት የተቀመጡት ደግሞ ስርዓቱን ለዲሞክራሲያዊ ለውጥ ማስገደድ ወይንም ማስወገድ የሚሉ ነበሩ። በሐምሌ ወር መጨረሻ 2010 ዓም  የድርጅቱ ሊቀመንበር ፕሮፌሰር ብርሐኑ ነጋ፣ ዋና ፀሐፊ  አቶ አንዳርጋቸው ፅጌ እና አቶ ኤፍሬም ማዴቦ በተገኙበት ዋሽንግተን ላይ በተደረገ ጋዜጣዊ መግለጫ ድርጅቱ ወደ ኢትዮጵያ ገብቶ አሁን የተፈጠረውን የዲሞክራሲያዊ ሂደት ማገዝ የዜግነት ግዴታ መሆኑን አስምረውበታል። የድርጅቱ ሊቀመንበር በእዚሁ በዋሽንግተኑ መግለጫ ላይ የድርጅቱ ወደ ሀገር ቤት የመግባት ፋይዳ አስመልክተው ሲናገሩ : - 

'' አርበኞች ግንቦት 7 አሸነፈ አላሸነፈ የሚለው ፈፅሞ እኛ ኮንሰርን የምናገርገው ጉዳይ አይደለም።ግንቦት 7 ስንመሰርት ጀምሮ እስካሁን የምንሄድበት መንገድ ዲሞክራሲያዊ ስርዓት መመስረት ማንም አሸነፈ ማን አስፈላጊ ነው የሚል ነበር።አሁን ያ ስርዓት ተመሰረተ እያልን አይደለም።ነገር ግን ሂደቱን ማገዝ ይገባናል።አሁን ኢትዮጵያ የተፈጠረው የለውጥ ኃይል  መልካም ጅምር መቀልበስ የለበትም።ይህንን ማገዝ ደግሞ ሀገር የማዳን ጉዳይ ብቻ ሳይሆን ሀገር የማዘመን ሂደት ነው''  ብለዋል።

በእዚሁ መግለጫ ላይ አርበኞች ግንቦት ሰባት በማንነት እና በብሔር ጉዳይ አስመልክቶም ፕሮፌሰር ብርሐኑ ሲናገሩ : -

'' ማንነትን በተመለከተ እኛ ግልፅ አቋም አለን። የኢትዮጵያ ፖለቲካ ብቻ ሳይሆን ፖለቲካ በራሱ የሚመለከተው አጠቃላይ ማኅበረሰብን የሚመለከት ነው።የሀገር ጉዳይ እና የፖለቲካ ጉዳይ ለእዚህኛው የሚፈቀድ ለእዛኛው የማይፈቀድ የሚባል ነገር የለም።የፖለቲካ ውሳኔ በወል የሚሰጥ እንጂ አንዱን የሚመለከት ሌላውን  የማይመለከት ሊሆን አይችልም። በእኛ አመለካከት በዜግነት ላይ የተመሰረተ ፖለቲካ ነው የምንከተለው።ይህ ማለት ግን በቋንቋ ላይ የተመሰረቱ ድርጅቶች ጋር በጠላትነት እንተያያለን ማለት አይደለም።ይህንን ሀገር ልትገባበት ካለችበት 'ሲኦል' እናውጣ ካልን የሰከነ ውይይት ማድረግ እንደሚፈልግ እናምናለን።'' ብለዋል።

አርበኞች ግንቦት ሰባት ባለፈው ወር መጨረሻ ከክቡር ጠቅላይ ሚኒስትር ዶ/ር አብይ አህመድ ጋር በሁለት ክፍል የተከፈሉ ለሁለት ተከታታይ ቀናት መወያየቱ ይታወሳል።በኢትዮጵያ ውስጥ ሀገራዊ አጀንዳ እና በዜግነት ላይ የተመሰረተ  ስርዓት ለማምጣት ከሚታገሉ ድርጅቶች ውስጥ በግንባር ቀደምትነት የሚገኘው የአርበኞች ግንቦት ሰባት በሀገር ውስጥ በከፍተኛ ስሜት እየተጠበቀ ለመሆኑን ከሀገር ቤት የሚመጡ ዘገባዎች ያሳያሉ። ለእዚህ ደግሞ አንዱ ምክንያት  የአርበኞች ግንቦት ሰባት አመራሮች ለኢትዮጵያ ሕዝብ ድንገት ደራሽ አለመሆናቸው እና በ1997 ዓም በነበረው ምርጫ እና በምርጫው ሂደት በነበረው ቅስቀሳ ሁሉ የፖለቲካ አቋማቸውን እና እሳቤያቸውን ሕዝብ የማወቁ ፋይዳ አንዱ ምክንያት ነው።

የአርበኞች ግንቦት ሰባት ከፍተኛ አመራሮች እና የአባላት ልዑክ አዲስ አበባ ሲገባ ከፍተኛ ቁጥር ያለው ሕዝብ ከመላ ሀገሪቱ መጥቶ እንደሚቀበላቸው እና በአዲስ አበባ ስታድዮም፣ በሚሊንየም አዳራሽ እና በተለያዩ የኢትዮጵያ ክፍሎች ልዩ የአቀባበል መርሃ ግብር እንደሚኖር ይጠበቃል።በመጨረሻ ወደ ኢትዮጵያ ሰሞኑን ከገቡት የተቃዋሚ ድርጅቶች በተለየ የአርበኞች ግንቦት ሰባት አመራር እና ልዑክ ወደ ሀገር ቤት ሲገቡ መንግስት ማናቸውንም ወጪ  ለመሸፈን በጠቅላይ ሚኒስትሩ በኩል ቢቀርብም ድርጅቱ በእራሱ ማናቸውንም ወጪ እንደሚሸፍን ማስታወቁን የዋዜማ ራድዮ በዛሬው ዕለት ገልጧል።


Wednesday, August 8, 2018

የጉዳያችን ገጽ በያዝነው ነሐሴ ወር ሰባተኛ ዓመቷን ታከብራለች::

የጉዳያችን ገጽ www.gudayachn.com)  የዛሬ ሰባት ዓመት  የመጀመርያ ሀገራዊ ጉዳይ ላይ ያተኮረ ጽሁፍ መልቀቅ የጀመረችው በያዝነው ነሐሴ ወር ውስጥ ነበር::በእነኝህ ሰባት  አመታት ውስጥ ከ800 በላይ ርዕሶች ላይ ፅሁፎች፣ዜናዎች እና ሃሳቦች ተለጥፈዋል።ይህ ማለት በወር በአማካይ ከአስር በላይ  በዓመት ከአንድ መቶ በላይ ርዕሶች እና ጉዳያችን አውጥታለች። በእዚህም ሳብያ በአሁኑ ሰዓት በሚልዮን የሚቆጠሩ አንባቢዎች ከኢትዮጵያና መላው ዓለም አፍርታለች::ብዙዎች በተለይ ሀይማኖት እንጂ ፖለቲካ አንሰማም ያሉ ወጣቶች በሀገራቸው ስለሚደረገው ጉዳይ በማሳወቅ ጉዳያችን ባለውለታችው  እንደሆነች ሲናገሩ ይሰማሉ:: ጉዳያችን በብቸኝነት ተፅኖ የፈጠረችባቸው ጉዳዮችን አሁን አንድ ሁለት ብዬ መጥቀስ የምችላቸው አሉ።እነኝህ ወደፊት የሚገለጡ ይሆናሉ። 

ከእዚህ ሁሉ ጋር ማንኛውም ሥራ ከእንቅፋት ውጭ አይደለም።በፅሁፎቹ ሳብያ ካላቸው የፖለቲካ ወገንተኝነት አንፃር የከፋቸው የሉም ማለት አይደለም።በአካል ሳይሆን በስነ ልቦና ተፅኖ ለመፍጠር የሞከሩ ሁሉ ነበሩ።አንዱ ከእኛ ማኅበረሰብ  የታዘብኩት አንድ ሰው የሚሰራውን ሥራ ከማበረታታት ይልቅ ስራህን የሚጠሉት (ከፖለቲካ ወይንም ከጎሳ ስሜት ሊሆን ይችላል) በርታም፣ተውም ሳይልህ  በጥላቻ እንደሚያይህ እንዳይታወቅበት በፈገግታ እያጠገበህ ግን ደግሞ ወዳጅ መስሎ ሌላ ሌላውን እያወራህ ነገር ግን ያንተ ጉዳይ ሲከታተል ገንዘቡን እና ጊዜውን የሚያጠፋ ብዙ መኖሩን ነው።በእርግጥ ብዙዎች በሞራልም በሃሳብም ድጋፍ የሆኑ አሉ።

ጉዳያችን ሰባተኛ ዓመቷን እንዴት ታክብር?               
ጉዳያችን በያዝነው ነሐሴ/2010 ዓም  ሰባተኛ አመቷን በማስመልከት ከእዚህ በፊት በገጿ ላይ የወጡትን ጽሁፎችና ቪድዮዎች በማስታወስ እና በማኅበራዊ ሚድያ በመለጠፍ ታከብራለች:: ወደፊት ግን በስብሰባ አዳራሽ የተለያዩ ምሁራንን እና አንባብዎቿን  ጋብዛ  እንዲተቿት እና ሃሳብ እንዲሰጧት መርሐግብር ታዘጋጃለች።
ጉዳያችን ከአዲስ አመት በኃላ 
በሀገራችንም ሆነ በዓለም ዙርያ ትልቁ እና ውዱ ሀብት አዲስ ሃሳብ የማምጣት ጉዳይ ነው።የምዕራባውያን የኤሌክትሮኒክስ እና ሚድያ ባለሙያዎች ድካማቸው ለሀገራቸው አዳዲስ ሃሳቦችን ማነፍነፍ ነው።የሐሳብ ድርቀት ሀገር ይጎዳል።ትውልድ ያቀጭጫል።

ጉዳያችን ከአዲስ አመት በኃላ አሁን በሀገራችን የተጀመረውን ለውጥ ምክንያት በማድረግ "ጉዳያችን አዲስ ሀሳብ" በሚል ለሀገር በሚጠቅሙ ሀሳቦች ላይ ያተኮረ ሀሳብ የሚቀርብበት አጫጭር ጽሁፎች ትጀምራለች::እነኝህ ሃሳቦች ከወጡ በኃላ ከመንግስት ጀምሮ የሚመለከታቸው አካላት ጠቃሚ መስሎ ከታያቸው እና  የተገበሯቸውን በዓመቱ መጨረሻ ላይ ሪፖርት ታደርጋለች።ትኩረት ካላገኙ ሃሳቦቹን ደግማ ታቀርባለች።በእዚህ መልኩ በ2011 ዓም ለሀገር የሚጠቅም ተፅኖ ፈጣሪ ሚናዋን ትወጣለች።

ባለፉት ሰባት ዓመታት የጉዳያችን ፅሁፎች ምንጭ በመጥቀስ ለሌሎች እንዲዳረሱ የተጋችሁ በተለይ በአሜሪካን ሀገር ሀገር የሚገኘው የዘሐበሻ ድረ ገፅ እና ሌሎችም ከፍ ያለ ምስጋናዬ ይድረሳችሁ።
ጉዳያችንን ከፍተው ያለፉ ዓመታት ጽሁፎችና ቪድዮዎች ያንብቡ÷ይመልከቱ ለሌሎች ያካፍሉ:: 

ጌታቸው በቀለ 
የጉዳያችን ገፅ አዘጋጅ 



Monday, August 6, 2018

የመከላከያ ሰራዊት ጅጅጋን ለማረጋጋት በክልሉ መንግስት ጥያቄ መሰረት ገብቷል።ሻለቃ ዳዊት ወ/ጊዮርጊስ የዓለም አቀፍ ፀጥታ ጉዳይ አማካሪ ስለ ክልሉ ቀደም ብለው ምን ፅፈው ነበር?

ጉዳያችን/ Gudayachn
ሐምሌ 30/2010 ዓም ( ኦገስት 6/2018 ዓም)
በእዚህ ሪፖርት ውስጥ : -
  • የመከላከያ ሰራዊቱ እስካሁን ወደ ኢትዮጵያ ሱማሌ ገብቶ እርምጃ ያልወሰደበት ምክንያት፣ 
  • የሻለቃ ዳዊት ወ/ጊዮርጊስ ክልሉን አስመልክተው ከእዚህ በፊት ያቀረቡት ትንተና ሙሉ ፅሁፍ  ያገኛሉ።

የኢትዮጵያ ሱማሌ ክልል ዋና ከተማ ጅጅጋ፣ ካለፈው አርብ ጀምሮ ውጥረት ላይ ነች።ውጥረቱ ባሳለፍነው ሳምንት መጨረሻ ላይ ይባስባት እንጂ ክልሉ በተለይ በዘመነ ህወሓት ሰላሙን እንዳጣ የሚታወቅ ነው።
የመከላከያ ሰራዊት ወደ ጅጅጋ ገብቶ እንዲያረጋጋ መታዘዙን የመንግስት ኮምዩኒኬሽን ቢሮ ማስታወቁ ተሰምቷል።
የኢትዮጵያ ሱማሌ ክልል

እስካሁን መከላከያ እርምጃ ያልወሰደበት ምክንያት 
ይህንን ጥያቄዎች የሚጠይቁ ሰዎች ላለፉት 27 ዓመታት ኢትዮጵያ ውስጥ ምን ሲያስጮህ እንደነበር ያልሰሙ ይመስላሉ።ህወሓት ኢትዮጵያን ለመከፋፈል ላለፉት ሀያ ሰባት አመታት ምን ያህል እንደደከመ እና ይህንን ለማሳካት ሲታትር ድንገት ለውጡ እንደመጣበት ያልተገነዘቡ ናቸው።ሆኖም ግን ለውጡ መምጣቱ በእራሱ በሕገ መንግስቱ መሰረት ወደ ክልሎች  የፌድራል መንግስት መግባት የሚችለው የክልሉ መንግስት ሲፈቅድ ነው የሚለው ሕግ በመጠቀም የኢትዮጵያ ሱማሌ ክልል ፕሬዝዳንት ይህ እንዳይሆን የክልሉን ምክር ቤት ሲያስፈራሩ ቆይተዋል። 

ሆኖም ግን ዛሬ ሰኞ ከቀትር በኃላ የመከላከያ ሰራዊት የጅጅጋ ከተማን ሙሉ በሙሉ መቆጣጠሩን እና የፀጥታ ኃላፊነቱን መውሰዱን የመንግስት ኮሚኒኬሽን ጉዳይ ኃላፊ አቶ አህመድ ሺዴ አስታውቀዋል።የመከላከያ ሰራዊት ከመግባቱ በፊት ከክልሉ ፕሬዝዳንት አቶ አብዲ ኤሊ ጋር ጉዳዩን በውይይት ለመፍታት መሞከሩ እና ጥረቱ ለሁለት ቀናት ቢቀጥልም አለመሳካቱ ተሰምቷል።ይህ ብቻ አይደለም በእዚህ ንግግር መሃከል እስከአሁን ከ39 ያላነሰ ሕይወት በአብዲ አሊ ልዩ ፖሊስ በሚጠሩት ኃይሎች አማካይነት መገደላቸው እና በፖሊሶቹ አይዞህ ባይነት ከሰባት ያላነሱ የኢትዮጵያ ኦርቶዶክስ ተዋህዶ አብያተ ክርስቲያናት መቃጠላቸው ተሰምቷል። ይህ ሁኔታ ህገ መንግስቱ በራሱ መስተካከል እንደሚገባው አመላካች ነው።አሁን ዘግይቶ በወጣ ዘገባ መሰረት የክልሉ ፕሬዝዳንት አብዲ አሊ በተነሳባቸው የህዝብ አመፅ መሰረት ስልጣናቸውን ለመልቀቅ መገድዳቸውን የክልሉ ሕዝብ ግንኙነት እድሪስ እስማኤል እንዳረጋገጡለት ቢቢሲ ዘግቧል።ቢቢሲ የዘገበው ሙሉ ቃል እንደሚከተለው ነው።

President of Ethiopia's Somali region resigns

The Minister for Information for the Somali region of Ethiopia Idris Ismail has confirmed to the BBC Somali Service that regional President Abdi Mohamud Omar has handed over power and has agreed to step down.
This follows days of tension in the Somali region as the Federal Military were deployed to the region.
It’s believed that he has been pressured by the federal government to step down following protests and fighting between Somali and Oromo communities.
Reports say that more federal troops have been deployed to the regional capital, Jigjiga .
ምንጭ (source)  = BBC  

ክአዚህ በታች በዓለም አቀፍ የፀጥታ ጉዳዮች አማካሪ፣በቀድሞው መንግስት በተለያዩ የሚንስትር ማዕረግ ያገለገሎት ሻለቃ ዳዊት ወልደ ጊዮርጊስ የኡጋዴንን ሁኔታ አስታከው ከአንድ ዓመት በፊት ያወጡት ልዩ ትንተና ከእዚህ በታች ያንብቡ።

ማሳሰቢያ : - የሻለቃ ዳዊት ፅሁፍ  ከወጣ አንድ ዓመት ስለሆነው አንዳንድ ቦታዎች ከአንድ ዓመት በፊት የነበረውን የሀገራችንን ሁኔታ ቢገልጥ አንባቢ ይህንኑ ታሳቢ አድርጎ ያንብበው።

ኦጋዴንና የሀገር አንድነት ሥጋቶች  ክፍል አንድ 

(በሻለቃ ዳዊት ወልደ ጊዮርጊስ የዓለም አቀፍ የፀጥታ ጉዳዮች አማካሪ ሻለቃ ዳዊት ወልደ ጊዮርጊስ)

ሻለቃ ዳዊት ወ/ጊዮርጊስ የዓለም አቀፍ ፀጥታ ጉዳዮች አማካሪ 

የኢትዮጵያ ህዝብ ወደ አዲስ ዲሞክራሲያዊ ስርዓት ለመሸጋገር ትግሉን ባጧጧፈበት በአሁኑ ወቅት አገር ውስጥ ያለውን ክፍተት፣ ሁከትና የመንግስትን መዳከም በዓይነ ቁራኛ የሚከታተሉ የውጭ ጠላቶች ይህን አጋጣሚ በመጠቀም አንድነታችንን ለማደፍረስ በውስጥ ጉዳዮች ጣልቃ በመግባት የራሳቸውን አጀንዳ ለማስፈፀም የሚሞክሩ ብዙዎች አሉ፡፡ እነዚህንም ሁኔታዎች መከታተልና ጥንቃቄ ማድረግ ለውጡን የሚያራምዱ ድርጅቶችና ግለሰቦች ኃላፊነት ነው፡፡ እኔና የመሳሰሉ በተሞክሮና በእድሜ የበለፀጉ ደግሞ ከምናየው፣ ከምናነበውና ከምናጠናው ተነስተን ይህቺን ኢትዮጵያን የሚረከበው አዲስ ትውልድ ካለፈው ስተት እንዲማር ይቺ የኢትዮጵያ ምድር ለራሳቸው ባልኖሩ፣ ኢትዮጵያን አስቀድመው ካለፉ ጀግኖች አባቶቻችን፣ እናቶቻችን፣ ወንድሞቻችን፣ እህቶቻችን ደምና አጥንት የከበረች መሆኑን ዘወትር አስታውሰው በሚያደርጉት እንቅስቃሴ ሁሉ ጥበብና ጥንቃቄ እንዳይጐድላቸው ማሳሰብ ነው፡፡ በኢትዮጵያ ላይ ከውጪ የሚሰነዘሩ ጥቃቶችን መረዳት የሚቻለው በአፍሪካ ቀንድ ውስጥ ባለው የጂኦ ፖለቲካ አሰላለፍና ክልል ውስጥ ነው፡፡ (የአገር ደህንነት ጥያቄዎች፣ “ያሉና የሚኖሩ የኢትዮጵያ ሥጋቶች” በሚል ርዕስ ክህደት በደም መሬት በሚለው መጽሀፌ ላይ ዘርዝሬ አለሁኝ)፡፡
በአሁኑ ወቅት አዲስ መነጋገሪያ ርዕስ እንዲሆን የማቀርበው የኦጋዴንን ሁኔታ ነው፡፡
ዛሬ በሱማሌና በኦሮሞ ክልል የተፈጠረው ግጭትና የተፈፀመው ጭፍጨፋ የወያኔ ሴራ መሆኑ በማያሻማ ሁኔታ ተገልጿል፡፡ የወያኔ መንግስት ኃላፊነቱን በሚገባ ባለመወጣቱ በሁለቱ ህዝቦች መካከል ግጭት እንዲፈጠር ሁኔታውን አመቻችቷል፡፡ ይህም የተደረገው በዕቅድ አንጂ በድንገት የተፈፀመ አይደለም፡፡ ይህ ሴራ የተሸረበው ህዝቦችን እርስ በርስ በማጋጨት የሥልጣን ዘመኑን ለማራዘም ሲሆን ይህ የሚያስከትለው የርስ በርስ ጥላቻንና ፍጥጫ የሶማሌ ክልል ቀስ በቀስ ከኢትዮጵያ ለመራቅና፣ ለመነጠል ምክንያት ሆኖት ለመገንጠል ሁኔታውን ያመቻቻል፡፡ ይህ አሁን ከሚታየው በስተጀርባ ያለው ሴራ ነው ብዬ አምናለሁኝ፡፡ የረዥም ጊዜ ዕቅድ ያላቸው የኦጋዴን ተገንጣይ ቡድኖች በህዝቦች መሐከል ያለውን ግጭት ለረዥም ጊዜ ዓላማቸው ይፈልጉታል፡፡ የወያኔ መንግስት ሥልጣን ላይ ለመቆየት ህዝቡን ሲያጋጭ በዚያው መጠን የሶማሌ ተገንጣይ ጦረኞች የራሳቸውን ሀይል ለማጠንከርና ኦጋዴን ሶማሌ ያልሆነውን ሁሉ ከክልሉ አስወጥተው ኦጋዴን የኦጋዴኖች ብቻ አድርገው የመገንጠሉን እንቅስቃሴ ወደ አዲስ ምዕራፍ ያሸጋግሩታል::: የኦጋዴንን ጥያቄም ዓለም አቀፋዊ(Internationalize) ለማድረግ ይጥራሉ:: ይኸም የሚሆነው በመንግሥት በኩል በሚወሰዱ አክራሪ(Excessive) እርምጃዎች ወይንም ደግሞ በሕዝቦች መሀከል ያለውን ግጭት ለብዙ ሕይወት ማለፍና እንዲሁም መሰደድ ምክንያቶች ሲሆኑ ነው፡፡ በዚህን ጊዜ አጀንዳ የሌላቸው አገሮች ጣልቃ ይገባሉ፣ በተባበሩት መንግሥታትና በአፍሪካ አንድነት እንዲሁም በሌሎች ኢንተርናሽናል ድርጅቶች ውይይት ያስከፍታል፣ መግለጫዎች ያወጣሉ፣ ውሳኔም ያሰጣሉ:: ይህንን ኦብነግ ይፈልገዋል:: ሁኔታዎችንም ወደዚያ ይገፉሉ፡፡ ጉዳዩ የኢትዮጵያ ብቻ ሳይሆን የሌሎችም ጉዳይ ይሆናል፡፡ የተገንጣዮች ስትራቴጂ ይህን ይመስላል፡፡ የኦጋዴን ጉዳይ እንደ ሌሎች የኢትዮጵያውያን ጥያቄ የኢትዮጵያ ጉዳይ ሆኖ መቆየት አለበት፡፡ ይህም ሊሆን የሚችለው የወያኔ መንግሥት ሲወገድና የሕዝቡን አንድነት የሚያረጋግጡ፣ ዋስትናም የሚሆኑ ፖሊሲዎች ሲቀየሱና ህዝቡ የተባበረ አቋም ይዞ ለአንድነቱ ሲታገል ነው:: ሁልጊዜ ማዕከላዊ መንግስት ሲዳከም ነው ጠላቶቻችን ጥንካሬ የሚያገኙት፡፡
ከዚህ በላይ በዘረዘርኳቸው ምክንያቶች በኦጋዴን ስለሚደረገው እንቅስቃሴና ስለኦጋዴን ኢትዮጵያዊነት ሕዝቡ እንዲነጋገርበት በጉዳዩ የበለጠ ዕውቀት እንዲኖረውና ጥንቃቄ እንዲያደርግ በሁለት ምዕራፍ የተከፈለ ጽሁፍ አቅርቤ አለሁኝ፡፡
በኦጋዴን በኩል ብዙ መስዋዕትነት ተከፍሏል፡፡ ቀዳማዊ ኃይለስላሴ ወታደራዊ አካዳሚ እጩ መኮንን ሆኜ ሶስት ዓመት በቆየሁበት ጊዜ ወታደራዊ ስትራቴጂና ፖለቲካ ስንማር ዋና መለማመጃችን የካራማራ (ጅጅጋ) በር ነበር፡፡ ካራማራ ዋና የጠላት መተላለፊያ በር ስለሆነች ይቺን በር መጠበቅና መከላከል በዚያ አቅጣጫ ለሚመጣ ጥቃት ወሳኝ ነበር፡፡ ሶስተኛ ክፍለጦር በጀግናው ሜጀር ጀነራል አማን አንዶም ወይንም(ኮዳው ትራሱ) ሥር በነበረበት ጊዜ ብዙ ይወራለት ስለነበርና በተደጋጋሚ ጦሩንና አሰላለፉን በትምህርት መልክ ጐብኝቻለሁ፡፡ ከዚም በኋላ በአብዮት ወቅት የእድገት በህብረት አዝማች በነበርኩበት ጊዜ የዘመቻ ቦታ ለመምረጥና በኋላም ዘማቾችን ለማየት በኦጋዴን ብዙ ተጉዣለሁ፡፡ የእርዳታ ማስተባበሪያና ማቋቋሚያ ኮሚሽን ኃላፊ በነበርኩበት ጊዜ የዕለት ዕርዳታና የመልሶ ማቋቋም ፕሮጀክቶችን ለመከታተል በተለይም ደግሞ አርብቶ አደሩን የኡጋዴን ህዝብ በዋቢ ሸበሌ ሸለቆ(ጎዴ) ለማስፈር በተደረገው ሙከራ ኃላፊ ሆኜ በኦጋዴን ብዙ ተንቀሳቅሻለሁ፡፡
የውጪ ጉዳይ ምክትል ሚኒስትር(ቋሚ ተጠሪ) በነበርኩበት ጊዜ የኡጋዴንና የሱማሌን ሁኔታ በጥልቀት ለማወቅ እድል ሰጥቶኛል፡፡ በተለይም 1969 ሶማሊያ ኢትዮጵያን በወረረችበት ጊዜ ሁኔታዎችን በኃላፊነት በቅርብ ተከታትያለሁ፡፡ የተከፈለውን ከባድ መስዋዕትነት መስክሬ አለሁኝ፡፡ ሶቭየት ህብረት ኢትዮጵያንና ሶማሊያንም ይዛ ለመቆየት ባደረገችው የፖለቲካ ሙከራ ወቅት ሞስኮና አዲስ አበባ በከፍተኛ ደረጃ በተደረጉት ውይይቶች ውስጥ ተሳትፌአለሁ፡፡ በተባበሩት መንግስታት በቀድሞ ሶቭየት ህብረት በገለልተኛ አገሮች መንግስታት በአፍሪካ አንድነት ድርጅት፣ በአውሮፓ፣ በኢስያና በደቡብ አሜሪካ አገሮች የኢትዮጵያን አቋም ለማስረዳትና ድጋፍ ለማግኘት ተዘዋውሬአለሁ፡፡ አሁንም ከአገሬ ከወጣሁኝ በኋላ በአፍሪካ ውስጥ የእርስ በርስ ጦርነት በተፈጠረባቸው አገሮች ሁሉ ተዘዋውሬ ሰርቻለሁኝ፡፡ ባለፉት ጥቂት ዓመታት በዚሁ ርዕስ ላይ በአንድ የምርምር ኢንስቲትዩት በመስራት የአፍሪካን ሁኔታ በቅርብ ተከታትያለሁኝ፡፡
ለነበረኝ ኃላፊነቴ እንዲረዳኝ ስለኡጋዴን ብዙ ያስተማሩኝ በጣም የማከብራቸው ሁለት ሰዎች ፕሮፌሰር መስፍን ወልደ ማሪያምና ፊት አውራሪ ደምሴ ተፊራ ነበሩ፡፡ በጊዜው ምክር ፍለጋ እየሄድኩ ያገኘሁት ዕውቀት ብዙ ነው፡፡ ለመንግስትም የአቋም መግለጫ እንዲረዳ ፕሮፌሰር መስፍን በአጭር ጊዜ ውስጥ ከፃፉት መጽሐፍ(The Problem Child of Africa Somalia) እና የአገር አስተዳደር ምክትል ሚኒስትር የነበሩት ፊታውራሪ ደምሴ ተፈራ ከሰፊ ልምዳቸው ከጻፉት መጽሐፍ ተነስቼ ብዙ ንግግርና ውይይት ለማድረግ ችያለሁ፡፡ እነዚህ ሁለት አርበኞች ለሀገር አንድነት ባላቸው ተቆርቋሪነት ውጭ ጉዳይ ሚኒስቴርን በማማከር መንግስት በዲፕሎማሲና በወታደራዊ ጉዳይ ትክክለኛ ፖሊሲ እንዲወስድ አድርገዋል፡፡ በሁለተኛው ምዕራፍ የማቀርበው ብዙ ሐሳብ እነሱ ካስተማሩኝና ይህንንም ተመርኩዤ ካደረኳቸው ንግግሮች የተወሰደ ነው፡፡(ክህደት በደም መሬት በሚለው መጽሐፌ ውስጥ በዝርዝር ቀርቧል)፡፡
አፍሪካ ቀንድ
ዛሬ አፍሪካ ቀንድ ብዙ ሀይሎች የንግድ፣ የስትራቴጂና የሴኩሪቱ ጥቅማቸውን ለማስከበር የሚተራመሱባት አካባቢ ሆናለች፡፡ ዛሬ የአፍሪካ ቀንድ በአለም ውስጥ ካሉት ማናቸው ሴኩሪቲ ዞን የበለጠ የሚሊቴሪ እንቅስቃሴዎች የሚታዩባት አካባቢ ሆናለች፡፡ (The most complex militarized security zone in the world) ጅቡቲ ውስጥ ቀድሞ የፈረንሳይ ጦር ሰፈር የነበረው ካምፕ ለሙኒየር(Camp Lemonnier) ታድሶ፣ ተስፋፍቶ የአሜሪካን ጦር ሰፈር ሆኗል፡፡ ጅቡቲ የአሜሪካን አፍሪካ ኮማንድ (Africom) አፍሪካ ውስጥ የቋሚና የተንቀሳቃሽ ኃይሎች መምሪያ ሆናለች፡፡(የአፍሪኮም ዋና መምሪያ የሚገኘው አውሮፓ ነው)፡፡ የፈረንሳይ ጦርም ቁጥሩ ጨምሮ ተጠናክሮ ጅቡቲ ይገኛል፡፡ ቻይና ከአገሩ ውጪ ለመጀመሪያ ጊዜ የጦር ሰፈር በጅቡቲ አቋቁማለች፡፡ ሳውዲአረቢያም በኤርትራና በጅቡቲ የጦር ሰፈር እየመሰረተች ነው ይባላል፡፡ የዩናይትድ አረብ ኤሜሬት(UAE) በሶማሌ ላንድና አሰብ ላይ ጦር ሰፈር ከአቋቋሙ ሰንበት አለ፡፡ ጃፓን በበኩሏ በሚሊተሪ ኢንዱስትሪና ወታደራዊ እንቅስቃሴ ከሁለተኛ አለም ጦርነት በኋላ ራሷን አግልላ መኖሯ ይታወሳል፡፡ ዛሬ ጃፓን ጅቡቲ ላይ የጦር ሰፈር እየመሰረተች ነው፡፡ ሩሲያ በበኩሏ በሱዳን የጦር ሰፈር ለመመስረት በስምምነት ላይ ደርሳለች፡፡ ደቡብ ሱዳን በምዕራቡ የዓለም የጦር መሳሪያ ማዕቀብ ስለተደረገባት ከግብጽ ጋር አዲስ ሚሊተሪ ግንኙነት (Alliance) መሥርታለች፡፡
የአፍሪካ ቀንድ የብዙ ኃይሎች የጥቅም መናህሪያ እየሆነች በመጣች ቁጥር የነዚሁ ሀይሎች ተጽዕኖ የእያንዳንዱን ሀገር የፖለቲካ ሁኔታ የመንግስታት ፖሊሲና ሴኩሪቲ ይቀርፃል፡፡ የነዚህ ኃያላን ሀገሮች ብሔራዊ ጥቅም እርስ በእርስም ሆነ ከአፍሪካ ቀንድ መንግስታት ፖሊሲ ጋር የሚጋጭባቸው ብዙ ሁኔታዎችም አሉ፡፡ ኢትዮጵያን ነጥለን ስንመለከት ኢትዮጵያ ከእያንዳንዱ የአፍሪካ ቀንድ አገሮች ያላት ግንኙነትና ያላት ፖሊሲ እነዚሁ ሀያላን አገሮች ከሚያራምዱት አጀንዳ ጋር የሚጋጩበት ሁኔታዎች ብዙ አሉ፡፡ ኢትዮጵያ ውስጥ ሊፈጠር የሚችለው የፖለቲካ ቀውስ ሰላማዊ ሽግግር ውስጥ በአስቸኳይ ካልተገባ እንደ ሲሪያ፣ የመን፣ ኢራቅ፣ ሊቢያ፣ ሶማሊያ የራሷ ያልሆነ(PROXY) ጦርነትና፣ ትርምስ ውስጥ ልትገባ እንደምትችል በጣም ግልፅ ነው፡፡
በወያኔ ማበረታታት ያንሠራራው ቀድሞ “የምዕራብ ሶማሌ ነፃነት ግንባር” ተብሎ የሚታወቀው ንቅናቄ ዛሬ ደግሞ “የኦጋዴን ብሔራዊ ነፃነት ንቅናቄ” በቀይ ባሕር፣ በሱዳንና በግብፅ (ዓባይ) ካለው ሥጋት ጋር ተጣምሮ መታየት ያለበት ነው፡፡ ችግሩ የነበረ፣ ያለና በወያኔ ፖሊሲ እየተባባሰ የመጣ፣ የሀገሪቱን ሕልውና የሚፈታተን አደጋ ነው፡፡ ስለዚህም የኦጋዴን ሁኔታ ከመፈንዳቱ በፊት ሁሉም አውቆ ነቅቶ መጠበቅ አለበት፡፡
ከሁለተኛው የዓለም ጦርነት በኋላ ኢትዮጵያ ከጣሊያን ወረራ ነፃ ወጥታ ሕልውናዋን የተሟላ ለማድረግ ሦስት ዐበይት ሥራዎች መሠራት ነበረባቸው እነዚህም የንጉሠ ነገሥቱን ማዕካላዊ አገዛዝ ማጠናከር ኤርትራን ወደ ኢትዮጵያ ማስመለስ፣ በደቡብና በደቡብ ምሥራቅ እየተንከባለለ የመጣውን “ታላቋን ሶማሊያ” የመገንባት ፖሊሲና እንቅስቃሴ መቋቋም ነበሩ፡፡ እነዚህ ሦስት ሥጋቶች የኢትዮጵያን የመከላከያ ኃይል መስፋፋት አስገደዱ፡፡ ሌላውን ለጊዜው ትተን የሶማሊያን ሥጋት በአጭሩ እንመረምራለን፡፡
በኢጣሊያ ሶማሌ ላንድና በኢትዮጵያ በኩል የድንበር ጥያቄ የለም፡፡ እ.ኤ.አ በ1897 እና በ1908 ውል መሠረት ድንበሩ ተከልሏል፡፡ ጣሊያን በዚህ ውል ባለመደሰቷ ግን ኢትዮጵያን ለመውረር ሁልጊዜ ምክንያት ትፈልግ ነበር፡፡ ስለዚህም ነው እ.ኤ.አ በ1934 የወልወል ግጭት የተደረገው ከ2ኛ ዓለም ጦርነት በኋላ የጣሊያን ሶማሌላንድ እንደገና በጣሊያን እጅ ወደቀች፡፡ ድንበሩ በሕግ የተከለለ ቢሆንም ምልክቶች ስላልተደረጉበት በየጊዜው በጣሊያንና በኢትዮጵያ መንግሥታት መካከል በኋላም ሶማሊያ ነፃ ከወጣችበር ጊዜ ጀምሮ በሶማሌ መንግሥትና በኢትየጵያ መንግሥት መካከል ለነበረው የማያቋርጥ ግጭት ምክንያት ሆኗል፡፡
ከእንግሊዝ ሶማሌላንድ ጋር ያለው ድንበር በሕግ የተከለለ ምልክትም የተደረገበት ስለሆነ በዚያ አቅጣጫ የድንበር ጥያቄ አልነበረም፡፡ ይህም ሆኖ እንግሊዞች እ.ኤ.አ በ1946 የጠነሰሱት ታሏቋ ሶማሊያን የመገንባት ዓላማ በሶማሊያ መንግሥት ዋና የውጭ ፖሊሲና ሕዝቡም እንደ ሃይማኖት ይዞት የሚገባ እምነት ሆኖ ይሰበክ ጀመር፡፡ ስለዚህም ሶማሊያ ነፃ ስትወጣ የተመሰረተው መንግሥት ይህንኑ ዓላማ የሕገ-መንግሥቱ ዋና አንቀጽ አድርጎ አወጀ፡፡ በዚህም መሠረት አምስቱን የሶማሌ ሕዝብ የሰፈረባቸውን ቦታዎች (ጅቡቲ፣ ኦጋዴን፣ ሰሜን ኬንያ(NFD)፣ የእንግሊዝን ሶማሌላንድና የጣሊያንን ሶማሌንድ) አንድ ለማድረግ ትግሉ ተጀመረ፡፡ ለእዚህም ዓላማ እንዲያመች በደቡብ ኢትዮጵያ “የኦሮሞ ነፃ አውጪ” ግንባር፣ በደቡብ ምሥራቅ የምዕራብ ሶማሌ ንቅናቄ፣ በባሌ በኩል በዋቆ ጉቱ የሚመራ ንቅናቄ ተደራጅቶ ከኤርትራ ነፃ አውጪ ድርጅቶች ጋር ግንባር በመፍጠር በኢትዮጵያ ውስጥ ሽብር መፍጠር ተጀመረ፡፡ ሽብሩ እየተስፋፋ በሄደ ቁጥር የኢትዮጵያ ወታደራዊ ድርጅት እያደገ እየተጠናከረ፣ በቁጥርም፣ በሥልጠናና በመሣሪያ ዓይነት ዘመናዊ እየሆነ መጣ፡፡ በ1984 ነሐሴ ወር የምዕራብ ሶማሌ ንቅናቄ በኦጋዴን ነፃ አውጪ ግንባር(ONLF)ተተካ፡፡
የሶማሌ መንግሥትና የኦጋዴን ጥያቄ
ሶማሊያ ነፃ ከወጣችበት ጊዜ ጀምሮ በሕገ መንግሥቷ የተንፀባረቀው(አንቀጽ 6) ታላቋ ሶማሊያን የመመሥረት ዓላማ በእያንዳንዱ አብዛኛው የሶማሌ ኤሊት ስነ ልቦና ውስጥ የተተከለ ሕልም ነው፡፡ ምንም እንኳን እ.ኤ.አ. በ2012 ዓ.ም. የወጣው አዲሱ ሕገ መንግሥት ይህንን አንቀፅ ባይጨምርም የሶማሊያ ባንዲራ አሁንም ያው ነው፡፡ ባንዲራው አስምት ጫፍ ያሉት ኮከብ ሲሆን እነዚህም የሚያመለክቱት አምስቱ የሶማሌ ታናጋሪ ሕዝቦች የሚኖሩበትን ነው፡፡ የኦጋዴን ሶማሌዎች ግን ኢትዮጵያዊነታቸውን አጥብቀው የያዙ፣ ከሌሎች ወንድሞቻቸውና እህቶቻቸው ኢትዮጵያውያን ጋር ሆነው ለኢትዮጵያ አንድነት ብዙ የተዋጉ፣ የታገሉ መስዋዕትነት የከፈሉ ከኢትዮጵያ ያልተለዩ ታሪክ ያላቸው ሕዝቦች ናቸው፡፡ የሶማሌ መንግሥት በአጐራባች አገሮች የሚኖሩ ሶማሌ ተናጋሪዎችን በሞላ በአንድ ሶማሊያ ውስጥ ማጠቃለል ያላት ፖሊሲ በአፍሪካ ቀንድ ውስጥ ውዝግብ ፈጥፎአል፡፡ እነዚሁ አምስት ቦታዎች የሰሜን ዲስትሪክት ፍሮንቲየር(Northern District Frontire) በሰሜን ምሥራቅ ኬንያ፣ ጅቡቲ፣ የእንግሊዝ ሶማሌ ላንድ፣(Somali land) ኦጋዴንና፣ አሁን ሶማሊያ የሚባለው አገር ቀድሞ የጣሊያን ሶማሌ ላንድ ተብሎ የሚታወቀው ነው፡፡ የሶማሌ መንግሥታት ይህን ሕልማቸውን በሕግ ዕውን ለማድረግ ስለማይችሉ የነፃነት ነቅናቂዎች በማቋቋም የኢትዮጵያንም፣ የኬንያንም ፀጥታ ሲያናጉ ኖረዋል፡፡ ጅቡቲ ነፃ በወጣችበት ጊዜ በ1979 እ.አ.አ. ኢትዮጵያና ሶማሊያ ከባድ የዲፕሎማቲክ ጦርነት ላይ ነበሩ፡፡ ኢትዮጵያም ሶማሊያም በጅቡቲ ላይ የይገባኛል መብቶቻቸውን አቅርበው በመጨረሻ ላይ አስታራቂ ሆኖ የተገኘው ነፃ የሆነች ጅቡቲን መመሥረት ሆኖ ተገኘ፡፡ ሆኖም ሶማሊያ የመጀመሪያውን የግልፅ ጦርነት የከፈተችው በኢትዮጵያ ላይ ነው፡፡ ይህም የሆነው በዚያድ ባሬ አገዛዝ ነበር፡፡ በ1968 ዓ.ም. በምዕራብ ሶማሊያ የነፃነት ንቅናቄ(WSLF) ስም ሶማሊያ ኢትዮጵያን ወረረች፡፡ የምዕራብ ሶማሊያ የነፃነት ግንባርና ተቀጥያው የኦጋዴን ብሔራዊ የነፃነት ግንባር(ONLF) ያቋቋመው የሶማሌ መንግሥት ነው፡፡ የሁለቱም ዓላማ አንድ ነው፡፡ የዚያድ ባሬ መንግሥት በምዕራብ ሶማሌ ነፃ አውጪ ግንባርና በኦጋዴን ነፃ አውጪ ግንባር ስም ኦጋዴንን ወሮ ሠራዊቱ ጅጅጋን ይዞ፣ ድሬዳዋና ሐረር በቀረበበት ጊዜ ኢትዮጵያ ከፍተኛ ፈተና ላይ ወድቃ ነበር፡፡ የኢትዮጵያ መንግሥት ባወጀው የሶሻሊስት ፖሊሲ ምክንያቶች ጦር መሣሪያ ከአሜሪካ ማምጣት በማቆሙና፣ የሶቭየት ዩኒየን ከሶማሌ ጋር ቀደም ያለ ግንኙነት ስለነበረው መሣሪያ በሚፈለገው ሁኔታ መገኘት ባለመቻሉ የሶማሊያ ጦር ገፍቶ ኢትዮጵያ ውስጥ መግባት ቻለ፡፡ በወቅቱ እኔ የውጭ ጉዳይ ሚኒስትር ቋሚ ተጠሪ( ምክትል ሚኒስትር) ነበርኩኝ፡፡ ፈታኝና አሳፋሪ ጊዜ ነበር::
ስለሆነም ከኢትዮጵያ ደሀ ገበሬ የተውጣጣ 300,000 ሺህ ሚሊሺያ የእናት ኢትዮጵያን ጦር በአጭር ጊዜ ጦር ተቀብሎ፣ ሰልጥኖ፣ በጀግንነት ተዋግቶ በከፈለው መስዋትነት የኢትዮጵያን ዳር ድንበር ማስከበር ችሏል፡፡ የሶማሌ መንግሥት ምኞት የኢትዮጵያን መንግሥት አንበርክኮ ኦጋዴንን አሳልፎ ከመስጠት ሌላ አማራጭ እንዳይኖረው ማድረግ ነበር፡፡(ለዝርዝሩ Red Tear መጽሐፍን አንብቡ) በምዕራብ ሶማሌ የነጻነት ግንባርና በኦጋዴን ብሔራዊ ነፃነት ግንባር የተሰነዘረው ጥቃትና የተቃጣው ድፍረት የኢትዮጵያን ሠራዊት ብቻ ሳይሆን ጠቅላላ ሕዝቡ ታላቅ መስዋዕትነት ክፍሏል፡፡ ቦታው ላይ ስለነበርኩኝ የመስዋዕትነቱን መጠን በቅርብ ሆኜ መስክሬአለሁኝ፡፡ (የመስዋዕትነቱን መጠን ክህደት በደም መሬት የሚለው መጽሐፌን አንብቡ)፡፡
ለዚህም ድፍረትና ለዚሁም ከፍተኛ መስዋዕት አፍራሽ ሚና የተጫወተው አንዱ ኢሀፓ ነው፡፡ ኢሀፓ ኦጋዴንን አስመልክቶ የኦጋዴን ሕዝብ ከፈለገ ከሶማሊያ ጋር ይቀላቀል የሚል አቋም ይዞ ቆይቶአል፡፡ የኢሀፓ አላማ ከሶማሊያ መንግስት መሣሪያና ገንዘብ ለማግኘት ነበር፡፡ ለዚህ ሲል የኢትዮጵያን አንደነት አደጋ ላይ እንዲወድቅ አደረገ::ከሶማሊያ መንግስትም ያገኝው እርዳታ እምብዛም አልነበረም፡፡ ቀጥሎም በእያንዳንዱ ቀበሮ ጉድጓድ በመቶ፣ በሻምበል፣ በሻለቃ፣ በብርጌድ በተሰለፈው ሠራዊቱ ውስጥ ሠርጐ በመግባት ሠራዊቱ እንዲያፈገፍግ በኢሀፓ ስም ጥሪ በማስተላለፍ ወረቀት በመበተን የአምስተኛ ረድፍ ሚና በመጫወት ሠራዊቱ እንዲሸሽና በሺህ የሚቆጠሩ ደግሞ እንዲያልቁ ምክንያት ሆኖአል:: ምንም እንኳን ይህ አቋም የሁሉም የኢሀፓ አመራርም ሆነ ወይም ተራ አባላት እንዳልሆነ ቢገመትም ይህ ድርጊት ለመፈፅሙ ምንም ጥርጥር የለም:: የኢሀፓ መሪዎች ከመቋዲሾ መንግሥት ጋር በቅርብ እንደሚሠሩና ከዚያም አዲስ አበባ ካለው ኤምባሲ ጋር ቅርብ ግንኙነት እንደነበራቸውም የሶማሌ መንግሥት ኤምባሲ እንዲዘጋ ሲደረግ ከተገኙት ዶክመንቶች ለመረዳት ተችሏል፡፡ እኔ በዚያን ጊዜ የውጭ ጉዳይ ሚኒስትር ምክትል ስለነበርኩኝ ማስረጃዎቹን አይቻለሁኝ፡፡
የኦጋዴን ብሔራዊ ነፃ አውጪ ግንባር ከምዕራብ ሶማሌ ነፃ አውጪ ግንባር አብሮ ሲሠራ የነበረ፣ የአሁኑ መሪዎችም ከዚሁ ድርጅት የተመለመሉ መሆናቸውንና የምዕራብ ሶማሊያ ነፃ አውጪ ግንባር በዚያድ ባሬ ትዕዛዝ እንዲጠፋ ሲደረግ በእሱ እግር የተተኩ፣ የሞቃዲሾ ተወላጆች ለመሆናቸው ሰነዶች ያመለክታሉ፡፡ የኦጋዴን ነፃ አውጪ ግንባር ፕሮግራም ግልፅ ነው፡፡
• ኦጋዴን የኢትዮጵያ አካል አልነበረችም አትሆንም
• የኦጋዴን ሕዝብ ትግል የነፃነት ትግል ነው
የሚል ነው፡፡ አንዳንድ ጊዜ እነዚህ አባባሎች ሽፋን ተብለው የራስ ዕድል በራስ መወሰን እስከ መገንጠል ድረስ ይላሉ፡፡ የኤርትራም ንቅናቄ ሲጀመር እንደዚሁ ነበር የሚለው፡፡
የኦጋዴን ብሔራዊ ነፃ አውጭ ግንባር ኢሀፓን ተጠቅሞ ኢትዮጵያን እንደወረረ እየታወቀ ወያኔ ከእዚሁ ተገንጣይ ቡድን ጋር ግንባር ለመፍጠር መሞከሩ ወያኔ ቅድሚያ የሚሰጠው ለኢትዮጵያ አንድነት ሳይሆን ሥልጣኑን ለማጠናከርና ሕዝቡን በዘር ከፋፍሎ ለመግዛት መሆኑ ግልፅ ነው፡፡ የኦሮሞ ነፃ አውጪ ድርጅትና፣ ኦብነግ ዋና መሥሪያ ቤታቸውን ኤርትራ(አስመራ) ማድረጋቸውም ብዙ ጥያቄ አስነስቶአል፡፡ “የኢትዮጵያን አንድነት እናከብራለን፣ ኢትዮጵያን ለማፈራረስ ወይንም ለመገነጣጠል ከሚዋጉ ሀይሎች ጋር አንተባበርም” እያሉ እነዚሁን ድርጅቶች ማስተናገድ የኤርትራን መንግሥት የዚህ እኩይ ዓላማ ተባባሪ ያደርገዋል፡፡
ዛሬ የሶማሌ መንግሥት ከኦጋዴን ነፃ አውጪ ድርጅት ጋር ስምምነት የለውም፡፡ ድርጅቱ ከአልሻባብ ጋር ግንኙነት አለው ተብሎ ስለሚጠረጠር፣ በፕሮግራሙ ላይም የሚንፀባረቀው የመገንጠል አላማ ከኢትዮጵያ ጋር ያጋጨናል ብሎ ስለሚያስብ የዲፕሎማቲክ አቋም ይዞአል፡፡ ሆኖም ይህ አቋም በኦጋዴን ያለውን አቋም አያጠፋውም፡፡ ቀድሞውንም የሶማሌን የመስፋፋት ፖሊሲና የኦጋዴንን መገንጠል የሚደግፉት ISIS ኢስላሚክ ኮርት (Islamic court) ሥልጣን ቢይዙ የኦጋዴንን መገንጠል በይፋ ደግፈው ኢትዮጵያ ላይ ውጊያ እንደሚከፍቱ ጥርጥር አይኖርም፡፡ ይህ የሶማሌ መንግሥትም አሁን ካለበት ሁኔታ ወጥቶ ፀጥታ የሰፊነበት ጠንካራ መንግሥት ቢቋቋም ኦብነግን በቀጥታ ሊደግፍ ይችላል፡፡ በእዚህም ምክንያት ነው የዚያድ ባሬ መንግሥት እንዲፈርስ ተቀዋሚ ድርጅቶች ተጠናክረው እንዲታገሉ የኢትዮጵያ መንግሥት የታገለው፡፡
የ1969 ዓ.ም. ጦርነት ካለቀ በሁዋላ በመንግሥት በኩል የተወሰነው ውሳኔ የሶማሌ መንግሥት ኢትዮጵያ ላይ ሌላ ጦርነት ማወጅ የማይችል ደካማ መንግስት ማድረግ ተቀዳሚ የኢትዮጵያ የሶማሌ ፖሊሲ ሆኖ በተግባር ዋለ፡፡በዚሁም መሠረት የተወሳሰበና ረቂቅ የሆነ ፕሮጀክት ተጀምሮ የሶማሌ ብሔራዊ ንቅናቄ(SNM) የሚለውን የተቃዋሚ ድርጅት በማስታጠቅና በማደራጀት ዚያድ ባሬን ከሥልጣን ማስወገድ ተቻለ፡፡ የሶማሌንም ብሔርተኝነትና የታላቋን ሶማሊያን ሕልም መግታትም ስኬታማ ሆነ፡፡ ሶማሊያ ነፃነት ከወጣች በኋላ ኢትዮጵያ በምሥራቅ ግንባር ሰላም አግኝታ አታውቅም፡፡ ዚያድ ባሬ ከወጣ በኋላ በጐሣ የተከፋፈለ ሕዝብ እርስ በእርሱ እንደሚጋጭ የተጠበቀ ነበር፡፡ ከ1969 ዓ.ም. እስከ 1983 ዓ.ም. ድረስ ኢትዮጵያ በሶማሊያ ያላት ፖሊሲ ከመቻቻል (Continment) ወደ መንግሥትን ማናጋት(Destablization) ተለወጠ፡፡ ተቃዋሚው ድርጅት(SNM) አባላት አብዛኛው ከይሳቅ ጐሣ የተመለመሉ ሲሆን የዚያድ ባሬ መንግሥት ግን ከመሪሀን ነበር፡፡ ዚያድ ባሬ በአባቱ ከመሪሀን ይሁን እንጂ በእናቱ ኦጋዴን ነው፡፡ የሶማሌ ብሔራዊ ንቅናቄ (SNM) እየጠነከረ ሲሄድ የዚያድ ባሬም ሥልጣን እየተዳከመ ሄደ፡፡ ወደ መጨረሻው በጐሣው ጥላ ሥር ገብቶ የጐሣ ጦርነት አስጀመረ፡፡ የኢትዮጵያ የውጭ ፖሊሲም ይህንን አፋፋመው፡፡ በአንድ ቋንቋ፣ በአንድ ሀይማኖት፣ በአንድ ባህል የተመሠረተችዉ ሶማሊያ በጐሣ ጦርነት ውስጥ ተነከረች፡፡ ዚያድ ባሬ በለኮሰው እሳት ተለበለበ፡፡ አገሪቱም እስከዛሬ ድረስ ሰላም አጥታ ትኖራለች፡፡ ኢትየጵያን ማሸበሩ ግን አላቋረጠም፡፡ ምንም እንኳን ቀጥታ የመንግሥት ድጋፍ ባይኖረውም ከሕዝቡ በሚያገኘው ድጋፍ ሌሎችም የኢትዮጵያን መዳከም ከሚሹ ድጋፍ እያገኘ ኦብነግ ሽብሩን ቀጥሎአል፡፡
በዚያም ሆነ በዚህ ኦብነግ በኢትዮጵያዊነቱ የማያምን በደቡብ ሱዳንና በኤርትራ እንደታየው ኢትየጵያን የሚያደማ፣ የሚያዳክም ረዥም ትግል አካሂደን መጨረሻ ላይ ነፃነት እንጐናፀፋለን ብለው ያምናሉ፡፡ በሁለተኛም ደረጃ ከሱማሊያ ጋር እንቀላቀላለን ብሎ የተነሳ ስለሆነ ከዚህ ድርጅት ጋር መሥራት፣ መተባበር ወይንም ድርጅቱ ሀሳቡን ለውጦአል ብሎ ማመን ራስን ማታለል ነው፡፡ እስከ ቅርብ ጊዜ ጽሑፋቸው፣ መግለጫቸው የሚያሳየው የተነሱበትን ያልለወጡ መሆናቸውን ነው፡፡ አንደ ቀድሞው ኢሀፓ የትሮይ ፊረስ በመሆን ያልተጠበቀ ችግር ውስጥ ገብቶ የኦብነግ ጉዳይ ፈፃሚ ላለመሆን መጠንቀቅ ያሻል፡፡ በኦጋዴን መሬት በብዙ ሺህ የሚቆጠሩ አባቶቻች፣ እናቶቻችንና ወገኖቻችን ደም የተለወሰ የከበረ መሬት ነው፡፡ ከእንግዲህ ወዲያ አባቶቻችን፣ እናቶቻችን፣ ወንድሞቻችንና እህቶቻችን በደማቸው በአጥንታቸው በሕይወታቸው በከፈሉት መስዋዕትነት አንዳችም እፍኝ አፈር ለሌላ አትሰጥም፡፡
ኢብራሂም አብደላ የተባለ የኦጋዴን ብሔራዊ ነፃ አውጪ ግንባር ተጠሪ በአንድ ወቅት ሲናገር የሚከተለውን አለ፡፡
“ድርጅታችን የሚከተሉት አላማዎች አሉት ኦጋዴንን ከኢትዮጵያ ቅኝ አገዛዝ ነፃ ማውጣት ነፃ መንግሥት መመሥረትና የሕዝቡን ፍላጐትና ምኞት ዕውን ማድረግ ከሶማሊያ ሕዝብ ጋር ያለውን የወንድማማችነትና የትግል አንድነት እንዲጠናከር በሌላ በኩል ደግሞ ከአረቡ ዓለም ጋር ያለንን ግንኙነት በጋራ ጥቅሞች ላይ ተመርኩዞ የሚያድግበትን መንገድ መሻት ነው፡፡” (የአፍሪካ ቀንድ የመጀመሪያው ዓመት ቁጥር 7-1985).
ከፍተኛ የኦብነግ ጦር መኮንን ደግሞ አብዲራሺድ ሀልጋም እንዲህ ይላል
“The ONLF objectives are to attain full independence from Ethiopian government and to have a country with no interference from other nations. We are fighters fighting for independence”
ሌላው ደግሞ ራሱን አድሚራል የሚለው የኦማር ኦስማን የኦብነግ ጦር መሪ እንዲህ ይላል
“Ogaden are Arab Muslim people, we have common enemy with Alshabab”
“የኦጋዴን ህዝብ አረብና እስላም ህዝብ ነው:: እኛና አልሻባብ የጋራ ጠላት አለን”
ደግሞ የኦብነግ መሥራችና የውጭ ጉዳይ ኃላፊ እንዲህ ይላል;
“When you are fighting for your rights time is not an issue. My father was fighting for our rights and my children will fight for our rights. We want right to self determination including even leaving the country Free choice is not secession”.
“ስለመብታችን ስንታገል ጊዜ ዋና ነገር አይደለም:: አባቴ ስለ መብታችን ይዋጋ ነበር:፡ ልጆቼ ደግሞ ለዚሁ መብታቸው ይዋጋሉ፣ የራሳችንን እድል ራሳችን መወሰን አለብን:: መገንጠልንም ጨምሮ፣ ይህ መገንጠል አይደለም፣ ነጻ ምርጫ ነው”
የኤርትራን የነፃነት ቀን በዓል ምክንያት በማድረግ ኦብነግ ለኤርትራ መንግሥት የላከው መልዕክት እንዲህ ይላል:
“From the trenches of battle fileds of Ogaden, where we struggle for our day of independence from Ethiopia, Convey the best wishes for a prosperous and peacefull future (ONLF 2002)”.
“አንድ ቀን ከኢትዮጵያ አገዛዝ ነፃ ለመውጣት ከሚታገልባቸው የኦጋዴን የጦር ምሽጐች የድርጅታችንን የኦጋዴን ብሔራዊ ነፃ አውጪ ግንባር የነፃነት ተዋጊዎች የበለፀገና ሰላማዊ የወደፊት ጊዜ ይመኝላችሁዋል” ኦብነግ 2002).
ኦብነግ ለዜና ማሠራጫ በ June 2015, ባወጣው መግለጫ:
“We killed many colonial troops following heavey fighting”
“ብዙ የቀኝ ገዢ ወታደሮችን በጦርነቱ ላይ ገድለናል”.
ይህ እስከ ቅርብ ጊዜ ሲነገር ሲፃፍ የቆየ የኦብነግ አቋም ሕዝብ ሳያውቀው ተለውጦ እንደሆነ ሚስጢሩን የምታውቁ አስተምሩን፡፡ “ኦጋዴን ዛሬም በታሪክ የኢትዮጵያ አካልነች፡፡ የኦጋዴን ህዝባዊ የነፃነት ግንባር በኦጋዴን ህዝብ ኢትዮትያዊነት ያምናል፡፡ የኦጋዴን ህዝቡም አገሩም አረብ አይደለም፡፡ የኦብነግ የትግል ዓላማ እንደማናቸው ኢትዮጵያዊ ተቃዋሚ ሀይሎች ወያኔን አስወግዶ የሚሞክራሲያዊ የሁሉም ህዝብ መብት በእኩልነት የሚጠበቅበት ሥርዓት እንዲፈጠር ነው” የሚል የቀድሞውን አቋም የሚሽር መግለጫ ካወጣ ሁላችንንም ያስደስተናል፡፡ የኦሮሞ ነፃ አውጪ ድርጅትም(OLF) ከዚሁ አካል ጋር ተባባሪ ሆኖ የሚሠራ የመገንጠል አቋሙን ያለወጠ እስከሆነ ድረስ ከማናቸውም ኢትዮጵያዊ ከሆነ ተሳትፎ ተገልሎ መወገዝ ያለበት ድርጅት ነው፡፡
ኦብነግን በተመለከተ ተጨማሪ ንባብ ከእዚህ የሚከተሉትን ተመልከቱ፡፡
They are giving their own blood for the sake of their Independence so that they can hold their next or future celebrations in their homeland to honour all who have fallen in fight for the return of the Republic of Ogaden without fear of execution, arrest or humiliation. Ogaden, which is politically and economically marginalized was handed over to Ethiopia in 1954 by the Great Britain.
Sep 08, 2015
Ogaden: ONLF’s 31st Anniversary
5) The ONLF adopts the long-term popular war and independent frontal resistance, supported by the mobilization of the people and their initiatives as the foundation of it’s struggle. 6) The program of the ONLF shall be carried out by a combatant cadre carefully selected among its ranks with special emphasis on their political …
Ogaden National Liberation Front (ONLF ) – Political Objectives
Declaration Forming The ONLF. We the people of Ogaden. Recognizing that our country has been colonized against our will and without our consent by Ethiopia. Noting the misrepresentation of our struggle as a border conflict between Somalia and Ethiopia. Having witnessed the indiscriminate murder of our families and …


Wednesday, August 1, 2018

የኢ/ኦ/ተ/ ቤተ ክርስቲያን የሲኖዶስ አንድነቷን በመጪው ቅዳሜ በሚሊንየም አዳራሽ በይፋ በልዩ መንፈሳዊ መርሐግብር ታውጃለች።4ኛው ፓትርያርክ አቡነ መርቆርዮስ ወደ መንበረ ጵጵስናቸው ተመልሰዋል ( ሰላሳ ፎቶዎች ይመልከቱ)

ጉዳያችን / Gudayachn
ሐምሌ 25/2010 ዓም (ኦገስት 1/2018 ዓም)

የኢ/ኦ/ተ/ ቤተ ክርስቲያን የሲኖዶስ አንድነቷን በመጪው ቅዳሜ ሐምሌ 28፣2010 ዓም በሚሊንየም አዳራሽ በይፋ ታውጃለች።በዝግጅቱ ላይ ከሀያ አምስት ሺህ በላይ ምእመናን፣የቤተ ክርስቲያኒቱ አባቶች፣ሊቃውንት፣ከፍተኛ የመንግስት ባለስልጣናት እና ዲፕሎማቶች እንደሚገኙ ለማወቅ ተችሏል።

አራተኛው የኢትዮጵያ ኦርቶዶክስ ተዋህዶ ቤተ ክርስቲያን ፓትርያርክ አቡነ መርቆርዮስ ከብፁዓን ጳጳሳት ጋር ከሀያ ስድስት ዓመት ስደት በኃላ ዛሬ ሐምሌ 25/2010 ዓም አስራ ዘጠኝ ሊቃነ ጳጳሳት እና አገልጋይ ካህናት ጋር ወደ ሀገር ቤት ተመልሰዋል።አዲስ አበባ ቦሌ ዓለም አቀፍ አይሮፕላን ጣብያ በተደረገ መንፈሳዊ እና መንግስታዊ የአቀባበል ስነ ስርዓት ለቅዱስ ፓትርያሪኩ እና ከስደት ለተመለሱት ብፁዓን ጳጳስት ከመደረጉም በላይ የኢትዮጵያ ቴሌቭዥን ከስድስት ሰዓታት በላይ የአቀባበል ስነ ስርዓቱን ከቦሌ እስከ ቅድስት ስላሴ ካቴድራል የነበረውን መርሐግብር የቀጥታ ስርጭት ሽፋን ሰጥቷል።ከኢትዮጵያ ቴሌቭዥን በተጨማሪ ፋና ቴሌቭዥን እና የኢትዮጵያ ዜና አገልግሎት የቀጥታ ስርጭት ሽፋን ሰጥተዋል።

ባለፈው ሳምንት ክቡር ጠቅላይ ሚኒስትር ዶ/ር አብይ አህመድ በአሜሪካ ባደረጉት ''ግንቡን እናፍርስ ድልድዩን ኢኝገንባ'' በሚል ርዕስ በሰሜን አሜሪካ በዋሽንግተን፣ሎስ አንጀለስ እና ሚኒሶታ ባደረጉት ጉብኝት በሺህ የሚቆጠሩ ኢትዮጵያውያን እና ትውልደ ኢትዮጵያውያን ጋር መገናኘታቸው እና ልዩ ልዩ የዲያስፖራ ማኅበረሰብ አካላት ጋር ውይይት አድረገዋል።

ክቡር ጠቅላይ ሚኒስትሩ የኢትዮጵያ ኦርቶዶክስ ተዋህዶ ቤተ ክርስቲያን ሲኖዶሳዊ ዕርቅ እንድታደርግ ግፊት በማድረግ፣አወያይ ልዑካንን በማበረታታት፣ብፁዓን አባቶችን በማነጋገር እና በመጨረሻም እርቁ ከተፈፀመ በኃላ አባቶች በመስከረም ወር የያዙትን የመመለስ እቅድ ትተው ከእርሳቸው ጋር እንዲመለሱ በማግባባት ያደረጉት ጥረት ከፍተኛ መሆኑን ለማወቅ ተችሏል።ይህንኑም አስመልክተው ከአቡነ መርቆርዮስ ጋር ከ26 ዓመት በኃላ ወደ ሀገራቸው የተመለሱት የአውሮፓ እና አፍሪካ ሊቀ ጳጳስ ብፁዕ አቡነ ኤልያስ በቅድስት ስላሴ ካቴድራል በተደረገው የአቀባበል መንፈሳዊ መርሐግብር ላይ የጠቅላይ ሚኒስትሩ ሚና ቀላል እንዳልነበር ገልጠው ለጠቅላይ ሚኒስትሩ ከፍ ያለ ምስጋና አቅርበዋል።

የዛሬዋ ቀን ለኢትዮጵያ ኦርቶዶክስ ተዋህዶ ቤተ ክርስቲያን አንድ ትልቅ የድል ቀን ነው።ይህ ማለት ግን በርካታ ስራዎች የሉም ማለት አይደለም።የቤተ ክርስቲያን አስተዳደራዊ መዋቅር፣የገንዘብ አያይዝ፣የኢንፎርሜሽን ቴክኖሎጂ ተጠቃሚ እንድታደርግ ማድረግ፣የስብከተ ወንጌል አገልግሎቷን ማስፋፋት እና የሚድያ ሽፋን እንዲኖራት የራሷ የ24 ሰዓት ቴሌቭዥን እንዲኖራት ማድረግ እና ሌሎች ስራዎች አሁንም ቤተ ክርስቲያኒቱ ጊዜ ሳትሰጥ መስራት ከሚገቧት ቀዳም ስራዎች ውስጥ ናቸው።

በመጨረሻም ከስኖዶሳዊ ዕርቅ በኃላ የብፁዕ ወቅዱስ አቡነ መርቆርዮስ ፓትርያሪክ ርዕሰ ሊቃነ ጳጳሳት ዘኢትዮጵያ  እና ብፁዓን ጳጳሳት አቀባበል፣ ከአሜሪካ እስከ ቦሌ እና ቅድስት ስላሴ ካቴድራል የነበሩ መርሐ ግብሮችን የሚያሳዩ ሰላሳ ፎቶዎች ከእዚህ በታች ይመልከቱ።