ወደ የሚፈልጉት ቋንቋ ይቀይሩ Translate to different Languages

Tuesday, May 17, 2022

ትናንት በግሪክ ሳይፕረስ የተጠናቀቀው የዓለም ኦርቶዶክስ አብያተ ክርስቲያናት ጉባዔ ልዩ ሪፖርት።Inter-Orthodox Churches, assembled from all over the world, attended the Pre-Assembly consultation meeting held in Cyprus, Greece.

  • በጉባዔው ላይ የኢትዮጵያ ኦርቶዶክስ ተዋኅዶ ቤ/ክርስቲያን በአቡነ ሕርያቆስ የጣልያን እና አካባቢው ሃገረ ስብከት ሊቀ ጳጳስ ተወክላለች።
  • ስብሰባው በዓለም አብያተ ክርስቲያናት ምክርቤት (World Council of Churches -WCC) ተደግፏል።
  • በጉባዔው ላይ ከ20 የኦርቶዶክስ አብያተክርስቲያናት የተውጣጡ 52 ልዑካን ቡድን አባላት ተሳትፈዋል።
  • በነሃሴ ወር ለሚደረገው የዓለም አብያተ ክርስቲያናት ምክርቤት የኦርቶዶክሱ ዓለም ይዞ የሚቀርበው ምክረሃሳብ ላይ በጉባዔው ውይይት ተደርጓል።
  • The meeting agreed to prepare themselves to the 11th WCC meeting in Karlsruhe, Germany From 31 August to September 8,2022.
  • Fifty-two delegates representing 20 Eastern and Oriental Orthodox WCC member churches attended the meeting.
ጉዳያችን ልዩ ሪፖርት / Gudayachn Special Report

የኦርቶዶክስ አብያተክርስቲያናት ወይንም በተለምዶ የምስራቅ አብያተ ክርስቲያናት የያዙት የሕዝብ ብዛት ቀላል አይደልም።ከኢትዮጵያ ኦርቶዶክስ ተዋህዶ ቤተክርስቲያን ጋር በቤተክርስቲያን ምስጢራትም ሆነ መሰረተ ዕምነት የማይለያዩት የግብጽ፣ሶርያ፣ህንድ፣አርመን አብያተክርስቲያናትን ጨምሮ (ኤርትራ ኦርቶዶክስ በሁሉም አንድ ዓይነት መሆኑ ሳይረሳ) የምስራቅ አብያተክርስቲያናት የሚባሉት የሩስያ፣ሰርብያ፣ግሪክ እና የምስራቅ አውሮፓ ኦርቶዶክስ አብያተ ክርስቲያናት ሕብረት እንዲኖራቸው ጥረት ካደርጉት ውስጥ ቀዳማዊ አጼ ኃይለ ሥላሴ ተጠቃሽ ናቸው። ንጉሱ አዲስ አበባ ድረስ በመጥራት አብያተ ክርስቲያናቱን መክረዋል። ጉባኤ አዲስ አበባ ድረስ አዘጋጅተው አመካክረዋል። ሆኖም ግን ሙከራቸው ብዙም ለውጥ አላመጣም።

አቡነ ሕርያቆስ የኢ/ኦ/ተ/ቤ/ክርስቲያን የጣልያን እና አካባቢው ሃገረ ስብከት ሊቀ ጳጳስ ለጉባዔው ጽሑፍ ሲያቀርቡ እና ውይይቱን ሲመሩ። 

ባሳለፍነው ሳምንት እአአቆጣጠር ከግንቦት 9 እስከ 16/2022 ዓም የኦርቶዶክስ አብያተክርስቲያናት ስብሰባ በሳይፕረስ ተካሂዶ ነበር። ጉባዔውን የዓለም አብያተክርስቲያናት ምክርቤት ያስተባበረው ሲሆን፣በጉባዔው ላይ ከ20 የምስራቅ አብያተክርስቲያናት የተውጣጡ 52 የልዑካን ቡድን አባላት ተገኝተው መክረዋል። በጉባዔው ላይ የኢትዮጵያ ኦርቶዶክስ ተዋኅዶ ቤ/ክርስቲያን በአቡነ ሕርያቆስ የጣልያን እና አካባቢው ሃገረ ስብከት ሊቀ ጳጳስ ተወክላለች።

እሁድ ግንቦት 7፣2014 ዓም በግሪክ ሳይፕረስ በቅዱስ ጊዮርጊስ ካቴድራል በጉባዔው ለመሳተፍ ከመጡ የልዑካን አባላት ጋር የአካባቢው ምዕመናን በጸሎት ተሳትፈዋል። Photo =WCC

ይህ በሳይፕረስ የተደረገው ጉባዔ ላይ ሊቃነ ጳጳሳት፣ዲያቆናት፣የአብያተክርስቲያናቱ የሃይማኖት ምሑራን ፕሮፌሰሮች እና አማካሪዎችም እንደተገኙበት የዓለም አብያተክርስቲያናት ምክርቤት ዘገባ ያመለክታል።ስብሰባው በነሃሴ ወር በጀርመን ለሚደረገው 11ኛው የዓለም አብያተክርስቲያናት ስብሰባ የኦርቶዶክሱ ዓለም የራሱን ምክረሃሳብ የሚያቀርብበት ጉዳይ ላይም ስብሰባው መምከሩን ለማወቅ ተችሏል።ለስብሰባው የቀረቡት ጽሑፎች እና በተነሱት ነጥቦች ላይ ውይይቱን የመምራት ዕድል በዙር ለተሳታፊዎች የደረሰ ሲሆን የኢትዮጵያ ኦርቶዶክስ ተዋህዶ ቤተክርስቲያንም በወከሏት ብጹዕ አቡነ ሕርያቆስ የጣልያን እና አካባቢው ሃገረስብከት ሊቀጳጳስ የቀረበ ሲሆን ብጽዕነታቸውም በተሰጣቸው ሰዓት ስብሰባውን መርተዋል።

ከእዚህ በታች የዓለም አብያተክርስቲያናት ምክርቤት ስብሰባውን አስመልክቶ በስምንት ነጥቦች ያቀረበው ጥቅል ሪፖርት ከስር ይመልከቱ።

Inter-Orthodox Pre-Assembly Consultation For the 11th Assembly in Karlsruhe, Germany, 2022 “Christ’s love moves the world to reconciliation and unity” 

 1. At the initiative of the World Council of Churches (WCC) and with the gracious hospitality of H.E. Metropolitan Vasilios of Constantia and Ammochostos of the Orthodox Church of Cyprus, delegates of Eastern and Oriental Orthodox churches met at Paralimni, Cyprus, to deliberate upon the theme of the 11th WCC Assembly, ‘Christ’s love moves the world to reconciliation and unity’, in order to provide their theological contribution to the Assembly. The 11th WCC Assembly will be held in Karlsruhe, Germany, from 31 August to 8 September 2022.

2. Since 1983, the WCC has convened an Inter-Orthodox Pre-Assembly Consultation prior to its Assemblies. The purpose of this year’s Consultation in Cyprus was to articulate the Orthodox perspective on the theme and sub-themes of the Assembly, prepare the delegates for their fullest participation, and express their expectations of the upcoming Assembly and life in the WCC and beyond. There were fifty participants, including delegates from twenty Eastern and Oriental Orthodox churches: hierarchs, priests, deacons, professors, lay men and women, and youth, as well as observers and consultants. Keynote speeches by men and women delegates explored the theme and sub-themes from various Orthodox standpoints. The delegates also received information from WCC staff about Assembly procedures.

 3. In Orthodox theology, love is of utmost importance. The One God in Trinity in His divine goodness created the world, and maintain, and protects humanity and all His creation with his love. The supreme act of God’s love is the divine economy of salvation by faith in Jesus Christ. Salvation is understood as the re-creation and restoration of humanity and the whole creation.

4. As Orthodox, we are committed to the goal of Eucharistic unity, which has been the vision of the WCC from its initiation. The call for unity, reconciliation, justice, and peace remains our mission today, as our incarnate Lord invites us to abide in His love by keeping His commandments: “You shall love the Lord your God with all your heart, and with all your soul, and with all your mind…and love your neighbor as yourself” (Matthew 22:37-39). In this mission, we join with all Christians, seeking to promote unity, reconciliation, justice, and peace on the basis of Christ’s message and God’s love for humanity and all creation. We are aware these aspirations will be reached only by putting our trust as living faith in God’s love, which is also the basis of loving one another.

5. The meeting took place in an apostolic land (of apostles Paul, Barnabas, and Mark), giving the participants the opportunity to pray together and immerse themselves in the two millennia-old Christian heritage of the island of Cyprus, and also to be informed about the vivid problems and continuing pain that the Turkish occupation has caused to the local population, an occupation that keeps the island divided.

6. The delegation of the Russian Orthodox Church informed the body about the armed confrontation in Ukraine. The members of the meeting had the chance to discuss about the attitude of the local church to this painful situation and shared their deep concerns for the developments in the region, prayed for peace and expressed their hope that the theme, “Christ’s love moves the world to reconciliation and unity”, chosen for the next Assembly period, will be another input that may lead this bled region as well as other wounded places from wars in the world, to peace and overcome problems of division.

7. The delegates approved a report of the Consultation that will be shared with all Eastern and Oriental Orthodox member churches and offered it as an Orthodox contribution to the 11th Assembly for the wider ecumenical fellowship. This report also includes discussions on anthropology, the ecological crisis, Covid-19, and other topics in the context of the Assembly and the life of the WCC.

8. The participants gave thanks to God, the Father, the Son, and the Holy Spirit, for bringing them together in a spirit of love, reconciliation, and unity, and renewed their commitment and common obedience to follow God’s commandments to love Him, to love one another, and to protect His creation, which is our home.


Monday, May 16, 2022

የክረምቱ ወራት ሳይመጣ በሽብርተኛው ህወሃት እና ሸኔ የተፈናቀሉ ኢትዮጵያውያንን ከበለጠ ፈተና እናድናቸው።

በሽብርተኛው ህወሃት የተፈናቀሉ ኢትዮጵያውያን 
ፎቶ =አል ዐይን
ጉዳያችን / Gudayachn

በሽብርተኛው ህወሃት እና ሸኔ የተፈናቀሉ ኢትዮጵያውያን በመቶ ሺዎች ይቆጠራሉ። ተፈናቃዮቹ እስካሁን ከሕዝብ በሚያገኙት ድጎማ፣በመንግስት እርዳታ እና ከውጭ የተገኘ መጠነኛ ድጋፍ ህይወታቸውን ለመግፋት ሞክረዋል።ሁኔታው በተለይ ለወለዱ እናቶች፣ለሴቶች እና ለህጻናት የበለጠ አስቸጋሪ ሁኔታ ላይ እንዳሉ በተደጋጋሚ ተገልጧል።ወደ ቀደመ ቦታቸው መመለስ ወይንም በጊዜያዊነት ባሉበት መጠለያቸው መስተካከል አለበት።

ዛሬ ግንቦት 8/2014 ዓም በርዕሰ መስተዳድር ማዕረግ የማኅበራዊ ክላስተር አስተባባሪ አቶ ስዩም መኮንን በሰጡት መግለጫ አሸባሪው ህወሓት (የትግራይ ወራሪ ቡድን) በአማራ ክልል በፈጸመው ወረራ በርካታ ሰብዓዊ እና ቁሳዊ ውድመት ማድረሱን ዩንቨርሲዎች፣የክልሉ መንግሥትና የማዕከላዊ ስታስቲክስ ኤጀንሲ ለአምስት ወራት ባጠኑት ጥናት መረጋገጡን ገልጠዋል።

በእዚህም መሰረት በአማራ ክልል ብቻ ከ828 ሺህ ሕዝብ በላይ ላይ ቀጥተኛ ጉዳት መድረሱን እና ከ288 ሚልዮን ብር በላይ የሚገመት ቁሳዊ ውድመት እንደደረሰ ጥናቱ ማሳየቱን አቶ ስዩም መኮንን አብራርተዋል።

ይህ በእንዲህ እንዳለ በአፋርም በተመሳሳይ በሽብርተኛው ህወሃት የእብሪት ወረራ የተፈናቀሉ ወገኖች ቁጥር ከ300 ሺህ በላይ እንደሆነ ከሳምንታት በፊት ክልሉ ማስታወቁን ዲደብሊው ራድዮ መዘገቡ ይታወሳል። በተለይ በአፋር የተፈናቀሉት ተሰደው ለመኖር የተገደዱት ለሰው ልጅ አደገኛ በሚባሉ እንደ አድፌራ የተባሉ ቦታዎች መሆኑ ጉዳዩ አደገኛ ያደርገዋል።

በአማራ ክልል በአሁኑ ጊዜ ተፈናቅለው የሚገኙ ኢትዮጵያውያን በሽብርተኛው ህወሃት ብቻ ሳይሆን የእርሱ ተቀጥላ አሸባሪ ሸኔ ከወለጋ እና የተለያዩ የኦሮምያ ክልል አካባቢዎች የተፈናቀሉ በሺዎች የሚቆጠሩ ኢትዮጵያውያን በደብረብርሃን፣ደብረ ታቦር እና በጎጃም የተለያዩ ቦታዎች በጊዜያዊ መጠለያዎች ይገኛሉ።

ባጠቃላይ ወቅቱ በተለያዩ ቦታዎች ተሰደው እና በሜዳ ካለመጠለያ የወደቁ ኢትዮጵያውያንን የክረምቱ ወራት ከመምጣቱ በፊት ከተቻለ ከመለስተኛ ማቋቋሚያ ጋር ወደ ቦታቸው በፍጥነት የሚመለሱበት ወይንም ባሉበት ጊዜያዊ መጠለያ ቦታ የክረምቱን ወራት የሚቋቋሙበት ጊዜያዊ ዳስ በፍጥነት ሊያገኙ የሚችልበት ሁኔታ ካልተመቻቸ ለባሰ አደጋ ይጋለጣሉ።ለእዚህም ተግባር ህዝብ፣ድርጅቶች እና የሃይማኖት ተቋማት በፍጥነት ሊንቀሳቀሱ ይገባል።ሌላው የፕላስቲክ እና ላስቲክ ኢንዱስትሪዎች በቀላሉ ሊንቀሳቀስ እና ሊተከሉ የሚችሉ ድንኳኖች ባጭር ጊዜ ፈጠራም ማዘጋጀት እና ወደቀያቸው በቅርብ መመለስል ላልቻሉ የሚዳረስበትን መንገድ መፈለግ አለባቸው። መንግስትም ጉዳዩን ትኩረት ሰጥቶ የማስተባበር ስራውን ለክልሎች ብቻ መስጠት ሳይሆን የፌድራል መስርያቤቶች የተግባር ሥራ እንዲሰሩ ማድረግ እና መቆጣጠር ይገባዋል። በመጨረሻም የመገናኛ ብዙኃን ይህንኑ ችግር ለሕዝብ በማድረስ ከክረምቱ በፊት ጉዳዩ አፋጣኝ ትኩረት እንዲያገኝ የማድረግ ሥራ መስራት ይጠበቅባቸዋል።


Wednesday, May 4, 2022

በሺህ የሚቆጠሩ የትግራይ እናቶች ልጆቻቸውን ከሕወሃት ጎን አሰልፈን አንዋጋም በማለታቸው እየታሰሩ መሆኑን ቢቢሲ በዛሬ ዜናው አስታውቋል።

Photo= Mitchellkphotos

Thousands of parents in the Tigray region in Ethiopia are arrested by TPLF for refusing to allow their children to fight against the Federal Government.
BBC Amharic report on May 4,2022 

(Read English translation under Amharic here below)

ቢቢሲ አማርኛ ሚያዝያ 26/2014 ዓም

ከእዚህ በታች ያለው ዘገባ ሙሉው ከቢቢሲ አማርኛ ሚያዝያ 26፣2014 ዓም ከጻፈው ዜና እንዳለ የተወሰደ ነው።

ቢቢሲ ያነጋገረው አንድ የትግራይ ተወላጅ፤ ልጆች ለመዝመት ፍቃደኛ ሳይሆኑ በመቅረታቸው ወላጅ አባቱ እና አጎቱ እንደታሰሩ ገልጿል።ለራሱና ለቤተሰቡ ደኅንነት ሲል ስሙ እንዳይጠቀስ የጠየቀው ወጣት፤ "ቢያንስ ከቤተሰብ አንድ ሰው ውድትርና መላክ አለበት። መዋጣት አለበት የሚል ሕግ አለ" ይላል።

ይህ በአሁኑ ወቅት ከትግራይ ክልል ውጪ የሚገኘው ወጣት፤ "አባቴን ልጅህን አምጣህ አሉት። ማምጣት ስላልቻለ ለአንድ ወር አሰሩት። ከዚያ ደግሞ ወንድሜን እንዲያመጣ ብለው ለቀውት ነበር። አሁን ያለበትን ሁኔታ ባላውቅም ለመጨረሻ ጊዜ በስልክ ሳገኛቸው አባቴን አስረውት ነበር" በማለት ይናገራል።

ይህ ወጣት እንደሚለው አዋቂ የሆነው ወንድሙ በዚህ ጦርነት ተሳታፊ የመሆን ፍላጎት የለውም። "ወንድሜ እኮ ትልቅ ነው። ከፈለገ የአባቴን ፍቃድ ሳይጠይቅ ይሄድ ነበር። የያዙት ግን አባቴን ነው" በማለት ይናገራል።ልጆቻቸውን ወደ ጦር ሜዳ ባለመላካቸው አጎቱም ጨምር ለእስር መዳረጋቸውን ይህ ወጣት ይናገራል። "ከሁለት ወር በፊት አጎቴንም ሴት ልጁን አምጣ ብለው አስረውት ነበር። 18 ዓመት እንኳን አይሆናትም" ይላል።

"የደረሱ ልጆች የሉትም። በቤቱ ውስጥ ከትንንሾቹ መካከል ተለቅ ያለችው እሷ ነች። ስልክ ስለሌለ አሁን ያሉበትን ሁኔታ አላውቅም" ይላል።ይህ ወጣት እንደሚለው ከሆነ በአሁኑ ወቅት አብዛኛው የትግራይ ክፍል እያስተዳደረ ያለው ህወሓት ለመዝመት ፍቃደኛ ያልሆኑ ልጆች ወላጆችን ማሰር ከመጀመሩ በፊት ሰዎችን አስገድዶ ወደ ጦር ሜዳ ይልክ ነበር ይላል።

"ከዚህ በፊት በኃይል አስገድዶ የመወስደ ተግባር ነበር። ይሄ ብዙ አላስኬድ አላቸው። ከዚያ 'ወላጆችን ብንይዝ ይገባሉ [ወደ ትግል]' የሚል አካሄደ መጥቷል። ይሄ በትግራይ በጣም ችግር እየሆነ ነው። እንደ ሕግ ነው የወረደው" በማለት ያብራራል። ከዚህ ወጣት በተጨማሪ በጦርነቱ ለመዋጋት ፍላጎት ስለሌላቸው ወላጆቻቸው እንደተሳሩባቸው ከሚናገሩት መካከል በክልሉ የሚንቀሳቀሰው የተቃዋሚ ፓርቲ አባል የሆኑት አቶ ክብሮም በርሀ ይገኙበታል።

የባይቶና ዓባይ ትግራይ የውጭ ጉዳይ ኃላፊ አቶ ክብሮም በርሀ ታናሽ እህታቸው ለመዝመት ፍላጎት ስለሌላት ወላጅ እናታቸው በህወሓት መታሰራቸውን ለቢቢሲ ገልጸዋል።

"እኛ ቤት ሁሉም ስደት ላይ ናቸው። ከ18 ዓመት በታች የሆነች እህቴ ብቻ አለች [በትግራይ]። እህቴ 'ለምን ትግል አልሄደችም' ብለው ነው እናቴ ያሰሯት" ሲሉ ተናግረዋል።አቶ ክብሮም በርሀ ግን "ትግል መሄድ አለመሄድ የግል ምርጫ ነው፤ ወደ ትግል አልወጣህም ተብሎ ወላጅን ማሰር ግን በዓለም ታይቶ የሚታወቅ ነገር አይደለም" ይላሉ።

"ወላጅ እናቴ እዚጊእምን ተኽለሃይማኖት ትባላለች። በጣም ያሳዝናል። ያልጠበቅኩት ነገር ነው። የእኔ እናት ስለሆነች ሳይሆን የትግራይ ሕዝብ በሙሉ ረሀቡ፣ ችግሩ ሳያንሰው፣ መደፈር ሳያንሰው አሁን ደግሞ የኔ በሚላቸው ካድሬዎች መንገላታቱ ያሳዝናል" ብለዋል።

የባይቶና ዓባይ ትግራይ የውጭ ጉዳይ ኃላፊው የትግራይ ተወላጆች በተለያዩ የአገሪቱ አካባቢዎች ፍትሕ ሳያገኙ መታሰራቸውን አውስተው "አሁንም ይህ በትግራይ ሲደገም ያሳዝናል" ሲሉ ተናግረዋል።አቶ ክብሮም ልጅ አልዘምትም ካለ የታመሙ ወላጆች ሳይቀሩ ለእስር እንደሚዳረጉ የገለጹ ሲሆን ፍርድ ቤት የሚቀርቡበት ሁኔታ ሳይኖር በርካታ ሰዎችም ትምህር ቤቶች ውስጥ ታስረው እንደሚገኙ ይናገራሉ።

ሌላኛው ቢቢሲ ያነጋገረው የትግራይ ክልል ነዋሪ በአሁኑ ወቅት በክልሉ ዘርፈ ብዙ ችግሮች እንዳሉ ገልጾ ከእነዚህም መካከል አንዱ ወላጆች ልጆቻቸውን ለትግል እንዲልኩ መገደዳቸው አንዱ መሆኑን ይገልጻል።ለደኅንነቱ ሲባል ስሙን የማንጠቅሰው የትግራይ ክልል ነዋሪ፤ "ልጆቻችሁን አዋጡ እየተባልን ነው። መስተዳድር የለንም" ሲል ለቢቢሲ ተናግሯል።



Thousands of parents in the Tigray region in Ethiopia are arrested by TPLF for refusing to allow their children to fight against the Federal Government.

BBC Amharic report on May 4,2022


A native Tigray region resident interviewed by the BBC: said his parents and uncle were arrested for refusing to allow children for TPLF. The young man who asked not to be named for the safety of himself and his family; "There is a law that says at least one person in the family must send and safety receive."

According to this young man, his older brother did not want to take part in this war. "My brother is big. If he wanted to, he could go without my father's permission. But they arrested my father," he said.

He says that because he (his father) did not send his children to the battlefield, he and his uncle were imprisoned. "Two months ago, my uncle was arrested and told to bring his daughter. She is not even 18 years old," he said.

"He has no grown-up children. She's the biggest one in the house. I don't know where they are now because there is no telephone."

According to the young man, the TPLF, which currently controls most of Tigray, used to send people to the battlefield before they could arrest the parents of children who refused to march.

"In the past, there was rape. This has a lot to do with it. Then came the 'if we take parents, they will [fight].In addition to the young man, Kibrom Berha, a member of the regional opposition party, said his parents had been arrested for refusing to fight in the war against the Federal Government.

The head of foreign affairs of Baito and Abay Tigray, Kibrom Berha, told the BBC that his younger sister had been arrested by the TPLF for refusing to participate in the civil war.

"Everyone in our house is in exile. There is only my sister under the age of 18 [in Tigray]. My sister was arrested for saying, 'Why didn't she go to war?' The TPLF, for its part, says there have been signs of arresting parents in the past, but now it has stopped. "Such things were signs at the cadre level, but there is no way to arrest parents in this way. "Whether or not to go to war is a personal choice; arresting a parent for not going to war is not uncommon in the world," said Kibrom Berha.

"My mother is still called Tehlehaimanot. It is very sad. It is something I did not expect. It is unfortunate that this is being repeated in Tigray," he said. Kibrom said that even if the child is not a child, sick parents will be arrested and many people will be detained in schools without trial. Another resident of Tigray told the BBC that there are currently many problems in the region, one of which is forcing parents to send their children to fight. An unnamed resident of the Tigray region for security reasons; "We are being told to donate your children. We have no government," he told the BBC.

Source = BBC Amharic May 4,2022

Link = https://www.bbc.com/amharic/news-61316845 


Thursday, April 28, 2022

ድብቅ የፖለቲካ ዓላማ ያላቸው ቡድኖች የየዋህ ክርስቲያኖች እና ሙስሊሞችን የእምነት ስሜት ቆስቁሰው ወደ ግጭት ሊመሩን ሲሞክሩ ልንታለል አይገባም።

ኢትዮጵያውያን ታዳጊ ሙስሊም እና ክርስቲያን አዲስ አበባ ሙዚየም በር ላይ 
Photo = Adam Jones
  • በቅርብ ሳምንታት ውስጥ ወደ ውጭ የፈረጠጠው ''የሸኔ የውስጥ አርበኛ'' ከሽብርተኛው የህወሃት ቡድን ጋር ከፈረጠጠባቸው አንዳንድ የመካከለኛው ምስራቅ ሃገሮች ውስጥ ሆኖ የሰሞኑን በኢትዮጵያውያን ክርስቲያኖች እና ሙስሊም ወገኖቻችን መሃከል ግጭት እንዲፈጠር ሲያስተባብር ነበር።
ጉዳያችን / Gudayachn

በኢትዮጵያ ሃይማኖትን ከሃይማኖት ለማጋጨት ሙከራ ሲደረግ ዛሬ አዲስ አይደለም።ለ27 ዓመታት ህወሃት ኢትዮጵያን ሲመራ ሆን ብሎ የሃይማኖት ግጭቶች እንዲነሱ ሰርቷል። ክርስቲያኖች የጥምቀት በዓል ሊያከብሩ አንድ ቀን ሲቀራቸው ሙስሊሞችን የደገፈ የመሰለ መግለጫ ሲወጣ፣ የሙስሊም ወገኖቻችን ድምጻችን ይሰማ እንቅስቃሴ ሲያደርጉ የሙስሊም መንግስት ይመስረት እያሉ ነው የሚል የሃሰት ወሬ በክርስቲያኖች መሃከል ይዘራ ነበር።ህዝብ ከህዝብ ጋር የሚነጋገርበት የራሱ ልዩ ቋንቋ ስላለው ይህ ሁሉ ከንቱ ሙከራ ሆኖ አልፏል።

ሰሞኑን መንግስት በሸኔ ላይ የጀመረው በድሮን የታገዘ መጠነ ሰፊ ዘመቻ በራሱ በመንግስት ውስጥ ሆነው የሸኔን እና የሸኔ መመታት የህወሃት አንዱ ክንፍ መመታት መሆኑ ያስበረገጋቸው ሁሉ አንድ ዓይነት ግርግር ካልፈጠሩ በቀር የውድቀታቸው መጨረሻ እንደሆነ ገባቸው። በእዚህ ደግሞ ከውጭ ያሉ የባዕዳን አዝማቾቻቸው ጭምር የውስጥ ተላላኪዎቻቸው ላይ የሚወሰደው እርምጃ አስደንግጧቸው ከርሟል።ባዕዳኑ በከፍተኛ ደረጃ ኢትዮጵያን ከማወክ ባለፈ ይበትንልናል ብለው በቅደም ተከተል ያስቀመጡት ቀዳሚው ሽብርተኛው ህወሃት ሲሆን በማስከተል የቤንሻንጉል እና የኦነግ ሸኔ እንቅስቃሴዎች ናቸው። ህወሃት በህዝብ ክንድ ተመትቶ ወደ ጎሬው ሲገባ በሎጀስቲክ እና በምክርም ጭምር ከተረፈው የህወሃት ቡድን ጋር አቀናጅተው ኢትዮጵያን ለማወክ ተስፋ ያደረጉበት ሽኔ ከበርካታ ቦታዎች ሰሞኑን በመከላከያ ሰራዊት እየተመታ ሲጠራረግ አንዳንድ የቡድኑ ደጋፊዎች ወደ ውጭ ሃገር መፈርጠጣቸው የአጋጣሚ ጉዳይ አይደለም።

ይህ በቅርብ ሳምንታት ውስጥ ወደ ውጭ የፈረጠጠው የሸኔ የውስጥ አርበኛ ከሽብርተኛው የህወሃት ቡድን ጋር ከፈረጠጠባቸው አንዳንድ የመካከለኛው ምስራቅ ሃገሮች ውስጥ ሆኖ የሰሞኑን በኢትዮጵያውያን ክርስቲያኖች እና ሙስሊም ወገኖቻችን መሃከል ግጭት እንዲፈጠር ሲያስተባብር ነበር።ለግጭቱ የገንዘብ ድጋፍ የተገኘውም ሆነ በየዋሃን እምነታቸውን በሚያከብሩ ክርስቲያን እና ሙስሊም ወገኖቻችን መሃከል የተደራጁ በወገናቸው ደም የሚነግዱ ተከፋዮች መዋቅራቸውን አንዳንድ የክልል ባለስልጣናት ቢሮ ውስጥ ሁሉ በገንዘብ ኃይል ለመዘርጋት የሞከሩ ሲሆን የሰሞኑ የጎንደርም ሆነ የዛሬው በወራቢ የደረሱት ጥቃቶች የእነኝህ ተከፋዮች ስውር እንቅስቃሴ ውጤቶች ናቸው።በጎንደር ባብዛኛው ሙስሊም ወገኖቻችን ሲጠቁ፣በወራቢ ደግሞ ክርስቲያን ወገኖቻችን ተጠቅተዋል። በሁለቱም ቦታዎች ቤተክርስቲያን እና መስጊድ ላይ ጥቃት ተፈጽሟል። የጥቃቱ አነሳሾችም ሆኑ ጥቃት አድራሾቹ ላይ መንግስት ግልጽ በሆነ መንገድ ለፍርድ ማቅረብ እና ቅጣታቸውም ህዝብ አስተማሪ መሆን ይገባዋል።

በሙስሊም ወገኖቻችን መሃከል ሆነው ክርስቲያኖችን የሚያስቆጡ ድርጊቶች መፈጸም፣ በክርስቲያን ወገኖቻችን መሃከል ሆነው ሙስሊም ወገኖቻችንን የሚያበሰጭ እና የሚያጋጭ ተግባር እንዲፈጸም ማድረግ እና በሚያስገኙት የደም ማስፈሰስ ስፋት እና ጥልቀት እየታየ በልዩ ልዩ መንገዶች የሚከፈላቸው የራሳችን ወገኖች ተልዕኮ የሰሞኑ ክስተት ውጤት ነው። ድርጊቱን ደግሞ የኢትዮጵያ ባላንጣ የሆኑ የቅርብ ሃገሮች በስለላ መዋቅሮቻቸው ከጀርባ የሚደግፉት እና ያገኙትን ቀዳዳዎች ሁሉ በመጠቀም የማባባስ ስራዎች ላይ ተጠምደው ከርመዋል። ተከፋይ አጋጮች መሬት ላይ የሚሰሩት ብቻ ሳይሆን በማኅበራዊ ሚድያ የሚያጣሉ እና አንዳንዶቹ በክርስቲያንም ሆነ በሙስሊም ስም ዩቱበር እና ፌስቡክ ከፍተው ሁለቱም ላይ የሚያጋጩ ጽሑፎች እየለጠፉ ሕዝቡን ለማባላት የሚጥሩ ናቸው። ለእዚህ ነው ባለፉት 24 ሰዓታት ውስጥ ዝም ብለው የነበሩ በክርስቲያንም ሆነ በሙስሊም ወገኖቻችን የሚታወቁ ተከፋይ የሃይማኖቱ አስተማሪ ተብዬዎች ቁስል እየፈለጉ እና ያሉ መለስተኛ አለመግባባቶችን እያሳበጡ ለመቀስቀስ ከየጠፉበት ብቅ እያሉ መሆናቸውን መመልከቱ በቂ ማስረጃ ነው።እነኝህ ተከፋዮች መምሕራን ተብዬዎች በመገናኛ ብዙኃን የተሰሙ መለስተኛ ግጭቶች የሕዝቡን ስሜት እንዲነኩ አድርገው እየጮሁ እና ስሜት እንዲኮረኩር አድርገው በመንገር አንዱ በአንዱ ላይ እንዲነሳ ስልታዊ በሆነ መንገድ ይቀሰቅሳሉ።

የኢትዮጵያ ሕዝብ የተንኮል ዓይነቶቹን መለየት አለበት። መሬት ላይ ያለው እውነታ የጽንፍ አስተሳሰቦች አሉ።ሆኖም ግን ብዙኃኑ ክርስቲያንም ሆነ ሙስሊም ወገናችን በየራሱ ውስጥ ያሉትን የጽንፍ አስተሳሰብ አራማጆች ፈጽሞ አይቀበላቸውም።ይልቁንም ከሁሉም የመንፈሳዊ አገልግሎቶች ከጽንፍ ባለፈ የፖለቲካ አስተሳሰብ አራማጆችን በቻለው አያቀርብም፣ይከላከላል።ሆኖም ግን እነኝህ ተከፋይ አጋጮች ትንሽ የመግቢያ ቀዳዳ የሚያገኙት መለስተኛ ግጭቶች ታይተው የህዝብ ስሜታዊነት በሚያይልበት እና እነርሱም የጥላቻ ቅስቀሳቸውን በሚያቀጣጥሉበት ጊዜ ነው።ባጭሩ ድብቅ የፖለቲካ ዓላማ ያላቸው ቡድኖች የየዋህ ክርስቲያኖች እና ሙስሊሞችን የእምነት ስሜት ቆስቁሰው ወደ ግጭት ለመምራት ሲሞክሩ ልንታለል አይገባም።ከአንደኛው ክ/ዘመን ጀምሮ በኢትዮጵያ የኖረው ክርስትናም ሆነ ከ6ኛው ክ/ዘመን ጀምሮ በኢትዮጵያ ያለው የእስልምና እምነቶች ዛሬ በተከፋይ የፖለቲካ ከሳሪዎች እንደእንግዳ አይተያዩም።እንንቃ!

Tuesday, April 26, 2022

በዩክሬን ግጭት ሳቢያ ዘንድሮ የዓለም ምጣኔ 3.6 በመቶ ብቻ ያድጋል።የኢትዮጵያ ግን ዘንድሮ 3.8 በመቶ ሲያድግ በመጪው ዓመት ደግሞ በ 5.7 በመቶ ያድጋል ሲል አይኤምኤፍ አስታወቀ።

The Ethiopian economy will grow by 3.6% in 2022. By next year it will go up to 5.7% - IMF

በየሁለት ዓመቱ በሚያወጣው የዓለም ኢኮኖሚ ምልከታ ሪፖርት የኢትዮጵያን የአገር ውስጥ ምርት ዕድገት (ጂዲፒ) ትንበያ ሳያካትት ያለፈው የዓለም የገንዘብ ድርጅት (አይኤምኤፍ)፣ በቀጣዮቹ ሁለት ዓመታት የኢትዮጵያ ኢኮኖሚ የሚያንሰራራበት ዕድል መኖሩን አስታወቀ፡፡

አይኤምኤፍ የሩሲያና የዩክሬይን ጦርነት የዓለምን ኢኮኖሚያዊ ማገገም ወደኋላ እንደሚመልሰው ባብራራበት አዲሱ ሪፖርት፣ የኢትዮጵያ ኢኮኖሚ እ.ኤ.አ በ2022 3.8 በመቶ ያድጋል ሲል ተንብዮ፣ በመጪው ዓመት ደግሞ ይህ ቁጥር ወደ 5.7 በመቶ ከፍ ይላል ብሏል፡፡ 

በጥቅምት ወር ይፋ ተድርጎ በነበረው የድርጅቱ ትንበያ ላይ ኢትዮጵያን ጨምሮ አፍጋኒስታን፣ ሊባኖስ፣ ሊቢያና ሶሪያ የተያዘውን የአውሮፓውያን ዓመት ጨምሮ ለቀጣይ አምስት ዓመታት ባለው ጊዜ ውስጥ የሚኖራቸውን አጠቃላይ አገራዊ ምርት ዕድገት መተንበይ አለመቻሉን አስታውቆ ነበር።

ከሰሃራ በታች ያሉ የአፍሪካ አገሮች ኢኮኖሚ በዋናነት የኮሮና ወረርሽኝ በዓለም አቀፍ ደረጃ ከመከሰቱ ጋር ተያይዞ በተፈጠረው የኢኮኖሚ ቀውስ ሳቢያ፣ ከፍተኛ የኢኮኖሚ ዕድገት ማሽቆልቆል እንደሚገጥማቸው መተንበዩ አይዘነጋም፡፡ ኢትዮጵያ በትንበያው ያልተካተተችው በሰሜን ኢትዮጵያ ጦርነት ሳቢያ አገራዊ የምርት ዕድገት ሒደቱን ማመላከት አዳጋች ሆኖ በመገኘቱ እንደሆነ መግለጹ ይታወሳል፡፡

ባለፈው ሳምንት ይፋ በተደረገው ሪፖርት መሰረት በኢትዮጵያ ያለው የዋጋ ንረት እኤአ በ2021 ከነበረበት  26.8% ወደ 34.5% እንደሚያድግ የተተነበየ ሲሆን፣ነገር ግን ይህ አኃዝ እ.ኤ.አ በ2023 ወደ 30.5 በመቶ ዝቅ የማለት ዕድል አለው ተብሏል፡፡

የሩሲያና የዩክሬይን ጦርነት የዓለም ምጣኔ ሀብትንእኤአ 2021 ከነበረው 6.1%  ዕድገት 2022 ወደ 3.6% ሊያወርደው እንደሚችል በሪፖርቱ ተመላክቷል። ይህ ደግሞ ጦርነቱ የውጪ ንግድ እንቅስቃሴዎችን በማስተጓጎል፣ የነዳጅና የምግብ ዋጋ ንረት በማስከተሉ እንደሆነ ሪፖርቱ ያሳያል፡፡

ከሰሃራ በታች የሚገኙት ነዳጅ አቅራቢ አገሮች በአማካይ 3.4 በመቶ እንደሚያድጉ የተተነበየ ሲሆን፣ መካከለኛ ገቢ እንዳለቸው የሚነገርላቸው የአፍሪካ አገሮች ደግሞ በአማካይ 3.3 በመቶ እንደሚያድጉ ይጠበቃል፡፡

ዝቅተኛ ኢኮኖሚ አላቸው የተባሉት አገሮች በአማካይ ሊያድጉ ይችላሉ የተባለበት አኃዝ 4.8 በመቶ ሲሆን፣ ከእነዚህ ውስጥ ዴሞክራቲክ ሪፐብሊክ ኮንጎ 6.4 በመቶ፣ ኬንያ 5.7 በመቶ፣ ቡርኪናፋሶ፣ ታንዛኒያና ኡጋንዳ እንደ ቅደም ተከተላቸው ከ4.7 አስከ 4.9 በመቶ የሚመዘገብ ዕድገት እንደሚስመዘግቡ ሲጠበቅ፣ ኢትዮጵያ ደግሞ 3.8 በመቶ እንደምታድግ በሪፖርቱ ተገልጿል፡፡

የኢትዮጵያ ዕድገት የዝቅተኛ ገቢ አላቸው ተብሎ ከተቀመጡት የአፍሪካ አገሮች ዝቅ ብሎ ቢገኝም፣ የነዳጅ ላኪ አገሮች ዝርዝር ውስጥ ከሚገኙት ናይጄሪያ፣ አንጎላና ጋቦን፣ እንዲሁም መካከለኛ ገቢ ካላቸው እንደ ደቡብ አፍሪካና ዛምቢያ ከመሳሰሉ አገሮች ብልጫ እንዳለው የአይኤምኤፍ ሪፖርት ትንበያ ያሳያል፡፡

የተራዘመ ጦርነት፣ ድርቅና ሰፊ የፀጥታ ችግር ውስጥ እንደምትገኝ በሚገለጸው ኢትዮጵያ ትንበያው ተስፋ የሚያሰንቅ ቢሆንም፣ አገሪቱ ብዙ ሥራዎች ማከናወን እንደሚገባት አመላካች እንደሆነ ሪፖርቱን የተመለከቱ የኢኮኖሚ ባለሙያዎች አስታውቀዋል፡፡

የኢኮኖሚ ባለሙያው አቶ ዋሲሁን በላይ በሪፖርቱ ላይ ባቀረቡት አጭር ጽሑፍ እንዳመለከቱት፣ዓለም በኮሮና ወረርሽኝ ምክንያት ተዳክሞ የነበረውን ኢኮኖሚ እንዲያገግም የማድረግ ደረጃ ላይ ደርሶ ነበር፡፡ነገር ግን የሩስያና የዩክሬይን ጦርነት ነገሮችን ለውጦታል ብለዋል፡፡

አይኤምኤፍ ለኢትዮጵያ የዕድገት ትንበያ የሠራው የተጀመሩ ሥራዎችን፣ እንዲሁም ሪፖርቶችን መሠረት አደርጎ ነው የሚለውን ከግንዛቤ እንደወሰደ ይታመናል ያሉት የኢኮኖሚ ባለሙያው፣ በተጨማሪም በአገሪቱ ውስጥ የግብርና ምርታማነት እንደሚያድግ፣ የውጪ ንግድ አማራጮች እንደሚሰፉ፣ ለዓለም ገበያ ክፍት መሆን  የጀመሩት ሥራዎችና የህዳሴ ግድብ የኃይል ምንጭ ጅማሮ ከግምት ውስጥ የገቡ ጉዳዮች ይሆናሉ የሚል እምነት እንዳለቸው አቶ ዋሲሁን ጠቁመዋል፡፡

የዜናው ምንጭ ሪፖርተር ጋዜጣ ሚያዝያ 24፣2022 ዓም እኤአ ዕትም ነው።



Tuesday, April 19, 2022

ኦነግ ሸኔ ከኦሮምያ ክልል በቶሎ ካልተወገደ ፋኖ መላው የአማራ ክልልን ሊቆጣጠር ይችላል።ሸኔ በኦሮምያ ፋኖ በአማራ ተሰማርተው ኢትዮጵያ የጦር አበጋዞች አገር እንዳያደርጓት ጥንቃቄ ያስፈልጋል።

ፋኖ፣ፋኖን ከ50 ዓመታት በፊት ያዜመው ድምጻዊ  ካሣ ተሰማ 
  • አሁን ያለንበት ከስጋቱ ሁሉ በጣም ጧት ላይ ነን።ሆኖም ግን አስፈላጊው ስራ በመንግስትም ሆነ በህዝብ በትብብር ካልተሰራ ቀትርም ምሽትም ይመጣል።
ጉዳያችን / Gudayachn
አገር ከብሔራዊ የጦር ኃይሏ ውጭ ምንም ዓይነት አደረጃጀት ቢኖረው ሌላ በሺህ የሚቆጠር የጦር ኃይል እንዲንቀሳቀስ የማንም አገር ሕግ አይፈቅድም።የማንኛውም መንግስት አንዱና ዋናው ግዴታውም ሰላም እና ጸጥታ ማስከበር ነው።ጸጥታን ማስከበር ድህነት በተስፋፋበት፣የምጣኔ ሃብቱ በተጎሳቆለበት ሁኔታ በራሱ ከባድ ፈተና አለበት።ምክንያቱም በቀላል የጥቅማጥቅም ድለላ ወጣቶችን በቀላሉ ወደ ጥፋት መንገድ መምራት የሚችል ከባቢያዊ ሁኔታ ይፈጥራል።ኢትዮጵያ ደግሞ በአሁኑ ጊዜ ከግማሽ በላይ የሚሆነው ሕዝቧ ወጣት ነው።ይህ ኃይል ደግሞ ከሥራ ማጣት ችግሩ ጋር ተዳምሮ ብቸኛ የሥራ መስክ ጠብመንጃ አንግቦ መንቀሳቀስ እንዳይሆን ያሰጋል።

ኦነግ ሸኔ መንግስት ባለበት ሃገር አንድ ጊዜ ከሱማሌ አዋሳኝ መንደሮች፣ካለፈው እሁድ ጀምሮ ደግሞ በሸዋ ሮቢት ዙርያ ጥቃት ከፍቷል። እዚህ ላይ የሰሜን ሸዋ የመንግስት ተጠሪዎች በተለይ በሸዋ ሮቢት ዙርያ ዳግም የተከፈተው ጥቃት በግለሰቦች ግጭት የተነሳ እንደነበር ቢገልጹም ሁኔታው ግን እንደዛ እንዳልሆነ ለማወቅ ብዙም ምርምር አይጠይቅም።የኢትዮጵያ ከተሞች በኦነግ ሸኔ በተፈናቀሉ ስዱዳን እየተጣበቡ ነው። ደብረብርሃን ለእዚህ ጥሩ ምሳሌ ነች። ደብረብርሃን በኦነግ ሸኔ በሰሜን ሸዋ ባደረሳቸው ጥቃቶች ብቻ ሳይሆን በወለጋ ባደረሰው ጥቃትም የተፈናቀሉ ደብረ ብርሃን ከተማ ከትመዋል። 

የኦነግ ሸኔ በቶሎ አለመጥፋት አሁን ባሉት አነስተኛ ከተሞች የሚደረግ ጥቃት ብቻ አይሆንም መዘዙ። በቀጥታ ወደ የለየለት የከተማ የሽብር ቡድን እራሱን አያደራጅም ማለት አይቻልም።ለእዚህ ደግሞ ዋና ምክንያቱ የሸኔ የገንዘብ፣የስንቅ እና ትጥቅ ምንጭ በስልጣን ላይ ያሉ የኦሮምያ ክልል ባለስልጣናት እና የጸጥታ ጉዳይ ኃላፊዎች ጭምር መሆኑ ነው። መንግስት ባሉት የጸጥታ መዋቅሩ በሚገባ የሕዝቡን የጸጥታ እና ደህንነት በሚገባ ካላስጠበቀ ሕዝብ ከውስጡ የወጡትን ፋኖ እንዲጠብቀው እና ኢመደበኛ በሆነ መልክ ሁሌም እንዲኖር ይፈልጋል።በእዚህ መሃል ደግሞ በቅንነት የቆመው የፋኖ አባል  ቀድሞ ባላሰበው መንገድ ሊገፋ ይችላል።

ጉዳዩ አደገኛ ነው። ፋኖ በተለይ በኢትዮጵያ ከጥንት ጀምሮ ያለው ታሪካዊ ዳራ እና በታሪክም ለኢትዮጵያ ነጻነት የፋሺሽት ጣልያንን ከኢትዮጵያ ማስወጣት ጀምሮ የተጻፈ ታሪክ አለው።በስሙ ሲዘፈንለት፣ግጥም ሲገጠምለት እና የራሱ ሕዝባዊ ቅርጽ ያለው ታሪክ አለው። በቅርቡ ከህወሃት ጋር በተደረገው ጦርነትም የአማራ ክልልን ከኢትዮጵያ መከላከያ ጋር በአንድነት አኩሪ ታሪክ ሰርቷል። ይህ በራሱ የጠለቀ ማኅበራዊ መሰረት እንዳለው በቀላሉ መረዳት ይቻላል።

በሌላ በኩል ኦነግ ሸኔ የኦነግ ጽንሰሃሳብ ውሉደ ውሉድ ወይንም ውላጅ ነው።ጽንሰ ሃሳቡ የጠራ የፖለቲካ ግብ አይኑረው እንጂ ጧት ማታ የሚያዜመው አማራውን፣ነፍጠኛውን ማጥፋት እና የኦሮምያ መንግስት መመስረት የሚሉት ሃሳቦች የት እንደሚያደርሱ ሳያውቅ የሚናውዝ እሳቤ ባለቤት ነው። የመናወዙ ዲግሪ ለመረዳት የኦሮምያ ክልልን ያሏትን የኢንዱስትሪ ፕሮጀክቶች ሳይቀር የሚያወድመው ይሄው የኦነግ ውላጅ የሆነ ሃሳብ የተሸከመው ሸኔ ነው። 

ሸኔ በቀጥታ ፋሺዝም ነው። ፋኖ የቀደመ ታሪኩም ሆነ አሁን ያለበት ደረጃ ሕዝብ ተከላካይ ነው። ፋኖ በቀድሞ ታሪኩ ሂደቱ ግልጽ ነው። ይሄውም ጦርነት ሲመጣ ሴት ወንድ ሳይል ይዘምታል፣የሃገር ሰላም አስተካክሎ ተመልሶ ገበሬው ወደ ግብርና ሰራተኛው ወደ ስራው ይመለሳል።አበቃ! አሁን ባለንበት ጊዜ ሽብርተኛው ህወሃት ገና ከትግራይ ህዝብም ጫንቃ ላይ ገና አልተነቀለም፣ኦነግ ሸኔም በዘር ላይ በተመሰረተ የጥላቻ ወረራ ገና አልቆመም።ስለሆነም ፋኖ የቤቱ እና የልጆቹ ጉዳይ ካላስገደደው በግንባር ጥቂት ጊዜ መቆየቱ ጉዳት የለውም። ይህም ግን ያለው ውስጣዊ አመራር ወደ ሌላ አደገኛ መንገድ እንዳይመሩት ጥንቃቄ አያስፈልገውም ማለት አይደለም።ምክንያቱም የአገር ቀዳሚ መርሁ አንድ መከላከያ ሰራዊት ነውና።

በእዚህ ሁሉ መሃል ኦነግ ሸኔ ካልጠፋ ግን ፋኖ ወደ ቤቱ የመመለስ እድሉ ላይኖር ይችላል ብቻ ሳይሆን በሂደት የአማራ ክልልን በሙሉ የመቆጣጠር ሁኔታዎች አይፈጠርም ማለት አይቻልም።ለእዚህ ደግሞ ዋናው መሰረታዊ አመላካች ጉዳይ ህዝብ ከመደበኛ ሰራዊቱ ባላነሰ ባንዳንድ ቦታዎች ፋኖ በበለጠ ሁኔታ ይጠብቀኛል የሚል ሕዝብ እየተፈጠረ መሆኑ ነው። በእዚህ አስተሳሰብ ደግሞ በህዝቡ ላይ ልንፈርድበት ምንም ዓይነት ሞራላዊ ሁኔታ አይኖርም።ምክያቱም መንግስት የሰላም እና የጸጥታ መጠበቅ ስራውን በሚገባ መወጣቱን ማሳየት ብቸኛው አማራጭ ነውና።

ለማጠቃለል ኦነግ ሸኔ ከኦሮምያ ክልል በቶሎ ካልተወገደ ፋኖ መላው የአማራ ክልልን ሊቆጣጠር ይችላል።ሸኔ በኦሮምያ ፋኖ በአማራ ተሰማርተው ኢትዮጵያ የጦር አበጋዞች አገር እንዳትሆን ያሰጋል።አሁን ያለንበት ከስጋቱ ሁሉ በጣም ጧት ላይ ነን።ሆኖም ግን አስፈላጊው ስራ በመንግስትም ሆነ በህዝብ በትብብር ካልተሰራ ቀትርም ምሽትም ይመጣል።ለእዚህ ሁሉ መፍትሄው ችግሮቻችንን በሚገባ መረዳት ነው። የኦነግ ሸኔ አረመኔያዊ ተግባርን ከአማራ ክልል እና ከሱማሌ ክልል ባልተናነሰ በኦሮምያ ክልልም ይታወቃል። ይህ ሁኔታ ግን ወደፊት እንዳለ ላይቀጥል ይችላል። ለምሳሌ ኦነግ ሸኔ ፋታ ተሰጥቶት ከኖረ ፋኖ አገንግኖ ወጥቶ ከሸኔ የመከላከል ብቸኛ አውራ ሆኖ ለመውጣት ታሪክ በራሱ ይገፋዋል። ይህ ደግሞ ከላይ በርዕሱ እንደተገለጸው ኢትዮጵያ የጦር አበጋዞች አገር እንዳትሆን ያሰጋል።ለእዚህም ዛሬ የሚሰራው አገራዊ የጋራ ስራ ወሳኝ ነው። በእዚህ ስራ ደግሞ መተማመን የሚፈጥር አሰራሮች መንግስት በሁሉም መስክ ማስፈን፣ኦነግ ሸኔ ላይ የሚደረገው ዘመቻ ተጠናክሮ መቀጠሉ ፋይዳው ብዙ ነው።

Monday, April 18, 2022

በአማራ ክልል የጽንፍ እንቅስቃሴ? በአማራ ክልል ታዳጊዎችን ለጽንፍ ተግባር ለማሰማራት ስልጠና ተጀምሯል።ኦፌኮ ከሸኔ የጸዳ አይደለም የሚሉ ድምጾች ተበራክተዋል።ሽብርተኛው ህወሓት ሱዳን ውስጥ ስደተኛ ህጻናትን ለመመልመል እየተንቀሳቀሰ ነው።

በአማራ ክልል ታዳጊዎችን ለጽንፍ ተግባር የሚመለምሉ አሉ።

ጉዳያችን / Gudayachn

ጽንፈኝነት ዘር የለውም። የእገሌ ጎሳ ሲሰራው ስህተት እና ወንጀል፣የእንቶኔ ጎሳ ሲሰራው ትክክል ሊሆን አይችልም። ነጩን ነጭ፣ጥቁሩን ጥቁር ብሎ ኢትዮጵያዊነት ከሁሉም አቅጣጫ ገንኖ እንዲወጣ ማድረግ በምንም ዓይነት ድርድር ውስጥ የሚገባ ጉዳይ አይደለም።ኢትዮጵያ ዘመናትን ተሻግራ ዛሬ ላይ የደረሰችው በጎሳቸው እያሰሉ ፍትሕ የማይሰጡ እውነተኛ መሪዎች ስለነበሯት ነበር። ህዝብን ወደ እልቂት የሚመራ ማናቸውም ዓይነት ተግባር ከየትኛውም ጎሳ ቢመጣ ኢትዮጵያን የሚል በሙሉ ሊቃወመው የሚገባ ነው።

ይህ በእንዲህ እያለ በአማራ ክልል ዕድሜያቸው ከ15 እስከ 19 ዓመት የሆናቸው ታዳጊዎችን በተለያዩ ሰዋራ ቦታዎች ወታደራዊ ስልጠና እንዲያገኙ እየተደረገ መሆኑን መረጃዎች ወጥተዋል።ስልጠና እንዲሰጡ የሚያደርጉት ደግሞ የጽንፈኝነት እንቅስቃሴ ለማራመድ ዕቅድ በያዙ አካላት መሆኑን መረጃው ያሳያል። እነዚህ በታዳጊዎች ህይወት ቁማር ለመጫወት የቆረጡ ሰዎች በተጠቀሰው የእድሜ ክልል ብቻ የሚገኙ  የአማራ ተተኪ ትውልዶች እንዲመለምሉና ጫካ ገብተው የትጥቅ ትግል እንዲጀምሩ በወሰኑት መሰረት በርካቶች እንደ እሳት እራት በከንቱ መስዋዕት ለመሆን እየተዘጋጁ ይገኛሉ፡፡ ይህ የአማራ ክልል ወደ እርስ በርስ ግጭት እንዲገባ ብቻ ሳይሆን ክልሉ ለኢትዮጵያ ካለው ጉልህ ሚና አንጻር የእዚህ ዓይነት የጽንፍ እንቅስቃሴዎች ለኢትዮጵያ ትልቅ አደጋ አለው።

የኢትዮጵያ የቅርብም ሆኑ የሩቅ ጠላቶቿ በአሁኑ ጊዜ ትልቁ ፍላጎታቸው በኢትዮጵያ የእርስበርስ ጦርነት እንዲነሳ በቻሉት መንገድ በተለያየ መንገድ ያኮረፉ ግለሰቦች በገንዘብ በመደገፍ ወደ ጽንፍ እንቅስቃሴ እንዲገቡ ማድረግ ነው። የሚገርመው ታዳጊዎችን የመመልመሉ ተግባር ከአልሸባብ ጭምር መማር አለብን የሚል አቋም ማንጸባረቁ አስገራሚው ጉዳይ ነው።በእዚህ እኩይ ተግባር የተሰማሩ ነገ ክልሉን ማባርያ ወደ የሌለው እልቂት ከትተው ሕዝቡን ወደ የማይወጣው ማጥ ውስጥ ብቻ የሚከቱ ሳይሆኑ እርስ በርሱ ተከባሮ የሚኖረውን ኢትዮጵያዊ ወደ የባሰ ግጭት ከትተው መጪውን የኢትዮጵያውያንን ሕይወት የሚያጨልም አደገኛ አካሄድ በመሆኑ ከወዲሁ ህዝብ አውቆ ነቅቶ እና ተግቶ መቀመጥ አለበት።

ይህ በእንዲህ እያለ የትግራይ ወጣቶችን ያስጨረሰው ሽብርተኛው ህወሃት የትግራይ እናቶች ልጆቻችን የት አሉ? ብለው ሲጠይቁ ''የትግራይ ወጣቶችን ቆጥሮ ያስረከበኝ የለም '' የሚል የትዕቢት መልስ ከሰጠ በኋላ የትግራይ እናቶች በቤታቸው በድብቅ ከማልቀስ ሌላ አማራጭ አላገኙም።በኢትዮጵያ ያለውን የትግራይ ወጣት ያስጨረሰው ሽብርተኛው ሕወሃት ወደ ሱዳን ዘልቆ ታዳጊዎችን መመልመል ሥራ ላይ ተጠምዶ ሰንብቷል።ይህ በእንዲህ እያለ ግን በህወሓት ውስጥ የሁለቱ ቡድን ማለትም ድርድር እናድርግ የሚለው እና ጦርነቱን እያረዘምን እንዋጋ በሚሉት ቡድኖች መሃከል ውጥረቱ ከሯል።ጦርነቱን እንቀጥል የሚሉት የቡድኑ ወታደራዊና ፖለቲካዊ አመራሮች የሱዳኑን እንቅስቃሴ በዋናነት እንደሚመሩት  የሚነገር ሲሆን፤ ድርደር ይሻለናል የሚለው ጎራ የእነዚህን እንቅስቃሴ በጥርጣሬ ከማየት ባሻገር ውስጣዊ  ሽኩቻውን ከፍ እንዳደረገው በስፋት እየተሰራጨ ነው፡፡

በእነዚህ ሃይሎች የሚዘወረው ሱዳንን ማዕከል በማድረግ እየተንቀሳቀሰ የሚገኘው የህወሓት ሽብር ቡድን በተደጋጋሚ በአልፋሽጋ በኩል ወደ ኢትዮጵያ ግዛት ለመግባት ሙከራ አድርጓል፡፡ በድንበር አካባቢ ሰርጎ ለመግባት በሚደረገው ሙከራ በርካታ የትግራይ ወጣቶችን ህይወት እንደዋዛ እየቀጨ የአካል ጉዳተኛ እያደረገ ከንቱ ምኞት ሆኖ ቢቀርም፤ ቡድኑ ለትውሉዱ ደንታ ቢስ መሆኑን በሚያሳይ መልኩ ትንኮሳውን ቀጥሏል፡፡ መረጃዎች እንደሚያመለክቱት በመጋቢት ወር 2014 ዓ.ም መጨረሻ በአልፋሽጋ አካባቢ ሲንቀሳቀሱ ከነበሩ የቡድኑ ታጣቂዎች ውስጥ በርካቶች በኢትዮጵያ የፀጥታ አካላት በወተሰደ እርምጃ ተገድለዋል፡፡ ብዛታቸው ያልታወቀ የቡድኑ ታጣቂዎች ቆስለው በሱዳን ጦር ወታደራዊ ካምፕ ህክምና እየተደረገላቸው ይገኛል። 

ቡድኑ በሱዳን የሚገኘውን የህወሃት ክንፍ ለማጠናከር የተለያዩ ስራዎች እያከናወነ መሆኑንም ምንጮች ይገልጻሉ፡፡ በዚህ መሰረት የሰው ሃይል ከመመልመል አንፃር ዶክተር መኮነን፣ ብ/ጄኔራል ግደይ ሃይሉ (ወዲ ፊውዳል)፣ ኮሎኔል ዕኮት፣ ኮሎኔል ሃይለ፣ ኮሎኔል ወዲ አማረ የተባሉ እና በየደረጃው የሚገኙ የቡድኑ ወታደራዊና ፖለቲካዊ አመራሮች በተለያዩ የስደተኛ መጠለያ ካምፖች በመዘዋወር የትግራይ ተወላጆችና ታጣቂዎችን ለመቀስቀስ ኮሚቴ በማዋቀር እየተንቀሳቀሱ ይገኛሉ። 

በዚህ መሰረት የሰው ሃይል ከመመልመል አንፃር ዶክተር መኮነን፣ ብ/ጄኔራል ግደይ ሃይሉ (ወዲ ፊውዳል)፣ ኮሎኔል ዕኮት፣ ኮሎኔል ሃይለ፣ ኮሎኔል ወዲ አማረ የተባሉ እና በየደረጃው የሚገኙ የቡድኑ ወታደራዊና ፖለቲካዊ አመራሮች በተለያዩ የስደተኛ መጠለያ ካምፖች በመዘዋወር የትግራይ ተወላጆችና ታጣቂዎችን ለመቀስቀስ ኮሚቴ በማዋቀር እየተንቀሳቀሱ ይገኛሉ። የምልመላ ስራውን ለማሳካትም በጄኔራል ወዲ ፊውዳል የሚመራ ኮሚቴ ገዳሪፍ በሚገኘው የስደተኛ መጠለያ ካምፕ የሚገኙ ወጣቶችን ለመመልመል እንደተሰማራ ተጠቁሟል። በተመሳሳይ ኮሎኔል አጽረጋ እና ዶክተር መኮነን በተባሉ ግሰለቦች የሚመራ ኮሚቴ በካርቱምና አካባቢው የሚገኙ የትግራይ ተወላጆች ቡድኑን በመቀላቀል ወደ ስልጠና እንዲገቡ የመመልመል ስራዎችን እየሰሩ ነው። ሱዳንን ማዕከል በማድረግ እየተንቀሳቀሰ የሚገኘው የህወሓት ሽብር ቡድን የሰው ሃይል አቅሙን ለማጠናከር የሚያደርገውን የቅስቀሳና ታጣቂዎችን የመመልመል ስራ አጠናክሮ ከመቀጠሉ ባሻገር ወታደራዊ ስልጠና እየሰጠ መሆኑ ታውቋል።አሸባሪው ቡድን በዚህ መልኩ የትግራይ ወጣቶችን ከመቀሌ እስከ ሱዳን እግር በግር እየተከታተለ መከራቸውን ለማራዘም እየሰራ ሲሆን፤ ይህ የማያባራ ሰቆቃ የሚጋብዝ እኩይ ሴራ አንድ ቦታ ሊቆም ይገባል፡፡ ቡድኑ በቃህ ሊባል ይገባል፡፡

በሌላ በኩል የኦሮሞ ፌድራሊስት ኮንግረስ (ኦፌኮ) ከሸኔ የጸዳ ነው ወይ? የሚለው ጥያቄ በህዝቡ መሃከል እየተወራ ነው። ለእዚህ መነሻነት በርካታ ጉዳዮች እየቀረቡ ነው።ከእዚህ ውስጥ አንዱ ድርጅቱ በቅርቡ ባደረገው ጠቅላላ ጉባዔ የአቋም መግለጫ ላይም ሆነ በኋላ ያወጣው መግለጫ ላይ አንድም ቦታ ሸኔ ያላወገዘ ብቻ ሳይሆን ከፓርቲው ጋር ቁርኝት ያላቸው አባላቱ በማኅበራዊ ሚድያ ሳይቀር ሽኔን ሲያሞካሹ ታይተዋል። ኦፌኮ ሸኔን በተመለከተ አለማውገዙ ብቻ ሳይሆን መንግስት እንዲደራደር የሚያግባባ መግለጫ ከማውጣቱ በላይ አመራሮቹ የሚሰጧቸው የተለያዩ መግለጫዎች የሚያሳዩት ይህንኑ መሆኑን መገንዘብ ይቻላል።

ባጠቃላይ የጽንፍ እንቅስቃሴዎች በአዲስ መልክ በአማራ ክልል፣በመሃል ሃገር በኦሮምያ ብልጽግና ውስጥ ሲንቀሳቀስ የነበረው ሸኔ አሁን በኦፌኮ ውስጥ አለ ተብሏል።በሌላ በኩል ሽብርተኛው ህወሓት ውስጡ እንደገና ከመከፋፈሉ በላይ ወደ ሱዳን ተሻግሮ ለአቅመ አዳም እና ሔዋን ያልደረሱ ልጆች እየመለመለ ነው። ይህ ሁሉ እንቅስቃሴ ኢትዮጵያን ወደ እርስ በርስ ጦርነት ለመክተት የሚደረግ የሃገር ውስጥም ሆነ የባዕዳን ሴራ ሁሉ ውጤት እንደሆነ ለማወቅ ሊቅነት አይጠይቅም። ኢትዮጵያውያን ጸንተው በመቆም ኢትዮጵያን ወደ የትኛውም የጽንፍ እንቅስቃሴ የሚገፉ ኃይሎች ከየትኛውም ክልል ቢነሱ ህዝብ እንደ ህዝብ ሊቃወመው ይገባል።ይህ የአሁኑ ትውልድን ማዳን ብቻ ሳይሆን መጪውን ትውልድም የማዳን ስራ ነው።

Sunday, April 17, 2022

በኖርዌይ ኡስታዝ አቡበክር አሕመድ በተገኙበት ከኢድ እስከ ኢድ ጉዞ ወደ ሃገርቤት መርሃግብር ዙርያ ውይይት ተደረገ።አስተባባሪ ኮሚቴ ተዋቅሯል።ኢትዮጵያውያን የተጎዱትን ወገኖቻችንን ለመደገፍ በጉዞው እንዲሳተፉ ጥሪ ቀርቧል።


ጉዳያችን ዜና/Gudayachn News


የአገር ቤት ጉዞ ሁለተኛ ክፍል የሆነው ከኢድ እስከ ኢድ ወደ ሃገር ቤት ጥሪ ከተደረገ በኋላ ዝግጅቱ መጠናቀቁ ከሰሞኑ ተሰምቷል።ይህንን ተከትሎም መርሃግብሩ ወጥቷል። በእዚህ መሰረት ዛሬ ሚያዝያ 9/2014 ዓም የኢትዮጵያ ማኅበረሰብ (ኮሚኒቲ) በኖርዌይ ከኢድ እስከ ኢድ ወደ ሃገር ቤት ጉዞ ላይ ማብራርያ እንዲሰጡ ኡስታዝ አቡበክር አሕመድን በዙም ጋብዞ ከኢትዮጵያውያን ጋር ውይይት አድርጎ ነበር።

ኡስታዝ አቡበከር አሕመድ

በእዚህ መሰረት ኡስታዝ አቡበክር አሕመድ በማብራርያቸው ላይ ዝግጅቱ ትኩረት የተሰጠው እና ዝግጅቶችም እየተደረጉ መሆናቸውን አብራርተው፣ጥሪው ግን ለሁሉም ኢትዮጵያዊ የሚያጠቃልል መሆኑን ገልጸዋል።በተጨማሪም እስልምና ወደ ኢትዮጵያ ከመጣ ጀምሮ ከሌሎች ወገኖቹ ጋር በሰላም የኖረበት ሁኔታ ላይ አጽንዖት በመስጠት ከሌሎች አጎራባች ሃገሮች ጋር አነጻጽረው ገለጻ አድርገዋል።በተጨማሪም ኢትዮጵያ በእስልማን ውስጥ ያላት ከፍተኛ ቦታ እና ስደተኞችንም በመቀበል ደረጃ ቀዳሚ ሃገር መሆንዋን አብራርተው በአሁኑ ጊዜ በሳውዲ የሚኖሩ ወገኖቻችን ላይ እየደረሰ ስላለው ፈተናም ድምጻችንን ማሰማት እንደሚገባ ገልጸዋል።

በመጨረሻም ከኖርዌይ ከኢድ እስከ ኢድ ወደ ሃገር ቤት ጥሪ የሚሄዱም ሆኑ በሃሳብ እና በተለያዩ መንገዶች የራሳቸውን ድርሻ ለመወጣት የሚፈልጉ ኢትዮጵያውያንን ለማስተባበር የኢትዮጵያ ኮሚኒቲ በኖርዌይ የስራ አስፈፃሚ አባላትን ያካተተ ጊዜያዊ ኮሚቴ ያቋቋመ ሲሆን በኖርዌይ የሚገኙ የሙስሊምን አደረጃጀቶችን እንዲያካትት ሃሳብ ተሰጥቶ ስብሰባው ተፈጽሟል።በጉዞ የማስተባበር ሥራ የተመረጡ ከኢትዮጵያ ኮሚኒቲ በኖርዌይ ስራ አስፈፃሚ አባላት ውስጥ ወ/ሮ አስማ እና ወ/ሮ ለይላ ሲመረጡ፣ ከእነርሱ ጋር በተጨማሪ አብረው የሚሰሩ ወ/ሮ ኢትዮጵያ እና ወ/ሮ ሮዛ ተመርጠዋል።

ከእዚህ በታች ከኢድ እስከ ኢድ ወደ ሃገር ቤት ጥሪ መርሃግብር ያገኛሉ።

የሰንጠረዥ ምንጭ  = አዲስ ማለዳ ሚያዝያ 12/2014 ዓም


Friday, April 15, 2022

የኢትዮጵያን ወቅታዊ ችግሮች ጠቅላይ ሚኒስትር ዐቢይ የፈጠሯቸው ችግሮች አይደሉም።

ጠቅላይ ሚኒስትር ዐቢይ አሕመድ ሰሜን ሸዋ ጉብኝት ላይ 
ሚያዝያ 7/2014 ዓም

ጉዳያችን / Gudayachn

ከችግር የፀዳ አገር የለም።የችግር ዓይነቱ መለያየቱ እርግጥ ነው። የኢትዮጵያ ወቅታዊውም ሆነ የከረሙት ፖለቲካዊ፣ምጣኔሃብታዊ እና ማኅበራዊ ችግሮች ስረ መሰረታቸው ከኋላ የሚጀምር እንጂ ጠቅላይ ሚኒስትር ዐቢይ የፈጠሩት በሚመስል መልክ አንዳንድ ዩቱበሮችም ሆኑ ግለሰቦች ለህዝብ እንደሚያስተላልፉት የተሳሳተ መረጃ አይደለም። ችግሮቻችንን መረዳት እና የሚፈቱበት መንገድ ላይ ከመምከር ይልቅ በመንጋ አስተሳሰብ በመዋጥ ብቻ ማኅበራዊ ሚድያ ላይ በጠቅላይ ሚኒስትሩ ላይ በተልዕኮ የማጥላላት ዘመቻ ከከፈቱ የአገር ውስጥ እና የባዕዳን የኢትዮጵያ ጠላቶች የሚወረወርላቸውን መርዘኛ ቃላት በማወቅም ካለማወቅ ወደ ውስጣቸው እያስገቡ መልሰው የወሬያቸው ማሟሻ ሲያደርጉ መመልከት አሳዛኝ ነው።

ጠቅላይ ሚኒስትር ዐቢይ ወደ ስልጣን ሲመጡ የጠበቀቻቸው ኢትዮጵያ በጎሳ ላይ የተመሰረተ ህገመንግስት ብቻ ሳይሆን ታች ወረዳ ድረስ በጥላቻ የጎሳ ፖለቲካ የተወታተበ አሰራር እና አመራር ብቻ ሳይሆን የጸጥታ አስጠባቂም ጭምር ነው። አንዳንዶች ይህንን አሰራር እና አመራር ለምን አልቀየሩትም? የሚል ጥያቄ ይጠይቃሉ። ይህ ጥያቄ ተገቢ ጥያቄ ነው።ነገር ግን ጥያቄው የለውጡን አካሄድ ካለመረዳት የሚመነጭ ችግር ነው።ይህ ለውጥ በኢትዮጵያ በ1966 ዓም እና የ1983 ዓም ለውጥ የሚለይበት በተለይ የጸጥታ አጠባበቅ ታች በወረዳ ደረጃ የተለየ ባህሪ አለው። 

በ1966 ዓም የንጉሱ ሥርዓት በወታደራዊ መንግስት ከተቀየረ በኋላ ከመደበኛ ወታደሩ ውጭ ያለው ታች ያለውን የቀበሌ እና የወረዳ የጸጥታ አጠባበቅ በአብዮት ጠባቂ እና የገበሬ ማኅበር ታጣቂዎች የጸጥታ የማስጠበቅ ኃላፊነቱን ወሰዱ። ወቅቱ በፖለቲካ የስልጣን ግጭት ከፍተኛ የደም መፋሰስ ቢያስከትልም የቀበሌና ገበሬ ማኅበር ታጣቂ ከስር ያለውን የጸጥታ አጠባበቅ እስከ የግለሰብ ቤት ድረስ እንዲወርድ አድርጓል።

በሌላ በኩል በ1983 ዓም የህወሃት/ኢህአዴግ መንግስት ወደ ስልጣን ሲመጣ ብሔራዊ ጦር ሰራዊቱን ከማፍረስ ባለፈ አሁንም በከተሞች በቀበሌ እና በገጠር ደግሞ በገበሬው ደረጃ ልክ ወታደራዊ መንግስት በአብዮት ጠባቂ እና የገበሬ ማኅበር ታጣቂ እንዳደረገው ሁሉ ህወሃት/ኢህአዴግ በከተሞች 'ሰላምና መረጋጋት' የተሰኙ ታጣቂዎች በገበሬው ዘንድም በወታደራዊው መንግስት ዘመን የታጠቁ ታጣቂዎች በአዲስ ታጣቂዎች በመቀየር ከታች ያለውን የጸጥታ አጠባበቅ በማገዝ በቶሎ ጸጥታውን ማረጋጋት ተሞክሯል። የጸጥታው አካል ግን በራሱ የቆመ ሳይሆን የፖለቲካ አካሉ በታች ወረዳ ደረጃ ስለተቀየረ በ1966 ዓም ሆነ በ1983 ዓም የተፈጠሩት የጸጥታ አካላት ከፖለቲካ አመራሩ ጋር አብረው የተፈጠሩ ስለሆኑ እንደ እጅ እና ጓንት ለመያያዝ እና ለመናበብ ችለዋል።

አሁን ያለው ለውጥ ግን በትልልቅ የኢትዮጵያ የጸጥታ አካሎችን ለምሳሌ የመከላከያ እና የደህንነት መዋቅር ለማስተካከል የደከመውን ያህል ታች ወረዳ ላይ ያለው የጸጥታ መዋቅር እና የፖለቲካ አስተዳደሩን ግን እንደ 1966 ዓም እና እንደ 1983 ዓም አልቀየረም።በመሆኑም በክልል ደረጃ እና ከዋና ከተማዋ በራቁ ቦታዎች ላይ ያለው የጸጥታ መረጃዎች በስርዓት እንዳይፈሱ ቀድሞም የነበሩ የጎሳ ፖለቲካ አራማጆች በከተሞችም ሆነ በገጠር የመንግስት የአስተዳደር መዋቅር ላይ ብቻ ሳይሆን በህወሃት/ኢሃዴግ ዘመን የነበሩ ለውጡ የደከመ ሲመስላቸው ከህወሃት ጋር የሚጻጻፉ ሌላ ጊዜ ደግሞ የለውጥ ሃዋርያ እየሆኑ በዘረፋ ሲጠመዱ ከርመዋል።በመሆኑም ይህ ለውጥ በጸጥታ አደረጃጀትም ሆነ ከታች ያለውን የፖለቲካ አመራር ሳይቀየር የተገባበት ስለሆነ ብዙ ነገሮች ተደባልቀው መሄዳቸው ያስከተሉት ችግር አንዱ እና ዋናው የለውጡ ችግር ነው።ይህ ሁኔታ ወደ ኦሮምያ ክልል ሲመጣ ቀድሞ ከነበረው የኦህዴድ አክራሪ ቡድን ላይ ከውጭ የመጣው የኦነግ የተለያዩ አደረጃጀቶች በክልሉ አስተዳደራዊም ሆነ የክልል ኃይል ውስጥ በቀጥታ ገቡ።ከእዚህ ሁሉ በላይ ግን ህወሃት በኢትዮጵያ ላይ አጥምዶት የሄደው ከፋፋይ የጎሳ ፖለቲካ አራማጅ ሕገ መንግስት የችግሮቹ ዋና አንቀሳቃሽ መሆኑ ብቻ ሳይሆን ለአክራሪ የጎሳ ፖለቲካ አራማጆች እንደ ጋሻ ሆኖ ለወንጀል መፈጸምያ መጠቀምያ መሆኑ የታወቀ ነው። 

ይህ ለውጥ የጎሳ ፖለቲካን ተንጠላጥለው የስልጣን ጥማቸውን ለማርካት በሚራወጡ ኃይሎች እና ኢትዮጵያን የሁሉም እኩል ጠቃሚ ትሁን በሚሉ ኃይሎች መሃከል የሚደረግ ፍትግያ ውስጥ ለመሆኑ የሚጠራጠር የለም።ይህም ሆኖ ግን በብሔራዊ ውይይት ኮሚሽን ሃሳቦችን በሰላማዊ መንገድ ቀርበው ውይይት ሲደረግባቸው ብዙዎቹ ሃሳቦች መፍትሄ ያገኛሉ ብለን ተስፋ እናደርጋለን።መፍትሄ የማያገኙ ሃሳቦች ቢኖሩ ቢያንስ ሕዝብ የበታኝ ኃይሎች ሃሳብ ምን ያህል ትውልድ እና አገር በታኝ እንደሆነ በውይይቱ ሂደት ለህዝብ መጋለጡ አይቀርም።

ለማጠቃለል የኢትዮጵያ ወቅታዊ ችግርን ጠቅላይ ሚኒስትር ዐቢይ የፈጠሩት አይደለም። የችግሩ ስሮች ወደ ኋላ የሚወስደን ነው።ይህ ማለት ግን አሁን ላሉት ችግሮች የመፍትሔ አካል አይደሉም ማለት አይደለም።የህወሃት ደጋፊዎችም ሆኑ የጽንፍ የጎሳ ፖለቲካ አራማጆች አሁን ዋና ዒላማቸው ጠቅላይ ሚኒስትሩ ናቸው። ከዩቱብ እስከ ትዊተር፣ከመንደር ጠጅ ቤቶች እስከ የገጠር ጠላ ቤት ድረስ ሁለቱም ኃይሎች ያሰማሯቸው እና ተከፋዮችን አሰማርተው የኢትዮጵያ ችግር ጠቅላይ ሚኒስትር ዓቢይ የሆኑ አስመስሎ የሃሰት ፕሮፓጋንዳ በመንዛት ላይ ተጠምደዋል። ከጠቅላይ ሚኒስትሩ ይልቅ ኃይለስላሴ የበለጡ ኦሮሞ ናቸው የሚል ትርክት ይዘው ብቅ ካሉት ከዶ/ር መራራ ጀምሮ ጠቅላይ ሚኒስትሩ አማራ ጠል ናቸው እስከሚለው ውሸት ድረስ የምዕራባውያን ሚድያዎች ሁሉ ዋና የጥላቻ ዘመቻቸው ጠቅላይ ሚኒስትር ዐቢይ ላይ የዘመቱ ናቸው። አንዳንዶች ከወሬው ብዛት ሳያውቁት እንዲጠራጠሩ የራሳቸውን የማገናዘብ እና ምክንያታዊ አስተሳሰብ ሲቃረኑ፣ ሌሎች ዐቢይ አማራ ጠል ሆነ ማለት ልጆቹ እና ባለቤቱን ጠላ ማለት እንደሆነ አዙረው ለማሰብ አለመቻላቸውን ለመገንዘብ ሲያቅታቸው መመልከት ያሳዝናል። ኢትዮጵያ የጠቅላይ ሚኒስትሩ የግል አገር አይደለችም።ሁላችንም እንደሚያገባን እና እንደምንወዳት እርሱም ይወዳታል።ምናልባት የእርሱ የመምራት ዕድሉን አግኝቷል። ኢትዮጵያውያን በወሬ ማዕበል ከመወሰድ ኢትዮጵያን ብሎ የቆመን መሪን በማገዝ ኢትዮጵያን ወደየተሻለ ደረጃ እናድርስ። የዩቱብ አሻሻጮች እየተከትልን የወሬ አዳማቂ መሆን አገር አይጠቅምም።

Tuesday, April 12, 2022

በኢትዮጵያ አገራዊ ምክክር ዙርያ የአሁኑ ቅዳሜ ዓለም አቀፍ ውይይት ተዘጋጅቷል።ውይይቱን ሲቲዝን አስፓየር-ኖርዌይ፣ኢትዮጵያን ስኮላርስ በኖርዲክ ሃገሮች-ኖርዌይ፣ኢኦቲሲ ግሎባል ፎረም እና የኢትዮጵያውያን ሰላም እና እርቅ በዩኬ በጥምረት አዘጋጅተውታል።

ሲቲዝን አስፓየር ኖርዌይ 

ጉዳያችን ዜና / Gudayachn News

ታኅሳስ 20/2014 ዓም የኢትዮጵያ ተወካዮች ምክር ቤት በሁለተኛው ልዩ ስብሰባው አንድ ወሳኝ ውሳኔ አሳልፎ ነበር። ይሄውም የኢትዮጵያ አገራዊ ምክክር ኮሚሽን ለማቋቋም የቀረበውን ረቂቅ አዋጅ በአብላጫ ድምፅ በማሳለፍ ያቋቋመበት ቀን ነበር። ኮሚሽኑ ኢትዮጵያውያን በጋራ አጀንዳዎች ላይ እንዲመክሩ እና ብሔራዊ መግባባት እንዲፈጠር እንደሚሰራ የኮሚሽኑ ምስረታ ላይም ሆነ በኋላ የኮሚሽኑ አባላት ምርጫ ከተደረገ በኋላም ጭምር በሚገባ ተብራርቷል።

ይህ ለኢትዮጵያ የቀረበ የሰለጠነ የጋራ ችግር መፍቻ ዓይነተኛ መንገድ ብቻ ሳይሆን ዕድልም ጭምር ነው። አሁን ኢትዮጵያውያን በውይይቱ ዙርያ መወያየት፣የኮሚሽኑን ሥራዎች የተሳለጡ እንዲሆኑ በሃሳብ ማዳበር እና ልምዳቸውን ማካፈል በእጅጉ ይጠበቅባቸዋል። 

በእዚህ መሰረት የአሁኑ ቅዳሜ ሚያዝያ 8/2014 ዓም (አፕሪል 16/2022 ዓም) አራት የኢትዮጵያውያን ዓለም አቀፍ አደረጃጀቶች በኢትዮጵያ አገራዊ ምክክር ዙርያ አራት ምሑራን ማለትም ፕሮፌሰር ብርሓኑ መንግስቱ፣ዶ/ር ደሳለኝ ጫላ፣አርክቴክ ዮሓንስ  መኮንን እና ዶ/ር ልዑልሰገድ አበበ በዋናነት እና ሌሎች ምሑራን ሃሳብ የሚያካፍሉበት የውይይት መርሓግብር ተዘጋጅቷል።በዝግጅቱ ላይ ሁላችሁም ተጋብዛችኋል።
  • ሲቲዝን አስፓየር-ኖርዌይ፣
  • ኢትዮጵያን ስኮላርስ በኖርዲክ ሃገሮች-ኖርዌይ፣
  • ኢኦቲሲ ግሎባል ፎረም እና 
  • የኢትዮጵያውያን ሰላም እና እርቅ በዩኬ በጥምረት አዘጋጅተውታል።
ውይይቱ በዙም የሚደረግ ሲሆን ዝርዝር የመግቢያው ማስፈንጠርያ፣ኮድ እና ሰዓቱ እንደየከተሞቹ ከእዚህ በታች ካለው ፖስተር ላይ ያገኛሉ።ላልሰሙ በማካፈል አገራዊ ግዴታዎን ይወጡ።የአገር ጉዳይ ለተወሰኑ ሰዎች የሚሰጥ ሥራ ሳይሆን የሁላችንም የጋራ ተግባር መሆኑን ለሁሉም ማሳወቅ የእያንዳንዱ ሰው ኃላፊነት ነው።

ትናንት በግሪክ ሳይፕረስ የተጠናቀቀው የዓለም ኦርቶዶክስ አብያተ ክርስቲያናት ጉባዔ ልዩ ሪፖርት።Inter-Orthodox Churches, assembled from all over the world, attended the Pre-Assembly consultation meeting held in Cyprus, Greece.

በጉባዔው ላይ የኢትዮጵያ ኦርቶዶክስ ተዋኅዶ ቤ/ክርስቲያን በአቡነ ሕርያቆስ የጣልያን እና አካባቢው ሃገረ ስብከት ሊቀ ጳጳስ ተወክላለች። ስብሰባው በዓለም አብያተ ክርስቲያናት ምክርቤት (World Council of Churc...