''ለአስር አይነት የፖለቲካ ድርጅቶች አስር ዓይነት የፖለቲካ ድርጅቶች አያስፈልግም'' ፕሮፌሰር ብርሀኑ ነጋ ''አምናችሁን ስለመጣችሁ እናመሰግናለን'' ክቡር ጠቅላይ ሚኒስትር ዶ/ር ዓብይ።የሁለቱንም ሙሉ ንግግሮች ቪድዮዎች ይመልከቱ።

ጉዳያችን GUDAYACHN
 www.gudayachn.com

የህዳሴው ግድብ ሲገለጥ- ልዩ የምርመራ ዘገባ ፊልም ሁሉም ኢትዮጵያዊ ሊመለከተው የሚገባ ፊልም።

- የግድቡ ፕሮጀክት ከሜቴክ (የመከላከያ ኢንጅነሪንግ ኮርፖሬሽን) ጋር የ25 ቢልዮን ብር ስራ ውል ገብቷል፣
- እስካሁን 16 ቢልዮን ብር  ለሜቴክ ተከፍሏል፣ ያልሰሩ ማኅበራት ሁሉ እንደሰሩ እየተደረገ ክፍያ ሲፈፀም ነበር።
- ሜቴክ እየተማርን ልንሰራ ነው ተለማመድንበት እያለ ነው።
- አንድም የግድብ ግንባታ ልምድ የሌለው ሜቴክ ከሰባት ዓመት ብክነት በኃላ አለመቻሉ ተረጋግጦ ኮንትራቱ ልምድ ላላቸው መስጠት ተጀምሯል፣
- ሳሊን በሜቴክ በኩል ያለው ሥራ ለትክክለኛ ሰው መስጠቱ ተገቢ ነው  ይላል።ሳሊኒ የተሰጠውን 75% ሰርቷል ይላል ዘገባው፣
- እስካሁን ይጠናቀቃል የተባለው ግድብ ስራ እስካሁን በ7 ዓመታት ውስጥም ገና ከ25 እስከ 30% ነው የሔደው።
- ግድቡ ከስድስት ዓመታት  በፊት ነው ኦዲት የተደረገው።በዚያን ጊዜም በሶስት ዓመታት ውስጥ የቀረቡት ሪፖርቶች እርስ በርስ የተጣረሱ ነበሩ ፣
- እስካሁን ግን ሌላ ኦዲት አልተደረገም።
-  የሜቴክ ኃላፊ አቶ አብዱላዚዝ 'በተጨባጭ ሲታይ ያደረስነው ጉዳት ነው ያመዘነው። ስራውን ያለጨረታ ነው የወሰድነው '' ብለዋል፣
-  በግድቡ ሥራ ላይ ከፍተኛ የፕሮጀክት መዝረክረክ ብቻ ሳይሆን ብክነት ታይቷል፣
- የደን ምንጣሮን 30% የማይሞላ ተሰርቶ ክፍያው ግን 50% ለሜቴክ ተከፍሏል፣
- አዲሱ የሜቴክ አስተዳደር ስራውን ለመቀጠል የተረከብነው የመረጃ ክፍተቶች ችግር አለ የኤሌክትሮ መካኒካል ስራን ለውጭ ኩባንያ እየተሰራ እየተሰጠ ነው፣
-  ክቡር ጠቅላይ ሚኒስትር ዶ/ር ዓብይ አህመድ ''የፕሮጀክት ችግሮቹ ተወግደው ስራውን መቀጠል አለብን።ስራው ትልቅ ትልም ነው።ካልሰራነው እንደ ሀገር የሚያሳፍር።ከሰራነው እጅግ የሚያኮራ ነው''  ብለዋል።

የምርመራ ዘገባ አዘጋጅ = ዋልታ ኢንፎርሜሽን 
ቪድዮ ከዋልታ ኢንፎርሜሽን ዩቱብ 
ቀን ነሐሴ 29/2010 ዓም 


ጉዳያችን GUDAYACHN
www.gudayachn.com

ስልት ግብ አይደለም።የጎሳ ፖለቲካን እንደ ስልት የያዙ ግባቸው ላይ መድረስ አይችሉም።

ጉዳያችን/Gudayachn
ነሐሴ 29/2010 ዓም (ሴፕቴምበር 4/2018)
======================

የትም ፍጭው ስልጣኑን አምጭው 

 ስልት (ስትራቴጂ) ወደ ዋና ግብ የሚያደርስ የእቅድ ወይንም የእቅዶች አፈፃፀም ሂደት ነው። ቃሉ በአስራዘተነኛው ክፍለ ዘመን ጀምሮ እስከ ሀያኛው አጋማሽ ድረስ በወታደራዊው ዓለም የገነነበት እና የጦር አመራሮች ብቃት የሚለይበት መንገድ እንደሆነ ይነገራል።ከሁለተኛው ዓለም ጦርነት በኃላ ግን ስልት (ስትራቴጂ) የሚለው ቃል ለንግድ አስተዳደር እና ለተለያዩ የማኅበራዊ ሳይንስ ማስፈፀምያነት መዋል ጀመረ።አሁን ባለንበት ዓለም በፖለቲካው ዓለም በውጭ ፖሊሲ እና በፖለቲካ ፕሮግራሞች ማስፈፀምያነት ሥራ ላይ እየዋለ ይገኛል።

ወደ ሀገራችን ፖለቲካ ስንመጣ ከ1966 ዓም አብዮት ወዲህ በነበሩ የፖለቲካ ስልጣን የትግል ሂደት ላይ የነበሩ ተዋናዮች ሁሉ የሚያተኩሩት የስልጣን ወንበሩ ላይ ለመድረስ የሚደረገው የትግል ሂደት ላይ እንጂ ግብ ብለው የሚያስቀምጡት የስልጣን  ወንበሩን (በምንም አይነት የሰው እና የንብረት ወጪ ክፍያ) መቆጣጠርን ነው።ስለሆነም የኢትዮጵያን ፖለቲካዊ፣ማኅበራዊ፣ታሪካዊ እና ምጣኔ ሐብታዊ ሁኔታ በሚገባ ሳያጠኑ እና ሳያስጠኑ ወደ ትግል መስመር ውስጥ ይገቡ እና መርሐግብራቸውን ወይንም ፕሮግራማቸውን እንደፈለጉ እየቀየሩ ተንገታግተው የስልጣን ወንበሩ ላይ ለመድረስ ይሞክራሉ።

እነኝህ የስልጣን እርከኑን ለመቆጣጠር እና የኢትዮጵያን ሕዝብ ነባራዊ ሁኔታም ሆነ ዓለም አቀፍ እና አካባቢያዊ ተጨባጭ ሁኔታዎችን ያላገናዘበ  ሂደት ላለፉት አርባ ዓመታት ሲያራምዱ ከኖሩት ውስጥ ሕዝባዊ ወያኔ ሓርነት ትግራይ (ህወሓት) እና  የኦሮሞ ነፃነት ግንባር (ድርጅቶች የተለያዩ ስለሆኑ) መጥቀስ ይቻላል።ቤተ መንግስቱ ድረስ የገባው ህወሓት ስለሆነ የእርሱን ስልት እና ግብ መመልከት አሁን ላሉት የጎሳ ፖለቲካ ( ሲቆላመጥ የማንነት ፖለቲካ ይሉታል) አራማጆች የፖለቲካ ትርፍ እና ኪሳራውን ለመለካት እንደ አንድ አይነተኛ ናሙና ይረዳል።

በትግራይ ለአርባ አምስት ዓመት የተቀነቀነው የጎሳ ፖለቲካ (ሲቆላመጥ የማንነት ፖለቲካ) ከትግራይ ሕዝብ የፈለቀ ሳይሆን ተማሪዎች የጫኑበት የትግል ስልት ነው 

የ1960 ዎቹ መጨረሻ እና የ1970ዎቹ መጀመርያ የፖለቲካ እንቅስቃሴ ሁለት መሰረታዊ መንደርደርያዎችን ይዞ ይነሳል።እነርሱም ብሔርተኛ እንቅስቃሴንና የእንቅስቃሴው አባት የግራ ክንፍ ፖለቲካ ናቸው።የብሔርተኝነት እንቅስቃሴን ህወሓት አራት ኪሎ ላይ በትግራይ ተማሪዎች ማኅበርነት ጠንስሶ ትግራይ ደደቢት ላይ ስዘራው የትግራይ ገበሬ እንግዳ ነገር እንደወደቀበት መረዳት ይቻላል።የትግራይ ሕዝብ የብሔር ፖለቲካን ከውስጡ አብቅሎ ያካሄደው አብዮት ሳይሆን አዲስ አበባ የትግራይ ተወላጅ ጥቂት ተማሪዎች ተሰብስበው የጫኑበት እንደሆነ ለመረዳት በቅርቡ የወጣው የቀድሞ የህወሓት መስራች እና ማዕከላዊ ኮሚቴ አባል አቶ ግደይ ዘረዓፅዮን '' ከትግል ትዝታዎቼ የደደቢት አብዮት በሰረኞች መቀጨት'' በተሰኘው መፅሐፋቸው ላይ ወደ ብሔር ፖለቲካ የመራቸው አንዱ ምክንያት አወዛጋቢው የዋለልኝ በጎሳ ፖለቲካ ዙርያ የፃፈው ፅሁፍ እንደነበር ይጠቅሳሉ።

ህወሓት የጎሳ ፖለቲካን ከህዝቡ የመጣ እና የመነጨ ለማስመሰል በ1935 ዓም የተነሳውን የመጀመርያ የገበሬዎች አመፅ ይጠቅሳል።ሆኖም ግን ገበሬዎች በግብር ዕዳ አመጽ ሲያነሱ የማንነት ጥያቄ አነሱ ማለት አይደለም። በንጉሡ ዘመን የገበሬዎች አመፅ በጎጃም፣በባሌ እና ሌሎች አካባቢዎች ሲነሳ እና ሲከስም ኖሯል። እነኝህ አመፆች ግን የማንነት ጥያቄዎች ነበሩ ማለት ትክክል አይደለም።

ስልት ግብ አይደለም።የጎሳ ፖለቲካን እንደ ስልት የያዙ ግባቸው ላይ  መድረስ አይችሉም።

በኢትዮጵያ ፖለቲካ የጎሳ ፖለቲካ እንደ የስልጣን መወጣጫ እቅድ መጠቀም የተለመደ አዙሪት እየሆነ ነው።ይህ ስልት በስሜት ህዝብን ለመኮርኮር፣ ሁሉንም በደሎች የእገሌ ብሔር ስለሆንክ ነው ይህ የደረሰብህ ብሎ ቅራኔዎችን ለማክረር ይጠቅም ይሆናል።ለምሳሌ ህወሓት እስከ 1979 ዓም ድረስ ከአስራ ሁለት ዓመታት በላይ ውጤት ያላመጣው እና የትግራይን ሕዝብ በሚገባ ለማንቀሳቀስ እና ለማሰለፍ ባለመቻሉ የብሔር ስሜትን በማጋል እና በሐውዘን የህዝብ እልቂት ሴራ በማራመድ የትግራይን ሕዝብ ለመኮርኮር ጠቅሞታል።ይህንን የድርጅቱ አባል እና የፋይናንስ ኃላፊ የነበሩት አቶ ገብረመድህን አርአያ በተለያዩ ጊዜዎች በሰጧቸው መግለጫዎች ያረጋገጡት ሐቅ ነው።

በተመሳሳይ መንገድ የኦሮሞ ነፃነት ግንባር (ኦነግ) ወደ ስልጣን የመውጫ ዋነኛ ስልት አድርጎ የተነሳው አሁንም የጎሳ ፖለቲካን በማራገብ ከብሔራዊ ስሜት ይልቅ የኦሮምኛ ተናጋሪዎች የጎሳ ፖለቲካ ላይ እንዲያተኩሩ በማድረግ ነው።በተቆላመጠው የማንነት ፖለቲካው ላይ የኦነግ ፖለቲካ አራማጆች እራሳቸውን እንደ ልዩ ማኅበረሰብ ከማየት እስከ ፌዴሬሽን ሁሉ በየመድረኩ አስተጋብተዋል።አቶ ሌንጮ ለታ በ1980ዎቹ አጋማሽ ላይ ''ከኢትዮጵያ ጋር መደራደር እንፈልጋለን'' በማለት አዲስ አበባ ላይ ሲናገሩ የኢትዮጵያ ፓስፖርት ይዘው ነበር።

የጎሳ ፖለቲካን ለስልትነት ተጠቅመን ወደ ስልጣን ወንበሩ ላይ ስንጠጋ ቀስ ብለን አንሸራተን ሌላ መታወቂያ እንይዛለን ብለው የሚያስቡ የጎሳ ፖለቲካ አራማጆች ቀድሞውንም ግባቸውን ደብቀው ስለኖሩ በስሜት የተሰባሰበው የጎሳቸው አባል ባስተማሩት የከረረ የጎሳ ስሜት ውስጥ ሆኖ ሐሳባቸውን ያስረዋል።ህወሓት የሆነው ይሄው ነው።ለስልት ብሎ ያከረረው ብሔርተኝነት አንዴ ወልቃይት ላይ እናቶችን ክላሽ እያስያዘ ሰልፍ ሲያስወጣ፣ ሌላ ጊዜ ባህር ማዶ የትግራይ ማኅበር እያለ እየደገሰ ሲያበላ ከርሞ የጎነታለቸው እና በብሔር ፖለቲካ የወጋቸው የአማራ እና ኦሮሞ ማኅበረሰብ እርሱ በመጣበት መንገድ አክርሮ ስመጣ ማጣፍያው አጠረ። 

በተመሳሳይ መንገድ  በኦሮሞ እና አማራ ማኅበረሰብ ውስጥም ህወሓትን ለመምታት የህዝብን ስሜት በጎሳ መቀስቀስ በሚል የተጀመረው ስልት ግቡ ስልጣን ላይ መውጣት ብቻ እንጂ ሌላው ቀርቶ የቡድን መብት የሆነውን ጎሳውን ለይቶ መንከባከብ እንደማይቻል፣ቢሞከር ደግሞ የሚያናጋው የፖለቲካ፣ማኅበራዊ እና ታሪካዊ መስተጋብር ሁሉ ቀድሞ አልታየም ነበርና ሌላው ምስቅልቅል ሆኖ ይገኛል።ለእዚህ አብነት አሁንም የህወሓት እና ኦነግ የአርባ ዓመት የትርምስ ፖለቲካ መመልከት ነው።ህወሓት የጎሳ ፖለቲካው ሰሜን ወሎ እና ጎንደርን እንደማያሻግር ዘግይታም ቢሆን ስላወቀች ከቀድሞ የኢትዮጵያ ሰራዊት የተማረኩ ወታደሮችን በመጀመርያ ''የመኮንኖች ዲሞክራሲያዊ ግንባር'' (መቼም መሳቅ ነው እንዴት ይህንን ስም እንደፈጠሩለት) በመቀጠል የኦሮሞ ሕዝብ ዲሞክራሲያዊ ድርጅት (ኦህዴድ) ወዘተ እያለ ኢትዮጵያ የሚመስል ቅርፅ በመያዙ እና በማዕከላዊ መንግስት ውስጥ ያለው የውስጥ ቅራኔ ብቻ አዲስ አበባ ድረስ እንዲመጣ እረዳው እንጂ  የጎሳ ፖለቲካውን እንደያዘ በህወሓት ስም ልራመድ ቢል እንደ ኦነግ እስካሁን ድረስ አንዴ በአስመራ ሌላ ጊዜ በባሌ እንደ ቱሪስት እየተዘዋወረ ይኖር ነበር።

ዘመነኞቹ ምን ይማሩ? 

አሁን ባለንበት ዘመንም የአርባ ዓመቱ የተሳሳተ የፖለቲካ ስልት መድገም አለብን የሚሉ እየታዩ ነው።ህወሓት ባለበት እያረጀ ሲሄድ በአማራ እና በኦሮሞ ማኅበረሰብ ውስጥ አዲስ የጎሳ አደረጃጀቶች የብሔራዊ አንድነት እና በግለሰቦች የዜግነት ፖለቲካ ላይ የተመሰረተ ፖለቲካን ለማጥላላት ይሞክራል።የሚያሳዝነው  አሁንም የጎሳ ፖለቲካ በስልትነት ተጠቅሞ የፖለቲካ የበላይነትን ለማግኘት መጣር ላይ እንጂ  ለሀገራችን ዘለቄታ የጋራ ተጠቃሚነት፣እኩልነት እና ዲሞክራሲያዊ የፖለቲካ ባህልን ማስፈን ላይ ትኩረት አለመስጠት ይታያል።ይህ ታሪክን በአሳዛኝ መልኩ የመድገም መጥፎ አባዜ ነው።ለፖለቲካ ስልት ሲባል ሺዎች  እረገፉ፣ሚልዮኖች ተሰደዱ፣ኢትዮጵያ የዛሬ አርባ ዓመት ከነበረችበት ዓለም አቀፍም ሆነ አካባቢያዊ ተፅኖ ፈጣሪነት ደረጃ በእጅጉ አወረዳት።

ዛሬም ግን የጎሳ ፖለቲካን እንደ ስልት አስቀምጦ ግብን ደብቆ የመሄድ መንገድ ሕዝብ እንዲከተል ጥረት ይደረጋል።ይህ የሚያሳየው ነገር ቢኖር ኢትዮጵያ አሁን ያለው ትውልድ የጎሳ ፖለቲካን ለመዋጋት እና እንደ ስልት እየተጠቀሙ ግን ግቡ ጎሳውን መጥቀም ነው እያሉ የሚዋሹትን ኃይሎች ማጋለጥ ሕዝብ በኢትዮጵያዊ መንፈስ ለመብቱ እና ለዲሞክራሲ ሂደት ጤናማነት እንዲደራጅ ማድረግ አስፈላጊ ነው።መልሰን መጭበርበር የለብንም።ያለፈው አርባ ዓመት እልቂት ይበቃናል።ህወሓት እና ኦነግ  ከአርባ አምስት ዓመት የጎሳ ፖለቲካ በኃላም የደረሱበትም ሆነ ያስቀመጡት ግብ የለም።የተወሰኑ የጎሳው አባላት ዘርፈው ሀብት ማካበታቸው ግብ ሊሆን አይችልም።ግባቸው ስልጣን መያዝ ነበር።ስልጣን ከያዙ በኃላ የሚያስቀምጡት ግብ ስሌላቸው አብዮታዊ ዲሞክራሲያዊ፣ልማታዊ መንግስት እያሉ ለማታለል ሞከሩ።እርሱም አልተቻለም።ሌላ የጎሳ ፖለቲካ እንቅስቃሴ ከሕዝባዊ አመፅ ጋር ተደባልቆ ጠራረጋቸው።ፖለቲካ ስልቱን ሲያስቀምጥ ግቡን ሀገራዊ እና ሁሉን የሚያሳትፍ፣የሚጠቅም እና ተጠያቂነትን መሰረት ያደረገ ከሆነ ሚልዮኖች አብረውት ስለሚሰለፉ በቀላሉ አይገፋም።የጎሳ ፖለቲካ በአንፃሩ በስልትነት የተነሳበትን የጎሳ ቅስቀሳ ወደ ስልጣን ከመጣ በኃላ ይደናበራል።በሌላ ኃይል ሲገፋ ደግሞ ቀድሞም በግቡ እና በዓላማው ዙርያ አምኖ የተሰለፈ ስለሌለ በቤተ ክርስቲያን ውስጥ እንደገባ ውሻ ተክለብልቦ ይባረራል።

ማጠቃለያ 

የጎሳ ፖለቲካ ስልጣኑን ለማስጠበቅ የሚጠቀመው ግድያ፣እስር እና የራሱን ጎሳ ከሌላው ጋር በማጋጨት እርሱ ብቸኛ የጎሳው ተከላካይ በመሆን ድጋፍ ለማግኘት በመጣር ነው። የጎሳ ፖለቲካን በስልትነት የሚጠቀሙም ሆኑ የመገናኛ ብዙሃናቸውን በጎሳቸው ስም የሚጠሩ ሁሉ ኢትዮጵያዊነት በሁሉም መልክ የተቀጣጠለ ጊዜ የራሳቸው ጎሳ ስለሚከዳቸው እልቄት ከመፈፀም ውጭ አማራጭ አልባ ይሆናሉ። 

የጎሳ ፖለቲካን እንደ ስልት የያዙ ግባቸው ላይ  መድረስ አይችሉም።ሕዝብ ከማስፈጀት እና ከማቃቃር ያለፈ ውጤት የላቸውም የምለው።ኦነግ እስከአሁን ድረስ የኦሮሞ ማኅበረሰብን ሳይቀር ከማስፈራራት እና የኢትዮጵያ ሰንደቅ ዓላማ እንዳይዙ ከማሳቀቅ ባለፈ ለሕዝቡ ያስቀመጠው ሕዝቡን አንድ እርምጃ የሚወስድ ግብ ለመናገር ያልቻለው።ይህንን የጎሳ ስሜትን ማቀንቀን እና እስከመገንጠል ድረስ መሔድ ስልት እንጂ ግብ አለመሆኑን ፕሮፌሰር መራራ ጉዲና አንድ ወቅት ለኢሳት ራድዮ ሲናገሩ አረጋግጠዋል።ፕሮፌሰር መራራ ሲቆላመጥ የማንነት ፖለቲካን እስከ መገንጠል የሚለውን አባባል ''የኦነግ ድርጅት ምናልባት ቢጠቀምበት እስከ ቤተ መንገስት ድረስ ነው።ከእዝያ በኃላ አይጠቀሙበትም'' በማለት ገልጠዋል።

አሁን በአማራ ክልል የሚታየውም የጎሳ አደረጃጀትን በስልትነት አስፈላጊ ናቸው ብሎ  ከሚያነሳቸው ሁለት ምክንያቶች ውስጥ አንዱ የሀገሪቱ ነባራዊ ፖለቲካ በብሄር ላይ የተመሰረተ ነው የሚል እና ሁለተኛው ደግሞ ለመከላከል ይጠቅማል የሚል ነው።ብሶት፣መጪውን ከመፍራት እና እስካሁን በጎሳ ማንነት ላይ ተመስርተው ከተነሱ ጥቃቶች አንፃር የአማራ የጎሳ አደረጃጀት ትክክል ስልት ይምሰል እንጂ ግቡ ግን ኢትዮጵያዊ እንደሆነ አደራጆቹ ይናገራሉ።እኔ እንደሚመስለኝ ግን የተገላበጠ ይመስላል።ኢትዮጵያዊነትን ይዞ የጎሳ ጥቃትን መከላከል እና ሃሳቡንም ድርጊቱንም መከላከል እና ማጥቃት ይቻላል እንጂ የጎሳ ማንነትን አክርሮ ኢትዮጵያዊነትን ማበልፀግ አይቻልም። ከሁሉም አስከፊው ደግሞ በስልትነት የተያዘው የጎሳ ፖለቲካ ስልጣን ላይ ከወጡ በኃላ ልመልስህ ቢሉት አለመቻሉ ነው።ምክንያቱም ለአመታት ለስልት ተብሎ የሌላው ብሔር ክፉነት እየተነገረው የቆየው የጎሳው ድርጅት አባላት መሪያቸው ከአመታት ጥፋት በኃላ የጎሳ ፖለቲካን እንተው ቢላቸውም በቀላሉ አይለቁለትም።ይልቁንም የጎሳ ፖለቲካ እንተው ያላቸውን መሪ ሊበሉት ይችላሉ።ስለሆነም ጥፋቱን እያወቀ አብሮ በማዳመቅ ለበለጠ እልቂት ህዝብን ያጋልጣል።

ህወኃትም ሆነ ኦነግ የሆኑት ይህንኑ ነው።ከሕወሓት የጎሳ ፖለቲካ የተቃወሙ እንደ አቶ ገብረ መድህን ያሉት እንደ ከሀዲ ሲቆጠሩ ከኦነግ ''ከኢትዮጵያ ጋር መደራደር እንፈልጋለን'' ያሉት አቶ ሌንጮ ከማንም ጋር ሳይጣጣሙ ወደ ሀገር  መግባቱን የመጨረሻ ግባቸው አደረጉት።ሌሎች ''ከመምህሩ ደቀመዝሙሩ''  እንዲል አዳዲስ ምልምሎች ደግሞ  ተሞክሮ የከሸፈውን ዛሬ  ላይተነስተው እንደ አዲስ የጎሳ ፖለቲካን እያሞገሱ የዜግነት ፖለቲካ እያሳነሱ ሊነግሩን ይሞክራሉ።ይህ አደገኛ መንገድ ነው።ስልቱን አቆዩትና ግቡን በደንብ ተመልከቱት።የት እንደሚያደርሰን እንመርምር።ከሌላ ጥፋት በኃላ እንደ አቶ ሌንጮ የእርግና ዘመን ስንደርስ በተከዘ ስሜት ቁጭት ከማውራት፣ዛሬ ላይ ቆሞ የፖለቲካ ግብን ከስልት ጋር ያማከለ ሃገራዊ ፖለቲካ ለማራመድ መነሳት ያዋጣል። የማኅበራዊ ሳይንስ ከተፈጥሮ ሳይንስ የሚለየው በቤተ ሙከራ ውስጥ አስገብተው ሞክረህ የምታረጋግጠው ሳይሆን ከመሆኑ በፊት በቂ ጥናት ተደርጎ የሚነሳ መሆኑ ነው።ውጤቱ ሕዝብ ካስጨረሰ  በኃላ እቀይረዋለሁ አትልም።የጎሳ ፖለቲካ በኢትዮጵያ የቤተ ሙከራ ቤትነት ገብቶ ተፈተነ፣አፋጀ፣አጫረሰ በመጨረሻም ሀገር እና ህዝብን ሕልውናቸውን ሊያጠፋ ደረሰ።በመሐል የለውጥ ኃይሉ በጠቅላይ ሚኒስትር ዶ/ር ዓብይ መሪነት ወደ መድረክ መጥቶ ኢትዮጵያውያን ስንኖር ኢትዮጵያዊ ስንሞት ኢትዮጵያ መሆናችንን እና እርስ በርሳችን የተነሳነስን መሆናችንን ደግሞ በመንገር የጎሳ ፖለቲካውን ሶስት መቶ ስልሳ ዲግሪ በማዞር  ሀገር መልሶ እንዲረጋጋ ተደረገ።ቤተ ሙከራ ማለት ይህ ነው።የማህበራዊ ጥናት ቤተ ሙከራ ከእዚህ በላይ ከየት ይምጣ።ኢትዮጵያዊነት እና የዜጋ ፖለቲካ አዋጪ ለመሆኑ ሌላ ምስክር ከየት ይምጣ? 

ጌታቸው በቀለ ዳምጠው
getachewb221@gmail.com  
ጉዳያችን GUDAYACHN 
 www.gudayachn.com

''መጥፎ ብሔረሰብ የለም መጥፎ ግለሰብ እና ሌባ ሰው ሊኖር ይችላል'' አርቲስት እና አክቲቪስት ታማኝ በየነ። የታማኝ የአዲስ አበባ ሚለንየም አዳራሽ እና የባህርዳር ከተማ ሙሉ ንግግር ቪድዮዎች ይመለክቱ።

ጉዳያችን/Gudayachn
===============
የአዲስ አበባ ሚለንየም አዳራሽ ንግግር ነሐሴ 27/2010 ዓም

የባህርዳር ከተማ ንግግር ነሐሴ 28/2010 ዓም

ጉዳያችን GUDAYACHN 
 www.gudayachn.com

Ethiopia -TPLF sponsored regional president accused for Torturing Prisoners with Lions and Tigers (Gudayachn special report).

ጉዳያችን/ Gudayachn August 30/2018 
By Getachew Bekele Damtew 
      Gudayachn editor  
      e-mail= getachewb221@gmail.com 

Leftist and Ethnocentric TPLF

Ethiopia, for the last two decades, suffered a lot with brutal, absolute dictatorial and ethnocentric regime led by Tigray People's Liberation Front (TPLF). TPLF is basically leftist but ethnocentric group. Some analysts thought the TPLF fight against the pro-former USSR regime of 'Durg' (military rule of Ethiopia from 1974 to 1991) could put it as if it is liberal. This is contrary to fact. TPLF dominant EPRDF (Ethiopian Peoples Revolutionary Democratic Front) program of Revolutionary democracy is fully inclined towards dictatorial socialist form of Government. However the most bad thing incase of TPLF is that it has ignored citizens right. Ethnicity plus absolute dictatorial rule took the nation to the worst political, economical and social environment. 

''Ethiopian ideologists have maintained revolutionary democracy (abyotawi democracy in Amharic) as their core doctrine.The notion inherited from the struggle (1970s–1980s) aims at legitimizing a political and economic structure which de facto implies the resilience of authoritarianism. Abyotawi democracy has been presented by EPRDF as the exact opposite of liberalism and neoliberalism.''  Journal of Eastern African Studies, volume 5,2011- Issue 4.

Thanks to visionary new Prime Minister Abiy Ahmed (Dr.)

Last March/2018 was a unique month for Ethiopian politics. The new PM Abiy Ahmed could break out from EPRDF internal change team assisted by both Oromia president Lema Megersa and Amhara regional state president Gedu. The new power emerged from EPRDF could unite itself with the popular uprising in Oromia, Amhara and other part of the country and nill down the dictatorial regime dominant Ethiopians political, economical and military power for twenty-seven years.. TPLF was not alone, when it run the most hated ethnocentric rule of law in Ethiopia. There were some pilote regions which were above the law. That is just by attaching themselves with the TPLF key military and political leaders. The Ethiopian Somali region president, Abdi Mohamed Omar (Abdi Ilei) was a typical person with blindly standing with TPLF. His human right records with in his own region,Ethiopia Somali region, was one of the miserable and probably unique since the end of second world war.

For your easy reference, it is preferable to visit last July,2018 Human Rights Watch's the 88 pages report only on Abdi Mohamed Omer's non-humanistic action on the region's residences. (Please see the report by opening this page).

TPLF sponsored regional president accused for Torturing Prisoners with Lions and Tigers

The new PM Dr. Abiy first domestic travel after he has elected for the highest political position in the country was to Ethiopian Somali region. I think this visit was an open eye visit to his excellency PM Abiy. Because this was the time that the people living in Jijiga town get a chance to reflect their deep rooted feeling to their citizen ship right. Thousands came out on the street from Jijiga Airport till the president office chanting and shouting " Abiy! Abiy!". The message was clear and short. TPLF was the back bone to Abdi that ignored the region passed in miserable human right life.  

Today things are changed. Thanks to Almighty God and Abiy's new administration Abdi is arrested and stands in front of justice in Addis Ababa. According to Ethiopian Broadcasting Corporation (EBC), Abdi was “arrested for allegedly being behind the human rights violations as well as the ethnic and religious clashes that have happened in the Ethiopian Somali region,” after the country’s attorney general began examining possible charges.

On the other hand, since Abdi was arrested and under house arrest, TPLF is opposing the bright path of the nation towards law and rules. One of the TPLF mouth web site "Tigrai Online" report, on the Ethiopia Somalia region humanitarian crises, was so unethical and non-responsible. On August 4,2018 there was distractive, mass killing and burning of over six churches, only on one day, in Jijiga town. All these genocide was led by Abdi and his top officials. How ever, the TPLF Tigray Online report on the same day was propagating under its news head ''Fighting breaks out between Ethiopian army and Somali state government security forces'' it put its fake news as if it was coordinated by Ethiopian PM Abiy, Egypt and UAE.  

On August 25,2018 Ethiopian PM Abiy was on his first press release for domestic mass medias. Here was the time that he explained the degree of miserable humanitarian condition in Ethiopian Somali region. Abiy revealed that Abdi had used extreme methods of torture, which included the use of “hyenas, lions, and tigers.” he added in his speech that 

“What happened in the Somali region compares to a scene out of a movie or a fiction book,” he told reporters. “As such, prisoners were held inside prison cells along with animals like hyenas, lions, and tigers for intimidation purposes. People were raped, looting was rampant and people were killed. What happened there was shameful.”

To Conclude 

This was the person still supported by TPLF leaders even now when I am writing this article. International community must and must understand the situation in Ethiopia. If TPLF get chance to destabilize Ethiopian democratic process going on now, not only the horn of Africa but also both Africa and the middle east will fail on dangerous situation. No need of analysis for this statement. It is extremely clear. I need to give chance to deep analyst of the region to say more. Currently, the Ethiopia Somalia region peace and stability is in a very tremendous level. The region has appointed its own new president in fully democratic way. The region residents are coming from abroad. The churches are about to be built again. Life is coming to normal. The only thing not yet back to normal is the TPLF central committee. They are looking for new clashes and instability in Ethiopia. Such move of TPLF is so dangerous for the horn of Africa in all aspects. International community and regional states including IGAD must act on TPLF actions against democratic process of Ethiopia and the regional peace and stability. The Tigray region residents have also more responsible to brought real reform with in TPLF which will lead the region to prosperity and development.

ጉዳያችን GUDAYACHN
 www.gudayachn.com

ስድስተኛው የበጎ ሰው ሽልማት ነሐሴ 27 ቀን 2010 ዓ.ም በኢንተር ኮንትነንታል ሆቴል ይከናወናል።እጩዎቹ ይፋ ሆነዋል።

ፎቶ በ2009 ዓም  በአምስተኛው የበጎ ሰው ሽልማት አሸናፊዎች በከፊል 

በእዚህ ፅሁፍ ስር : - 
- የበጎ ሰው ሽልማት የሚሰጥባቸው አስር ዘርፎች ያገኛሉ፣
- ነሐሴ 27፣2010 ዓም በኢንተርኮንትነንታል ሆቴል የሚደረገው ስድስተኛው የሽልማት ስነ ስርዓት ለመካፈል የሚመዘገቡበትን ኦን ላይን ሊንክ ያገኛሉ፣
- የዘንድሮውን ሽልማት አስመልክቶ ኮሚቴው የሰጠው መግለጫ ቪድዮ ያገኛሉ፣
- በመጨረሻም የአለፈው ዓመት የበጎ ሰው ሽልማት ስነ ስርዓት ቪድዮ ያገኛሉ።
===========================
ጉዳያችን GUDAYACHN 
ነሐሴ 19/2010 ዓም (ኦገስት 25/2018 ዓም)

ኢትዮጵያ ላለፉት አርባ ዓመታት ያህል ከጠፉባት ድርጅቶች ውስጥ ሸላሚ ድርጅቶች ተጠቃሽ ናቸው።በንጉሡ ዘመን የቀዳማዊ አፄ ኃይለ ስላሴ ሽልማት ድርጅት፣ቲያትር ቤቶች፣የጦር ሰራዊቱ ሁሉ ዓመታዊ የሽልማት መርሐግብር እንደነበሯቸው  በወቅቱ የነበሩ ማስረጃዎች ይነግሩናል።ኢትዮጵያ የሽልማት ድርጅት ማጣቷ መጪውን ትውልድ እንደሚጎዳ ደጋግሞ ባገኘው አጋጣሚ ሲወተውት የነበረው ሙሀዘ ጥበባት ዲያቆን ዳንኤል ክብረት ለኢትዮጵያ ከሰራቸው በርካታ በጎ ተግባራቱ ውስጥ ይህ በጎ ሰው የተሰኘው የሽልማት ድርጅት ከምስረታው እዚህ ደረጃ እንዲደርስ ከፍተኛ ጥረት ማድረጉ  አንዱና ተጠቃሽ በጎ ስራው ነው። 

አሁን የሽልማት ድርጅቱን ወደ ከፍተኛ ደረጃ የማሳደግ፣በገንዘብም ሆነ በሰው ኃይል የማጠናከር ሥራ የሕዝብ እና የመንግስትም ጭምር ኃላፊነት ነው።ሀገራዊ የሽልማት ድርጅት መኖር ፋይዳው ብዙ ነው።ሀገራዊ ያልሆነ የሽልማት ድርጅት መኖር ደግሞ ዕዳው ብዙ ነው። ሀገራዊ ያልሆነ የሽልማት ድርጅት ኢትዮጵያን ስላጠፋህ ለመሸለም ሞራላዊ ችግር የለበትም።ሀገራዊ የሽልማት ድርጅት ግን ኢትዮጵያን ቀና ያደረጉትን ያበረታታል።በጎ ሰው የሽልማት ድርጅት የሀገር ሀብት ነው።

በጎ ሰው የዘንድሮ 2010 ዓም የሽልማት መርሐግብሩን በመጪው ሳምንት መጨረሻ ነሐሴ 27/2010 ዓም በኢንተርኮንትነንታል ሆቴል ያካሂዳል። በእዚሁ ስድስተኛው የበጎ ሰው ሽልማት ላይ ለመገኘት የሚፈልጉ ሁሉ  ይህንን ሊንክ በመጫን ከፍተው መመዝገብ ይችላሉ።ሊንኩን ተጭነው ከተመዘገቡ በኃላ የሚሰጥዎን ቁጥርና መታወቂያዎን ይዘው ከሰኞ  ነሐሴ 21/2010 ዓም ጀምሮ  አራት ኪሎ ቱሪስት ሆቴል ፊት ለፊት ከሚገኘው ምርፋቅ ካፌና ሬስቶራንት በመገኘት ካርድ መውሰድ እንደሚቻሉ  ለማወቅ ተችሏል። 

በጎ ሰው የሽልማት መርሐግብር የሚሸልማቸው ግለሰቦች  በአሥር ዘርፎች ውጤት ያስመዘገቡ ናቸው።እነርሱም : - 

1. በመምህርነት ዘርፍ

2. ንግድና ሥራ ፈጠራ ዘርፍ

3. ማኅበራዊ ጥናት ዘርፍ

4. ሳይንስ ዘርፍ

5. ቅርስና ባሕል ዘርፍ

6. መንግሥታዊ የሥራ ኃላፊነትን በብቃት መወጣት ዘርፍ

7. ኪነ ጥበብ (በሙዚቃ ዜማ ድርሰት ዘርፍ)

8. ሚዲያና ጋዜጠኛነት ዘርፍ

9. ለኢትዮጵያ በጎ ሥራ የሠሩ የውጭ አገር ዜጎች ዘርፍ

10. በጎ አድራጎት ዘርፍ ናቸው።

የዘንድሮው የበጎ ሰው ሽልማት አስመልክቶ የሽልማት ድርጅቱ ኮሚቴ የሰጠው መግለጫ ቪድዮ እና የ2009 ዓም የተደረገው  የሽልማት ስነ ስርዓት  ከእዚህ በታች ባሉት ተከታታይ ቪድዮዎች ላይ ይመልከቱ።

1) የዘንድሮው የበጎ ሰው ሽልማት አስመልክቶ የሽልማት ድርጅቱ ኮሚቴ የሰጠው መግለጫ

የ2009 ዓም  አምስተኛው የበጎ ሰው ሽልማት ስነ ስርዓት

ጉዳያችን GUDAYACHN
 www.gudayachn.com

የአርበኞች ግንቦት ሰባት አመራሮች ሀገር ቤት የሚገቡበት ቀን ታወቀ።

ጉዳያችን / Gudayachn 
ነሐሴ 16/2010 ዓም (ኦገስት 22/2018 ዓም)

የአርበኞች ግንቦት ሰባት ለአንድነት እና ለዲሞክራሲ ንቅናቄ አመራሮች ወደ ሀገር ቤት የሚገቡበት ቀን ጳጉሜን 3/2010 እንደሆነ እና በሶስት ቡድን ሆኖ ወደ ሀገር ቤት እንደሚገባ ለማወቅ ተችሏል። ላለፉት አስር ዓመታት ለዲሞክራሲ እና ለአንድነት የሚደረገውን ትግል ከወደቀበት አንስቶ ሕይወት የዘራበት፣የትጥቅ ትግል እና ሕዝባዊ እምቢተኝነትን የትግል ስልት አድርጎ የተነሳው የአርበኞች ግንቦት ሰባት አመራሮች ብቻ ሳይሆኑ በኤርትራ የሚገኙ የንቅናቄው አባላትም ወደ ሀገር ቤት እንደሚገቡ መረጃው ይጠቁማል። 
የአርበኞች ግንቦት ሰባት በሀገር ቤትም ሆነ በውጭ ያለውን ኢትዮጵያዊ የትግል ስሜት ከማነሳሳት እስከ የተጠና የፕሮፓጋንዳ፣ እንዲሁም  የገዢው መንግስትን ድብቅ ተግባራት በማጋለጥ፣ እንዲሁም በሀገር ቤት በሕቡዕ ሕዝባዊ ንቅናቄዎችን በመፍጠር እና በዓለም አቀፍ ዲፕሎማሲ እንደ የአውሮፓ ሕብረት የመሳሰሉ አህጉራዊ ድርጅቶች ላይ ቀጥተኛ ተፅኖ በመፍጠር የኢትዮያን ጉዳይ ዓለም አቀፍ መልክ እንዲይዝ በማድረግ የአርበኞች ግንቦት ሰባት አሁን ኢትዮጵያ ለደረሰችበት የነፃነት ወቅት የእራሱን አስተዋፅኦ ማድረጉ የአደባባይ ምስጢር ነው።

ድርጅቱ በቀጣይ በሀገር ቤት በአዲስ መልክ ከንቅናቄ ወደ ፖለቲካ ፓርቲነት እንደሚሸጋገር እና በእዚሁም መሰረት ለመጪው የኢትዮጵያ ዲሞክራሲያዊ ሽግግር ኢትዮጵያን የሚመጥን የፖለቲካ ፓርቲ እንደሚሆን የብዙዎች ተስፋ ነው። የአርበኞች ግንቦት ሰባት ንቅናቄ በሀገር ውስጥም ሆነ በውጭ በከፍተኛ ደረጃ የትምህርት ዝግጅትም ሆነ ዓለም አቀፍ የስራ ልምድ ያላቸው አመራር እና አባላት ያሉት መሆኑ ይታወቃል።

የንቅናቄው አመራር በሶስት ዙር መግባት የሚጀምረው ጳጉሜን 3/2010 ዓም ሲሆን በእዚሁ ቀን ከፍተኛ አመራሩ ፕ/ር ብርሃኑ ነጋ ጋር ከሚመለሱት አመራሮች መካከል አቶ አንዳርጋቸው ፅጌ፣ ዶ/ር ታደሰ ብሩ፣ አቶ ኤፍሬም ማዴቦ፣ ዶ/ር አዚዝ መሐመድ፣ዶ/ር ሙሉዓለም አዳም  እና አቶ ነአምን ዘለቀን የሚጨምር መሆኑን ለማወቅ ተችሏል።በቀጣይ ዙር በኤርትራ የሚገኙ የሰራዊቱ አባላት እና በሶስተኛ ደረጃ ሌሎች አመራሮች በተመሳሳይ መንገድ የሚመለሱበት ሁኔታ እንደተመቻቸ ተሰምቷል።

በመጨረሻም በአዲስ አበባ ከፍተኛ አቀባበል ለማድረግ ዝግጅቱን በማጠናቀቅ ላይ የሚገኘው ኮሚቴ አመራሮቹ ወደሀገር ቤት ሲገቡ ከሕዝቡ ጋር ሆኖ  ከቦሌ ዓለም አቀፍ አየር መንገድ ጀምሮ  እንደሚቀበል ተሰምቷል።በቀጣይ ቀናትም አመራሮቹ በአዲስ አበባ እና ከአዲስ አበባ ውጭ የተለያዩ ከተሞች ከህዝብ ጋር የሚወያዩበት መድረክ የተዘጋጀ መሆኑ እና ሕዝብ በከፍተኛ ጉጉት እየጠበቀው የሚገኘው መርሐግብር እንደሆነ ከሀገር ቤት የሚወጡ ዘገባዎች ያመለክታሉ።

ቪድዮ = ኦስሎ፣ ኖርዌይ የአርበኞች ግንቦት ሰባት ከፍተኛ አመራሮች በተገኙበት ሰኔ/2008 ዓም የተደረገው መርሐግብር መዝጊያ 

ጉዳያችን GUDAYACHN 
 www.gudayachn.com