ከእዚህ በፊት ያልሰሙት የኢትዮጵያ ተፅኖ ፈጣሪነት በአፍሪካም ሆነ በዓለም የነበረበትን ከፍተኛ ደረጃ የሚያሳይ ድንቅ ቃለ መጠይቅ (ቪድዮ)

ጉዳያችን / Gudayachn

መጋቢት 5/2011 ዓም (ማርች 5/2019 ዓም)

ቀዳማዊ አፄ ኃይለስላሴ ኒውዮርክ ላይ እንደ ኢትዮጵያ ዘመን አቆጣጠር 1956 ዓም ( እ ኤ አ 1963 ዓም) የሰጡት ቃለ መጠይቅ ላይ 

- ስለ ቻይና  ተንብየዋል፣

- አፍሪካን ከቅኝ ግዛት ለማውጣት ጦር ሊጠቀሙ እንደሚችሉ አውሮፓን አስጠንቅቀዋል፣

- ነጮች አፍሪቃውያን ከቅኝ ግዛት ከወጡ በኃላ በአፍሪካ እንዴት መኖር እንዳለባቸው ጠቁመዋል፣

- ከመከላከያ ሚኒስትርነት እና ከውጭ ጉዳይ ሚኒስትር ይልቅ የአዲስ አበባ ዩንቨርስቲ ቻንስለርነት ለምን እንደመረጡ ገልጠዋል።

- ጥቁርነት በአሜሪካ ስቃይ በሆነበት ዘመን በአሜሪካ የውስጥ ጉዳይ ገብተው በአደባባይ አሜሪካንን ወቅሰዋል። 

ባጭሩ የኢትዮጵያ ዲፕሎማሲ ምን ያህል ተፈሪ እና ተፅኖ ፈጣሪ እንደነበር በእዚህ ቃለ መጠይቅ መረዳት ይቻላል።አውሮፓውያን በአፍሪካ የነበራቸውን የቅኝ መግዛት ሕልም ትንሽ ለማራዘም ቢፈልጉም የንጉሡ ፈጣን አካሄድ በተለይ ብዙዎች የአፍሪካ ሀገሮች በቅኝ ግዛት በነበሩበት ዘመን እ ኤ አ  በ1963 ዓም የአፍሪካ አንድነትን መስረተው አፍሪቃውያንን ከቅኝ ግዛት ቀንበር ማስጣላቸው ቅኝ ገዢዎች እስከመጨረሻው ጥርስ አልነከሱም ማለት አይቻልም።ዛሬም በንጉሡ ላይ አውቀውም ሆነ ሳያውቁ ስም ለማጥፋት የሚሞክሩ የቅኝ ገዢዎች ቂም አስፈፃሚ አይደሉም ማለት እንዴት ይቻላል?

ጉዳያችን GUDAYACHN
www.gudayachn.com