Wednesday, January 12, 2022

ወቅታዊ የኢትዮጵያ ሁኔታ



👉ብቸኛው የጦርነቱ ማሳረጊያ ምንድን ነው?

👉መንግስት ለትግራይ ህዝብ ከህወሃት የመውጫ ስልት (Exist Strategy) ያዘጋጅ።

👉መንግስት እና ህዝብ በጋራ በጥንቃቄ ሊይዙት የሚገባው ጉዳይ።

=====================

ጉዳያችን ልዩ /Gudayachn Special

=====================

''አልገባችሁም!'' ቀዳማዊ አጼ ኃይለስላሴ

ሻምበል ፍቅረስላሴ ''እኛና አብዮቱ'' በተሰኘው መፅሐፋቸው ውስጥ የደርግ አባላት ወደ ቤተ መንግስት ሄደው ቀዳማዊ አጼ ኃይለስላሴ ዘንድ ቀርበው ከንጉሱ የገጠማቸውን አስገራሚ ምላሽ በመጽሃፋቸው እንዲህ ሲሉ አስፍረዋል።

''የፖለቲካ እሥረኞች በሙሉ እንዲፊቱ የሚለው ጥያቄ እንደተነበበ ንጉሡ ጣልቃ ገብተው “ለመሆኑ የፖለቲካ እሥረኞቹ እነማን ናቸው?” የሚል ጥያቄ አቀረቡ። “በእርግጥ የምናውቃቸው የፖለቲካ እሥረኞች ባይኖሩም ማንኛውም የፖለቲካ እሥረኛ እንዲፈታ ነው የምንጠይቀው” አሉ ሻለቃ ተስፋዬ ገብረኪዳን። ንጉሡ ራሳቸውን ነቅነቅ አድርገው ጽሑፉን የሚያነበውን የደርግ አባል እየተመለከቱ “አልገባችሁም!” ብለው ዝም አሉ። በእርግጥም አልገባንም። ተማሪዎችና የተለየ ዓላማ የነበራቸው የተማሩ ሰዎች የሰነዘሩትን መፈክር ብቻ ነበር ይዘን ንጉሡ ፊት የቀረብነው። በፖለቲካ እሥረኝነት ስም በከፍተኛ ደረጃ ለጣሊያን ወራሪ መንግሥት በባንዳነት አድረው አገራችንን የወጉ፣ ለቅኝ ተገዥነትም የዳረጉትን እንደ ኃይለሥላሴ ጉግሳ ያሉ ወንጀለኞች የፖለቲካ እሥረኞች ተብለው ከግዞትና ከእሥር ቤት አስወጥተን እንደ ጀግና ራሳቸውን እንዲቆጥሩ አደረግናቸው።''

ከላይ የተጠቀሰው የሻምበል ፍቅረ ስላሴ መጽሐፍ አስተማሪ መልዕክት አለው።ሆኖም ግን የእዚያን ጊዜ ሁኔታ ከዛሬው ጋር እንዳለ መግጠም ላይሰራ ይችላል።በአንድ ወቅት እስረኛ መፍታት ስህተት ከነበረ ሌላ ጊዜ አንዴት ይታያል? የራሱ ጥናት ይፈልጋል።አንዳንድ ታሪካዊ ክስተቶች ትክክለኛነታቸውን ለመረዳት በራሱ ጊዜ እና የጠራ መረጃ ይፈልጋሉ።ዛሬ ትክክል አይደለም የምንለው ነገ በታሪክ መነፀር ሲታይ ትክክል ሊሆን ይችላል።ዛሬ ስህተት የምንለውም ነገ በታሪክ ሲቃኝ ትክክል ሊባል ይችላል።የዛሬው ጽሑፍ መነሻ ስለ እስረኛ መፈታት ጉዳይ አይደለም።መነሻ አና መድረሻው ስለ 3 ጉዳዮች ነው። እነርሱም -

ብቸኛው የጦርነቱ ማሳረጊያ ምንድን ነው?

መንግስት ለትግራይ ህዝብ ከህወሃት የመውጫ ስልት (Exist Strategy) ያዘጋጅ።

መንግስት እና ህዝብ በጋራ በጥንቃቄ ሊይዙት የሚገባው ጉዳይ የሚሉት ናቸው።

============

ብቸኛው የጦርነቱ ማሳረጊያ ምንድን ነው?

ሽብርተኛው ህወሃት በሰሜን ዕዝ ላይ ጦርነት ከፍቶ ኢትዮጵያን ለማፍረስ ያልፈነቀለው ድንጋይ ባይኖርም በመጨረሻ የሞት ጣር ላይ መውደቁ ዕውን ሆኗል።ከእዚህ ሁሉ ጥፋት በኋላ ህወሃት ለትግራይ ያተረፈው ሞት እና እልቂት ነው።አሁን ጥያቄው የጦርነቱ ማሳረጊያ ምንድን ነው? የሚለው ነው። አንዳንዶች ድርድር የሚደረግ እና በእዚያ የሚቋጭ አድርገው የሚያስቡ አሉ።አንዳንዶች በተራዘመ ሁኔታ ህወሃትን ማዳከም እና በመጨረሻ እጁን ማሰጠት የሚሉ አሉ።ሌሎች ሌላ ሃሳብ ሊሰጡ ይችላሉ።ይህ ሁሉ ግን የመጨረሻው መፍትሄ በተለይ ለህወሃት ዓይነት ሽብርተኛ ቡድን የሚያዋጡ መንገዶች አይደሉም።

ስለሆነም ለየትኛው የጦርነት ማሳረጊያ እንዘጋጅ? የመጨረሻው የጦርነቱ ማሳረጊያ ምንም ዓይነት ምክንያት በመስጠት ቢዘገይም ለሃገር መፍትሄው እና የጦርነቱ ማሳረጊያ መከላከያ መቀሌን እና ትግራይን ከህወሃት አላቆ ህዝቡን ነጻ ማውጣት ነው።ይህንን መቼም የማይቀረው የመድረሻ ግቡን መወሰን እና አጥርቶ ማስቀመጥ አስፈላጊ የሚሆነው ለዘማቹም ሆነ ነጻ ለሚወጣው ህዝብም የስነ ልቦና ዝግጅት ማድረግ ጠቃሚ ስለሚሆንም ጭምር ነው።በእርግጥ ሁሉም መንገድ ተሞክሯል።ከመቀሌ መልስ የሆነ ዘላቂ መፍትሄ እንደማይኖር እና ከእዚህ መለስ የሚኖር መፍትሄ የአማራ እና የአፋር ህዝብን ሲያደማ የሚያኖር ብቻ ሳይሆን የኢትዮጵያ የጸጥታ ዋስትና ስጋት ላይ ብቻ ሳይሆን በአካባቢው ያላት ተደማጭነት ያኮስሳል። ስለሆነም የጦርነቱ ማሳረጊያ መከላከያ ወደ ትግራይ ገብቶ ህወሃትን ማንበርከክ እና ቢያንስ ከእዚያ በኋላ ህወሃትን ተቃውሞ የሚወጣ አንጃ ከራሱ ከህወሃት ውስጥ ከወጣ ንግግር ሊታሰብ የሚችለው መከላከያ መቀሌን ሲቆጣጠር ነው።

አንዳንዶች ህወሃት መከላከያ ወደ መቀሌ ገብቶ የበለጠ እልቂት እንዲፈጠር እና ለዓለም ዓቀፍ ማኅበረሰብ ለማሳጣት ይፈልጋል።ስለሆነም አለመግባቱ ጥሩ ስልት እንደሆነ ያብራራሉ።ይህ በአንድ ወቅት የሚያስማማ ሃሳብ ሊሆን ይችላል።በቅርቡም ይህንኑ ተንኮል መንግስት በማወቁ ከመግባቱ መቆጠቡ ለወቅቱ ትክክለኛ መፍትሄ ሊሆን ይችላል።ሆኖም ግን መከላከያ ለረጅም ጊዜ ሳይገባ ቀርቶ ህወሃት ከአሁኑ ፈተና በውጭ ድጋፍም ተነስቶ የህዝቡን ማህበራዊ እና የምጣኔ ሃብት ጥያቄ ለመመለስ የሚያስችል ትንሽ የመውተርተርያ ጊዜ ካገኘ ሃማስ በሊባኖስ መሬት ቆንጥጦ እንዴት ነቀርሳ እንደሆነ ማሰብ ያስፈልጋል። ስለሆነም መቀሌ የመግቢያ ጊዜው መዘግየት እና የመዘግየቱ የጊዜ እርዝመት መመጠን እና ትክክለኛውን ጊዜ መምረጥ ደግሞ አስፈላጊ ነው።በምንም ዓይነት መንገድ ብናስበው የጦርነቱ ማሳረጊያ መከላከያ መቀሌ መግባቱ መሆኑን ሁሉም ሊረዳው ይገባል።

መንግስት ለትግራይ ህዝብ ከህወሃት የመውጫ ስልት (Exist Strategy) ያዘጋጅ።

የመንግስት ለትግራይ ህዝብ የጽሞና ጊዜ መስጠቱ ትክክለኛ ነው። መሬት ላይ ያለውን ነባራዊ ሁኔታ አገናዝቦ የወሰደው እርምጃ ነው።በተለይ የጽሞና ጊዜው ቀድሞ ያልተረዳ የህወሃት አድናቂ ከአሁኑ የኢትዮጵያ ድል በኋላ በደንብ እንደሚገባው ግልጥ ነው። የኢትዮጵያ ህዝብ እና መንግስት የህወሃት ወራሪ ጀሌ በአማራ እና አፋር ላይ የሰሩት የፋሺሽት ስራ ለታሪክ ተቀምጦ አሁንም በትግራይ ላይ ጥፋት እንዳይደርስ አሁንም የትግራይ ህዝብ ህወሃትን በማስወገድ ተግባር ላይ ግንባር ቀደም እንዲሆን ዕድል ተሰጥቶታል።

ይህ በእንዲህ እያለ ግን ህዝብ ድንገት ተነስቶ ያውም እንደ ህወሃት ላለ ወደ ግማሽ ክፍለዘመን ለሚሆን ጊዜ በጠባብነት እና በጥላቻ ፖለቲካ ያደነዘዘው የትግራይ ህዝብ በዘገምተኛ የአብዮት ለውጥ ህወሃትን ያስወግዳል ማለት አይቻልም።ስለሆነም ሁለት ጉዳዮች መሟላት ይፈልጋሉ። እነርሱም ህዝቡን ሸብበው የያዙትን በሃይል ማስወገድ ኢና ለህዝቡ ከህወሃት የሚላቀቅበት የመውጫ ስልት ማቅረብ ናቸው።ሸብበው የያዙትን በሃይል ማስወገድ አሁንም መንግስት እየሰራው ያለው ጉዳይ ነው። ቀሪው መንግስት አዘጋጅቶ ማቅረብ ያለበት ''የማርያም መንገድ '' መኖር አለበት። ይህ መንገድ ደግሞ ለህወሃት አመራሮች ሳይሆን ለትግራይ ህዝብ ህወሃትን የሚያስወግድበት የመውጫ ስልት ነው።ይህ ስልት በራሱ ተጠንቶ እና ተዘርዝሮ መቅረብ ያለበት ቢሆንም እንደመንደርደርያ ግን መንግስት የሚከተሉትን የመውጫ ስልቶች እና አፈጻጸሞች መመልከት ይቻላል። እነርሱም

  • ተከታታይ መልዕክቶች ለትግራይ ህዝብ በሚል መተላለፍ አለበት 
  • ህወሃትን ሊተካ የሚችለው እና ጊዜያዊ አስተዳደሩ በተሻለ አቀራረብ እና የሰው ሃይል ቢያንስ ሳምንታዊ መግለጫ መስጠት። በእዚህ መግለጫ የትግራይ ህዝብ እራሱ የማያውቃቸው አጠገቡ የተፈጸሙ ጉዳዮች ጨምሮ ተያያዥ ጉዳዮች መውጣት አለባቸው።ለምሳሌ በአንዱ የትግራይ ክፍል የተነሳ ጸረ ህወሃት እንቅስቃሴ በልዩ መግለጫ መውጣት አለበት ።
  • ከህወሃት መሃከል ያሉ የሃሳብ ልዩነቶችን ለትግራይ ህዝብ በእየዕለቱ ማቅረብ እና በሂደት የነገሮች አካሄድ እያየ የህወሃት ሞትን ማለማመድ።
  • ከራሱ ከትግራይ ህዝብ የተውጣጡ ሽምቅ ተዋጊዎች ትግራይን ከህወሃት ነጻ ለማድረግ እንቅስቃሴ እንዲጀምሩ ማድረግ እና መከላከያ ከጎናቸው ሆኖ እንዲገፉ ማድረግ እና 
  • ከእዚህ በፊት በጉዳያችን እንደተገለጠው ወደ ትግራይ የሚተላለፍ ትልቅ ጉልበት ያለው የራድዮ እና የቴሌቭዥን ስርጭት በየቀኑ በልዩ ፕሮግራም እንዲደርስ ማድረግ። እዚህ ላይ ኢቢሲም ሆነ ሌሎች በትግርኛ የሚተላለፉ ስርጭቶች አሏቸው።በጦርነት ጊዜ የሚደረግ ልዩ የፕሮፓጋንዳ ስርጭት ከመደበኛ አሰራሮች የተለየ ስለሆነ ልዩ ስርጭቱ በከፍተኛ ወጪም ቢሆን በጀት ተመድቦ መሰራት ያለበት ነው። አሁንም ቢሆን በከፍተኛ ባለሙያዎች የታገዘ ስራ ይፈልጋል። ይህ ስራ ለህዝቡ በተለያየ መንገድ በአይሮፕላን ወረቀት ከመበተን ጀምሮ በድንገት የስልክ መስመር ከፍቶ በትግራይ ላሉ ስልኮች ሁሉ መረጃ መላክን ይጨምራል። እዚህ ላይ የመብራት አገልግሎት በክልሉ የለም ቢባልም ከተከዜ ግድብ እና በነዳጅ አንዳንድ ከተሞች አሁንም ብቅ ጥልቅ የሚል መብራት መኖሩ እየተሰማ ስለሆነ የመረጃ ስርጭቱን መንግስት ቢቀጥልበት ይችላል።
ከላይ የተጠቀሱት መንደርደርያ የመውጫ ስልቶች ዋና ግባቸው የጦርነቱ ማሳረግያ የሆነው የመከላከያ ወደ ትግራይ መግባት በማያስደነበር መንገድ ብቻ ሳይሆን ከህወሃት ለመገላገል የቸኮለ ህዝብ ስነ ልቦና የማዘጋጀት ሂደት አካል ነው።

መንግስት እና ህዝብ በጋራ በጥንቃቄ ሊይዙት የሚገባው ጉዳይ።

አሁን ባለበት ሁኔታ የኢትዮጵያ ህዝብ የህወሃት ሽብርተኛ ቡድንን ከጦር ሜዳ ውግያ እስከ ተቋማት ሰርጎ መግባት ሙከራ ለመመከት ጭሏል። ሆኖም የጁንታው የመጨረሻ ምሽግ ያለው በፕሮቴስታንት፣የኦርቶዶክስ እና የእስልምና የእምነት ተቋማት ውስጥ ነው። እነኝህ ተቋማት እጅግ የበሰሉ፣ሃገራቸውን የሚወዱ እና በመንፈሳዊ ህይወታቸው ምሳሌ የሆኑ አባቶች የመኖራቸውን ያህል ተቋማዊ መዋቅሩ ላይ ህጋዊ በሆነም ሆነ ባልሆነ መንገድ የተቀመጡ መኖራቸው ይታወቃል። በእነኝህ መዋቅሮች ላይ ደግሞ ሙስና እና ጥቅመኝነት ውስጥ የተዘፈቁ ስላሉ ከእዚህ ላለመውጣት ሲነኩ ሌላ ህዝብ እና መንግስት የሚያጋጩ ጉዳዮች እየመዘዙ ሃገር እንዳያምሱ መንግስት እና ህዝብ በጥንቃቄ በመመልከት መጓዝ አስፈላጊ ነው።

የሁሉም ገዢ ሃሳብ የጋራ የሆነች ኢትዮጵያ ነች። በዕምነት ተቋማት ውስጥ ያለው ብልሹ አሰራሮች የማስተካከል ስራ መቼም ቢሆን ቀጠሮ ሊሰጠው አይገባም። አሰራሩን ለማስተካከል ግን የመንግስት ጥበቃ እንዳለ ሆኖ በራሳቸው ከውስጣቸው በሚወጡ እውነተኛ የእምነቱ ልጆች እንዲከወን አማኙም ሆነ መንግስት የመስራት ሃላፊነት አለባቸው። መንግስት የተባለ ተቋም በራሱ ከእምነት ተቋማቱ ውጭ ስላልሆነ የሚና አለያየት እንጂ አንዱ አንዱን አይመለከትህም ተባብሎ ተቋማቱን ከሙስና የማጽዳት ስራ በራሱ ከባድ ያደርገዋል።ሆኖም ግን በራሱ ይስተካከል ተብሎ መተዉ ኢትዮጵያን እንደ ሃገር የሚጎዳት ብቻ ሳይሆን፣ድህረ ጦርነት የእምነት ተቋማት ያላቸውን እጅግ ጠቃሚ ሚና እንዳይጫወቱ ያደርጋል።

ስለሆነም ተቋማቱን ማጠናከር የእምነታቸውን አፈጻጸም ሳይሆን የቢሮ አሰራራቸውን እና የአገልግሎታቸውን ተደራሽነት የተከታዮቻቸውን መንፈሳዊ እርካታ በሚሰጥ መልኩ እንዲሁ ከአሁኑ ካልተደረገ በሁሉም የጦርነት ሰለባ በሆኑ የኢትዮጵያ ክፍሎች ህዝቡን በቀላሉ ስነ ልቦናውን ለማከም ያስቸግራል።ስለሆነም ልዩ ትኩረት ይፈልጋል።የዕምነት ተቋማት በኢትዮጵያ የግጭት ምክንያት ሊሆኑ አይገባም።ህዝቡ አኗኗሩን እያወቀበት ተቋማቱ እንዲፋጠጡ ለማድረግ የሚሞክሩት እነኝሁ ያልጸዱት አደናባሪዎች መሆናቸውን መረዳት ቀላል ነው።ስለሆነም የእምነት ተቋማት፣ህዝብ እና መንግስት ልዩ ትኩረት ሊሰጡት ይገባል።

ባጠቃላይ ኢትዮጵያ ትልቁን የፈተና ጊዜ ያለፈችው ይመስላል። አሁን ከስሜታዊነት በራቀ መልኩ አፈጻጸሙን ማሳመር ነው።ለእዚህ ደግሞ የጦርነቱ ማሳረግያ ምንም ጊዜ ቢወስድ መድረሻው መቀሌን እና ትግራይን ከጁንታው ማስለቀቅ ነው።ይህንን ለማድረግ ደግሞ የጽሞና ጊዜውን መልክ ለማስያዝ ለትግራይ ህዝብ የመውጫ ስልት ነድፎ ማቅረብ እና መምራት ይፈልጋል። ለድህረ ጦርነት የህዝብ ስነ ልቦና መታከም ደግሞ የሃይማኖት ተቋማት ያለባቸውን የአሰራር እና የሙስና ችግር ህዝብ እና መንግስት ተባብረው ማስተካከል እና ኢትዮጵያን ሊያግዙ የሚችሉ በጋራ አጀንዳዎች ላይ ሁሉ ምዕመናኖቻቸውን የሚያንቀሳቅሱ እንዲሆኑ ማድረግ ያስፈልጋል። ይህ እንዳይሆን ግን በእምነት ተቋማቱ ውስጥ በጁንታው የተሰማሩ የቀድሞ ካድሬዎች የአሁን ደግሞ ሙሰኞች መጽዳት አለባቸው።

=========////=============

Tuesday, January 11, 2022

ነገረ መስቀል አደባባይ


መስቀል አደባባይ

===============
ጉዳያችን / Gudayachn
===============

  • ከንቲባ አዳነች አቤቤ ከስሜታዊ እና በአንድ ወገን ለመደነቅ ከመፈለግ የተነሳ የሚደረግ ስሜታዊ ንግግር ሊታቀቡ ይገባል።
  • የአደባባዩን ሂሳብ ካነሱትም ከንቲባዋ እንዳሉት አይደለም።
  • ከንቲባ አዳነች ይቅርታ መጠየቅ አለባቸው።
መስቀል አደባባይ፣ የኢትዮጵያ ታሪክ አካል

የመስቀል አደባባይ ከ1966 ዓም በፊት በመስቀል አደባባይነት የታወቀ እና የኢትዮጵያ ኦርቶዶክስ ተዋህዶ ቤተ ክርስቲያን የመስቀል ደመራን ስታከብርበት ኖራለች።በንጉሱ ዘመንም ልዩ ልዩ ትርዒቶች እና የክብር ዘበኛ ሰልፍም ይታይበት ነበር። ከ1966 ዓም በኋላ ወታደራዊው መንግስት አሁን አደባብዩ ያለውን ቅርጽ ኢንዲይዝ የህዝብ መቀመጫውን ከመሬት ከፍ ለማድረግ ከቦሌ መንገድ የቀድሞው ወሎ ሰፈር አካባቢ ከድልድዩ ጎን ከነበረው ኮረብታ ላይ አፈር እያመጣ ደለደለው።ይህ ኮረብታ ያለበት ቦታ ላይ ደግሞ ባለ አራት ፎቅ አፓርታማ ሰርቶ ለኪራይ ቤቶች እንዲያከራይ ሰጠው። በመቀጠል አደባባዩን አብዮት አደባባይ በማለት ሰይሞ የማርክስ፣የኤንግልስ እና ሌኒን ፎቶ ሰቀለበት።በእዚህም ኢትዮጵያውያን ክርስቲያኖች ''በተቀደሰው ስፍራ እርኩሰት ቆሞ ስትመለከቱ አንባቢው ያስተውል '' የሚለውን የመጽሃፍ ቃል እየጠቀሱ ይነጋገሩበት ነበር። ሆኖም ግን ከ1983 ዓም በኋላ አደባባዩ የመስቀል አደባባይ ስሙ ተመለሰለጥ

መስቀል አደባባይ የኢትዮጵያ የግማሽ ክፍለዘመን ታሪክ በአደባባዩ አልፏል። በ1970 ዓም መጀመርያ ላይ በምስራቅ ኢትዮጵያ ዘልቆ የገባው የሱማሌ ወራሪ ሃይል ለመፋለም የዘመተው ሰራዊት የተሸኘው በእዚህ አደባባይ ነበር። የኢትዮጵያ ታላቁ የዓባይ ግድብ መሰረት ከተጣለ በኋላ የአዲስ አበባ ደስታውን የገለጠው በእዚሁ አደባባይ ነበር።በ2010 ዓም ጠቅላይ ሚኒስትር ዐቢይ ወደ ስልጣን ከመጡ በኋላ በሚልዮን የሚቆጠር ህዝብ ሰልፍ ወጥቶ ለውጡን መደገፉን የገለጠበት እና በጠቅላይ ሚኒስትሩ ላይ የግድያ ሙከራ የተፈጸመውም በእዚሁ አደባባይ ነው።

ባሳለፍነው ሳምንት እሁድ በመስቀል አደባባይ የሆነው 

ባሳለፍነው ሳምንት መጨረሻ ላይ መስቀል አደባባይን በተመለከተ አንድ ውዝግብ ተነስቶ ነበር። የውዝግቡ መነሻ ፓስተር ዘላለም የተሰኘ የፕሮቴስታንት ፓስተር ''መስቀል አደባባይን እንውረስ '' የሚል ጥሪ በማድረግ በአደባባዩ ላይ አንድ የፕሮቴስታንት ዝግጅት እንዳለ ጥሪ አደረገ። ይህንን ተከትሎ ሰባኪ ወንጌል ምህረተአብ እና የጅጅጋ እና የሱማሌ ክልል የኢትዮጵያ ኦርቶዶክስ ተዋህዶ ቤተ ክርስቲያን ሊቀ ጳጳስ አቡነ መቃርዮስ በአንድነት ሆነው የፕሮቴስታንት ፓስተር የተናገረውን ንግግር አወገዙ።በተለይ አቡነ መቃርዮስ የፓስተሩ ንግግር በህዝብ መሃል ጸብ የመዝራት ተግባር ስለሆነ ትክክል እንዳልሆነ ገለጡ። ይህ በእንዲህ እያለ እሁድ ይደረግ የነበረው የ''ኖ ሞር ' ሰልፍ ለሳምንት ተላልፎ የፕሮቴስታንት ዝግጅት ቀረበ።በዝግጅቱ ላይ የአዲስ አበባ ከንቲባ አዳነች አቤቤ ተገኙ።

ከንቲባ አዳነች አቤቤ በዝግጅቱ ላይ ባደረጉት ንግግር ላይ ስሜታዊነት የታየበት ነበር።ድምጻቸው ቁርጥ፣ቁርጥ እያለ አደባባዩ የኢትዮጵያ ህዝብ ቀረጥ የተሰራ ስለሆነ የሁሉም ነው፣ የሚል ዐረፍተ ነገር ጨምሮ ሌሎች ዐረፍተ ነገሮችን አከታትለው ንግግር ሲያደርጉ በዝግጅቱ ላይ የተገኙት የፕሮቴስታንት ተከታዮች በእየመሃሉ ላይ በጭብጨባ ያጅቧቸው ነበር።

ከንቲባ አዳነች በንግግራቸው ላይ ማንሳት የሞከሩት በቅርቡ መንግስት አደባባዩን ከማደሱ ጋር ተያይዞ የታደሰው በህዝብ ገንዘብ ነው እና የኢትዮጵያ ኦርቶዶክስ ተዋህዶ ቤተ ክርስቲያን ምዕመናን ብቻ አይደለም የሚል ትርጉም ይዟል።ይህ በእንዲህ እያለ የአደባባዩ ዕድሳት ሲጀመር በወቅቱ የነበሩት ከንቲባ ታከለ ኡማ ከቤተ ክህነት ጳጳሳት እና የቤተ ክርስቲያኒቱ ተጠሪዎች ተገኝተው በፕሮጀክቱ ሂደት ላይ ያላቸውን ምክረ ሃሳብ የጠየቁት የአደባባዩ ባለቤትነት ስላወቁ ነው። ዛሬ በጉዳዩ ላይ ልዩ ስብሰባ የጠራው የኢትዮጵያ ኦርቶዶክስ ተዋህዶ ቤተ ክርስቲያን ቅዱስ ሲኖዶስ አባላት እንደሚሉት ከፕሮጀክቱ መጠናቀቅ በኋላ ርክክብ እንደሚደረግ ቃል ተገብቶ እንደነበር እየተናገሩ ነው።ቤተክርስቲያኒቱ የአደባባዩ የባለቤትነት ካርታ ጨምሮ ማስረጃዋ እንደማያወላዳ ብዙ ጊዘ ገልጣለች።

ከንቲባ አዳነች ያነሱት የዕድሳት ሂሳብ ጉዳይ  

መልሱን በጥያቄ ነው የምመልሰው።
  • የኢትዮጵያ ቱሪዝም የጀርባ አጥንት የኢትዮጵያ ኦርቶዶክስ ተዋህዶ ቤተ ክርስቲያን አይደለችም እንዴ?
  • ኢትዮጵያ ዓመቱን ሙሉ ከምታገኘው የቱሪዝም ገቢ (በጥናት የተደገፈ ነው) በመስቀል ደመራ፣በገና እና በጥምቀት ወቅት የምታገኘው ገቢም ሆነ የቱሪስቱ ፍሰት ከ80% በላይ የሚሆነው በእነኝህ የቤተክርስቲያኒቱ በዓላት ወቅት መሆኑን ከንቲባ አዳነች ያውቃሉ?
  • የሚመጡት ቱሪስቶች ከ70% በላይ የሚሆኑት የሚጎበኙት የቤተ ክርስቲያኒቱን ቅርሶች እና ገዳማት እንደሆነስ ያውቃሉ?
  • ላሊበላ ብቻ ከዛሬ 15 ዓመት በፊት በተደረገ ጥናት በአንድ ዓመት ብቻ ከ5 ሚልዮን ዶላር በላይ ከጎብኚዎች ለመንግስት ማስገባቱን ያውቃሉ? ላሊበላ ይህንን ያህል ገቢ እያስገባ የረባ የለስላሳ መጠጫ ቦታ እንደሌለውስ ያውቃሉ?
  • በገዳማት የሚደረጉ የቱሪስት ጉብኝቶች ገቢ ቤተ ክርስቲያኒቱ ምንም እየተጠቀመች አለመሆኑ እና የገቢ ደረሰኞቹን ቱሪዝም እንደሚካፈል ያውቃሉ?
  • ይህ ሁሉ ቱሪስት በቤተ ክርስቲያኒቱ ሳቢያ መምጣት የስንት ሆቴሎች፣የትራንስፖርት ሰጪዎች፣የአገልግሎት ሰጪዎች እና ተያያዥ የሆኑ የስራ ዕድል በሚልዮን ለሚቆጠሩ ዜጎች እንደከፈተስ ያውቃሉ?
ይህ ማለት የመስቀል አደባባይ የተገነባበት ገንዘብ ላይ መተሳሰብ የሚለውን ከንቲባ አዳነች ማንሳት ይሌለብዎት ሂሳቡ ሲታሰብ እርስዎ እንዳሉት ሳይሆን ሌላ ስለሆነ ነው። በመስቀል ደመራ ሳብያ የመጣው ቱሪስት ብቻ አስር የአሁኑ ዓይነት ዘመናዊ የመስቀል አደባባዮች አይሰራም እንዴ? ለምን የሂሳብ መተሳሰብ ጉዳይ ውስጥ ገቡ? ይህ ስሜታዊ የሆነ እና አብሮ የሚኖር ህዝብ መሃል ትክክል ያልሆነ አገላለጥ ስለሆነ ይቅርታ መጠየቅ አለብዎት።

አደባባዩ ለኢትዮጵያ ኦርቶዶክስ ተዋህዶ ይበዛባታል እንዴ?  

የኢትዮጵያ ባለስልጣናት ችግር በሚገባ ነገሮችን ከስሩ ጠንቅቆ አለማወቅ ነው።ክብርት ከንቲባ አዳነች አቤቤ በቅርብ ዓመታት ባሳዩት የስራ ትጋት እና አፈጻጸም ህዝብ ጥሩ አመለካከት ይዟል።በገቢዎች ሚኒስቴር እና በመቀጠል በአዲስ አበባ አስተዳደር እየሰሩ ላሉት ስራዎች አክብሮት አለኝ።ነገር ግን ሁሉን ነገር ደግሞ ያውቃሉ ማለት አይደለም። ጠቅላይ ሚኒስትር ዐቢይ የሚያውቁትን በራሳቸው የማያውቁትን አማካሪ መድበው ነው የሚንቀሳቀሱት። አሁን በአዲስ አበባ አስተዳደር አንጻር የሚታየው የአማካሪ ጉድለት ይመስለኛል። አዲስ አበባ የራሷ ፍልስፍና አላት። 

መስቀል አደባባይ ለኢትዮጵያ ኦርቶዶክስ ተዋህዶ ቤተ ክርስቲያን ይበዛባታል እንዴ?
  • ክርስትናን ጌታችን ባረገ በዓመቱ በ34 ዓም በጃንደረባው ክርስትናን ለተቀበለች ሃገር (ሃዋርያት ስራ 8) የራሷ የመስቀል አደባባይ ቢኖራት ይበዛባት ይሆን?
  • የክርስቶስን ግማደ መስቀል በክብር ተቀብላ በግሸን ደብረ ከርቤ ላስቀመጠች ቤተ ክርስቲያን ዓለም ይህንን ዜና እንዲያውቅ በስሙ የተሰየመውን መስቀል አደባባይ በባለቤትነት ይዛ ይህንኑ ለዓለም ለማሳየት መስቀል ሰቅላ አደባባዩ የመስቀል አደባባይ መሆኑን ለዓለም ቢታይላት የኢትዮጵያ መንግስት የሆነ ሁሉ የሚኮራበት ታሪካ አይሆንም ወይ?
  • በዓለም ላይ የእውነተኛ መስቀሉ በቆስጠንጢኖስ እናት ንግስት እሌኒ መገኘቱን የተገኘበትን የደመራ ስነ ስርዓት በዓለም ላይ በብቸኛነት የምታከብር ቤተ ክርስቲያን ይህንንም ዩኔስኮ በዓለም ቅርስነት የመዘገበላት ቤተ ክርስቲያን የራሷ የሆነው የመስቀል አደባባይ አድምቃ እና አክብራ መያዟ ለሃገር ኩራት፣ለትውልድ ቅርስ ነው እንጂ ክፋቱ ምኑ ላይ ነው?
  • ለመሆኑ ዩኔስኮ በዓለም ቅርስነት ከመዘገበ በኋላ አሻራውን የሚያሳይ ምን ምልክት በአደባባዩ ላይ ተደረገ?
ሌሎች በርካታ ጥያቂዎችን ማንሳት ይቻላል። አዲስ አበባም ሆነች ሌሎች ከተሞች የቦታ ችግር የለባቸውም። ሁልም ኢትዮጵያዊ በሃገሩ ላይ ባይተዋርነት ሊሰማው አይገባም። ለሙስሊም ወንድሞቻችንም ሆነ ለፕሮቴስታንት ተከታዮች ደረጃቸውን የጠበቁ አደባባዮች መኖሩ አስፈላጊ ነው።ይህ ግን ዜጎች በእምነታቸው እንዲጋፉ እየተደረገ መሆን የለበትም።በተለይ እንደመንግስት፣በተለይ እንደ ዋና ከተማ ከንቲባ አንድ አደባባይ የተሰራበት የገንዘብ ወጪ ስሌት ውስጥ ገብቶ ንግግር ማድረግ ስህተት ነው። ለወቅታዊ ችግር አፋጣኝ ውሳኔ መስጠት እና አሁን ያለውን የኢትዮጵያውያንን ህብረት ማጠናከር የመንግስት ሃላፊነት ነው።

=================////////============

Monday, January 3, 2022

The ideological Sickness and paradox of the scholars and elites from Tigray



Opinion
=================================
By - DEJEN RAS & MEKONEN DIRE
Ethiopian Herald Sunday edition January 2,2022
==================================

Recently, different scholars and elites from Tigray are writing various letters to different bodies of the international community. They all express their frustration and disappointment after the huge loss of the terrorist organization TPLF to the Ethiopian government forces on the war front in the past few weeks. Their arguments and reflections show not only how they suffer from the trauma of this recent defeat but also a pattern of sickness and paradox in their ideology and philosophy. This can be termed as “the illness ideology”, which emphasizes abnormality over normality, poor judgment, and adjustment.  Those who are interested in the topic can go ahead with the topic more deeply. But in this piece let us provide a few critical analyses on some of the symptoms. 


i) They claim that Tigray is an independent country. On the ground, this is not the reality. Tigray is a region in Ethiopia. It is part of the history and background of Ethiopia. This is the simple fact on the ground. But in their narratives of facts about the conflict, their language, slogans, gestures, and discourse, one finds this thread of thought that Tigray is an independent state or country. This is deeply coined with the concept of  “self-determination.” They have internalized it for a long period and integrated it as part of their life, but it is detached from reality on the ground. Hence they have become delusional with their arguments and reason when they encounter facts on the ground. They are relegated to either accepting facts or reconciling with their facts.


Both these scholars and the TPLF elites are claiming the formation of a new Tigray empire, via Tigray self-determination according to their principle,  on the shoulders of others depriving the other people’s self-determination. They consistently claim geographical areas that do not belong to them. These areas, like Raya and Welkait, were claimed by force around 1991 (1983 e.c.). They participated in creating a landlocked Ethiopia but they do not want to have a land-locked Tigray empire, hence they even claim other nations’ harbors and lands.  How deeply selfish is this behavior, one can study this further. The golden rule in life is the principle of treating others as one wants to be treated. Otherwise, you are in real trouble. The consequences of your wrong choices catch up with you sooner and later. It seems now all those wrong turns have now brought them to a dead end. 


ii) The use of force for survival. In their strategy of attaining what they want, these Tigrean scholars and elites implement the "Survival of the fittest" of the Darwinian evolution theory. It seems reasonable that they lift an arm and fight for the Tigray state or Tigray empire by destroying what they call the Empire of Ethiopia.  The problem with this reasoning and justification is that they are against over 110 million people. Those people had patience with them, to rule over them, for three decades since they took them as fellow Ethiopians. But when the true color of their ideology and interest revealed itself, by attacking the Northern Command of the Ethiopian army that protected them for more than two decades, the people also raised their arms to squash their selfish interests. That is also called the survival of the fittest. Ethiopians, including most of the forefathers of Tigray, have done it against foreign aggression in the past. 


The TPLF elites and scholars thought they are strong and they can march to the capital of Ethiopia and claim power since they are mighty, powerful warrior people. But they were overwhelmed by the marching of millions of Ethiopians from other Ethnic groups defending their country and people. That crushed them very hard. This is the fact on the ground. Hence the people have taken back by force what you have claimed by force in 1991. That is it. Simple. Why do you think that the places you took by force belong to the empire you wanted to create? You all know that it was a matter of time, all these were going to surface, and it happened. But accepting the reality is difficult when you are brainwashed and indoctrinated with an alternative reality that has no root on the ground or when you are diagnosed with “the illness ideology”,


You can not claim your independence by taking other people’s freedom and rights. It is mutual respect and understanding that have a long-lasting effect in realizing everyone’s interest. In a world where you only do not exist, the sustainable model is to recognize other people’s interests as the golden rule teaches us. Otherwise, your strategy is suffering from a paradox that can not be reconciled with each other. 


iii) The view that Ethiopia is a nation of nationalities. You say that there are many nations within the Empire Ethiopia, if we can not rule and exploit this empire by ourselves then we destroy it to many nations, and some of these nations we include them by force to our empire called the greater Tigray.  Do you listen to yourself? Are you not sick in meditating and acting to implement it on the ground? 


There are two main problems here. First, you want to destroy one empire and build another empire. You reason that Ethiopia is the home of many nationalities due to many Ethnic groups. You try to sound it as if Ethiopia is the only nation on the planet, even in Africa that has many ethnicities. Nigeria has more than 250 ethnic groups. It almost means 3 times the ethnic groups in Ethiopia. Uganda is the most ethnically composed country on the planet. Even the neighboring Eritrea has around nine Ethnic groups. Does it mean that all these African countries are going to create new nations according to your model? This is a different precedent for many countries. 


Second, you wanted to destroy a nation that you could not rule and dominate and wanted to create another nation that has many nationalities according to your language. Aha, you will get other people who are more in number than you and dominate them in forming this new nation.  Do you think this is a simple matter? Is it not a paradox. You accuse Ethiopia to be a nation of nationalities and you wanted to build another nation that has many nationalities. Remember, we are trying to use your line of thought and conceptualization here. Someone who persistently thinks like this should be sick on his/her head. This is the 21st century, no one is waiting for you in the status of the 19th century here. Wake up and reconcile with yourself or heal yourself. Stop this madness. It is killing you and it is destroying your fellow citizens. 


iv) Tigray is the only one who can protect your interest. The TPLF elites are begging and arguing with the Western powers that they are the ones who can preserve their interests in the Horn of Africa, even Africa at large. This has been echoed and preached for the past 4 decades. The West used them for fighting the old Soviet union dominance in Africa and later used them as partners in the fight against terrorists. Actually, it was the involvement of these Western powers before 1991 that brought them to power. They enjoyed that opportunity. 


Now, the global powers’ fight has changed from communism and terrorism to economic dominance. These TPLF elites are trying to remind the Western enablers to repeat it. They are singing the song that we call  “DO IT AGAIN”. They wanted a parasite Tigray. An independent Tigray that is dependent on the mercies of the western powers. This is a huge paradox. What kind of twist is this? Don’t you think that this is a simple sign that you can not sustain your interest let alone that you can protect the interests of others? Don’t you think that others also can keep the interest of the powers you are begging for? 


Even on the ground, can the people of Tigray without border power, without real economic power, and so on stand alone in the middle of a deprived geographical location? While you were in power on 110 million people you could not manage your own people to be self-sustaining on food. About 1.8 million (about 30 % of the whole Tigray population) have been dependent on food aid according to your official data. So what is the economic prospect of independent Tigray really? Why do you struggle in keeping a selfish model that leads to your dismay? It is difficult to sustain such a life struggle. You are your own enemy. 


Be frank and face the data, how many young people have to die for this crazy model. You allow for a half million people to die in a few weeks and you blame that those partners do not allow you to control the capital city. Really? Was it the fact? Why do you not admit that you are all wrong to follow a sick ideology for too long? 


We wanted to provide our advice if these people have a space to consider for their     health and wellbeing of their fellow countrymen. 

  1. Ethnic-based politics can not work for Ethiopia. It is a wrong model for Africa. This is a simple truth. This divide and rule have been used by the colonialists in the past and the neo-colonialists persist to use it. But Africans are walking up and saying #NoMore. 

  2. Tigray is part of Ethiopia. Tigreans have founded Ethiopia with other Ethnic groups in the country. In the past, there were many errors here and there. Now is the 21 st century and people are not ignorant of facts anymore. By telling lies more times to yourself, it can not be true. It will only destroy your personality and character. Instead, the best side of the Tigrean population can manifest itself in the spirit of citizenship in the country. The hard-working and hospitable culture of Tigray people should be galvanized again. This used to be the fact on the ground. So be positive and capitalize on your positive side.

  3. Please stop the madness that you are a slave (sub-human) to others. The fact that you are willing to serve others’ interests more than your fellow countrymen is sickening the whole nation. Believe in equity. Believe in fairness. Let others respect you treat you equally. Do not downgrade your humanity just for the sake of getting power and money. Human nature has both sides: good and bad. Work on the good side. 

  4. Stop the ideology of self-determination. Instead, believe in mutual benefit and respect. When you do that others will respect you and you can sustain what you have built and gained. Of course, as human beings, your choices and rights will be respected while you respect the choices and interests of your fellow citizens. Speaking your language, developing your culture, and other rights can flourish as you also recognize and help others. Not just for the sake of diving and ruling but since it is the golden rule to live life on this planet. As a countryman, you will have properties and success in every part of the country as you participate constructively in the country. 

  5. Please, let the mothers and children of Tigray have peace with their neighbors and countrymen. Designating the very neighbors as enemies is a destructive way of life. Your immediate neighbors should not be your enemies. They are the ones whom you need most. Get wisdom. 

===========///===========

Saturday, January 1, 2022

ወገን ቴክኖሎጂ ሶሉሽንስ ኃ.የ.ግ.ማ. ከአቢሲኒያ ባንክ ጋር በመተባበር ''ወገን ፈንድ'' የሚባል የኦንላይን የድጋፍ ማሰባሰቢያ መተግበሪያ አስመርቆ አገልግሎት መስጠት ጀምሯል።



  • ቴክኖሎጂው ጎፈንድ ሚ የሚተካ አገልግሎት ይሰጣል።በጎ አድራጊ ድርጅቶች በቀላሉ ሊጠቀሙበት ይችላሉ።

ወገን ቴክኖሎጂ ሶሉሽንስ ኃ.የ.ግ.ማ ለኢትዮጵያ የሚጠቅም ቴክኖሎጂ ይዞ መጥቷል።በያዝነው ሳምንት አጋማሽ ላይ በይፋ የተመረቀው ይሄው ቴክኖሎጂ በእንግሊዝ ሃገር ነዋሪ በሆኑ ኢትዮጵያውያን ዶ/ር በላቸው ጨከነ እና አቶ ሚልዮን በተባሉ ኢትዮጵያውያን ትልቅ አስተዋጾ ወደ ተግባር እንደተቀየረ  ለማውቅ ተችሏል።ቴክኖሎጂው ከአቢኒያ ባንክ ጋር በጋራ የሚሰራ ሲሆን በቴክኖሎጂው ይፋዊ መርሃግብር ላይ በእንግሊዝ የኢትዮጵያ አምባሳደር ተፈሪ መለሰ እና ሌሎች ኢትዮጵያውያን በቨርችዋል በተዘጋጀው ዝግጅት ላይ ተገኝተዋል።

ከእዚህ በታች በአቢሲንያ ባንክ ድረ ገጽ ላይ የወጣ ዘገባ ነው።

===================

ወገን ቴክኖሎጂ ሶሉሽንስ ኃ.የ.ግ.ማ. ከአቢሲኒያ ባንክ ጋር በመተባበር ወገን ፈንድ የሚባል የኦንላይን የድጋፍ ማሰባሰቢያ መተግበሪያ ታህሳስ 21 ቀን 2014 ዓ.ም. አስመርቆ አገልግሎት መስጠት ጀምሯል።

በተዘጋጀው የቨርቹዋል የምረቃ ስነ ሥርዓት ላይ ጥሪ የተደረገለቻው የክብር እንግዶች፣ የግብረ ሰናይ ተቋማት ተወካዮች እና በተለያዩ ሀገራት የሚገኙ ኢትዮጵያውያን እና ትውልደ ኢትዮጵያውያን የተገኙ ሲሆን፣ ወገን ቴክኖሎጂ የግብረ ሰናይ ድርጅቶች በማንኛውም ማኅበረሰብ ውስጥ ካላቸው ዘርፈ ብዙ አስተዋጽኦ አንጻር በዓለም ዙሪያ የሚገኙ ደጋፊዎቻቸውን የሚያስተባብሩበት እና ድጋፍ የሚያገኙበት እንዲህ ያለ መተግበሪያ/platform/ መኖሩ ትልቅ አስተዋጽኦ እንደሚያበረክት ገልጿል።

አምባሳደር ተፈሪ መለሰ፣ በዩኬ እና አየርላንድ የኢትዮጵያ ባለ ሙሉ ሥልጣን አምባሳደር፣ ባደረጉት የመክፈቻ ንግግር በሁሉም ዘርፎች ራሳችንን መቻል እንደሚገባን ገልጸው ነዋሪነታቸውን በውጪ ያደረጉ ኢትዮጵያውያን እና ትውልደ ኢትዮጵያውያን በፋይናንስ፣ በእውቀትና ቴክኖሎጂ ሽግግር እና በሌሎችም መስኮች ለሀገራቸው የሚያደርጉትን ድጋፍ አድንቀዋል። በሌሎች የውጪ ሀገር የድጋፍ ማሰባሰቢያ ቴክኖሎጂዎች ላይ ከመመርኮዝ ይልቅ “የራሳችን በሆነው ወገን ፈንድ መጠቀምና ይኼንኑ ቴክኖሎጂ ማበረታታ ለዘላቂ ትልማችን አማራጭ የሌለው ስለሆነ ሁላችንም ይህንን ጅምር በማበረታታት ለጋራ እድገት በጋራ እንድንቆም” ጥሪያቸውን አስተላልፈዋል።

ወ/ሮ ፈሰሴ ገ/ሃና፣ የወገን ቴክኖሎጂ ዋና ሥራ አስኪያጅ ባሰሙት ንግግር ደግሞ “ወገን ፈንድ ዋነኛ ትኩረቱ በኢትዮጵያ ከሚንቀሳቀሱ በጎ አድራጎት ድርጅቶች፤ የሃይማኖት ተቋማት እና ማህበራት፣ እንዲሁም የጤና እክል ገጥሟቸው የወገን እርዳታ ከሚፈልጉ ግለሰቦች ጋር፣ የሀገራችን የሕግ ማዕቀፍ ውስጥ በመሆን ሕጋዊ ገቢ የማሰባሰቢያ እንቅስቃሴዎችን፣ በግሉ ዘርፍ በባንኪንግ ቴክኖሎጂ ግንባር ቀደም ከሆነው ከአቢሲኒያ ባንክ ጋር በመሆን መስራት ነው” ብለዋል።

አቶ አባይ ስሜ፣ የአቢሲኒያ ባንክ፣ የኦንላይን ባንኪንግ አገልግሎት ዳይሬክተር በበኩላቸው አቢሲኒያ ባንክ አለም አቀፍ የክፍያ ቴክኖሎጂን በኢትዮጵያ ለመጀመር ቀዳሚው ባንክ መሆኑን በማስታወስ “ልግስናን እንደ አንድ መገለጫው አድርጎ ለሚያይ ማኅበረሰብ ይኅንን መልካም ተግባሩን የሚያዳብርበት የቴክኖሎጂ መላ ማበጀት እጅግ የሚደነቅ ሥራ ነው” በማለት ለወገን ቴክኖሎጂ ምስጋናቸውን ካቀረቡ በኋላ “በጊዜ እና በቦታ ሳይገደብ ሁሉም ዜጋ የአቅሙን አስተዋጽኦ ማድረግ የሚችልበትን መንገድ በማመቻቸቱ ሥራ ላይ አንድ ባለድርሻ አካል ሆነን ከወገን ቴክኖሎጂ ጋር በመሥራታችን እጅግ ኩራት ይሰማናል” ብለዋል።

በምረቃ መርሃ ግብሩ ላይ ከ350 በላይ የሚሆኑ የሀገር በቀል ግብረ ሰናይ ድርጅቶች ስብስብ የሆነውን “የሲቪል ማህበረሰብ ድርጅቶች ጥምረት ለኢትዮጵያ ህዝብ” የተሰኘውን ጥምረት ጨምሮ የተለያዩ ሀገር በቀል ግብረ ሰናይ ድርጅቶች አባላት እና የቦርድ አባላት የተገኙ ሲሆን ለኢትዮጵያም ሆነ ለአህጉራችን አፍሪካ የሚድያ እና የቴክኖሎጂ አቅምን ማሳደግ እንደሚገባ፣ ሀገራችን ካለችበት ሁኔታ አንጻር ወገን ፈንድ ወሳኝ ወቅት ላይ እንደደረሰ እና ሳታዳሉ ሁሉንም የሲቪክ ማኅበራት ለማገልገል በመነሳታችሁ እናመሰግናለን የሚሉ አስተያየቶች ተሰጥተዋል።

የወገን ቴክኖሎጂ ሶሉሽን ዳይሬክተር እና መስራች ዶ/ር በላቸው ጨከነ እንዲሁም ሌላኛው መሥራች እና ዋና ዴቬሎፐር አቶ ሚሊዮን አጀበ ወገን ፈንድ ነባሩን የኢትዮጵያውያን የመረዳዳት ባህል በዘመናዊ ቴክኖሎጂ እንዲታገዝ ለማድረግ የተዘጋጀ መሆኑን፤ ወገን ቴክኖሎጂ የተመሠረተው በውጪው አለም፣ በተለያዩ መስኮች፣ ከአሥር አመት በላይ ልምድ ባካበቱ ባለሙያዎች እንደሆነ፤ እንዲሁም የወገን ቴክኖሎጂ አላማ ወደሃገራችን የሚደረገው የቴክኖሎጂ እና እውቀት ሽግግር ላይ አስተዋጽኦ ማበርከት በወደዱ ፣ የኢትዮጵያ ልጆች በሚያዘጋጇቸው ቴክኖሎጂዎች በመታገዝ ኢትዮጵያውያን ራሳቸውን እንዲችሉ ማስቻል እንደሆነ ገልጸዋል።

ወገንፈንድን www.wegenfund.com ድህረ ገፅ ላይ ማግኘት ይቻላል።







Thursday, December 30, 2021

Breaking News - #NoMore says Hands Off Somalia! What is happening in Somalia now? (Watch the video)

The Horn of Africa Unites Somalis Sheikh Abdi Hersy and Dr. Hashi, Eritrean organizer Dr. Simon Tesfamariam and Ethiopian organizer Nebiyu Asfaw speak with journalist Hermela Aregawi about the latest imperialist attacks on Somalia.

Video Source - Hermela Tv




Wednesday, December 29, 2021

ኢትዮጵያ በዘመናዊ ታሪኳ ታላቅ ተልዕኮ የሚኖረው ሀገራዊ የምምክር ኮሚሽን ተመሰረተ።ስለኮሚሽኑ ምንነት ምን ያህል ያውቃሉ? ጉዳያችን ያገኘችውን መረጃዎች ታካፍላችኋለች።



  • የእዚህ ኮሚሽን መመስረት ኢትዮጵያ የተቋማት ግንባታ ላይ በሚገባ እየሰራች እንደሆነ የሚያበስር ብስራት ነው።
  • ይህንን ኮሚሽን ማጠናከር፣ማክበር አና በአግባቡ መጠቀም ለኢትዮጵያ ታሪካዊ ዕድል ነው።ዜጎች ሁሉ ከፍተኛ ትኩረት እና አክብሮት ሊሰጡት ይገባል።
ETHIOPIAN MP PASS BILL TO SET UP NATIONAL DIALOGUE COMMISSION 
===================================
ጉዳያችን ልዩ ዘገባ /Gudayachn Special Report
===================================
ታኅሳስ 1፣2014 ዓም የሚኒስትሮች ምክር ቤት በኢትዮጵያ መሠረታዊ በሚባሉ አገራዊ ጉዳዮች በተለያዩ ጎራዎች የተሠለፉ የፖለቲካ ልሂቃንም ሆኑ ምልዓተ ሕዝቡ ተቀራራቢና በአገራዊ አንድነት ገንቢ አቋም እንዲይዙና አካታች አገራዊ ምክክር ተግባራዊ ለማድረግ፣ ይህንኑ ምክክር በገለልተኝነት ለመምራትና ለማስተባበር የሚችል ቅቡልነት ያለው ተቋም ለማቋቋም የሚያስችል ረቂቅ አዋጅ ላይ ተወያይቶ ለሕዝብ ተወካዮች ምክር ቤት ለውሳኔ መርቶት ነበር። 

በእዚህ መሰረት የሕዝብ ተወካዮች ምክር ቤት ታኅሳስ 7 ቀን 2014 ዓ.ም. ባካሄደው መደበኛ ስብሰባ፣ በረቂቅ አዋጁ ላይ ተወያይቶ ለዝርዝር ዕይታ ለምክር ቤቱ የሕግ፣ ፍትሕና ዴሞክራሲ ጉዳዮች ቋሚ ኮሚቴ መርቶት የነበረ ሲሆን በእዚሁ ውይይት ላይ  የዴሞክራሲ ተቋማት፣ የሲቪል ማኅበረሰብ ድርጅቶች፣ የፖለቲካ ፓርቲዎች የጋራ ምክር ቤትና የፖለቲካ ፓርቲ ተወካዮች፣ የፍትሕ ሚኒስትርና የብሔራዊ ምርጫ ቦርድ የሥራ ኃላፊዎችና ሌሎችም አካላት ተሳትፈዋል፡፡በውይይቶቹ ውስጥ ከተነሱት እና አጽንኦት እንዲሰጥባቸው ከተወሱት ውስጥ የኮሚሽነሮች አሰያየም፣ አወቃቀርና የኮሚሽኑ አደረጃጀት ላይ ያላቸውን ሥጋትና የገለልተኝነት ሁኔታዎች ጥቂቶቹ ነበሩ።ከእዚህ ሁሉ ውይይት  በኃላ ዛሬ ታኅሳስ 20፣2014 ዓም የሕዝብ ተወካዮች ምክር ቤት በረቂቁ ላይ ተወያይቶ በአብላጫ ድምፅ አፅድቆታል።

ኮሚሽኑ 11 ያለመከሰስ መብት ያላቸው ኮሚሽነሮች ይኖሩታል።በኮሚሽነሮቹ መብዛት ላይ የህዝብ ተወካዮች ምክር ቤት አባላት ሃሳብ ሰጥተዋል። የኮሚሽኑ ዋና ተግባር ልዩነትና አለመግባባት ለማርገብና ለመፍታት ሰፋፊ አገራዊ የሕዝብ ምክክሮችን አካታች በሆነ መንገድ በማካሄድ አገራዊ መግባባት ለማምጣት የሚሠራ ነው። የኮሚሽኑ መቋቋም በኢትዮጵያ ሃገረ መንግስት የሚመሰረተው አንዱ ተቃዋሚ ሲጠፋ ነው የሚለው አስተሳሰብ በእዚህ ኮሚሽን መመስረት ይቀየራል ተብሎ ይታሰባል።ይህ ግን ሽብርተኛን እና ኢትዮጵያን ለመበተን የሚነሳ አካልን አይመለከትም።

በኮሚሽኑ መመስረት ዙርያ ባለፈው ሳምንት የኢትዮጵያ ሳይንስ አካዳሚ ‹‹ሰላም፣ ደኅንነት፣ ዲፕሎማሲና ልማት በኢትዮጵያ አሁናዊ ሁኔታ ምን ይደረግ?›› በሚል ርዕስ  ምሁራንን ያካተተ የፓናል ውይይት አድርጎ ነበር።በእዚሁ ውይይት ላይ በአዲስ አበባ ዩኒቨርስቲ የሰላምና ደኅንነት ጥናት ተቋም መምህርና ‹‹ብሔራዊ ደኅንነት በኢትዮጵያ›› በሚል የጥናት ርዕስ የዶክትሬት ዲግሪያቸውን እየሠሩ ያሉት አቶ ዮናስ ታሪኩ ‹‹ደኅንነት›› በሚል ርዕስ ጽሑፍ ያቀረቡ ሲሆን፣ በተለይ ካለፉት 50 ዓመታት ወዲህ በአገሪቱ ውስጥ ‹‹የማንን ደኅንነት እናስጠብቅ›› የሚለው ላይ አለመግባባት መኖሩንና በዚህም ምንክያት የአገሪቱ ደኅንነት ፍትጊያ ውስጥ መግባቱን መናገራቸው ተዘግቧል። በእርሳቸው ጥናታዊ ጽሁፍ ላይ እንደተገለጠው የሃገረ መንግስቱ መጠበቅ የቡድን መብት መጠበቅ ለምሳሌ በቋንቋ እና ማንንነት ላይ ያለው ከለላ ትኩረት እንዲሰጠው የሚፈልጉ የመኖራቸውን ያህል በተቃራኒው ሃገረ መንግስቱ መጠበቅ ላይ ኢትዮጵያዊነትን በሚገባ ይዞ መጓዝ እንዳለበት አጥብቀው የሚያሳስቡ እንዳሉ ገልጠዋል። አቶ ዮናስ ማብራርያቸውን በመቀጠል የሁለቱ ቡድኖች ሃሳብ እርስ በርስ የሚጋጩ አስመስሎ በማቅረብ ችግር የመፍጠር ሁኔታ መሆኑን ገልጠው ይህ ግን ወደ ግጭት ሊያመራ እንደማይገባ አብራርተዋል።

ዛሬ በህዝብ ተወካዮች ምክር ቤት የተቋቋመው የሃገራዊ ምክክር ኮሚሽን ለእንዲህ ዓይነት የኢትዮጵያ ሁኔታዎች ዓይነተኛ መፍትሄ የሚሰጥ እንደሚሆን ይታመናል።ይህንን ኮሚሽን ማጠናከር፣ማክበር አና በአግባቡ መጠቀም ለኢትዮጵያ ታሪካዊ ዕድል ነው።ኮሚሽኑ ሁለት አና ከእዚያ በላይ የሆኑ የምክክር ሃሳቦችን ሁሉ የሚያስተናግድ ሲሆን የሦስት ዓመታት ዕድሜ ይኖረዋል።ከእዚህ በተጨማሪ በሀገራዊ ደረጃ የማያግባቡ አጀንዳዎችን መርጦ በሰነድነት አዘጋጅቶ ለውይይት የሚያቀርብ አና የሚቋጩትን በመቋጨት ያልተቋጩትን ደግሞ በውይይት እንዲፈቱ የማድረግ ትልቅ ሃገራዊ አደራ ተቀብሏል። ሌላው እና የኮሚሽኑ ትውልድ ተሻጋሪ መሆኑን የሚያሳየው የኮሚሽኑ ተግባር ደግሞ የውይይት ሰነዶቹ ሂደት ጭምር ለቀጣይ ትውልድ መማርያ እንዲሆኑ በሚገባ በሰነድነት ሰንዶ ለብሄራዊ ቤተ መዛግብት የሚያስረክብ ሲሆን፣ ማንኛውም ኢትዮጵያዊ ሰነዶቹን በፈለገ ጊዜ ለመመልከት እንዲችል ሁኔታዎች የሚመቻቹ መሆናቸው ነው። 

የእዚህ ኮሚሽን መመስረት ኢትዮጵያ  የተቋማት ግንባታ ላይ እየሰራች እንደሆነ በሚገባ የሚያበስር ብስራት ነው።በመሆኑም ዜጎች ለኮሚሽኑ ከፍተኛ ትኩረት እና ተገቢው አክብሮት ሊሰጡት ይገባል።የኢትዮጵያ የፖለቲካ መድረክ አንዱ ችግር ያሉትን የተለያዩ ሃሳቦች በአግባቡ ሰንዶ እና አስተካክሎ መፍትሄ እንዲያገኙ ለውይይት እና ለህዝብ ውሳኔም ሆነ አስፈጻሚ እና ህግ አውጪ አካል አለመቅረባቸው መሆኑን ማስተዋል ይገባል።አንዳንዶቹ ቀላል የልዩነት ሃሳቦች በእየሚድያው ላይ ይንገዋለላሉ እንጂ እንዴት እና መቼ መፍትሄ እንደሚያገኙ ሃላፊነት የሚወስደው ተቋም ማን እንደሆነ ስለማይታወቅ ሁሉንም ጉዳይ መንግስት ይፍታው በሚል መጯጯህ ብቻ ጉዳዮች ሲንገዋለሉ ከርመው ኢትዮጵያን ለማፍረስ የሚፈልጉ የውጭም ሆኑ የውስጥ አካላት ጉዳዮቹን ለሃገር መበጥበጫ ሲጠቀሙበት መመልከት የተለመደ ነው።አሁን የእዚህ ዓይነት ተቋም መኖር ለኢትዮጵያ ትልቅ ተስፋ ብቻ ሳይሆን ለቀጣይ ልማቷም ያለው አስተማማኝ መሰረትነት የሚናቅ አይደለም።ይህንን ስራ ለሚሰሩ ብቻ ሳይሆን ሃሳቡን ላመነጩ የመንግስት አካላት ሁሉ ከፍ ያለ ክብር እና ምስጋና ይገባቸዋል።የኮሚሽኑን ውጤታማነት ደግሞ በበለጠ የምንረዳው እና የምናመሰግነው በቀጣይ በሚሰራቸው ስራዎች ይሆናል።ለስራዎቹ ስኬቶች ግን የእያንዳንዳችን አስተዋጽዖ አስፈላጊ ነው።

===================///==========