ቆይታ ከሙሐዘ ጥበባት ዲ/ን ዳንኤል ክብረት ጋር ክፍል 1

ማን ምን አለ?

ኢትዮጵያ ሳተላይት ቴሌቭዥን (ኢሳት)

ጥቅምት/2012 ዓም 

ጉዳያችን GUDAYACHN
www.gudayachn.com

ክቡር ጠቅላይ ሚኒስትር ዓቢይ የኖቤል ሽልማት ማግኘታቸው ለአፍሪካ ያለውን አንደምታ ዋናው የደቡብ አፍሪቃው ብሮድካስት ቴሌቭዥን በሚገባ ተንትኖታል (ቪድዮ)

በቅድምያ ጉዳያችን ጠቅላይ ሚኒስትር ዓቢይ ከመላው ዓለም የኖቤል ሰላም  የ2019 ዓም እኤአ አሸናፊ በመሆናቸው ለክቡር ጠቅላይ ሚኒስትር፣ ለመላው ኢትዮጵያውያን እና የኢትዮጵያው ወዳጆች በሙሉ እንኳን ደስ አለን! ለማለት ትወዳለች።

Source = SABC (South African Broadcasting Corporation)

ጉዳያችን GUDAYACHN
 www.gudayachn.com

በኢትዮጵያ ኦርቶዶክስ ተዋሕዶ ቤተ ክርስቲያን ላይ እየደረሰ ያለውን ጥፋት በተመለከተ በኦስሎ፣ኖርዌይ ቅዳሜ ታላቅ ሕዝባዊ ስብሰባ ተጠርቷል።

ጉዳያችን / Gudayachn 
መስከረም 28/2012 ዓም (ኦክቶበር 9/2019 ዓም)
+++++++++++++++++++ 
በጉባኤው ላይ መሳተፍ በርቀት ከመቆጨት ያለፈ አንድ እርምጃ ነው።

• በኦስሎ የሚገኙ ሁለቱም አጥብያዎች ካህናት እና ምእመናን በአንድነት በስብሰባው ላይ ይሳተፋሉ።
• ከኦስሎ ውጪ  ለሚገኙ አጥብያዎች  ሰበካ መንፈሳዊ ጉባኤ በሙሉ እንዲያውቁት መልዕክት ደርሷል።
• ከኦስሎ ውጪ የሚመጡ ተሳታፊዎች ይኖራሉ።

በመጪው ቅዳሜ ጥቅምት 1/2012 ዓም (ኦክቶበር 12/2019 ዓም)  በኢትዮጵያ ኦርቶዶክስ ተዋሕዶ የሰሜን አውሮፓ አህጉረ ስብከት የኦስሎ፣ኖርዌይ መካነ ቅዱሳን ቅዱስ ገብርኤል ወአቡነ ተክለ ኃያማኖት ቤተ ክርስቲያን መንፈሳዊ ሰበካ ጉባኤ አስተባባሪነት  በኢትዮጵያ ኦርቶዶክስ ተዋሕዶ ቤተ ክርስቲያን ላይ እየደረሰ ያለውን ጥፋት በተመለከተ ሕዝባዊ ስብሰባ ተጠርቷል። በተመሳሳይ መልኩ በሀገር ቤት ከሃምሳ ከተሞች በላይ እና በባህር ማዶ በአሜሪካ እና አውሮፓ ተመሳሳይ ጥሪዎች በሰላማዊ ሰልፍ መተላለፋቸው ይታወቃል።

በኦስሎ፣ኖርዌይ በመጪው ቅዳሜ የሚደረገው ሕዝባዊ ስብሰባ ሊቃነ ጳጳሳት፣ካህናት እና በርካታ ምእመናን እንዲሁም ከቤተ ክርስቲያኒቱ ተከታዮች ውጪ በኢትዮጵያዊነታቸው የሚገኙ እንዳሉ ለማወቅ ተችሏል።ቅዱስ ሲኖዶስ በድንገተኛ ስብሰባው ላይም የቤተ ክርስቲያኒቱ ተከታይ ያልሆኑ ሁሉ አጋርነታቸውን እንዲገልጡ ባሳሰበው መሰረት በእዚህ ጉባኤ ላይም የሚገኙ ኢትዮጵያውያን በእዚሁ ዓውድ የሚታይ ነው።

በመጨረሻም በኦስሎ የሚደረገው ስብሰባ በሌሎች አካባቢዎች ከሚደረጉ ሰልፎች በተለየ ምእመናን በአንድነት ስብሰባዎችን በማዘጋጀት መምከር ሌላው አማራጭ በቤተ ክርስቲያን ላይ የሚደርሰውን ፈተና የመቃወምያ መንገድነት በር የሚከፍት መልካም ሃሳብ እንደሚሆን ይታመናል።

አንዲት ናት ቤተክርስቲያን አንዲት ናት (በማኅበረ ቅዱሳን የመዝሙር ልዑክ የተዘጋጀ አዲስ መዝሙር)

ጉዳያችን GUDAYACHN 
 www.gudayachn.com

የኢትዮጵያ ዜጎች ለማኅበራዊ ፍትህ (ኢዜማ) በኢትዮጵያ ወቅታዊ ጉዳይ ላይ በሰባት ነጥቦች ዙርያ መግለጫ አወጣ (የመግለጫው ሙሉ ቃል በድምፅ እና በጽሁፍ)

መስከረም 27/2012 ዓም (ኦክቶበር 8/2019 ዓም) 
መግለጫው በጽሁፍ  ከኦድዮ ስር ያገኙታል።
ምንጭ - ዘ-ሐበሻ

የመግለጫው ፅሁፍ

ጉዳያችን GUDAYACHN
 www.gudayachn.com

ሰበር ዜና - የአዲስ አበባ ነዋሪ በዕጣ ደርሶት የነበረው 23 ሺህ ኮንደሚንየም በመጪው ሰኞ ተነጥቆ ''ለባለተረኞች'' በኦፊሴል በሚሌንየም አዳራሽ ሊታደሉ ነው (Gudayachn Exclusive)

ጉዳያችን GUDAYACHN 

መስከረም 24/2012 ዓም  (ኦክቶበር 5/2019 ዓም)

በአዲስ አበባ ዙርያ ከዓመታት በፊት ለልማት ተነስተው የነበሩ እና በምትኩ ለእርሻም ሆነ ለመኖርያ ቦታ ተሰጥቷቸው  የነበሩ የኦሮምኛ ተናጋሪ ኢትዮጵያውያን ቀድሞ ከተሰጣቸው ምትክ ካሳ በተጨማሪ በሚመጣው ሰኞ በሚሊንየም አዳራሽ በሚደረግ ስነ ስርዓት የኮንደምንየም እደላ ሊደረግ መሆኑን ከአዲስ አበባ ተሰምቷል።

መረጃውን በተመለከተ ጉዳያችን ለማጣራት እንደሞከረችው ከእዚህ በፊት ካሳ ተሰጥቷቸው  የነበሩት ብዛት ሶስት ሺህ ሲሆኑ የተቀሩት 20 ሺህ የሚሆኑት በውሸት የተፈናቀሉ ነበሩ በሚል ስም ከተለያዩ የኦሮምያ አካባቢዎች ውስጥ ተመርጠው የሚመጡ እና ካለምንም ዕጣ እና ክፍያ የሚሰጣቸው መሆኑ ተሰምቷል።በሌላ በኩል ለእነኝህ አካላት የሚሰጠው የኮንደምንየም እደላ ልዩ የብድር አገልግሎት ይመቻችላቸዋል የሚል መረጃ አለ።የተረጋገጠው ጉዳይ ግን የአዲስ አበባ ሕዝብ በዜግነት መብቱ ተመዝግቦ እና ዕጣ አውጥቶ ኮንደሚንየም  እየጠበቀ ቢሆንም  ከ23 ሺህ የማያንሱ ኮንደሚንየም ቤቶች በሙሉ ከላይ ለተጠቀሱት አካላት የሚሰጥ መሆኑ ነው።

በኮንደሚንየም አሰጣጡ ኢ-ፍትሃዊ አካሄድ ደግሞ ቀድሞ ካሳ ለተሰጣቸው ድጋሚ ኮንደሚንየም ሲሰጥ፣በአንድ ቤተሰብ ውስጥ ሁለቴ እና ሶስቴ እየተሰጠ ሲሆን ለምሳሌ በቤተሰብ ውስጥ ለቤተሰቡ ሶስት መኝታ ክፍል ከተሰጠ በኃላ በቤተሰቡ ውስጥ ላሉ ከአስራ ስምንት ዓመት በላይ የሆኑ ልጆች ላሏቸው ለልጆቹ ለብቻቸው ሌላ የኮንደሚኒየም ቤቶች እንደሚሰጥ ለማወቅ ተችሏል።

ይህ በእንዲህ እያለ ዛሬ በአዲስ አበባ የእረቻ በዓል ዋዜማ በሚል በመስቀል አደባባይ የኦሮምያ ምክትል ፕሬዝዳንት አቶ ሽመልስ አብዲሳ  ''የኦሮሞ ሕዝብ የተሰበረው እዚህ ነው፣የነፍጠኛ ስርዓትን ዛሬ ሰበርነው፣የኦሮምያ ሕዝብ ደስ ይበልህ'' የሚል አደገኛ የዘር ቀስቃሽ ንግግር (ምናልባትም የሁቱ እና ቱትሲ ግጭት የመሰለ  ንግግር) መናገሩ ከፍተኛ ውጥረት ኢትዮጵያ ውስጥ ፈጥሯል።

የአቶ ሽመልስ ንግግር የኦዴፓ ድብቅ እና ከፋፋይ ዓላማ በግልጥ ያሳየበት ብቻ ሳይሆን ኦዴፓ ከፅንፍ ኃይሎች ጋር አፍ ለአፍ ገጥሞ እየሰራ መሆኑ ግልጥ ማሳያ ሆኗል።ሌላው የንግግራቸው ማሳያ አሁን ለውጡ ሙሉ በሙሉ ሐዲዱን እየለቀቀ መሆኑን ማሳያ ተደርጎ መወሰድ ይችላል።

ለኢትዮጵያ ነፃነት ከታገሉ የኢትዮጵያ ነፍጠኛ  አርበኞች መካከል ፋሺሽት ጣልያን ኢትዮጵያን በወረረበት  ወቅት 1928 ዓም አዲስ አበባ 
Determined Ethiopian young patriot NEFTEGNA at the beginning of the second world war, when Italy invaded Ethiopia in 1935.

ጉዳያችን GUDAYACHN
www.gudayachn.com

ከ2 ሚልዮን ምዕመናን በላይ የተገኙበት የዛሬው የግሸን ደብረ ከርቤ ማርያም ንግሥ በዓል ላይ ብፁዕ አቡነ ኤርምያስ ያስተላለፉት ሙሉ መልዕክት (ቪድዮ)

መስከረም 21፣2011 ዓም  ግሸን ደብረ ከርቤ ማርያም ገዳም ቀጥታ ስርጭት 

ጉዳያችን GUDAYACHN
 www.gudayachn.com

የኦሮሞ ድርጅቶች ተፈራረሙ ወይንስ ተፈራሩ? (የጉዳያችን ምልከታ)

  

ታላቁ የኢትዮጵያ አርበኛ ጀነራል ጃጋማኬሎ

ጉዳያችን/Gudayachn
መስከረም 21/2011 ዓም (ኦክቶበር 2/2019ዓም)

=========================
ትናንት ማክሰኞ መስከረም 20/2011 ዓም ወደ 14 የሚጠጉ ድርጅቶች በጋራ ለመስራት መፈራረማቸውን ለአምስተኛ ጊዜ በመፈራረም አሳይተዋል።የፊርማው ድባብ በራሱ የሚነግረን ነገር ግን የተለየ ነው።
ለመሆኑ የተፈራረሙት ማን ከማን ጋር ነው ብለን ብንጠይቅ መልሱ ቀላል ነው።ለሃያ ሰባት ዓመታት ኦህደድ የኦነግ ድርጅቶችን ሸኮና እየሰበረ አላስገባ ካላቸው ኃይል ጋር ነው።ይህ በጠቅላይ ሚኒስትሩ የሚመራው የኦህዴድ (የአሁኑ ኦዴፓ) የኦነጎችን ፕሮፋይል ደካማና ጠንካራ ጎን ሲያጠና ነው የኖረው።በእርግጥ የኦነግ አንጃዎች እና ኦዴፓ በአንድ ነገር ላይ ይስማማሉ።ይሄውም ኢትዮጵያዊ ቅኝትን ማጥፋት፣የኢትዮጵያ ኦርቶዶክስ ተዋህዶ ቤተ ክርስቲያንን ተሰሚነት ማደብዘዝ፣ያለፈውን ታሪክ በአዲስ የእረቻዊ የታሪክ ትርክት መፃፍ እና ሌሎች ላይ አብረው የሚያልሙት ጉዳይ ነው። ይህ ግን ሁሉም ኦዴፓ ውስጥ ያለ ሃሳብ አይደለም።ሃሳቡ ቢኖርም እንደማያዋጣ ጠንቅቀው የሚያውቁ ብዙ ናቸው።ስለሆነም ግቡ ላይ ቢስማሙም አካሄድ ስልት ላይ ግን ይለያያሉ።

በአካሄድ ከሚለያዩት ውስጥ ጠቅላይ ሚኒስትር ዓቢይ ይጠቀሳሉ።ጠቅላይ ሚኒስትሩ ስልችት ያላቸው ጉዳይ አሁንም የኦነግ እንደአንዳንዶች አባባል የማይጠራ የበግ ሽንፍላ የማጠብ ያህል ማለቂያ የሌለው ያረጁ እና የጃጁ ጥያቄዎች እራሱ ኦነግ ቤተ መንግስት ቢገባም ያማይመልሳቸው ጥያቄዎች ናቸው።እነኝህ ጥያቄዎች የ21ኛው ክ/ዘመንን የማይመጥኑ ብቻ ሳይሆኑ ያለፈው እና የድሮው ስራቶችንም ያማይመጥን ውሃ ቅዳ ውሃ መልስ አይነት ጥያቄ ያለው ግን ግቡ እና ዓላማው ኢትዮጵያዊነትን በፅንፍ የእስልምና ሃሳብ የመተካት ነው። ከኦነግ አንጃዎች ውስጥ ብዙዎቹ የኦኤምኤን ባለቤት ሃጅ ጀዋርን ጨምሮ የሚያገናኛቸው ይሄው ኢትዮጵያን ወደ ፅንፍ የእስልምና አብዮት መምራት ነው።ሁሉም ለኦሮሞ ሕዝብ እንደ ሰብዓዊ ጋሻ ከመጠቀም ያለፈ ቅንጣት ታህል አይፈልጉትም። ቢፈልጉት ኖሮ ሀገር ቤት ከገቡም በኃላ በኦሮሞ ስም እንደ አሜባ እየተራቡ ባልተከፋፈሉ ነበር።

የትናንቱ የኦሮሞ ድርጅቶች ተፈራረሙ ዜና ተፈራሩ በሚለው ቢቀየር የተሻለ ነበር።የፊርማው ስነስርዓት ሲደረግ ጀዋር ጮክ እያለ ለማንበብ እየቸገረው ድምፁን እየቆራረጠ በኦሮምኛ ሲያነብ ጠቅላይ ሚኒስትሩ ሳቃቸው መጥቶ አይናቸውን ከወዲያ ወዲህ ይወስዱ ነበር። አሁን መሰረታዊው ጥያቄ ፅንፈኛው ክፍል ዓቢይን ለመምታት በፊርማ ሊያዘናጋ እየሞከረ ነው ወይንስ ዓቢይ የፅንፈኛውን አካል ጋር ተስማማ? የሚለው ነው። ይህ ጥያቄ በደንብ መመለስ ያለበት ነው።የፊርማው ስነ ስርዓት የመፈራራት ውጤት ነው።ግቡም ጊዜ መግዣ ነው።ፅንፈኛው አካል ዓቢይ ከስልጣን መውረድ እንዳለበት ያልማል።በቀላሉ ሊያደርጉ እንደማይችሉ ደግሞ ገብቷቸዋል።ዓቢይ የምንፈልገው አይደለም።የኢትዮጵያን ለውጥ ከቱንስያ ከፍ ማድረግ ነበረብን።አሁን ቆጨን እና ሌሎችም ሲሉ የነበሩ ዛሬ ፊርማ ያሉት አንድ ዓቢይ ሊያስረን ነው ብለው ስለፈሩ።ግልጥ እርምጃ የኦዴፓ ሰዎች መውሰድ ስለጀመሩ።ይህም በቀጥታ ማፈንን የጨመረ በመሆኑ ጉዳዩ ሳይከፋ የተለመደው ፊርማ ማንጋጋት መፍትሄ ነው ብለው ስላሰቡ ነው።

''ሀሎ ዓብይ ፊርማ ስነ ስርዓቱ አንተ ባለህበት መሆን አለበት'' አቶ ለማ ወደ ዓቢይ ደውለው።
''እባክህ ስራዬን ልስራበት።ከፈለጉ ወደ አስመራ መልሳቸው አርባ ዓመት ከገማ አስተሳሰብ ጋር አታነካካኝ።ካመንቅበት እንደሚሆን አድርገው'' ዓቢይ 
'' ግዴለህም እንደመንግስት ስንሆን መታገስ አለብን።ይህንን ብቻ ዓቢይ የአንተ መገኘት በጣም አስፈላጊ ነው።ሰጥቶ መቀበል አርገውታል።አንተን በአደባባይ ማሳየት እንደ ሾው ነው።ሆነም አልሆነም ምን ያህል እንደታገስን የሚያስረዳ ነው የሚሆነው።እረቻ ላይ ነገር ከተበላሸ ብዙ መዘዝ አለው።እሺ በለኝ።'' አቶ ለማ።

ዓቢይ ወደ አዳራሽ ሲገባ የምንሊክ ግብር የመሰለ ከአክትቪስት እስከ ጋዜጠኛ ተሰብስቧል።ዓቢይ የውሸት ዕቃ ዕቃ የሚጫወት ነው የመሰለው።ኦነግ ምን ሲሰራ እንደነበር ሪፖርቱ አለው።ከህወሓት ጋር እነማን ምን እንደተባባሉ ቃል በቃል ሰምቶታል።ይህ ፊርማ ዓቢይ ከጀዋር ጋር ተሰለፈ ለመባል የገበያ ዋጋ እንዳለው ያውቃል።ለማን ማስቀየም አልፈለገም።ሁሉንም ከኢረቻ በኃላ ይደርሳል።ስለሆነም ስልችት እያለው እና ሳቁ እየመጣ ተፈራረመ።እንደ ኦህዴድ -ኦዴፓ ሆኖ ፈረመ።ፈርሞ ሲወጣ ዘወር ዘወር ብሎ አየ እና ''ነጋቲ'' ብቻ ብሎ ወጣ። ፊርማ ሳይሆን መፈራራት።የእውነት ሳይሆን ዓቢይን በማዘናጋት ለመምታት እና ስልጣን ለመቆጣጠር የስልት ፊርማ መሆኑ ገብቶታል።የለማ የዋህነት እና ፅንፈኛውም የእኛው ነው ነገሮችን ማረቅ አለብን የሚለው አባባል የቆየ  ግን የማይሰራ መሆኑ ገብቶታል።ስለሆነም ቀጣዩ እርምጃ እና ሂደት ላይ ብቻ ነው ዓቢይ እያሰበ የወጣው።የኦነግን ፋይል ደህንነት መስርያቤት እያለ ሲያነበው ነው የኖረው።ወደ ሰውነት ማደግ ያልቻሉ የጫጩ አስተሳሰቦች እንዳሉበት ያውቃል።ስለሆነም ወደ ቀጣዩ ሂደት ላይ ማትኮር እንዳለበት ገብቶታል።

ለማጠቃለል ፍጥጫው  በፊርማው ባሰበት እንጂ አልተሻሻለም።የሚሻሻል ቢሆን ኖሮ ከአምስት ወር በላይ ፈጀብን እያሉ መናገር አይሳፈልገውም ነበር።በትክክል ከታሰበ የፈጀባቸው አምስት ወር አይደለም አርባ ዓመት ነው።ከአርባ ዓመት በኃላም ስለ አንድ ኦሮሞ እያወሩ አስራ አራት ሆነው ተቀመጡ እንጂ አንዳች አልፈየዱም።ከአርባ ዓመት በኃላ ከአስመራ ሀገር ውስጥ ገብተው ጥይት አንጣጡ ባንክ ዘረፉ እንጂ አንዳች ፋይዳ ለኦሮሞ ሕዝብ አላመጡም።ኦሮሞ ይነሳል! ኢትዮጵያዊነቱን በደሙ ያስከብራል።ያን ጊዜ ለፅንፍ አውሬ ሊሰጡት ያሰፈሰፉ ሁሉ እውነተኛ ፍርዳቸውን ያገኛሉ።የወለጋ ሕዝብ የደረሰበትን እና አሁን እየደረሰበት ያለውን ይመስክር።በሰላም አርሶ መብላት እና ነግዶ ማትረፍ ሕልም የሆነበት በኦነግ እና ውላጆቹ አስተሳሰብ የተነሳ ነው።ከኦነግ ያረጀ አስተሳሰብ ጋር እሄዳለሁ የሚል ማንኛውም ኃይል ጠቅላይ ሚኒስትር ዓብይም ሆኑ የኦዴፓ ለኦነግ አሸርጋጆች ሁሉ የሚፋረዳቸው የኦሮሞ ሕዝብ ነው።ይህ ዕውነት አይዘገይም። ባጭሩ የኦሮሞ ድርጅቶች ተፈራረሙ ከማለት ተፈራሩ ማለቱ የተሻለ ነው።ጀግኖቹ እነ ጀነራል ጃጋማኬሎ ደምተው ባቆዩት ሀገር ፅንፈኛ አይፈነጭባትም።ጉዳዩ እየጠራ መጥቷል።ኢትዮጵያዊነት ያነገቡ ከምር የሚነሱበት የደውል ድምፅ ከፍ ብሎ እየተሰማ ነው።

 
ጉዳያችን GUDAYACHN 
www.gudayachn.com