በኢትዮጵያ የእገታ ወንጀል ተሳታፊ አራት አካላት ናቸው። ለችግሩ የመፍትሄ አካላት ሁለት ናቸው።ሁለቱ አካላት ምን ይስሩ?

=======

ጉዳያችን

=======

በኢትዮጵያ ዜጎችን እያገቱ ገንዘብ የሚቀበሉ ወንጀለኞች ከተራ ወንጀለኝነት አልፎ በታጣቂ ቡድኖች የገንዘብ ማግኛነት መዋል ብቻ ሳይሆን ዜጎችን የማሸበርያ ፋሺሽታዊ ተግባር ሆኗል። እገታ የፖለቲካ መሸቀጫም ሆኗል።አጋቹም ያግትና መንግስትን ውቀሱ ይላል። አክቲቪስቱም አጋቹን መውቀስ ትቶ መንግስትን መውቀስ ስራዬ ተብሎ ተይዟል።እዚህ ላይ የሀገር ጸጥታ ማስከበር የመንግስት ኃላፊነት መሆኑ ይታወቃል። የእገታ ወንጀል የመሰለ የተለያዩ ባለሃብቶች እና የራሱ የመንግስት አንዳንድ የጸጥታ አካላት በተሳተፉበት ወንጀሎች አንጻር የህዝብ ተሳትፎ ከሌለ ባደጉት ሀገሮችም ጭምር አስቸጋሪ ነው።

የእገታ ወንጀል ተሳታፊ አካላት

የእገታ ወንጀል ተሳታፊ አካላት አራት ናቸው።እነርሱም፡ 

• ሸኔ ብሎ ራሱን የሚጠራው ቡድን፡ 

ሸኔ ከሰሜን ሸዋ እስከ ወለጋ በርካታ ዜጎች አግቷል፣ህይወት አጥፍቷል።

• ፋኖ ብሎ እራሱን የሚጠራው ቡድን፡

በአማራ ክልል ፋኖ ሰው አላገተም ብለው ለሚናገሩ። የፋኖ ዘመድ ናቸው የተባሉ ሳይታወቁ ሲታገቱ፣የፋኖ አባላት ደውለው ማስለቀቃቸው ያገቱት እነማን እና የት እንደሚገኙ ያውቃሉ ለሚለው አባባል ማረጋገጫ ነው።

• ተራ ወንጀለኞች እና አንዳንድ ባለሃብቶች

በከተሞችም ሆነ በክልሎች የህገወጥ ታጣቂዎች መብዛት ወንጀለኞች ማገትን የገንዘብ ማግኛ መንገድ አድርገውታል።

• አንዳንድ የመንግስት የጸጥታ አካላት

የእገታ ወንጀለኞች እኩይ ተግባር የሚሸፋፈነው እና የወንጀል ክትትሉ ደካማ እንዲሆን ያደረገው የአንዳንድ የመንግስት የጸጥታ አካላት የወንጀሉ እና ወንጀሉን ተከትሎ ከሚገኘው ገንዘብ ተካፋይ መሆን ነው።

ለችግሩ የመፍትሄ አካላት ሁለት ናቸው

ለችግሩ የመፍትሄ አካላት ህዝብ እና መንግስት ናቸው።

ሁለቱ አካላት ምን ይስሩ?

ሁለቱ አካላት ማለት ህዝብ እና መንግስት ምን ይስሩ? ለሚለው ጥያቄ።

ህዝብ

• ህዝብ ከእድር እስከ እቁብ፣ከአብያተ ክርስቲያናት እስከ መስጂድ በጉዳዩ ላይ መድረክ ከፍቶ መወያየት አለበት፣
• ህዝብ አካባቢው የሚጠረጥረውን ቤት፣መንደር እና ጉረኖ መፈተሽ ከእገታ ጋር የተያያዘ በቀጥታም ሆነ በተዘዋዋሪ የተነካኩ ሁሉ ማጋለጥና ወደ ህግ ማቅረብ ይህ ሁሉ ደግሞ በከፍተኛ ህዝባዊ ንቅናቄ መደገፍ አለበት።
• ንቅናቄው ሁለት ዋና ዋና ተግባራት ሊኖሩት ይችላሉ።እነርሱም ፡
• በእገታ ፈጻሚዎች እና በዙርያው በተሳተፉ ላይ ማኅበራዊ ቅጣት ማጥበቅ፣
• ወንጀሉን የፈጸሙ በፎቶም ጭምር በአደባባይ ማጋለጥ፣ለህግ ማቅረብ እና የህግ ሂደቱን መከታተል።

መንግስት

• በእገታ ወንጀል በቀጥታም ሆነ በተዘዋዋሪ የተሳተፉ ላይ የሞት ቅጣት የሚያሳልፍ ህግ ማውጣት፣
• በመንግስት የጸጥታ አካላት ውስጥ ሆነው የወንጀሉ ተባባሪዎች ላይ ተመሳሳይ እስከ የሞት ቅጣት የሚያደርስ ቅጣት መወሰን።
• የጸጥታ ጥበቃ ኃላፊነቱ ከህዝብ ጋር የተሰናሰነ እንዲሆን ማድረግ እና 
• መገናኛ ብዙኃን በወንጀሉ ዙርያ የተሰሩ ስራዎች እና ወንጀለኞች ምንነታቸው እንዲገለጽ ማድረግ።

=================////==============