Friday, January 11, 2013

የ አገልግሎት ጥራት ¨ሎጎ¨(አርማ) በመቀያየር ይመጣልን? ቴሌ ¨ሎጎውን¨ለ ሶስተኛ ጊዜ ሊቀይር ነው

 







 የ ሚቀጥለው ¨ሎጎ¨ ምን ይሆን  ( ? )


ኢትዮዽያ ቴሌ ኮምዩኒኬሽን ኮርፖሬሽን ስራውን ¨የንፋስ ስልክ¨በሚል መቶ አመታት በፊት ዳግማዊ ሚኒሊክ ዘመን ይጀምር እንጂ ዘመናዊ መልክ 1952እአአቆጣጠር አዋጅ ቁጥር 131/52 ¨ ፖስታ፣ስልክና ቴሌግራፍ ሚኒስቴር¨ ስር ሆኖ ተመስረተ።

ዘመነ ደርግ '' ኢትዮዽያ ቴሌኮሙዩኒከሽን ባለስልጣን'' በማለት አቆጣጠር 1981ዓም አዋጅ ታወጀለት።

ኢህአዲግ በትረ ስልጣኑን ሲይዝ ስሙን ¨ ኢትዮጵያ ቴሌኮሙዩኒከሽን ኮርፖረሽን¨ብሎ አሁንም እንደ ፈረንጆቹ አቆጣጠር 1996 ዓም ሰየመው። ዘመነ ኢህአዲግ -ቴሌ መንግስት ያመነውም ሆነ ያላመነውም ቢልዮን የሚቆጠር ገንዘብ የተዘረፈበት፣በ ሺህ ሚቆጠሩ ሰራተኞች ግፍ የተባረሩበት፣አንድ ጊዜ ከቻይና ሌላ ጊዜ ለፈረንሳይ ተብሎ ወጥ አሰራር ያጣ ድርጅት መሆኑን ብዙዎች ይስማማሉ።

በቅርቡ ፈረንሳዩ ¨ፍራንስ ቴሌኮም¨ አስተዳደር ማሻሻያ ሥራ ሰላሳ ሚልዮን ኢሮ ክፍያ ከተፈፀመ በኃላ ኮንትራት ጊዜውን በያዝነው ወር ሲፈጽምና ሲሰናበት እንደ አቶ ደብረጽዮን(የድርጅቱ ቦርድ ሰብሳቢ አሁን ምክትል ጠቅላይ ሚኒስትር) አገላለጽ ¨የተፈለገው ጥራት ደረጃ አልተገኘም¨ ተብሎ እንኳ ለተከፈለው ገንዘብ ተጠያቂ ያልተገኘበት መስርያቤት ነው።

ከሁሉም የሚገርመው ሞባይል ኔት ዎርክ የተገጠመለት የመገናኛ አንቴናዎች ሲበላሹ ሌላ ካምፓኒ ስሪት የሆኑ መሳርያዎች ግዥ እንዳይፈጽም አለም ላይ ካለ ማንኛውም ሌላ መሳርያ ጋር የማይገጥም መሳርያ ¨ዘድ ¨ ቻይናው ኩባንያ ጋር 1.5 ቢልዮን ዶላር ውል ፈጽሞ ማስተከሉ ነው። ይህንንም አሰራር ብዙ የድርጅቱ ባለሙያዎች ቢቃወሙም ሰሚ አላገኙም።

ዛሬ ፅሁፌ መነሻ የሆነኝ ግን ''ሎጎ'' መቀያየር ሂደቱ ስላስገረመኝ ነው። ቴሌ ባለስልጣናት( ኢህአዲግ ከፍተኛ ባለስልጣናት) ንጉሱ ጀምሮ የነበረው አንበሳው ከበሮ ሲመታ የሚያሳየውንና በቀላሉ ከሰው አዕምሮ የማይጠፋውን ¨ሎጎ¨(አርማ) ሌላ ከቀየሩት ገና አመታት ሳይቆጠር አሁን ሶስተኛ ጊዜ ደግሞ ሌላ ሊቀየር መሆኑን ወደ አዲስ አበባ የተሰማው ዜና ያወሳል  መሆኑ ያደጉት ሃገሮች ንግድ ድርጅቶቻቸውን ¨ሎጎ¨(አርማ) መንግስታት ሲቀያየሩ የማይለውጡት ኩባንያዎች ትውልድ ተሻጋሪ ለማድረግ መሆኑን ቴሌ ባልስልጣናት ¨የንግድ ህግ¨ሲማሩ አስተማሪው አልነገራቸው ይሆን? ሌላው ደግሞ እያንዳንዱ ''ሎጎ'' ቅየራ የሚወጣው ወጪ ሆድ ይፍጀው። ድርጅቱ ደብዳቤ መፃፍያ ወረቀት ጀምሮ እስከ ብዙ መቶ የሚቆጠሩ መኪናዎቹ ላይ የሚለጠፍ በመሆኑ በገንዘብ የሚጠይቀው ወጪ ቀላል አይሆንም።በነገራችን ላይ አሁኑ ''ሎጎ'' የሚቀየረው ተመሳሳይ ምልክት አውሮፓ ተገኘ ተብሎ ነው። ቀድሞ ተመሳሳይ አለመኖሩን ማጣራት የአባት ነው። የነበረ ድርጅቱ በጡረታ ከተሸኙት ጀምሮ የድርጅቱን አገልግሎት አለም አቀፍ ደርጃ በ አጋር  ካምፓኒዎች ዘንድ የሚታወቅበት የቀደመ ''ሎጎ'' ቢመለስለት ብልህነት ነበር። አገልግሎት ጥራት ¨ሎጎ¨(አርማ) በመቀያየር እና ልምድ ያላቸውን ሰራተኞች በማባረር አይመጣምእና።

አበቃሁ
ጌታቸው
ኦስሎ

Post a Comment

GUDAYACHN BLOG started on August 28/2011 ኢሜይል አድራሻዎን በመሙላት ጽሁፎቹን መከታተል ይችላሉ/Follow by Email

በብዛት የተነበቡ/Popular Posts

ጉዳያችን በፌስ ቡክ ገፅ / GUDAYACHN ON FACE BOOK

https://www.facebook.com/gudayachn/?pnref=story