Tuesday, March 8, 2016

በኢትዮጵያ የጎዳና ተዳዳሪ ሕፃናት ቁጥር እየጨመረ ነው።100 ሺህ ሕፃናት በአዲስ አበባ፣በሌሎች ከተሞች ደግሞ 600ሺህ ሕፃናት የጎዳና ተዳዳሪ ናቸው።150ሺህ መንግስት ያመነው ቁጥር ነው።(ጉዳያችን)

በአዲስ አበባ የነገ ትውልድ ተረካቢዎች የትምህርት ጊዜያቸው እንዲህ እየባከነ ነው
 በኢትዮጵያ ምን ያህል ማኅበራዊ ቀውስ እየደረሰ መሆኑን እና ለእዚህም መንግስት ምንም የአጭር እና የእረጅም ጊዜ የመፍትሄ ሃሳብ የሌለው ነገር ግን በድንገት የጎዳና ተዳዳሪዎችን በሙያ አሰለጠንኩ እያለ መልሶ ወደ ጎዳና  እያወጣቸው መሆኑን የምናውቅ ብዙ አይመስለኝም። በተለይ ቁጥር ብዙ ነገርን ያመላክታል እና የችግሩ ግዝፈት ምን ያህል እንደሆነ ለማየት የዩኒሴፍ እና የኢሪን ሪፖርት መሰረተ በማድረግ እንደሚከተለው ለማቅረብ እሞክራለሁ።
ከጥቂት አመታት በፊት የተባበሩት መንግሥታት የሕፃናት አድን ድርጅት (UNICEF)፣ 4.6 ሚልዮን ሕፃናት ወላጅ አልባ መሆናቸውን እና በአዲስ አበባ ብቻ 30% የሚሆኑ እድሜያቸው በ10 እና 14 መካከል ያሉ ልጃገረዶች ከወላጆቻቸው ውጭ ይኖራሉ ይላል። በእዚህ ሪፖርት መሰረት ኢትዮጵያ በዓለም ላይ ቀዳሚ ከሚባሉት የጎዳና ተዳዳሪ ሕፃናት የበዛባቸው አገሮች ተርታ መሆኗንም ይሄው ሪፖርት አክሎ ያብራራል። ይህ አስደንጋጭ ሪፖርት ነው።
የቀድሞ የተባበሩት መንግሥታት የዜና ወኪል (ኢሪን (IRIN) (ካለፈው ዓመት ወዲህ ከተባበሩት መንግሥታት ጥገኝነት ወጥቶ በመላው ዓለም ከ200 በላይ ወኪሎቹ አማካይነት በግል የዜና ወኪልነት ቀጥሏል) ቀደም ባሉ አመታት እንደዘገበው በኢትዮጵያ የጎዳና ተዳዳሪዎች ቁጥር እራሱ የሰራተኛና ማኅበራዊ ጉዳይ ሚኒስቴር ያመነው 150 ሺህ ሲሆን የእርዳታ ድርጅቶች ግን በአዲስ አበባ ብቻ ቁጥሩን 100ሺህ ሲያደርሱት በሌሎች ከተሞች የሚገኙትን ሲጨምር ከግማሽ ሚልዮን በላይ ማለትም 600 ሺህ እንደሚደርስ በጥናታቸው እንደገለፁ ያብራራል።ይህ የሁሉም ሕብረተሰብ ኃላፊነት ቢሆንም በቀዳሚነት ግን በስልጣን ላይ ያለው መንግስት ቀዳሚ ኃላፊነት ነው። ከላይ የተጠቀሱት ሪፖርቶች ወዲህ በርካታ መፈናቀሎች እና የድህነት መጠኑም በከፍተኛ ሁኔታ መጨመሩ ይታወቃል።ይህ ማለት በአሁኑ ጊዜ ከላይ በዩኒሴፍም ሆነ በኢሪን የቀረቡት ቁጥሮች የበለጠ እንደሚሆኑ ይታመናል።ከእዚህ ጋር በተያያዘ በቅርቡ ለሕዝብ ይፋ በሆነ አንድ ጥናት ላይ የኢትዮጵያ የከተማ ነዋሪዎች ቁጥር እስከ 2030 እንደ አውሮፓውያን አቆጣጠር እስከ 40% እንደሚሄድ ያብራራል።ይህ እንግዲህ የአገልግሎት ዘርፉ እንጂ በርካታ ሰው የሚቀጥር ኢንዱስትሪ የሌላት አገር አሁንም መጪውን የከፋ ያደርገዋል። ይህ ማለት ደግሞ አንዳችም የረባ የድህነት ቅነሳ ስልትም ሆነ ፖሊሲ የሌለው ይልቁንም የአገሪቱን ሀብት ባብዛኛው ስልጣኑን ለማስጠበቅ የምታትር አምባገነን ህወሓት በስልጣን ላይ መኖሩ የችግሩ ዋና ምንጭ ሆኖ ይታያል።
በመጀመርያ ደረጃ ለጎዳና ተዳዳሪነት የሚዳረጉት ሕፃናት አንዱ ምክንያት የስርዓቱ አምባገነናዊ ፖሊሲ ውስጥ አንዱ ከእየቦታው በግድ የሚፈናቀሉ ነዋሪዎች ጉዳይ መሆኑ ይታወቃል።በአዲስ አበባ ብቻ በርካታ ሰው በግድ መሬቱን እንዲለቅ እየተደረገ ልጆቹን ለጎዳና ተዳርገዋል።ይህ እንግዲህ ከከተሞች አጎራባች ወረዳዎች ያለውን ሁኔታ ሁሉ ይጨምራል።
ሌላው እና ዋናው የችግሩ መነሻ የድህነት መጠን መጨመር ነው።ኢህአዴግ/ህወሓት ለዓለም አቀፍ ድርጅቶች የውሸት ቁጥር እየሰጠ አገሪቱ አድጋለች ድህነት ቀንሷል ይበል እንጂ በመሬት ያለው እውነታ ግን የተለየ ነው።ድህነት ለመቀነስ የተቀመጠ ስልትም ሆነ ባለሙያ በሌለበት ጥቂት የስርዓቱ ታዛዦች ብቻ እንደፈለጉ በሀብት ማማ ላይ በምንጠላጠሉባት አገር ውስጥ አብዛኛው ሕዝብ የበይ ተመልካች ሆኗል።ከእዚህ ሁሉ ግን አንዳንድ ሪፖርቶች ከመውጣታቸው በፊት በመንግስት ለይስሙላ የሚሰጡት  የማታለያ ዜናዎች የበለጠ የሚያሳዝኑ ናቸው። 
ሰሞኑን የፋና ድረ ገፅ የጎዳና ተዳዳሪዎች በሹፍርና፣በኤሌክትሪክ ሙያ አሰለጠንኩ ብሎ ለፎቶ እና ለፕሮፓጋንዳ የሚጠቀምበት መንገድ አሳዛኝነቱን ስንመለከት ምን ያህል በችግሩ ሰለባ ወገኖች ላይ እየተቀለደ መሆኑን ያሳያል።በመጀመርያ ደረጃ የጎዳና ተዳዳሪዎች ችግር የመሰልጠን እና ያለመሰልጠን ብቻ አይደለም።ችግሩ ከአገሪቱ ፖለቲካዊ ስር የሰደደ ችግር እና የተሳሳተ ፖሊሲ የመጣም ጭምር ነው። ሁለተኛ መንግስት ስጋት ባደረበት ጊዜ ሁሉ እየተነሳ የጎዳና ተዳዳሪዎች ማጎር እና ስልጠና እየሰጠሁ ነው ማለት በእራሱ ስልት የጎደለው ድህነትን የሚያህል ነገር በሺ የሚቆጠሩ ወጣቶችን ፎቶ በማሳየት የችግሩ ምንጭ እራሱ መንግስት እና ፖሊሲው መሆኑን ለመሸፋፈን የሚደረገው ሙከራ አካል ነው።ይህ ደግሞ የትም የማያደርስ እና ችግሩ ገዝፎ የሚመጣ ቀን ማጣፍያው እንደሚያጥር ለማወቅ ብዙም ምርምር አይፈልግም። ከሁሉም በላይ ደግሞ የአገሪቱ ገንዘብ በአራቱም ማዕዘናት በሙሰኛ ባለስልጣናት እየተዘረፈ፣ህወሓት ለድርጅቶቹ በዓል ማክበርያ ፣በውጭ የሚኖሩ ኢትዮጵያውያንን ለመሰለል፣ ኢሳትን እና ሌሎች ወደ አገርቤት የሚተላለፉ ሚድያዎችን ለማፈን ወዘተ በሚልዮን የሚቆጠር ገንዘብ እየከሰከሰ  መሆኑን ማሰብ እና በአንፃሩ የጎዳና ተዳዳሪዎች ከግማሽ ሚልዮን በላይ መናራቸውን መመልከት በእራሱ ኢትዮጵያ ትውልዷን እያጣች ያለችው እና ለእዚህም ዋና ምክንያቱ የመጥፎ አስተዳደር ሰለባነት መሆኑ በግልፅ ይታያል።አሁን የሚታየው እውነታ ይሄው ነው።ኢትዮጵያ በጎዳና ተዳዳሪ ሕፃናቷ ከአለም ቀደምቶቹ ውስጥ ገብታለች።
ጉዳያችን GUDAYACHN
www.gudayachn.com 
የካቲት 29/2008 ዓም (ማርች 8/2016)

Saturday, March 5, 2016

ትውልደ ኢትዮጵያዊው ኖርዌጅያን ኦከሎ አክዋይ ኦቻላ ከደቡብ ሱዳን በወያኔ ታፍኖ ከተወሰደ ሁለተኛ ዓመቱ።Norge, hvor er statsborger Okello Akway Ochalla?

Norge hvor er statsborger Okello Akway Ochalla? 
Det er nøyaktig to år siden Okello Akway Ochalla har blitt kapret fra Sør-Sudan Etiopia dagens regime.

ትውልደ ኢትዮጵያዊው የኖርዌይ ዜግነት ያለው  ኦከሎ አክዋይ ኦቻላ ከደቡብ ሱዳን በወያኔ ታፍኖ  ከተወሰደ  መጋቢት/2008 ዓም  ሁለተኛ ዓመቱ።  


Ochalla i Norge ኦቻላ (Photo Dagbladet News paper)
Ochalla with his childrens
 ኦቻላ ከልጆቹ ጋር ኖርዌይ (Photo Dagbladet News paper)



የ10 ዓመቱ የኦቻላ ልጅ ማርሆ አባቱ በወያኔ እንደሚገደል ሰምቶ ተክዟል። (ፎቶ የኖርዌይ ጋዜጣ ''ዳግብላደ'') Papuan oil Marho (10) for i Trondheim, men riskier dødsstraff i Ethiopia. .(Dagbladet Publisert 


ጉዳያችን GUDAYACHN 
www.gudayachn.com 

Friday, March 4, 2016

ሰበር ዜና- አዲስ አበባ ቅዱስ ሲኖዶስ ድንገተኛ ልዩ ስብሰባ ዛሬ ከሰዓት በኃላ ተቀምጧል።አቡነ ማትያስ ስብሰባው ሲጀመር ነው ያወቁት።



አዲስ አበባ የሚገኘው የኢትዮጵያ ኦርቶዶክስ ተዋኅዶ ቤተ ክርስቲያን ቅዱስ ሲኖዶስ ዛሬ የካቲት 25/2008 ዓም ድንገተኛ ስብሰባ ጠርቷል።ሐራ ዘተዋሕዶ የተሰኘው በቤተ ክርስቲያኒቱ ዙርያ መረጃ የሚሰጠው ድረ-ገፅ እንደገለፀው ስብሰባው የተጠራው በቋሚ ሲኖዶስ ሲሆን አጀንዳዎቹ ውስጥ: 
  • ስለ ሰላም እና ስለ ተቃጠሉ አብያተ ክርስቲያናት፤
  • በድርቁ ምክንያት ለተጎዱት ወገኖች እየተደረገ ስላለው ርዳታና ጸሎተ ምሕላ፤
  • ማዕከላዊነትን ስላልጠበቁ አሠራሮችና ስላስከተሏቸው ችግሮች፤
  • ከልዩ ጽ/ቤት ስለሚወጡ ደብዳቤዎችና መጻጻፎች በተመለከተ፤
  • የፓትርያርኩን የውጭ ጉዞዎች በተመለከተ፤ 
  • በፓትርያርኩና በማኅበረ ቅዱሳን ውዝግብ፣
  • በዐቢይ ጾም የጸሎተ ምሕላ ጉዳይ 
የሚሉት እንደሚጠቀሱ ድረ-ገፁ ያብራራል። በኢትዮጵያ ኦርቶዶክስ ተዋሕዶ ቤተ ክርስቲያን ከፓትርያርኩ በበለጠ ከፍተኛ የቤተ ክርስቲያኒቱ አካል ከመንፈስ ቅዱስ በታች ቅዱስ ሲኖዶስ መሆኑ ይታወቃል።ዛሬ አቡነ ማትያስ ስብሰባ እንደሚደረግ አለማወቃቸው እና በመጪው ሰኞ ስለምጀመረው አቢይ ፆም መግለጫ ሰጥተው እንደጨረሱ ተነስተው ለመውጣት ሲሉ ተመልሰው እንዲቀመጡ እና ሲኖዶሱ ድንገተኛ ስብሰባ እንደሚያደርግ በዋና ሥራ አስኪያጁ አቡነ ማትያስ እንደተነገራቸው ለማወቅ ተችሏል።

የኢትዮጵያ ኦርቶዶክስ ተዋሕዶ ቤተ ክርስቲያን ከ1984 ዓም ጅምሮ ፓትርያሪክ አቡነ መርቆርዮስ እና ሌሎች ብፁዓን አባቶች ከአገራቸው ተሰደው እንደሚገኙ እና በአገር ቤት እና በውጭ ''ሲኖዶስ'' በሚል አባቶች መለያየታቸው ይታወቃል። ሆኖም ግን ይህ ልዩነት ሃይማኖታዊ ወይንም ዶግማዊ ሳይሆን የሥርዓት መሆኑን እና በአገር ቤት ያለው የአምባገነን ስርዓት ለውጥ ከመጣ ቤተ ክርስቲያኒቱ አንድነቷን እንደምትጠብቅ የብዙዎች ተስፋ ነው።

አቡነ መርቆርዮስ ከአገር ሲሰደዱ መንበረ ጵጵስናውን የያዙት እና ከእዚህ ዓለም በሞት የተለዩት አቡነ ጳውሎስ በዘመናቸው በአባቶች መካከል ፍሬ ያፈራ የአንድነት ሥራ ሳይሰራ መኖሩ እና ይብሱንም ቤተ ክርስቲያኒቱ በዘመኗ አይታ የማታውቀው የለየለት የሙስና፣የገንዘብ ብክነት እና  ጎጣዊ አሰራሮች ሰፍነው ቆይተዋል።አቡነ ጳውሎስን የተኩት አቡነ ማትያስ በመንበራቸው በቆዩባቸው ሁለት አመታት ውስጥ ምንም አይነት የአሰራር መሻሻል ሳይታይ የቆየ ከመሆኑም በላይ ይብሱንም አቡነ ማትያስ የነገሮች አያያዝ አቅማቸው እና የቤተ ክርስቲያኒቱን ግንኙነት እንዲሁም በተለያየ ጊዜ የሚፈጥሯቸው አዳዲስ የግጭት ሜዳዎች ብዙዎችን እጅግ ሲያሳዝን የከረመ ጉዳይ ነው።

በሌላ በኩል ከአራት ቀናት በፊት  አቡነ ማትያስ ከካቶሊክ ፓፓ ፍራንሲስ ጋር በቫቲካን ተገናኝተው መምከራቸው ይታወሳል።የዛሬው የቅዱስ ሲኖዶስ ድንገተኛ የስብሰባ አጀንዳ ውስጥ አንዱ የፓትራሪኩን የውጭ ጉዞዎች የሚፈትሽ እንደሚሆን ተሰምቷል።

ባለፈ ሰኞ የካቲት 21/2008 ዓም አቡነ ማትያስ እና ፖፕ ፍራንሲስ በባቲካን ሲገናኙ 

ኢትዮጵያ የረጅም ዘመን ታሪክ ውስጥ የኦርቶዶክስ ተዋሕዶ ቤተ ክርስቲያን የሕዝቡን አንድነት እና ሰላም በመጠበቅ ረገድ የተጫወተችው ሚና እጅግ ከፍተኛ ነው።በአገር ውስጥ የሚነሱ ማናቸውም ከቁጥጥር ውጭ የሚሆኑ እና አገሪቱን አደጋ ላይ የሚጥሉ ሁኔታዎች ሲፈጠሩ እንደ ትልቅ ጉድለት የሚጠቀሰው አንድ ማዕከላዊ፣ገለልተኛ እና ተአማኒ አካል አለመኖር ነው።በተለይ ባለፉት 24 ዓመታት እንደ አገር ካጣናቸው እሴቶች አንዱ እና ትልቁ ይህ መሆኑ ይታወቃል።ይህንን ክፍተት ለመሙላት ደግሞ በቤተ ክርስቲያኒቱ መንበር ላይ የሚቀመጡ አባቶች ሚና ትልቅ ድርሻ አለው። 

ይህ እንዳይሆን ግን የቤተ ክርስቲያን አሰራር በሙሰኞች እና በስልጣን ላይ ባለው ስርዓት ጣልቃ ገብነት ቤተ ክርስቲያን የእራሷን የመልካም ስነ-ምግባር እና መንፈሳዊ ስርዓት የመምራት አቅም በየጊዜው እንዲዳከም እየተደረገ ነው።ይህ ሁኔታ ዞሮ ዞሮ የሚጎዳው እንደ አገር ኢትዮጵያን መሆኑ ሳይታለም የተፈታ ነው።የኢትዮጵይ ቤተ ክርስቲያን ግን ኢትዮጵያ በ18 ኛው ክ/ዘመን ተነስቶ እስከ 19ኛው አጋማሽ ድረስ የዘለቀው እና የአገሪቱን አንድነት በተፈታተነው ''የዘመነ መሳፍንት'' ወቅትም ብቸኛ የህዝብ አገናኝ ድልድይ እና ገላጋይ ሆና ቆይታለች።ለእዚህ ነው ኢትዮጵያን እንደ አገር ለማጥፋት የሚነሱ ኃይሎች ሁሉ በመጀመርያ ኢላማቸውን በቤተ ክርስቲያኒቱ ላይ የሚያደርጉት።

ጉዳያችን GUDAYACHN 

የካቲት 25/2008 ዓም 

Wednesday, March 2, 2016

ገጣሚና ድምፃዊ ቴዎድሮስ ካሣሁን (ቴዲ አፍሮ) ዛሬ ምሽት በማኅበራዊ ድረ-ገፁ የለቀቀው ግጥም አስተማሪ ነው።

ገጣሚና ድምፃዊ ቴዎድሮስ ካሣሁን (ቴዲ አፍሮ)  

እንደምን አመሻችሁ ውዱ ወዳጆቼ ፥ቆየት ካሉ ግጥሞቼ አንዱን እነሆ ፦

ጎራው ያለ እደሆን ባራምባራስ ደስታ
ዛራፍ ያለ እንደሆን ባራምባራስ ደስታ
ጠላት ይጠፋዋል መደበቂያ ቦታ።
ፊት አውራሪ ፍላቴ
ግራ አዝማች በሃፍቴ
አዛዥ ለጥ ይበሉ
ቀኝ አዝማች በአካሉ
ዣንጥራር ባያለው
ደጃዝማች እንዳለው
እንዲህ ነው ካልቀረ አንጀት አርስ ሹመት
ለድል የሚያበቃ ጦር ይዞ ቢዘመት።
የጣልያን ጄኔራል ኮኮቡን ደርድሮ
በሊጋባሞ ዜር ስንት አሳሩን ቆጥሮ
ድል አድርጎት የኛ ሰው ፎክረን በኩራት እንደተመለስን
ስልጣኔ መስሎን የሱን ስም ወረስን።
ማቹ ጄኔራል ነው ገዳይ ፊት አውራሪ
ስም እንዴት ይዋሳል ደፋር ሰው ከፈሪ
በጠላት ሬሳ ላይ ቆመን እያቅራራን
በድላችን ማግስት የኛን ሹመት ንቀን ከ ሆንን ኔተራል
ባናውቀው ነው እንጂ የዛን ቀን ሙተናል።
ኮኔሬል አይበሉን ያገሩን አርበኛ
ጄኔራል አይበሉን ያገሩን አርበኛ
ፈረንጅ አደለንም ሀበሻ ነን እኛ።
የሞች ስም አደለም የገዳይ ሰው ምሱ
በደም ተበላሽተዋል ባለ ኮከብ ልብሱ
ገድየው ሳበቃ ባስታጠቁኝ ወኔ
በሱ ስም አይጥሩኝ ቆሞ እንዲሄድ በኔ
ጄኔራል ድል ሆኖ ስላለፈች ነፍሱ
ይበሉ ጃንሆይ ሹመቴን መልሱ።
ፊት አውራሪ ካታካምቦ
ሊጋባ ዴሊቦ
አዛዥ ለጥ ይበሉ
ቀኝ አዝማች አካሉ
ዣንጥራር አበጋዝ
እንዲህ ነው አንጀት አርስ ሹመት
ለድል የሚያበቃ ጦር ይዞ ቢዘመት
ፍቃድዎ ከሆነ ግርማዊ ተፈሪ
እንዳገሬ ሹመት በሉኝ ፊት አውራሪ
በሞች ከመጠራት ስለ ሚሻል እሱ
ይበሉ ጃንሆይ ሹመቴን መልሱ።




ጉዳያችን GUDAYACHN 

Friday, February 26, 2016

የኢትዮጵያን ሰንደቅ ዓላማ ያልያዙ ኢትዮጵያውያን ሰልፈኞች መንግስት ጎረቤቶቻቸውን እና የአገሩን ቀደምት ነዋሪዎችን እንዲገድልላቸው ጠየቁ።


''ጉድ ሳይሰማ መስከረም አይጠባም'' ይላል ደጉ ኢትዮጵያዊ። አሁን አሁን መጪውን የመከራ ዘመን ለመቀበል እራሳቸውን ያዘጋጁ፣መካሪ ሽማግሌ ያጡ እና ጥጋብ የሚሰሩትን ያሳጣቸው በእሳት ሲጫወቱ ማየት የተለመደ ሆኗል።

ከእዚህ በላይ የምትመለከቱት ፎቶ አፍቃሪ ሕወሃቱ ፋና ብሮድካስቲንግ በድረ ገፁ ላይ የሰቲት ሁመራ ነዋሪዎች የአካባቢው ቀደምት ነዋሪዎች አማራ ነን ትግሬ አይደለንም  በማለታቸው ብቻ ትግሪኛ ተናጋሪዎች ሰልፍ መውጣታቸውን ከዘገበበት ገፅ ላይ የተወሰደ ነው።

በፎቶው ላይ እንደምትመለከቱት የኢትዮጵያ ሰንደቅ ዓላማ የለም በሚባል ደረጃ ሁለት ወይንም ሶስት ብቻ ትመለከታላችሁ።የቀረው በሙሉ ከኢትዮጵያ ጡት ያደገ በማይመስል መልክ (ተገዶ መሆኑን የሚገልፁ አሉ) የኢትዮጵያ ሰንደቅ ዓላማ ተሽቀንጥሮ በህወሓት አርማ ሰቲት ሁመራ ላይ ተሰልፈዋል። 

ዜናውን ፋና እንዳለው ብቻ ላቅርበው እና ሰልፈኞቹ መንግስትን ጎረቤቶቻችንን ይግደልልን ማለታቸውን አንብባችሁ ፍረዱ።በመጀመርያ ደረጃ በሰቲት ሁመራ፣በታች አርማጮ የአማራ ተወላጅ ነን ትግርኛ ብንናገርም ባህላችን፣ለቅሷችን፣ ሁሉ በአማራ ባህል ነው።በሚል በሰላማዊ እና በሰለጠነ መልክ ለመጠየቅ አዲስ አበባ ድረስ ተወካይ የላከው የሁመራ ሕዝብ ተወካዮቹ ታፈኑበት።እንግዲህ ይህንን በሰላማዊ መንገድ ለተጠየቀ ጥያቄ ነው ሰልፍ ተወጥቶ እንደ ፋና አገላለፅ ሰልፈኞቹ  እርምጃ ይወሰድልን አሉ ያለን።እንዲህ ይነበባል: -

''ህዝቡ እነዚህን አካላት እስካሁን በትዕግስት ጠብቋቸዋል ያሉት ነዋሪዎቹ፥ ከአሁን በኋላ ግን መንግስት አስፈላጊውን ህጋዊ እርምጃ እንዲወስደባቸው ጠይቀዋል።'' 

በትዕግስት ጠበቃቸው የተባሉት ስለ ሁለት ነገር ነው ማለት ነው? አንዱ ቀድመው ነዋሪ ስለሆኑ ባህላችን ይጠበቅ በማለታቸው ሲሆን ሁለተኛው ይህንን መብታቸውን ደጋግመው በሰላማዊ መንገድ መጠየቃቸው ነው።

ለጥያቄው ምላሽ የሕወሃቱ የምስራቅ ትግራይ አስተዳዳሪ አቶ ኢሳያስ በምላሹ እንዲህ አሉ ይላል ፋና :- ''የህዝቡን ጥያቄ ለማክበርም በእነዚህ አካላት ላይ ህጋዊ እርምጃ እንወስዳለን''

በቀይ ሽብር ዘመን እርምጃ ወስደናል ማለት ገድለናል ማለቱ መሆኑን ማንም ያውቀዋል።በፋና ዘገባም ሕዝብ ''እርምጃ ይወሰድ'' አለ ማለት ''ይገደሉልን'' ማለቱ ሲሆን ''እርምጃ እንወስዳለን'' አሉ ሲል ደግሞ ''እንገላለን'' ማለት መሆኑ ነው።እነማንን ሲባል ጎረቤቶቻቸውን እና ቀደምት ነዋሪዎችን።ምክንያት ባህላችን ይከበር በግድ ከመሬታችን ተገፋን ስላሉ።

ይህ አይነቱ የለየለት መንግስታዊ ፋሺዝም በኢትዮጵያ ላይ ነግሶ ሰላም ይመጣል ማለት ዘበት ነው።በኦሮምያ በመቶ የሚቆጠሩ በጥይት እረግፈው እና የአስር እና አስራሁለት ዓመት ወጣቶች አደባባይ ወጥተው ድምፅ አሰሙ ብሎ ጥይት በተርከፈከፈባቸው እና መድረክ አዲስ አበባ ላይ ሰልፍ ለመጥራት ጠይቆ በተከለከለ ማግስት  ሁመራ ላይ የሕወሃትን ሰንደቅ አላማ የያዙ ሰልፈኞች ጎረቤቶቻችንን ግዴልልን ብለው መንግስትን ጠየቁ መንግስትም እሺ እንገላለን አለ።የሚል ዜና የሚገኘው ፋና ድረ-ገፅ ላይ ብቻ ነው።ሰልፈኞችም ባይሰልፉ ቢቀር መልካም ነበር።ሽማግሌዎች (ሽማግሌ ካለ) ተሰብስበው ቢነጋገሩ እና መላ ቢዘይዱም ጥሩ ነበር።ነበር ለማለት ነው እንጂ ለህወሓት ከሁሉ በላይ የሆነ ስለመሰለው ፋሽሽታዊ ልብሱን በደንብ እያጠለቀ ነው።ለነገሩ ከቁንጮ እስከ እግር ድረስ በአንድ አካባቢ ሰው የምትመራ አገር በፋሽሽት መሪዎች እጅ  ብትወድቅ  አይገርምም።  
ይህ ስርዓት ከትናንቱ ይልቅ መጪው ፋሽሽታዊ አላማው ከመቼውም ጊዜ በላይ አሁን በግልፅ ታይቷል።


ጉዳያችን GUDAYACHN
www.gudayachn.com 
የካቲት 19/2008 ዓም 

Thursday, February 25, 2016

Breaking News Ethiopia:- High tension between Ethiopia and Eritrea border (GUDAYACHN NEWS)



Armed opposition force,Patriotic-Ginbot 7 lead by Prof. Birhanu Nega (US educated economist) is a day to day talk in the capital Addis Ababa and other far remote areas of Ethiopia.On Thursday February 25/2016, Washington based Ethiopian Satellite Televicion   (Esat) stated as TPLF is pushing its army to the border area between Ethiopia and Eritrea.The army is approaching to the border in two different fronts namely HUMERA and BADIMA.Many believes the main expected target of TPLF in this particular movement is Patriotic-Ginbot 7 for peace,democracy and freedom movement. 


For the last two months, TPLF was in critical time with popular uprising in Oromia regions. The ethno-centric regime of Ethiopia has controlled the political, economical and military power of the country for the quarter- century of the past.The Ethiopian people is tired of the regime. The demand for democratic change, both at home and abroad, is highly and eagerly expected by most Ethiopians. If the clash between Patriotic-G7 and TPLF army is brake out, another and non-reversible popular uprising is expected in every corner of the nation.

It is recalled that few days back the United States and Norway embassies in Addis Ababa  were issued a press release to their citizens not to travel far from the capital, Addis Ababa.


ጉዳያችን GUDAYACHN 
www.gudayachn.com 

February 26/2016