Monday, September 7, 2015

ሰበር ዜና - አርበኞች ግንቦት ሰባትን ጨምሮ አራት በኤርትራ የሚንቀሳቀሱ ኃይሎች የጋራ ንቅናቄ ዛሬ ጳጉሜ 2/2007 ዓም መሰረቱ።የንቅናቄው ስም የኢትዮጵያ ሀገር አድን በዲሞክራሲ የጋራ ንቅናቄ ተብሏል።



ኢሳት ቴሌቭዥን በኢትዮጵያ ሰዓት አቆጣጠር ሰኞ ለማክሰኞ ከእኩለ ሌሊት በኃላ ከለሊቱ 7 ሰዓት ከ30 ላይ ባሰራጨው የቴሌቭዥን ስርጭት ላይ የሚከተለው ዜና ተነቧል።

በኤርትራ የሚንቀሳቀሱ አራት በትጥቅ ትግል የተሰማሩ ኃይሎች በዛሬው እለት የጋራ ንቅናቄ መሰረቱ እነርሱም

1ኛ/ የአፋር ድርጅቶች የጋራ ንቅናቄ፣

2ኛ/ የትግራይ ሕዝብ ዲሞክራሲያዊ ንቅናቄ፣

3ኛ/ የአማራ ሕዝብ ዲሞክራሲያዊ ንቅናቄ እና

4ኛ/ አርበኞች ግንቦት ሰባት ንቅናቄ

ዛሬ በጋራ ለመስራት በመስማማት የኢትዮጵያ ሀገር አድን በዲሞክራሲ የጋራ ንቅናቄን  መመስረታቸውን አስታውቀዋል።

የኢትዮጵያ ሀገር አድን በዲሞክራሲ የጋራ ንቅናቄ ዛሬ በይፋ ሲመሰረት ዶ/ር ብርሃኑ ነጋን ሊቀመንበር፣አቶ ሞላ አስገዶምን ምክትል ሊቀመንበር አድርጎ መምረጡን ለማወቅ ተችሏል።በሌላ በኩል ከአራቱ አባል ድርጅቶች የተውጣጣ የጋራ ሰራዊት መመስረቱ ተገልጧል።የኢትዮጵያ ሕዝብ ሳይወድ በግድ የህዝባዊ አመፅ እንዲቀበል ተገዷል ያለው የሀገር አድን ንቅናቄ  መግለጫ የህዝባዊ ሀርነት ትግራይን አገዛዝ ለማስወገድ የጋራ እንቅስቃሴውን በይፋ መጀመሩን አስታውቁአል።በቀጣይ ሌሎች የነፃነት ኃይሎችን ለማካተት ውይይት እየተደረገ መሆኑን የኢሳት ምንጮች ገልፀዋል።አራቱ የሀገር አድን ንቅናቄ አባል ድርጅቶች ከዛሬ ጀምሮ የነፃነት ትግሉን እንዲምያፋፍሙት አስታውቀዋል።

የዜናው ምንጭ ኢሳት ቴሌቭዥን ሰበር ዜና ጳጉሜ 3/2007 ዓም (ኦገስት 8/2015)

ጉዳያችን GUDAYACHN BLOG

Saturday, September 5, 2015

የቀዳማዊ አፄ ኃይለ ስላሴ የ1947 ዓም የታሪካዊው የጀርመን ጉብኝት የሚያሳዩ ከ100 በላይ የሆኑ ውብ እና ታሪካዊ ፎቶዎች ይመልከቱ። His Majesty Haile Selassie First visit to Germany in 1954 (Look! OVER 100 SO BEAUTIFUL and HISTORICAL PHOTOS)

ቀዳማዊ አፄ ኃይለ ስላሴ ከስልጣን ከወረዱ በመጪው መስከረም 2 ቀን አርባ አንደኛ አመታቸው ይሆናል።
ከእዚህ በታች ያሉት ፎቶዎች የተገኙት ከጀርመን የመረጃ እና ህትመት ማዕከል ነው። መረጃውን በፌስ ቡክ ገፁ ላካፈለን ጆነስ ፈይ (Joannes Fey) ምስጋና ይገባዋል።ይህ የታሪካችን አካል ነው።ይህ ከሀገራት ጋር በእኩል ደረጃ የምንነጋገብርበት ዘመን ላይ እንደነበርን የምናይበት መስታወት ነው።ይህ ዲፕሎማስያችን በመከባበር ላይ የተመሰረተ እና ኢትዮጵያ የነበራትን ክብር ጥቂት አመታትን ብቻ  ወደ ኃላ ዘወር ብለን በማየት የምንረዳበት ማስረጃ ነው።

አዎን! ይህ መሠረታችን ፅኑ ስለነበር ይህንን  ከሀገራቱ ጋር የነበረንን በእርዳታ ሰጪ እና ነሺ ላይ ሳይሆን በመከባበር እና በጋራ ጥቅም ላይ የተመሰረተ ግንኙነት መልሶ ለማምጣት እና ኢትዮጵያን ከእነ ክብሯ ለመጪው ትውልድ ለማስተላለፍ አሁንም ትልቅ ዕድል እንዳለን ማሳያም ነው።
Source -  "Information and Press Centre of the Federal Republic of Germany"   (IPCFRG)






















































































































Source -  "Information and Press Centre of the Federal Republic of Germany"   (IPCFRG)

ጉዳያችን GUDAYACHN BLOG
ነሐሴ 30/2007 ዓም (ኦገስት 5/2015)